Hosee'i 1
1
1Yihudee taateenaꞌo, eboshiyoo Uziyaahi#1:1 Uziyaahi ikkikke xaaꞌoochaa Azariyaasi getteetone., Yotaami, Akaazinaa Hiziqiyaasinochi taatee yemeenooba, wotta Israꞌeelee taatoo, Yehoꞌashi bushoo Yeroboꞌamichi taatee yemeenooba Beerichi bushoo Hoseeꞌich waati Doono Yeerichi qaaro:#2 Taat. 14:23–15:7; 15:32–16:20; 18:1–20:21; 2 Kiin. 26:1–32:33
Hoseeꞌichi Mecheenaa Bi Bushiisheenaꞌonochi Mooyo
2Doono Yeeri batti batt Hoseeꞌina Israꞌeeleenaꞌoyich bi getiyooba, biich ishichiye: “Ta asheenaꞌo taan qajjiꞌi oogeton yahii beetinaꞌo boonoshi tunetoyich, newoo hamiree yahechi ureen shaage; bi waaneenoo yahaa shiijjeti bushiishoon shibe” iye. 3Ebich Hoseeꞌi Dibilayimichi bushee Gomeerin shaggiye. Biyoo xifaꞌa anaami bushoon biich shiyahan.
4Aroochee Doono Yeeri Hoseeꞌich ishichiye: “Giisheche aaboyee gubb, Yezireeli katemoochaa Yehi ukkiti damee nichoon bi yareenaꞌo toommooch gaaccemmo taane; Israꞌeelee taatittinoonoo kuxxemmo taane. Ebich bushoochi shigoon Yezireeli#1:4 Yezireeli geto, “Yeeri shacciye” woyee “Yeeri shookkiye” getone. geti shigiibe!#2 Taat. 10:11 5Ebiyooba Yezireeli bamboochaa Israꞌeeleenaꞌochi maꞌoon tiichemmo taane” iye.
6Gomeeri wochinnoon xifaꞌa maache busheen shiyahan. Doono Yeeriyoo Hoseeꞌich ishichiye: “Ebiyee bekk Israꞌeeleenaꞌon ariqqeyaachemmo, ciroonoo maaraachemmo ta tunetoyich bi shigoon Lo Ruhaami#1:6 Lo Ruhaami geto, “Ariqqeyaachemmi” getone. geti shigiibe! 7Tunebaani Yihudee asheenaꞌoyich ariqqemmo taane; boonoshi Nuggishoo Doono Yeeri ta, boonoshin wodiyemmo taane. Boonoshin ta wodiyemmo maꞌoona woyee goraadoona woyee koyoona woyee haresheenaꞌona woyee hareshechinaꞌona toonoone” iye.
8Lo Ruhaami xanon kuxxetoyee gubb, Gomeeri xifaꞌa anaami bushoon shiyahan. 9Aroochee Doono Yeeri “Ta asheenaꞌo tuno ittoshi qajjitoyich, tawoo ittoshi Nuggishoo tuno ta qajjetoyich, bushoon Lo Ami#1:9 Lo Ami geto, “Ta asheenaꞌo tooneenaꞌone” getone. geti shigiibe!
Israꞌeeleenaꞌoyich Gibenikkeeti Gibeno
10“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.#Room. 9:26 11Yihudee asheenaꞌonaa Israꞌeeleenaꞌona wochinnoon ikkottemminaꞌone. Boonoshin yaabi qeejjemmi ikke wullonoo kaaccemminaꞌone. Mashaamiti beemon boonoshi showooch beeyemminaꞌone. Ebi aabo, Yezireelich worganikkiti aabo tunemmone.
Currently Selected:
Hosee'i 1: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hosee'i 1
1
1Yihudee taateenaꞌo, eboshiyoo Uziyaahi#1:1 Uziyaahi ikkikke xaaꞌoochaa Azariyaasi getteetone., Yotaami, Akaazinaa Hiziqiyaasinochi taatee yemeenooba, wotta Israꞌeelee taatoo, Yehoꞌashi bushoo Yeroboꞌamichi taatee yemeenooba Beerichi bushoo Hoseeꞌich waati Doono Yeerichi qaaro:#2 Taat. 14:23–15:7; 15:32–16:20; 18:1–20:21; 2 Kiin. 26:1–32:33
Hoseeꞌichi Mecheenaa Bi Bushiisheenaꞌonochi Mooyo
2Doono Yeeri batti batt Hoseeꞌina Israꞌeeleenaꞌoyich bi getiyooba, biich ishichiye: “Ta asheenaꞌo taan qajjiꞌi oogeton yahii beetinaꞌo boonoshi tunetoyich, newoo hamiree yahechi ureen shaage; bi waaneenoo yahaa shiijjeti bushiishoon shibe” iye. 3Ebich Hoseeꞌi Dibilayimichi bushee Gomeerin shaggiye. Biyoo xifaꞌa anaami bushoon biich shiyahan.
4Aroochee Doono Yeeri Hoseeꞌich ishichiye: “Giisheche aaboyee gubb, Yezireeli katemoochaa Yehi ukkiti damee nichoon bi yareenaꞌo toommooch gaaccemmo taane; Israꞌeelee taatittinoonoo kuxxemmo taane. Ebich bushoochi shigoon Yezireeli#1:4 Yezireeli geto, “Yeeri shacciye” woyee “Yeeri shookkiye” getone. geti shigiibe!#2 Taat. 10:11 5Ebiyooba Yezireeli bamboochaa Israꞌeeleenaꞌochi maꞌoon tiichemmo taane” iye.
6Gomeeri wochinnoon xifaꞌa maache busheen shiyahan. Doono Yeeriyoo Hoseeꞌich ishichiye: “Ebiyee bekk Israꞌeeleenaꞌon ariqqeyaachemmo, ciroonoo maaraachemmo ta tunetoyich bi shigoon Lo Ruhaami#1:6 Lo Ruhaami geto, “Ariqqeyaachemmi” getone. geti shigiibe! 7Tunebaani Yihudee asheenaꞌoyich ariqqemmo taane; boonoshi Nuggishoo Doono Yeeri ta, boonoshin wodiyemmo taane. Boonoshin ta wodiyemmo maꞌoona woyee goraadoona woyee koyoona woyee haresheenaꞌona woyee hareshechinaꞌona toonoone” iye.
8Lo Ruhaami xanon kuxxetoyee gubb, Gomeeri xifaꞌa anaami bushoon shiyahan. 9Aroochee Doono Yeeri “Ta asheenaꞌo tuno ittoshi qajjitoyich, tawoo ittoshi Nuggishoo tuno ta qajjetoyich, bushoon Lo Ami#1:9 Lo Ami geto, “Ta asheenaꞌo tooneenaꞌone” getone. geti shigiibe!
Israꞌeeleenaꞌoyich Gibenikkeeti Gibeno
10“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.#Room. 9:26 11Yihudee asheenaꞌonaa Israꞌeeleenaꞌona wochinnoon ikkottemminaꞌone. Boonoshin yaabi qeejjemmi ikke wullonoo kaaccemminaꞌone. Mashaamiti beemon boonoshi showooch beeyemminaꞌone. Ebi aabo, Yezireelich worganikkiti aabo tunemmone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.