Hosee'i 8
8
Shahalloyich Goyinnee Naboona Israꞌeeleenaꞌo Sheereyoo
1Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone. 2Boonoshiyoo ‘No Nuggishoocho, Israꞌeelo no, neen ariito noone’ iibee ta waan cookii beetinaꞌone. 3Tunebaani Israꞌeeleenaꞌo gaawe mooyon boonoshi hoxetoyich etto boonoshin yookkii beetone.
4“Ta daaggaalloon taateenaꞌon taatiiheete. Taan echeyaanoon ukkireenaꞌon ukkiriiheete. Boonoshi aallemmoyich naboo tunemmi shahalloon, boonoshi birewoonaa aachoonoochee shaahii shuuneheete. 5Shamaaree asheenaꞌochi maanji shahalloon tiyaareto taane. Ta kaaro boonoshi toommooch qaaqqoo aaxxoommon aaxxemmone. Xalleyaanoon boonoshi beeyemmo aati wottooniye? 6Ebiyoo Israꞌeeleenaꞌo daggooch tunehe. Shuunee ariyecho shuuneti ebi maanji shahalloo nuggishoo toonoone. Ebi Shamaari katemeexi maanji shahalloo tiishe buricemmone. 7Boonoshiyoo yongoon shoohiree yuboon qeccemminaꞌone. Shaggiti maayooch yuulloo aalletoyich manjeyemmi maayo aroochee daneyaachemmone. Bi danetaanona maayemminaꞌo dallaaweenaꞌone. 8Israꞌeeleenaꞌo aageteenaꞌo daggooch qoochetinaꞌone; gaacaalli qiicoommonoo tunetinaꞌone. 9Bi ikkeeto yallyallimiibeeti kubbi kuroochoommon Asooree showooch hammitinaꞌone. Efreemi gijjoona xiboon xibehe. 10Gijjoona aageteenaꞌona tookkii boonoshi ikkottetaanona and ta, boonoshin kicemmo taane. Taatoonaa ukkireenaꞌona boonoshi toommooch shakkiibeeti iritoochee tiyitona, muuyi muuyi hammemminaꞌone.
11“Efreemi meeti axaaxee maariyee deejjee gudeenaꞌon shuunetone; tunebaani ebi deejjee gudeenaꞌo axaaxee shuunee deejjee gudeenaꞌo tunetinaꞌone. 12Sheerooch beeti wodde mooyon boonoshich kooriyoye; tunebaani boonoshi dallaawe mooyon tuniiꞌi ciinniyeete. 13Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.
14“Israꞌeeleenaꞌo boonoshin Halliton battetinaꞌone; taatee kexinaꞌonoo shuunetinaꞌone. Yihudee asheenaꞌoo meeti manje katemeenaꞌon shuunetinaꞌone. Tunebaani ta, boonoshi manje katemeenaꞌooch qaaqqoon deejjemmo taane. Ebi qaaqqoo boonoshi mishigeenaꞌon michemmone” iye.#Amo. 2:5
Currently Selected:
Hosee'i 8: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hosee'i 8
8
Shahalloyich Goyinnee Naboona Israꞌeeleenaꞌo Sheereyoo
1Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone. 2Boonoshiyoo ‘No Nuggishoocho, Israꞌeelo no, neen ariito noone’ iibee ta waan cookii beetinaꞌone. 3Tunebaani Israꞌeeleenaꞌo gaawe mooyon boonoshi hoxetoyich etto boonoshin yookkii beetone.
4“Ta daaggaalloon taateenaꞌon taatiiheete. Taan echeyaanoon ukkireenaꞌon ukkiriiheete. Boonoshi aallemmoyich naboo tunemmi shahalloon, boonoshi birewoonaa aachoonoochee shaahii shuuneheete. 5Shamaaree asheenaꞌochi maanji shahalloon tiyaareto taane. Ta kaaro boonoshi toommooch qaaqqoo aaxxoommon aaxxemmone. Xalleyaanoon boonoshi beeyemmo aati wottooniye? 6Ebiyoo Israꞌeeleenaꞌo daggooch tunehe. Shuunee ariyecho shuuneti ebi maanji shahalloo nuggishoo toonoone. Ebi Shamaari katemeexi maanji shahalloo tiishe buricemmone. 7Boonoshiyoo yongoon shoohiree yuboon qeccemminaꞌone. Shaggiti maayooch yuulloo aalletoyich manjeyemmi maayo aroochee daneyaachemmone. Bi danetaanona maayemminaꞌo dallaaweenaꞌone. 8Israꞌeeleenaꞌo aageteenaꞌo daggooch qoochetinaꞌone; gaacaalli qiicoommonoo tunetinaꞌone. 9Bi ikkeeto yallyallimiibeeti kubbi kuroochoommon Asooree showooch hammitinaꞌone. Efreemi gijjoona xiboon xibehe. 10Gijjoona aageteenaꞌona tookkii boonoshi ikkottetaanona and ta, boonoshin kicemmo taane. Taatoonaa ukkireenaꞌona boonoshi toommooch shakkiibeeti iritoochee tiyitona, muuyi muuyi hammemminaꞌone.
11“Efreemi meeti axaaxee maariyee deejjee gudeenaꞌon shuunetone; tunebaani ebi deejjee gudeenaꞌo axaaxee shuunee deejjee gudeenaꞌo tunetinaꞌone. 12Sheerooch beeti wodde mooyon boonoshich kooriyoye; tunebaani boonoshi dallaawe mooyon tuniiꞌi ciinniyeete. 13Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.
14“Israꞌeeleenaꞌo boonoshin Halliton battetinaꞌone; taatee kexinaꞌonoo shuunetinaꞌone. Yihudee asheenaꞌoo meeti manje katemeenaꞌon shuunetinaꞌone. Tunebaani ta, boonoshi manje katemeenaꞌooch qaaqqoon deejjemmo taane. Ebi qaaqqoo boonoshi mishigeenaꞌon michemmone” iye.#Amo. 2:5
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.