Woraaferasheenaꞌo 11
11
1Gilaadee showee asho Yofitaahi ginee anaamone; tunebaani yahechi ureechi bushoone; bi nihoo shigo Gilaadi getteehe. 2Gilaadi mechee anaami bushiishoon shiyahan. Ebi bushiishoo diccii oogeꞌi, Yofitaahin “Ne indee baree bi tunetoyich, no nihoochi gijjoochee amoonolla woraashaachemmo neene” iꞌi yookkiyeete. 3Biyoo bi maneenaꞌo waanee muriccii hammii, Xoobee showooch kotehe. Gaacaalli asheenaꞌo kiceeꞌi biin dabbiyeete.
4Ebiyee gubb, Amooneenaꞌo Israꞌeeleenaꞌona koyeya hammiyeete. 5Amooneenaꞌo koyeya hammimmona, Gilaadee showee geeneenaꞌo Yofitaahin Xoobee showoochee deebooch hammiyeete. 6Boonoshiyoo biin “Amooneenaꞌona no koyemmoyich, waaree no toommooch iraashebe” iyeete.
7Tunebaani Yofitaahi boonoshich wochiꞌi, “Taan shixxiꞌi, ta nihoo kexoochee taan yoohaano ittoshine? And ittoshi duꞌetoyich, illa aakkiya ta waan waahote?” iye.
8Gilaadee showee geeneenaꞌo Yofitaahich “Tunebaani and ne waan wottaꞌa waato noone; ne waan no waato, noonna tookki hamiree Amooneenaꞌona ne koyemmonaa Gilaadee showooch beeti no bulli toommooch ne iraashemmonoyichiye” iyeete.
9Yofitaahiyoo boonoshich wochiꞌi, “Amooneenaꞌona ta koyemmoyich ta showooch taan ittoshi daamaa, Doono Yeeriyoo boonoshin ta kishooch beshiiꞌi bi imigaata, iberoon ittoshi toommooch iraashehote?” iꞌi echehe.
10Boonoshiyoo “Doono Yeeri no daggooch miixoo tunebe. Iberoon ebi ne getteton tuniyemmo noone” iyeete. 11Ebina Yofitaahi Gilaadee showee geeneenaꞌona tookkii tiyii hammiye. Asheenaꞌo biin boonoshi toommooch wulloonaa iraashoonon tuniiheete. Yofitaahiyoo bi gettiti qaaro bullin Doono Yeeri aafoochaa, Mitsiphaa gettiye.
12Aroochee Yofitaahi Amoonee taatoo waan wocheyechinaꞌon daachiiꞌi, “No showoon kocha ne waabeeto, neennaa noonna daggooch beeti kaaro amoone?” iye.
13Amoonee taatoo wocheyechinaꞌoyich ishichiye: “Ebin ta tuniyaabeeto, Israꞌeeleenaꞌo Gibitsee kechiꞌi boonoshi waa beehooba, Arinooni aacoochee tiijjiꞌi Yaabooqi aaconaa Yoordaanoosi aaconooch beddaahaa beeti ta showoon boonoshi deqqitoyichiye. Illa and diggoona wochibote” iye.
14Yofitaahiyoo Amoonee taatoo waan wochinnoon wocheyechinaꞌon daachiihe. 15Biyoo ishichiye: “Israꞌeeleenaꞌo Moꞌabee showoon tuneba Amoonee showoon deꞌaaneenaꞌone. 16Israꞌeeleenaꞌo Gibitsee boonoshi waahooba, barahoona besheꞌi Ceelle baharooch shaggii, aroochee Qadeesh hammiyeete. 17Aroochee Israꞌeeleenaꞌo Edoomee taatoo waan wocheyechinaꞌon daachiiꞌi, ‘Ne showoona kuxi no beshemmoyich daaggibe’ iꞌi qolleheete. Tunebaani Edoomee taatoo boonoshi qolloon waayeyaache iye.#Had. 20:14-21 Moꞌabee taatoyichoo ebiyoommon wochee daachiiheete. Biyoo daaggemmon qajjiye. Ebich Israꞌeeleenaꞌo Qadeeshi koteheete.
18“Aroochee Edoomee showoonaa Moꞌabee showoonon guuddiibee, barahoona hammiyeete. Moꞌabee showoochaa aabi-keyo waan shaggii, Arinooni aachee beqach besheꞌi, kaamboon geddii arooch koteheete. Moꞌabee showee daaro Arinooni aaco bi tunetoyich, Moꞌabee showooch giyaaneenaꞌone.#Had. 21:4
19“Aroochee wotta Israꞌeeleenaꞌo Heshibon beechii hajjiibeeti Amooreenaꞌo taatoo Sihoon waan wochoon daachiiꞌi, ‘Ne showoona kuxi besheree no showooch no hammemmoyich daaggibe’ iꞌi qolleheete. 20Tunebaani Sihooni Israꞌeeleenaꞌo bi showoona kuxi boonoshi beshemmoyich daaggoyich, boonoshin gibenemmon qajjiye. Biyoo bi ginee naayinaꞌon Yahaatsi kicii, arooch kaamboon geddiꞌi Israꞌeeleenaꞌona koyehe.
21“Tunebaani Israꞌeelee Nuggishoo Doono Yeeri Sihooninaa bi ginee naayinaꞌonon Israꞌeeleenaꞌo kishooch beshiiꞌi imaa, boonoshin kochii wochiyeete. Ebina Israꞌeeleenaꞌo are showooch beeti Amooreenaꞌo showoo bullin yechiyeete. 22Arinooni aacoochee Yaabooqi aacooch beddaahaa, wotta barahoochee Yoordaanoosi aacooch beddaahaa beeti Amooreenaꞌo showoo bullin woraashiyeete.#Had. 21:21-24 23Israꞌeelee Nuggishoo Doono Yeeri bi asheenaꞌo tuneti Israꞌeeleenaꞌo aafoochee Amooreenaꞌon yookkii aalliihe. Ne, ebi showoon deꞌoyich qaawaa beetine? 24Ne nuggishoo Kemooshi neech immiton yeshaachine? Nowoo no Nuggishoo Doono Yeeri no aafoochee yookkii bi kichitinaꞌo showoon woraashemmo noone. 25Ne, Moꞌabee taatoo, Tsifoori bushoo Balaaqiyee beshenne? Bi Israꞌeeleenaꞌona kaaretone? Boonoshina koyetone?#Had. 22:1-6 26Israꞌeeleenaꞌo Heshiboni katemoonaa bi guudoona beeti gafoonooch, Aroꞌeeri katemoonaa bi guudoona beeti gafoonooch, wotta Arinooni aachi gasheexi katemeenaꞌo bulliich keejje balle naton kotetinaꞌone. Ishigaata, arooba amoyich wochii deꞌaachote? 27Ta neen xuꞌaano taane; tunebaani ne taanna tookkaa koyoona taan xuqqeto neene. Ebich nallechi Doono Yeeri hanaach Israꞌeeleenaꞌonaa Amooneenaꞌonochi daggooch nallibe” iye. 28Tunebaani Amoonee taatoo ebi Yofitaahi wocheti wochoon waayemmon qajjiye.
29Aroochee Doono Yeerichi Ayaano Yofitaahi toommooch kindiye. Biyoo Gilaadee showoonaa Minaasi yoodeenaꞌo showoonon kuxxii besheꞌi hammiye. Aroochee Gilaadee showooch beeti Mitsiphi katemooch besheꞌi Amooneenaꞌo beeto waan hammiye. 30Yofitaahi Doono Yeerich ishichiꞌi mookkehe: “Amooneenaꞌon ta kishooch beshiyaꞌa ne imigaata, 31boonoshin kochaa wochaꞌa ta kexooch ta wottehooba, taanna daneya ta kexoochee maach kechimmoo koniyoona Doono Yeeri neech tunemmone; tawoo micciibeeti deejjoon tuniiree ebi aroon giddiyemmo taane” iye.
32Ebina Yofitaahi Amooneenaꞌona koyeya aacon kimmiꞌi hammiye; Doono Yeeriyoo boonoshin bi kishooch beshiiꞌi immiye. 33Aroꞌeeri katemoochee tiijjiꞌi Miniti katemee katinooch beddaahaa, wotta Abeel Keramiim beddaahaa beeti hiye katemeenaꞌooch beeti asheenaꞌon ciroona wuxii ciichiye. Ebina Amooneenaꞌo Israꞌeeleenaꞌo aafooch giisheheete.
Yofitaahi Bushee Mooyo
34Aroochee Yofitaahi Mitsiphi katemooch beeti bi kexooch wottehe; bi busheyoo kamboon yexxaa, duubbaa capphaabee biinna daneya kechahan. Ebi bushee biich ikke mixxe busheene; biyee besh maachee tunebu anaamo ciroona biich aalloone. 35Biin bi beeggiyooba, ayinoona bi tahoon keexxiꞌi “Ye ta busheene! Taan aalliinne! Taan xuuxee toommooch duppenne! Echiyoon ta hakkaani mookkoon Doono Yeerich mookketo taane” iye.#Had. 30:2
36Biyoo ishichiyan: “Ta nihoocho, Doono Yeeri ne etteenaꞌo tuneti Amooneenaꞌo toommooch nichoon kichitone; illa Doono Yeerich mookketo ne tunegaata, ebi ne mookketoommon ta toommooch tuniibe. 37Tunebaani ikke mooyon baach ta tuniyemmoyich taach daaggibe. Ebiyoo ta nuucheenaꞌona tookki geppee toommooch hamiree, keyi kindibee, gidiidee tunaabee ta qitoyich gutte agenoon ta eeppemmoyichiye” iyan.
38Biyoo “Hambe” iꞌi gutte agenee wottoon daaggiye. Kenoon shaagaanoon qitemmi bi tunetoyich, biinnaa bi nuucheenaꞌona hammiꞌi geppee toommoochaa eefeheete. 39Gutte agenoyee gubb, bi nihoo waan wottaꞌa waahan. Biyoo bi mookketoommon tuniihe. Busheyoo anaamona tookkaa qeyaa ariyaaneene.
Aroyee gubb, ebi mooyo Israꞌeelee showooch doyoo tuneꞌi, 40Israꞌeelee maache bushiisheenaꞌo nati natona hammiꞌi, awudde qemi wottoon Gilaadechi Yofitaahi bushech eeppii beeheete.
Currently Selected:
Woraaferasheenaꞌo 11: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Woraaferasheenaꞌo 11
11
1Gilaadee showee asho Yofitaahi ginee anaamone; tunebaani yahechi ureechi bushoone; bi nihoo shigo Gilaadi getteehe. 2Gilaadi mechee anaami bushiishoon shiyahan. Ebi bushiishoo diccii oogeꞌi, Yofitaahin “Ne indee baree bi tunetoyich, no nihoochi gijjoochee amoonolla woraashaachemmo neene” iꞌi yookkiyeete. 3Biyoo bi maneenaꞌo waanee muriccii hammii, Xoobee showooch kotehe. Gaacaalli asheenaꞌo kiceeꞌi biin dabbiyeete.
4Ebiyee gubb, Amooneenaꞌo Israꞌeeleenaꞌona koyeya hammiyeete. 5Amooneenaꞌo koyeya hammimmona, Gilaadee showee geeneenaꞌo Yofitaahin Xoobee showoochee deebooch hammiyeete. 6Boonoshiyoo biin “Amooneenaꞌona no koyemmoyich, waaree no toommooch iraashebe” iyeete.
7Tunebaani Yofitaahi boonoshich wochiꞌi, “Taan shixxiꞌi, ta nihoo kexoochee taan yoohaano ittoshine? And ittoshi duꞌetoyich, illa aakkiya ta waan waahote?” iye.
8Gilaadee showee geeneenaꞌo Yofitaahich “Tunebaani and ne waan wottaꞌa waato noone; ne waan no waato, noonna tookki hamiree Amooneenaꞌona ne koyemmonaa Gilaadee showooch beeti no bulli toommooch ne iraashemmonoyichiye” iyeete.
9Yofitaahiyoo boonoshich wochiꞌi, “Amooneenaꞌona ta koyemmoyich ta showooch taan ittoshi daamaa, Doono Yeeriyoo boonoshin ta kishooch beshiiꞌi bi imigaata, iberoon ittoshi toommooch iraashehote?” iꞌi echehe.
10Boonoshiyoo “Doono Yeeri no daggooch miixoo tunebe. Iberoon ebi ne getteton tuniyemmo noone” iyeete. 11Ebina Yofitaahi Gilaadee showee geeneenaꞌona tookkii tiyii hammiye. Asheenaꞌo biin boonoshi toommooch wulloonaa iraashoonon tuniiheete. Yofitaahiyoo bi gettiti qaaro bullin Doono Yeeri aafoochaa, Mitsiphaa gettiye.
12Aroochee Yofitaahi Amoonee taatoo waan wocheyechinaꞌon daachiiꞌi, “No showoon kocha ne waabeeto, neennaa noonna daggooch beeti kaaro amoone?” iye.
13Amoonee taatoo wocheyechinaꞌoyich ishichiye: “Ebin ta tuniyaabeeto, Israꞌeeleenaꞌo Gibitsee kechiꞌi boonoshi waa beehooba, Arinooni aacoochee tiijjiꞌi Yaabooqi aaconaa Yoordaanoosi aaconooch beddaahaa beeti ta showoon boonoshi deqqitoyichiye. Illa and diggoona wochibote” iye.
14Yofitaahiyoo Amoonee taatoo waan wochinnoon wocheyechinaꞌon daachiihe. 15Biyoo ishichiye: “Israꞌeeleenaꞌo Moꞌabee showoon tuneba Amoonee showoon deꞌaaneenaꞌone. 16Israꞌeeleenaꞌo Gibitsee boonoshi waahooba, barahoona besheꞌi Ceelle baharooch shaggii, aroochee Qadeesh hammiyeete. 17Aroochee Israꞌeeleenaꞌo Edoomee taatoo waan wocheyechinaꞌon daachiiꞌi, ‘Ne showoona kuxi no beshemmoyich daaggibe’ iꞌi qolleheete. Tunebaani Edoomee taatoo boonoshi qolloon waayeyaache iye.#Had. 20:14-21 Moꞌabee taatoyichoo ebiyoommon wochee daachiiheete. Biyoo daaggemmon qajjiye. Ebich Israꞌeeleenaꞌo Qadeeshi koteheete.
18“Aroochee Edoomee showoonaa Moꞌabee showoonon guuddiibee, barahoona hammiyeete. Moꞌabee showoochaa aabi-keyo waan shaggii, Arinooni aachee beqach besheꞌi, kaamboon geddii arooch koteheete. Moꞌabee showee daaro Arinooni aaco bi tunetoyich, Moꞌabee showooch giyaaneenaꞌone.#Had. 21:4
19“Aroochee wotta Israꞌeeleenaꞌo Heshibon beechii hajjiibeeti Amooreenaꞌo taatoo Sihoon waan wochoon daachiiꞌi, ‘Ne showoona kuxi besheree no showooch no hammemmoyich daaggibe’ iꞌi qolleheete. 20Tunebaani Sihooni Israꞌeeleenaꞌo bi showoona kuxi boonoshi beshemmoyich daaggoyich, boonoshin gibenemmon qajjiye. Biyoo bi ginee naayinaꞌon Yahaatsi kicii, arooch kaamboon geddiꞌi Israꞌeeleenaꞌona koyehe.
21“Tunebaani Israꞌeelee Nuggishoo Doono Yeeri Sihooninaa bi ginee naayinaꞌonon Israꞌeeleenaꞌo kishooch beshiiꞌi imaa, boonoshin kochii wochiyeete. Ebina Israꞌeeleenaꞌo are showooch beeti Amooreenaꞌo showoo bullin yechiyeete. 22Arinooni aacoochee Yaabooqi aacooch beddaahaa, wotta barahoochee Yoordaanoosi aacooch beddaahaa beeti Amooreenaꞌo showoo bullin woraashiyeete.#Had. 21:21-24 23Israꞌeelee Nuggishoo Doono Yeeri bi asheenaꞌo tuneti Israꞌeeleenaꞌo aafoochee Amooreenaꞌon yookkii aalliihe. Ne, ebi showoon deꞌoyich qaawaa beetine? 24Ne nuggishoo Kemooshi neech immiton yeshaachine? Nowoo no Nuggishoo Doono Yeeri no aafoochee yookkii bi kichitinaꞌo showoon woraashemmo noone. 25Ne, Moꞌabee taatoo, Tsifoori bushoo Balaaqiyee beshenne? Bi Israꞌeeleenaꞌona kaaretone? Boonoshina koyetone?#Had. 22:1-6 26Israꞌeeleenaꞌo Heshiboni katemoonaa bi guudoona beeti gafoonooch, Aroꞌeeri katemoonaa bi guudoona beeti gafoonooch, wotta Arinooni aachi gasheexi katemeenaꞌo bulliich keejje balle naton kotetinaꞌone. Ishigaata, arooba amoyich wochii deꞌaachote? 27Ta neen xuꞌaano taane; tunebaani ne taanna tookkaa koyoona taan xuqqeto neene. Ebich nallechi Doono Yeeri hanaach Israꞌeeleenaꞌonaa Amooneenaꞌonochi daggooch nallibe” iye. 28Tunebaani Amoonee taatoo ebi Yofitaahi wocheti wochoon waayemmon qajjiye.
29Aroochee Doono Yeerichi Ayaano Yofitaahi toommooch kindiye. Biyoo Gilaadee showoonaa Minaasi yoodeenaꞌo showoonon kuxxii besheꞌi hammiye. Aroochee Gilaadee showooch beeti Mitsiphi katemooch besheꞌi Amooneenaꞌo beeto waan hammiye. 30Yofitaahi Doono Yeerich ishichiꞌi mookkehe: “Amooneenaꞌon ta kishooch beshiyaꞌa ne imigaata, 31boonoshin kochaa wochaꞌa ta kexooch ta wottehooba, taanna daneya ta kexoochee maach kechimmoo koniyoona Doono Yeeri neech tunemmone; tawoo micciibeeti deejjoon tuniiree ebi aroon giddiyemmo taane” iye.
32Ebina Yofitaahi Amooneenaꞌona koyeya aacon kimmiꞌi hammiye; Doono Yeeriyoo boonoshin bi kishooch beshiiꞌi immiye. 33Aroꞌeeri katemoochee tiijjiꞌi Miniti katemee katinooch beddaahaa, wotta Abeel Keramiim beddaahaa beeti hiye katemeenaꞌooch beeti asheenaꞌon ciroona wuxii ciichiye. Ebina Amooneenaꞌo Israꞌeeleenaꞌo aafooch giisheheete.
Yofitaahi Bushee Mooyo
34Aroochee Yofitaahi Mitsiphi katemooch beeti bi kexooch wottehe; bi busheyoo kamboon yexxaa, duubbaa capphaabee biinna daneya kechahan. Ebi bushee biich ikke mixxe busheene; biyee besh maachee tunebu anaamo ciroona biich aalloone. 35Biin bi beeggiyooba, ayinoona bi tahoon keexxiꞌi “Ye ta busheene! Taan aalliinne! Taan xuuxee toommooch duppenne! Echiyoon ta hakkaani mookkoon Doono Yeerich mookketo taane” iye.#Had. 30:2
36Biyoo ishichiyan: “Ta nihoocho, Doono Yeeri ne etteenaꞌo tuneti Amooneenaꞌo toommooch nichoon kichitone; illa Doono Yeerich mookketo ne tunegaata, ebi ne mookketoommon ta toommooch tuniibe. 37Tunebaani ikke mooyon baach ta tuniyemmoyich taach daaggibe. Ebiyoo ta nuucheenaꞌona tookki geppee toommooch hamiree, keyi kindibee, gidiidee tunaabee ta qitoyich gutte agenoon ta eeppemmoyichiye” iyan.
38Biyoo “Hambe” iꞌi gutte agenee wottoon daaggiye. Kenoon shaagaanoon qitemmi bi tunetoyich, biinnaa bi nuucheenaꞌona hammiꞌi geppee toommoochaa eefeheete. 39Gutte agenoyee gubb, bi nihoo waan wottaꞌa waahan. Biyoo bi mookketoommon tuniihe. Busheyoo anaamona tookkaa qeyaa ariyaaneene.
Aroyee gubb, ebi mooyo Israꞌeelee showooch doyoo tuneꞌi, 40Israꞌeelee maache bushiisheenaꞌo nati natona hammiꞌi, awudde qemi wottoon Gilaadechi Yofitaahi bushech eeppii beeheete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.