Hosee'i 5
5
Israꞌeeleenaꞌo Toommooch Getteeti Nalloo
1“Qeesheenaꞌote, ebin waayebote!
Israꞌeelee yareenaꞌote, shalligibote!
Taatee yareenaꞌote, waayebote!
Nalloo ittoshi toommooch waatone.
Ebiyoo Mitsiphaa olloon,
Taabooraa yaggeeti dabboon ittoshi tunetoyichiye.
2Hukkechinaꞌo wuxoon meechitinaꞌone.
Ebich bullinolla sheeremmo taane.
3“Efreemin ariibeeto taane. Israꞌeelichi mooyo taach aacheeto toonoone. Illa and, Efreemo, yahito neene. Israꞌeeliyoo eeꞌetone.
4“Yahee ayaano Israꞌeeleenaꞌo daggooch bi beetoyich, Doono Yeerinoo ariyoo boonoshi qajjitoyich, boonoshi Nuggishoo waan boonoshi wottemmoyich boonoshi shuunoo boonoshin daaggaanoone. 5Israꞌeeleenaꞌochi geecoo boonoshi toommooch miixee beetone. Ebich Israꞌeeleenaꞌonaa Efreemina boonoshi axaaxoona tephee dihemminaꞌone. Yihudee asheenaꞌoo boonoshina tookki tephee dihemminaꞌone. 6Doono Yeer waan wottoyich, boonoshi bageenaꞌonaa miiminaꞌonon gasheree hammemminaꞌone. Tunebaani bi, boonoshiyee bi baritoyich daneyaachemminaꞌone. 7Doono Yeerich gibeneyaano tunetinaꞌone; gaajjiꞌi bushoon shiyitinaꞌone. Ebich hini batti batti agenee keyooch boonoshinaa boonoshi showoona aallemmone.
Yihudee Asheenaꞌonaa Israꞌeeleenaꞌona Koyo
8“Gibaahaa tiroon (waaringoon), Raamaa shametoon hugote! Beet Aweenaa, ‘Biiniyaamo, ne hillooch shaggitinaꞌone’ getibee bunnebote! 9Naxee aabooba Efreemi aallemmone; Israꞌeelee yoodeenaꞌo daggooch ceennemmi kashi mooyon awaajjito taane.
10“Yihudee ukkireenaꞌo daaroon happii beetinaꞌoommon tunetinaꞌone. Aacon tiboommon ta kaaroon boonoshi toommooch tibemmo taane. 11Duube mooyon dabboon bi shunnitoyich, Efreemi neexaa hajjeetonaa nalloo bi toommooch kinditona tunemmone. 12Illa ebich Efreemich piloommon, Yihudee yareenaꞌoyichoo qunoommon tuneto taane.
13“Efreemi bi biiyoon, Yihudiyoo bi mayon beeggiꞌi, Efreemi Asoor waan hammiye; gaachoon danoyich ooge taatoo waan wocheyechon daachiihe. Tunebaani bi ittoshin wodiyoon woyee ittoshi mayon wodiyoon hakkaachemmoone. 14Ebich Efreemich daaheroon, Yihudee asheenaꞌoyich, more daaheroon tuneree boonoshin tiishiichi beshe hammemmo taane. Bogishoo daammemmo taane. Koniyoona boonoshin wodiyoon hakkaachemmone.
15“Boonoshi xuꞌoon boonoshi ariimmi wottoon, taan boonoshi qaawimmi wottoon, ta xaaꞌooch wotte hammemmo taane. Boonoshi iritee aabooba taan kupphii qaawemminaꞌone” iye.
Currently Selected:
Hosee'i 5: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hosee'i 5
5
Israꞌeeleenaꞌo Toommooch Getteeti Nalloo
1“Qeesheenaꞌote, ebin waayebote!
Israꞌeelee yareenaꞌote, shalligibote!
Taatee yareenaꞌote, waayebote!
Nalloo ittoshi toommooch waatone.
Ebiyoo Mitsiphaa olloon,
Taabooraa yaggeeti dabboon ittoshi tunetoyichiye.
2Hukkechinaꞌo wuxoon meechitinaꞌone.
Ebich bullinolla sheeremmo taane.
3“Efreemin ariibeeto taane. Israꞌeelichi mooyo taach aacheeto toonoone. Illa and, Efreemo, yahito neene. Israꞌeeliyoo eeꞌetone.
4“Yahee ayaano Israꞌeeleenaꞌo daggooch bi beetoyich, Doono Yeerinoo ariyoo boonoshi qajjitoyich, boonoshi Nuggishoo waan boonoshi wottemmoyich boonoshi shuunoo boonoshin daaggaanoone. 5Israꞌeeleenaꞌochi geecoo boonoshi toommooch miixee beetone. Ebich Israꞌeeleenaꞌonaa Efreemina boonoshi axaaxoona tephee dihemminaꞌone. Yihudee asheenaꞌoo boonoshina tookki tephee dihemminaꞌone. 6Doono Yeer waan wottoyich, boonoshi bageenaꞌonaa miiminaꞌonon gasheree hammemminaꞌone. Tunebaani bi, boonoshiyee bi baritoyich daneyaachemminaꞌone. 7Doono Yeerich gibeneyaano tunetinaꞌone; gaajjiꞌi bushoon shiyitinaꞌone. Ebich hini batti batti agenee keyooch boonoshinaa boonoshi showoona aallemmone.
Yihudee Asheenaꞌonaa Israꞌeeleenaꞌona Koyo
8“Gibaahaa tiroon (waaringoon), Raamaa shametoon hugote! Beet Aweenaa, ‘Biiniyaamo, ne hillooch shaggitinaꞌone’ getibee bunnebote! 9Naxee aabooba Efreemi aallemmone; Israꞌeelee yoodeenaꞌo daggooch ceennemmi kashi mooyon awaajjito taane.
10“Yihudee ukkireenaꞌo daaroon happii beetinaꞌoommon tunetinaꞌone. Aacon tiboommon ta kaaroon boonoshi toommooch tibemmo taane. 11Duube mooyon dabboon bi shunnitoyich, Efreemi neexaa hajjeetonaa nalloo bi toommooch kinditona tunemmone. 12Illa ebich Efreemich piloommon, Yihudee yareenaꞌoyichoo qunoommon tuneto taane.
13“Efreemi bi biiyoon, Yihudiyoo bi mayon beeggiꞌi, Efreemi Asoor waan hammiye; gaachoon danoyich ooge taatoo waan wocheyechon daachiihe. Tunebaani bi ittoshin wodiyoon woyee ittoshi mayon wodiyoon hakkaachemmoone. 14Ebich Efreemich daaheroon, Yihudee asheenaꞌoyich, more daaheroon tuneree boonoshin tiishiichi beshe hammemmo taane. Bogishoo daammemmo taane. Koniyoona boonoshin wodiyoon hakkaachemmone.
15“Boonoshi xuꞌoon boonoshi ariimmi wottoon, taan boonoshi qaawimmi wottoon, ta xaaꞌooch wotte hammemmo taane. Boonoshi iritee aabooba taan kupphii qaawemminaꞌone” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.