Hosee'i 10
10
1Israꞌeeleenaꞌo wodde aafoon aafeti, bi aafo shushiti woyinee qomboomminaꞌone. Woddii boonoshi aafemmi haddoona meeti deejjee gudeenaꞌon shuuneheete. Boonoshi showoo gaanneti haddoona goyinnee xaqqee giimbeenaꞌon macecikkiꞌi shuuneheete. 2Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.
3Boonoshiyoo “Doono Yeerin shato no qajjetoyich nooch taatoo aalloone; taatoo bi beetaanona nooch amoon halleshone?” iyeete. 4Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.
5Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone. 6Are boonoshi shahalloo Asooree showooch daamaa ooge taatoyich wojjoo tuniitaa ichemmone. Efreemi giishemmone; Israꞌeeliyoo bi koceyoona yeellemmone. 7Shamaaree showoonaa bi taatoona aachi toommooch beeti umboochoommon aallemminaꞌone. 8Israꞌeelich axaaxoo tuneti Aweeni geppee toommeexi goyinnee xaaꞌeenaꞌo happeyemminaꞌone. Angixonaa guccinona keyiree boonoshi deejjee gudeenaꞌon bullemmone. Ebiyooba guudinaꞌon “Noon qeribote,” geppeenaꞌonoo “No toommooch dihibote” gettemminaꞌone.#Luqa. 23:30; Yaaꞌo. 6:16
Doono Yeeri Israꞌeeleenaꞌon Sheeremmo Tuno
9Doono Yeeri ishichiye: “Israꞌeeleenaꞌo Gibaahaa axaaxoon boonoshi shuunetoochee tiijjiꞌi, axaaxoon shuunoona taan ayinikkoochee wotteyaaneenaꞌone. Ebich Gibaahaa gino boonoshi toommooch tiyemmone. 10Ta qaawiyooba boonoshin sheeremmo taane. Gutte kishoo tuneti boonoshi axaaxoyich boonoshi sheereehooba aageteenaꞌo kiceeree boonoshi toommooch tiyemminaꞌone.
11“Efreemi, maayoon busho shunnaabeeti, doyiti gidereyoommone. Tunebaani ta, qaane bi qettooch waanjoon xandemmo taane. Efreemin xandemmo taane. Yihudi gochemmone; Yaaqobiyoo showoon niriyemmone. 12Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.#Erim. 4:3
13“Tunebaani ittoshi, gondoon shookkiꞌi, bi aafoon qecciyote. Kootee aafoonoo maahote. Ittoshi giidoona, ittoshich beeti koyechinaꞌochi meetonoo gibeneeto ittoshine. 14Ebich koyo ittoshi showooch woyemmone. Ittoshi mishigeenaꞌoo happeyemminaꞌone. Shalimaani, Beet Aribeeli katemoon kochiꞌi bi happiyooba, indeenaꞌonoo boonoshi bushiisheenaꞌona tookkii ceqqee bi wuxiyooba tunetoommo tunemmone. 15Beeteeli katemee asheenaꞌote, ittoshi axaaxee naboona ittoshi toommooch tunemmo ebine. Koyo tiyiree harooch Israꞌeelee taatoo qitemmone” iye.
Currently Selected:
Hosee'i 10: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hosee'i 10
10
1Israꞌeeleenaꞌo wodde aafoon aafeti, bi aafo shushiti woyinee qomboomminaꞌone. Woddii boonoshi aafemmi haddoona meeti deejjee gudeenaꞌon shuuneheete. Boonoshi showoo gaanneti haddoona goyinnee xaqqee giimbeenaꞌon macecikkiꞌi shuuneheete. 2Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.
3Boonoshiyoo “Doono Yeerin shato no qajjetoyich nooch taatoo aalloone; taatoo bi beetaanona nooch amoon halleshone?” iyeete. 4Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.
5Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone. 6Are boonoshi shahalloo Asooree showooch daamaa ooge taatoyich wojjoo tuniitaa ichemmone. Efreemi giishemmone; Israꞌeeliyoo bi koceyoona yeellemmone. 7Shamaaree showoonaa bi taatoona aachi toommooch beeti umboochoommon aallemminaꞌone. 8Israꞌeelich axaaxoo tuneti Aweeni geppee toommeexi goyinnee xaaꞌeenaꞌo happeyemminaꞌone. Angixonaa guccinona keyiree boonoshi deejjee gudeenaꞌon bullemmone. Ebiyooba guudinaꞌon “Noon qeribote,” geppeenaꞌonoo “No toommooch dihibote” gettemminaꞌone.#Luqa. 23:30; Yaaꞌo. 6:16
Doono Yeeri Israꞌeeleenaꞌon Sheeremmo Tuno
9Doono Yeeri ishichiye: “Israꞌeeleenaꞌo Gibaahaa axaaxoon boonoshi shuunetoochee tiijjiꞌi, axaaxoon shuunoona taan ayinikkoochee wotteyaaneenaꞌone. Ebich Gibaahaa gino boonoshi toommooch tiyemmone. 10Ta qaawiyooba boonoshin sheeremmo taane. Gutte kishoo tuneti boonoshi axaaxoyich boonoshi sheereehooba aageteenaꞌo kiceeree boonoshi toommooch tiyemminaꞌone.
11“Efreemi, maayoon busho shunnaabeeti, doyiti gidereyoommone. Tunebaani ta, qaane bi qettooch waanjoon xandemmo taane. Efreemin xandemmo taane. Yihudi gochemmone; Yaaqobiyoo showoon niriyemmone. 12Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.#Erim. 4:3
13“Tunebaani ittoshi, gondoon shookkiꞌi, bi aafoon qecciyote. Kootee aafoonoo maahote. Ittoshi giidoona, ittoshich beeti koyechinaꞌochi meetonoo gibeneeto ittoshine. 14Ebich koyo ittoshi showooch woyemmone. Ittoshi mishigeenaꞌoo happeyemminaꞌone. Shalimaani, Beet Aribeeli katemoon kochiꞌi bi happiyooba, indeenaꞌonoo boonoshi bushiisheenaꞌona tookkii ceqqee bi wuxiyooba tunetoommo tunemmone. 15Beeteeli katemee asheenaꞌote, ittoshi axaaxee naboona ittoshi toommooch tunemmo ebine. Koyo tiyiree harooch Israꞌeelee taatoo qitemmone” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.