Hiziqeeli 31
31
Gibitsi Yigee Mixona Shaaheyoo
1Kecaa no hammeti aaraa ikkinnee natooba, keejjinnee agenee ikkinnee qemooba Doono Yeeri taach ishichiye: 2“Ashi bushoocho, Gibitsee taatoo Farooninaa meeti bi macceenaꞌonoyich ishichibe:
‘Oogoon neenna koni tatehe?
3Ne, bi waamo waarwaariibeeti,
hubbimiꞌi yiireebeeti,
bi neexoo genjoo, bi cilloo gumooch shaggiti,
Libanoosi yigee mixoommi Asoorin eke ciine.
4Aacinaꞌo are mixon aariiheete;
kote aacinaꞌo bi diccemmoyich tuniiheete;
aacinaꞌoo bi becheeti guudoona woccii beeheete;
aroochee woce aacinaꞌo kubbooch beeti mixinaꞌooch ufee beeheete.
5Ebich bi neexo kubbeexi mixo bulliyee beshiye;
bi qaakkeenaꞌoo woddeheete;
aachi woddoochee tiyitona genjeheete.
6Shimaajji kafeenaꞌo bulli boonoshi kexinaꞌon arooch haggiyeete;
kubbi cooxinaꞌo bulli bi yiiroochaa
bushiishoon shiyiheete;
bi yiiroochoo ogooge aageteenaꞌo bulli kotee beeheete.
7Bi cammon wodde aacinaꞌooch bi awuretoyich,
bi oogoona, bi atoonoo malletechone.
8Yeerichi bechee mixinaꞌooch beeti yigoo
biinna toyeyoon hakkaanoone.
Ciideenaꞌo bi ati bedaaneenaꞌone.
Asiitee mixinaꞌo bi ateenaꞌona tateyaaneenaꞌone;
Yeerichi bechee mixinaꞌoochee
malletoona biinna tatemmo aalloone.#Hal. 2:9
9Bi qaakkeenaꞌochi meetona biin gaawichiyoye;
Yeerichi bechee xaaꞌoo Eden beeti mixinaꞌo bulli biin qanaateheete.
10“ ‘Ebich Nuggishoo Doono Yeeri ishichiye: Bi neexo bi genjetoyich, bi cilloonoo gumee daggooch bi gedditoyich, 11bi neexee genjoona bi mullo geecitoyich, bi shuunetoommon bi toommooch bi shuunemmoyich, aageteenaꞌo daggoochee giidechochi kishooch beshiyaꞌa biin immeto taane; biinoo yookketo taane. 12Ashi showee asheenaꞌo, oogichii keqqichiibeeti aageteenaꞌoo kuxxiꞌi biin duppitinaꞌone. Bi nolleenaꞌo guudinaꞌochi toommonaa bambeenaꞌonooch hollitinaꞌone; bi qaakkeenaꞌoo aachechi showoo bulliich tiisheꞌi hollitinaꞌone; showee toommeexi asheenaꞌo bulli bi yiiroochee qajjii hammitinaꞌone. 13Ebi dihiti michi toommooch shimaajji kafeenaꞌo kotetinaꞌone; bi qaakkeenaꞌonoo kubbi cooxinaꞌo neexxitinaꞌone. 14Am shaahoon aachi gocooch boonoshi diccitaanona ebi mixochoommon neexi genjoo tunoon, boonoshi cilloonoo qubee daggooch shakkiyoon hakkemmi mixinaꞌo aalleenaꞌone. Ebiyoo boonoshiyoo qititinaꞌo kiceeti oppooch, maash hammiibeeti ashi bushiisheenaꞌo daggooch, qitooch beshiitaa ichetinaꞌo boonoshi tunetoyichiye’ gete” iye.
15“ ‘Nuggishoo Doono Yeeri ishichiye: Ebi mixo maash kindiyooba, ogooge aacinaꞌo biich eeppemmoyich, woce aacinaꞌo kuxemmoyich, wodde aacinaꞌo neexemmoyich tuniito taane; biicha iyaꞌa Libanoosich manderoon tajjiyoye; kubbi mixinaꞌo bulla shuuqqiyeete. 16Maash hammii beetinaꞌona tookkii oppooch biin ta dufiyooba, bi dihee qaaroochee tiyitona, aageteenaꞌon qewiito taane; Eden beeti mixinaꞌo bulli, aachi gashooch dicciti mixinaꞌo bulli, phixxaashe Libanoosee mixinaꞌo bulliyoo, bi dihoona dechi showoochaa goggemminaꞌone. 17Aageteenaꞌoochee biinna guuphitinaꞌo, bi yiirooch beebee echetinaꞌo, goraadoona qititinaꞌo waan biinna tookkii maash kinditinaꞌone.
18“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.
Currently Selected:
Hiziqeeli 31: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 31
31
Gibitsi Yigee Mixona Shaaheyoo
1Kecaa no hammeti aaraa ikkinnee natooba, keejjinnee agenee ikkinnee qemooba Doono Yeeri taach ishichiye: 2“Ashi bushoocho, Gibitsee taatoo Farooninaa meeti bi macceenaꞌonoyich ishichibe:
‘Oogoon neenna koni tatehe?
3Ne, bi waamo waarwaariibeeti,
hubbimiꞌi yiireebeeti,
bi neexoo genjoo, bi cilloo gumooch shaggiti,
Libanoosi yigee mixoommi Asoorin eke ciine.
4Aacinaꞌo are mixon aariiheete;
kote aacinaꞌo bi diccemmoyich tuniiheete;
aacinaꞌoo bi becheeti guudoona woccii beeheete;
aroochee woce aacinaꞌo kubbooch beeti mixinaꞌooch ufee beeheete.
5Ebich bi neexo kubbeexi mixo bulliyee beshiye;
bi qaakkeenaꞌoo woddeheete;
aachi woddoochee tiyitona genjeheete.
6Shimaajji kafeenaꞌo bulli boonoshi kexinaꞌon arooch haggiyeete;
kubbi cooxinaꞌo bulli bi yiiroochaa
bushiishoon shiyiheete;
bi yiiroochoo ogooge aageteenaꞌo bulli kotee beeheete.
7Bi cammon wodde aacinaꞌooch bi awuretoyich,
bi oogoona, bi atoonoo malletechone.
8Yeerichi bechee mixinaꞌooch beeti yigoo
biinna toyeyoon hakkaanoone.
Ciideenaꞌo bi ati bedaaneenaꞌone.
Asiitee mixinaꞌo bi ateenaꞌona tateyaaneenaꞌone;
Yeerichi bechee mixinaꞌoochee
malletoona biinna tatemmo aalloone.#Hal. 2:9
9Bi qaakkeenaꞌochi meetona biin gaawichiyoye;
Yeerichi bechee xaaꞌoo Eden beeti mixinaꞌo bulli biin qanaateheete.
10“ ‘Ebich Nuggishoo Doono Yeeri ishichiye: Bi neexo bi genjetoyich, bi cilloonoo gumee daggooch bi gedditoyich, 11bi neexee genjoona bi mullo geecitoyich, bi shuunetoommon bi toommooch bi shuunemmoyich, aageteenaꞌo daggoochee giidechochi kishooch beshiyaꞌa biin immeto taane; biinoo yookketo taane. 12Ashi showee asheenaꞌo, oogichii keqqichiibeeti aageteenaꞌoo kuxxiꞌi biin duppitinaꞌone. Bi nolleenaꞌo guudinaꞌochi toommonaa bambeenaꞌonooch hollitinaꞌone; bi qaakkeenaꞌoo aachechi showoo bulliich tiisheꞌi hollitinaꞌone; showee toommeexi asheenaꞌo bulli bi yiiroochee qajjii hammitinaꞌone. 13Ebi dihiti michi toommooch shimaajji kafeenaꞌo kotetinaꞌone; bi qaakkeenaꞌonoo kubbi cooxinaꞌo neexxitinaꞌone. 14Am shaahoon aachi gocooch boonoshi diccitaanona ebi mixochoommon neexi genjoo tunoon, boonoshi cilloonoo qubee daggooch shakkiyoon hakkemmi mixinaꞌo aalleenaꞌone. Ebiyoo boonoshiyoo qititinaꞌo kiceeti oppooch, maash hammiibeeti ashi bushiisheenaꞌo daggooch, qitooch beshiitaa ichetinaꞌo boonoshi tunetoyichiye’ gete” iye.
15“ ‘Nuggishoo Doono Yeeri ishichiye: Ebi mixo maash kindiyooba, ogooge aacinaꞌo biich eeppemmoyich, woce aacinaꞌo kuxemmoyich, wodde aacinaꞌo neexemmoyich tuniito taane; biicha iyaꞌa Libanoosich manderoon tajjiyoye; kubbi mixinaꞌo bulla shuuqqiyeete. 16Maash hammii beetinaꞌona tookkii oppooch biin ta dufiyooba, bi dihee qaaroochee tiyitona, aageteenaꞌon qewiito taane; Eden beeti mixinaꞌo bulli, aachi gashooch dicciti mixinaꞌo bulli, phixxaashe Libanoosee mixinaꞌo bulliyoo, bi dihoona dechi showoochaa goggemminaꞌone. 17Aageteenaꞌoochee biinna guuphitinaꞌo, bi yiirooch beebee echetinaꞌo, goraadoona qititinaꞌo waan biinna tookkii maash kinditinaꞌone.
18“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.