Hiziqeeli 8
8
Hiziqeelich Bekketi Guttinnee Yaaꞌoo
(8:1–10:22)
Yerusaalemaa Shahalloyich Asheenaꞌo Goyinno
1Kecaa no hammeti shirittinnee natooba, shirittinnee agenee uuchinnee qemooba, ta kexooch kotaꞌa ta beetaa, Yihudee geeneenaꞌo ta aafooch koteꞌi boonoshi beetaa Nuggishoo Doono Yeerichi giidoo ta toommooch kindiye. 2Ciinnaa ta iyaa, ebiyoche bi shaahoo qaaqqoommi ashoon beeggeho; bi shimetoyee deshaa qaaqqoommone; bi shimetoyee dambaa bekkoommo, wottoo gaamiti xuuroommone.#Hiz. 1:27 3Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.
4Ebiyoche yimaane showoochaa yaaꞌoona ta beeggetoommon, Israꞌeelee Nuggishoochi oogee yiiroo arooch beetone.
5Yeeriyoo “Ashi bushoocho, dambi-waan ciine” iye; ebiyoche deejjee gudee kellooch, dambi-waan gimi kellooch ciinnaa ta iyaa, ebi qanaatoon tiijjiibeeti shahalloo beete.
6Biyoo “Ashi bushoocho, boonoshi tunii beeton, ta yaafee kexoochee taan wokkiyoyich Israꞌeelee macceenaꞌo hiniichaa tuniibeeti oogeton ciigiiti mooyon beeggaa beetine? Andoo ebiyee beshi oogeton ciigiiti mooyon beeggemmo neene” iye.
7Biyoo addibaabee kellooch taan deebiye; ciinnaa ta iyaa, ebiyoche xaqqee uxerooch aaho beete. 8Biyoo taach “Ashi bushoocho, xaqqee uxeroon happibe” iye; tawoo happaa arooch ikke kelloon daneho.
9Andoo taach ishichiye: “Giyiree aroochaa boonoshi tuniibeeti shixxii ciigiiti mooyon beege” iye. 10Ebich maac giyaꞌa ciinneho; xaqqee uxeree guudo bulliich shicheeti, yuummere halleenaꞌo bullichi misilo, eeꞌe cooxinaꞌochi misiloonaa Israꞌeelee macceenaꞌochi shahalloo bullina arooch beete; 11eboshi aafooch Israꞌeelee macceenaꞌoochee ogooge shabe doonjeenaꞌo neexeꞌi beeteete; boonoshi daggoochoo Shafaanichi bushoo Yazaniyi neexeꞌi beete; ebi Israꞌeelee ogoogeenaꞌo boonoshi ikkikkoona ixaano shookkeebeeti qiicoon yechitinaꞌone; ebi qiicoochee ixaanee cufoo cufii beehe.
12Yeeriyoo taach ishichiye: “Ashi bushoocho, Israꞌeelee maccee qaabbeenaꞌo boonoshi shahalli shahallee kexoochaa manderoochaa boonoshi tunii beeton beeggetine? Boonoshiyoo ‘Doono Yeeri noon beegaanoone; Doono Yeeri hini showoon qajjitone’ itinaꞌone” iye. 13Wottoo taach ishichiye: “Andoo boonoshi tuniibeeti ebiyee beshe oogichii ciigiiti mooyon beeggemmo neene” iye.
14Aroochee dambi-waan, Doono Yeerichi yaafee kechi kellooch taan daammiye; ebiyoche Tamuuzi getteebeeti shahalloyich eeppii goppiibeeti maacheenaꞌo arooch beeteete. 15Aroochee taach ishichiye: “Ashi bushoocho, ebin beeggaa beetine? Andoo ebiyee beshe oogichii ciigiiti mooyon beeggemmo neene” iye.
16Aroochee taan Doono Yeerichi yaafee kechi maaci addibaabooch deebiye; ebiyoche Doono Yeerichi yaafee kechi godooch, gaaddaafoonaa deejjee gudoonochi gutte daggooch hiyaa uucha bede asheenaꞌo beeteete; boonoshi gubboon Doono Yeerichi yaafee kexo waan, boonoshi aafoonoo aabi-keyo waan wochiꞌi aabeyich guufee goyinnee beeteete.
17Biyoo taach ishichiye: “Ashi bushoocho, ebin beeggaa beetine? Hiniichaa boonoshi tuniibeeti ebi eeꞌe mooyon tuniyoo Yihudee macceenaꞌoyich ebi kette mooyona? Showoon xuꞌoona ceechoona daakkiꞌi taan ippii beetinaꞌone; ebiyoche boonoshi naagoona taan ippiyoyich boonoshi tuniibeeti mooyo bullin#8:17 Hibiree Yaafe Macaafo “Michi kishoon boonoshi muddooch geddiyeete” iye. beege. 18Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.
Currently Selected:
Hiziqeeli 8: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 8
8
Hiziqeelich Bekketi Guttinnee Yaaꞌoo
(8:1–10:22)
Yerusaalemaa Shahalloyich Asheenaꞌo Goyinno
1Kecaa no hammeti shirittinnee natooba, shirittinnee agenee uuchinnee qemooba, ta kexooch kotaꞌa ta beetaa, Yihudee geeneenaꞌo ta aafooch koteꞌi boonoshi beetaa Nuggishoo Doono Yeerichi giidoo ta toommooch kindiye. 2Ciinnaa ta iyaa, ebiyoche bi shaahoo qaaqqoommi ashoon beeggeho; bi shimetoyee deshaa qaaqqoommone; bi shimetoyee dambaa bekkoommo, wottoo gaamiti xuuroommone.#Hiz. 1:27 3Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.
4Ebiyoche yimaane showoochaa yaaꞌoona ta beeggetoommon, Israꞌeelee Nuggishoochi oogee yiiroo arooch beetone.
5Yeeriyoo “Ashi bushoocho, dambi-waan ciine” iye; ebiyoche deejjee gudee kellooch, dambi-waan gimi kellooch ciinnaa ta iyaa, ebi qanaatoon tiijjiibeeti shahalloo beete.
6Biyoo “Ashi bushoocho, boonoshi tunii beeton, ta yaafee kexoochee taan wokkiyoyich Israꞌeelee macceenaꞌo hiniichaa tuniibeeti oogeton ciigiiti mooyon beeggaa beetine? Andoo ebiyee beshi oogeton ciigiiti mooyon beeggemmo neene” iye.
7Biyoo addibaabee kellooch taan deebiye; ciinnaa ta iyaa, ebiyoche xaqqee uxerooch aaho beete. 8Biyoo taach “Ashi bushoocho, xaqqee uxeroon happibe” iye; tawoo happaa arooch ikke kelloon daneho.
9Andoo taach ishichiye: “Giyiree aroochaa boonoshi tuniibeeti shixxii ciigiiti mooyon beege” iye. 10Ebich maac giyaꞌa ciinneho; xaqqee uxeree guudo bulliich shicheeti, yuummere halleenaꞌo bullichi misilo, eeꞌe cooxinaꞌochi misiloonaa Israꞌeelee macceenaꞌochi shahalloo bullina arooch beete; 11eboshi aafooch Israꞌeelee macceenaꞌoochee ogooge shabe doonjeenaꞌo neexeꞌi beeteete; boonoshi daggoochoo Shafaanichi bushoo Yazaniyi neexeꞌi beete; ebi Israꞌeelee ogoogeenaꞌo boonoshi ikkikkoona ixaano shookkeebeeti qiicoon yechitinaꞌone; ebi qiicoochee ixaanee cufoo cufii beehe.
12Yeeriyoo taach ishichiye: “Ashi bushoocho, Israꞌeelee maccee qaabbeenaꞌo boonoshi shahalli shahallee kexoochaa manderoochaa boonoshi tunii beeton beeggetine? Boonoshiyoo ‘Doono Yeeri noon beegaanoone; Doono Yeeri hini showoon qajjitone’ itinaꞌone” iye. 13Wottoo taach ishichiye: “Andoo boonoshi tuniibeeti ebiyee beshe oogichii ciigiiti mooyon beeggemmo neene” iye.
14Aroochee dambi-waan, Doono Yeerichi yaafee kechi kellooch taan daammiye; ebiyoche Tamuuzi getteebeeti shahalloyich eeppii goppiibeeti maacheenaꞌo arooch beeteete. 15Aroochee taach ishichiye: “Ashi bushoocho, ebin beeggaa beetine? Andoo ebiyee beshe oogichii ciigiiti mooyon beeggemmo neene” iye.
16Aroochee taan Doono Yeerichi yaafee kechi maaci addibaabooch deebiye; ebiyoche Doono Yeerichi yaafee kechi godooch, gaaddaafoonaa deejjee gudoonochi gutte daggooch hiyaa uucha bede asheenaꞌo beeteete; boonoshi gubboon Doono Yeerichi yaafee kexo waan, boonoshi aafoonoo aabi-keyo waan wochiꞌi aabeyich guufee goyinnee beeteete.
17Biyoo taach ishichiye: “Ashi bushoocho, ebin beeggaa beetine? Hiniichaa boonoshi tuniibeeti ebi eeꞌe mooyon tuniyoo Yihudee macceenaꞌoyich ebi kette mooyona? Showoon xuꞌoona ceechoona daakkiꞌi taan ippii beetinaꞌone; ebiyoche boonoshi naagoona taan ippiyoyich boonoshi tuniibeeti mooyo bullin#8:17 Hibiree Yaafe Macaafo “Michi kishoon boonoshi muddooch geddiyeete” iye. beege. 18Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.