Haagi 1
1
Yaafee Kexo Hakkemmoyich Doono Yeeri Geto
1Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:#Izir. 4:24–5:2; 6:14
2Beshe Mawe Doono Yeeri, “Hini asheenaꞌo ‘Doono Yeerichi kexo hakkemmi yemeeno batt shagaanoone’ ii beetinaꞌone” iye.
3Aroochee Doono Yeeri bi wochoon ishichiꞌi keemechi Haagina gettiye: 4“Ta asheenaꞌote, hini yemeeno, hini kexo happeeꞌi beetaa, malletiitaa hakketi ittoshi kexooch ittoshi beeyemmi yemeenoone?
5“And illa Beshe Mawe Doono Yeeri ta gettaa beeton waayebote: Eke ittoshi toommooch shaggiti mooyon shalligibote. 6Ittoshiyoo woddiiꞌi gochiyote, tunebaani ittoshi qeccii giijjito giishechoone. Maahote, tunebaani maa miyaachote. Uchiyote, tunebaani uchii tooꞌaachote. Tahehote, tunebaani ittoshi achooch qeecaache. Shumaayoon deqqiibeeti asho keexe kiisooch geddii beetoommon tunetone.
7“Beshe Mawe Doono Yeeri ta, gettaa beeton waayebote: Ebi ittoshi toommooch shaggiti mooyon shalligibote. 8Illa and damba geppooch hambote; mixonoo kuxi deebiree yaafee kexon hagote. Doono Yeeri tawoo, ebi aroona emiremmo taane; oogoonoo danemmo taane. 9Meeti maayoon qeccii giijjoyich gibeneto ittoshine; tunebaani giishechoon tunehe. Qeccii kexooch ittoshi giijjiyooba, huggaa ta getaa aallehe. Ebi bi tuneto, amoyichiye? Ebi bi tuneto, ta yaafee kexo tiisheꞌi beetaa, ittoshi bulli ittoshi hajjee kexi kexon hagoyich ittoshi wocee beetoyichiye. 10Ebich shimaayoo doshoon (caagibanoon) bajjitone; showeyoo aafoon bajjetine. 11Tawoo ittoshi goyoonaa geppeenaꞌochi toommooch, maayoonaa woyinee uyoonochi toommooch, zayitoonaa showee colliibeeti mooyo bullinochi toommooch, ashoonaa gijjoonochi toommooch, asho aajjiibeeti mooyo bulli toommoochoo aaboon deebeto taane” iye.
Doono Yeerichi Getoon Asheenaꞌo Waayo
12Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.
13Aroochee Doono Yeerichi wocheyechi Haagi asheenaꞌoyich, “ ‘Ta ittoshina tookkaa beeto taane’ itone Doono Yeeri” iye. 14-15Doono Yeeriyoo Shelateeli bushoo, Yihudee iraashoo Zerubabeelichi mullo, wotta Yehotsedeeqichi bushoo, qeeshee guudo Yaasichi mulloonaa echeti curo bullichi mulloona tiyemmoyich tuniihe. Boonoshiyoo taatoo Daariyoosi taateti guttinnee natooba, shirittinnee agenee hiyaa awuddinnee qemooba, boonoshi Nuggishoo Beshe Mawe Doono Yeerichi kexon hagooch giyiyeete.
Currently Selected:
Haagi 1: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haagi 1
1
Yaafee Kexo Hakkemmoyich Doono Yeeri Geto
1Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:#Izir. 4:24–5:2; 6:14
2Beshe Mawe Doono Yeeri, “Hini asheenaꞌo ‘Doono Yeerichi kexo hakkemmi yemeeno batt shagaanoone’ ii beetinaꞌone” iye.
3Aroochee Doono Yeeri bi wochoon ishichiꞌi keemechi Haagina gettiye: 4“Ta asheenaꞌote, hini yemeeno, hini kexo happeeꞌi beetaa, malletiitaa hakketi ittoshi kexooch ittoshi beeyemmi yemeenoone?
5“And illa Beshe Mawe Doono Yeeri ta gettaa beeton waayebote: Eke ittoshi toommooch shaggiti mooyon shalligibote. 6Ittoshiyoo woddiiꞌi gochiyote, tunebaani ittoshi qeccii giijjito giishechoone. Maahote, tunebaani maa miyaachote. Uchiyote, tunebaani uchii tooꞌaachote. Tahehote, tunebaani ittoshi achooch qeecaache. Shumaayoon deqqiibeeti asho keexe kiisooch geddii beetoommon tunetone.
7“Beshe Mawe Doono Yeeri ta, gettaa beeton waayebote: Ebi ittoshi toommooch shaggiti mooyon shalligibote. 8Illa and damba geppooch hambote; mixonoo kuxi deebiree yaafee kexon hagote. Doono Yeeri tawoo, ebi aroona emiremmo taane; oogoonoo danemmo taane. 9Meeti maayoon qeccii giijjoyich gibeneto ittoshine; tunebaani giishechoon tunehe. Qeccii kexooch ittoshi giijjiyooba, huggaa ta getaa aallehe. Ebi bi tuneto, amoyichiye? Ebi bi tuneto, ta yaafee kexo tiisheꞌi beetaa, ittoshi bulli ittoshi hajjee kexi kexon hagoyich ittoshi wocee beetoyichiye. 10Ebich shimaayoo doshoon (caagibanoon) bajjitone; showeyoo aafoon bajjetine. 11Tawoo ittoshi goyoonaa geppeenaꞌochi toommooch, maayoonaa woyinee uyoonochi toommooch, zayitoonaa showee colliibeeti mooyo bullinochi toommooch, ashoonaa gijjoonochi toommooch, asho aajjiibeeti mooyo bulli toommoochoo aaboon deebeto taane” iye.
Doono Yeerichi Getoon Asheenaꞌo Waayo
12Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.
13Aroochee Doono Yeerichi wocheyechi Haagi asheenaꞌoyich, “ ‘Ta ittoshina tookkaa beeto taane’ itone Doono Yeeri” iye. 14-15Doono Yeeriyoo Shelateeli bushoo, Yihudee iraashoo Zerubabeelichi mullo, wotta Yehotsedeeqichi bushoo, qeeshee guudo Yaasichi mulloonaa echeti curo bullichi mulloona tiyemmoyich tuniihe. Boonoshiyoo taatoo Daariyoosi taateti guttinnee natooba, shirittinnee agenee hiyaa awuddinnee qemooba, boonoshi Nuggishoo Beshe Mawe Doono Yeerichi kexon hagooch giyiyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.