Hiziqeeli 20
20
Israꞌeeleenaꞌo Hukkoochee Wotteyaache Geto
1Kecee no hammeti shabaattinnee natooba, uuchinnee agenee aashirinnee qemooba Israꞌeelee geeneenaꞌoochee asheenaꞌo Doono Yeer waanee echii waayoyich ta waan waaꞌi ta aafooch koteheete. 2Doono Yeeriyoo taach ishichiye: 3“Ashi bushoocho, Israꞌeelee geeneenaꞌoyich, ‘Nuggishoo Doono Yeeri ishichiye: Ta waanee echii waayeya waahote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri’ gete.
4“Ashi bushoocho, boonoshi toommooch nalliya qannitine? Nalliya qannitine? Ishigaata, boonoshi qaabbechinaꞌo shuuneti ciigiiti mooyon boonoshi ariyemmoyich tuniibe. 5Boonoshichoo Nuggishoo Doono Yeeri ishichiye gete: ‘Israꞌeelin ta kaaccehooba, Yaaqobi yareenaꞌoyich ta wogehooba, Gibitsee showoochaa boonoshich taan ta arichiihooba, “Ta, ittoshi Nuggishoo Doono Yeeri taane” iyaꞌa boonoshich wogeto taane. 6Ebiyooba Gibitsee boonoshin kichiree, boonoshich ta qanniiti ejjoonaa eeyona xuupphiibeeti showooch, showoo bulliyee beshe gaawe showooch boonoshin deeboyich wogehoye.#Key. 6:2-8 7Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.
8“ ‘Tunebaani boonoshi taachon waayemmon qajjiichii ta toommooch hukkoon tiijjiyeete. Boonoshi bulliyona oogichii boonoshi shunniibeeti ciigiiti mooyon wokkiyaaneenaꞌone; Gibitsee showeexi shahalleenaꞌonoo qayaaneenaꞌone. Tawoo Gibitsee showooch boonoshi beetaa ta kaaroon kindiiya, ta neboonoo deejjiya gabito taane. 9Tunebaani boonoshina tookkii beeti aageteenaꞌo aafoochaa Israꞌeeleenaꞌoyich bekkaꞌa boonoshin Gibitsee kichoyich ta gibenikkitoyich, ta shigo qallayeyaachemmoyicha iyaꞌa ta shigoyich ebin tuniyaano taane. 10Ebina Gibitsee boonoshin kichaꞌa barahooch deebeho. 11Asho bi ceechigaata kashoona bi beeyemmi ta qociyoon boonoshich immeho; ta getoonoo boonoshich arichiiho. 12Ebiyeenoo boonoshin yaafiibeeto Doono Yeeri ta tunoon boonoshi ariyemmoyich, boonoshinaa taannochi daggooch malletoo bi tunemmoyich ta shambetoon boonoshich immeho.#Key. 31:13-17
13“ ‘Tunebaani Israꞌeelee macceenaꞌo barahoochaa ta toommooch tiyiyeete; asho bi ceechigaata kashoona bi beeyemmi ta qociyoona beemon qajjiyeete; ta getoonoo hamaaneenaꞌone; ta shambetoonoo ciroona eeꞌiiheete. Ebiyooba boonoshin aalliyoyich, ta kaaroon barahoochaa boonoshi toommooch kindiiya gabiyoye.#Lew. 18:5 14Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaano taane. 15Boonoshich imma ta gibenikkiti ejjoonaa eeyona xuupphiibeeti showooch, showoo bulliyee beshe gaawe showooch boonoshin giijjaachemmo ta tunoon barahoochaa boonoshich wogeho.#Had. 14:26-35 16Ebiyoo boonoshi mullo shahalleenaꞌo waan bi wottetoyich, ta getoon boonoshi shaaddetoyich, ta qociyoona beemo boonoshi qajjitoyich, ta shambetoonoo boonoshi eeꞌitoyichiye. 17Tunebaani boonoshich ta ariqqetoyich boonoshin aalliyaano taane; barahoochaanoo boonoshin ciichaano taane. 18Boonoshi bushiisheenaꞌoyich barahoochaa ishichiyoye: “Ittoshi niheenaꞌochi qocoona hammaahote; boonoshi doyoonoo quyeyaahote; boonoshi shahalleenaꞌona eeꞌeyaahote. 19Ta, Doono Yeeri ittoshi Nuggishoo taane; ta qociyoona hambote; ta geteenaꞌonoo manjii quyebote. 20Ta, Doono Yeeri ittoshi Nuggishoo ta tunoon ittoshi ariyemmoyich taannaa ittoshina daggooch malletoo bi tunemmoyich, ta shambetoon yaafeeti aabo tuniibote” iyoye.
21“ ‘Tunebaani boonoshi bushiisheenaꞌo ta toommooch tiyiyeete; asho bi ceechigaata kashoona bi beeyemmi ta qociyoona hamaaneenaꞌone; ta geteenaꞌonoo quyeyaaneenaꞌone; ta shambetoonoo eeꞌiiheete; ebiyooba barahoochaa ta neboon boonoshi toommooch kindiiya, ta kaaroonoo boonoshi toommooch ceechiya gabiyoye. 22Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaanoon ta mochoon gubb wochiyo. 23Andoo aageteenaꞌo daggooch, showeenaꞌoochoo boonoshin shaccemmo ta tunoon barahoochaa boonoshich wogehoye.#Lew. 26:33 24Ebiyoo ta qociyoona hamo boonoshi qajjitoyich, ta geteenaꞌon quyeyaaneenaꞌo boonoshi tunetoyich, ta shambeteenaꞌon boonoshi eeꞌitoyich, boonoshi qaabbechinaꞌochi shahalleenaꞌoyich boonoshi goyinnetoyichiye. 25Aroochee boonoshich gaaweyaani qociyoon, kashoona boonoshi betaachemmi doyoonoo immehoye. 26Boonoshi gutenee bushiishoon qaaqqee toommooch giddii deejjoona boonoshi eeꞌee beetaa cikkii qajjoye; ta eechito, boonoshin keqqichoyich, Doono Yeeri ta tunoonoo boonoshi ariyemmoyich tuniyoyichiye’ itone gete.
27“Ebich, ashi bushoocho, Israꞌeelee macceenaꞌoyich ishichibe: Nuggishoo Doono Yeeri ishichiye: ‘Ittoshi qaabbechinaꞌo taan qayona taan giishiiheete. 28Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete. 29Tawoo boonoshin “Ebi ittoshi hammiibeeti guudi toommeexi goyinnee xaaꞌeenaꞌo ameenaꞌone?” iyaꞌa echehoye’ itone gete” iye. Ebi xaaꞌeenaꞌo hanaach beddaahaa Bamaahi#20:29 Bamaahi geto, “Guudo” getone; guudi toommooch beeti goyinnee xaaꞌooch hammiꞌi goyinno Israꞌeeleenaꞌoyich daaggeyaanoone. getaa ceekkee beetinaꞌone.
Yeerichi Sheeroonaa Maaroona
30“Ebich Israꞌeelee macceenaꞌoyich ishichi gete: ‘Nuggishoo Doono Yeeri ishichiye: Ittoshi qaabbechinaꞌochoommon ittoshi qelloon eeꞌii beeyehote? Ciigiiti shahalleenaꞌoyich goyinnoona muricibee yahechi maacheen shaahi beeyehote? 31And beddaahaa deejjoon deejjoona, ittoshi bushiishoon micciibeeti deejjoo tuniiꞌi giddiyoona ebi ittoshi shahalleenaꞌona ittoshi qelloon eeꞌiiniye ittoshi beeto. Israꞌeeleenaꞌote, ishigaata ta waanee echii ittoshi waayemmoyich ittoshich daaggibote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri.
32“ ‘ “Bare aageteenaꞌochoommon, mixonaa xaqqoonoyich goyinneebeeti asheenaꞌochoommon tunebone” iyote. Tunebaani ebi ittoshi mulloona ittoshi gabito ciroona kaameyaachemmone. 33Nuggishoo Doono Yeeri ishichiye: Beeyecho ta tunoona wogehoye: Kupphe ta mochoonaa ta giidoonon bekkiyoona, ta neboonoo kindiyoona ittoshi toommooch taatemmo taane. 34Kupphe ta mochoonaa ta giidoonon bekkiyoona, ta neboonoo kindiyoona, ittoshi shaceti aageteenaꞌonaa showoonoochee ittoshin kicemmo taane. 35Macceenaꞌochi barahooch ittoshin deebemmo taane; aroochaa ittoshi ciini beetaa ittoshi toommooch nallemmo taane. 36Gibitsee barahoochaa ittoshi qaabbechinaꞌochi toommooch ta nalloommon ittoshi toommooch nallemmo taane, iye Nuggishoo Doono Yeeri. 37Taach ittoshi hajjeyemmoyich tuniiree, ta wogooch ittoshin giijjemmo taane. 38Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.
39“ ‘Israꞌeelee macceenaꞌote, ittoshichon Nuggishoo Doono Yeeri ishichiye: Illa ebiyee bekk ta getoon waayeyaache ittoshi getigaata, ittoshi ikkikkoona hamiree ittoshi shahalloyich goyinnebote; tunebaani ebiyee bekk yaafe ta shigoon ittoshi buuroona, shahalloonoo eeꞌiyaachemmo ittoshine. 40Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane. 41Aageteenaꞌo waanee ittoshin ta kichiyooba, ittoshi shaceti showoo bulliichee ittoshin ta kiciyooba, gaawe cinnechi mooyon shaahiiree ittoshin ciinnemmo taane; aageteenaꞌo ciini beetaa ittoshi daggooch ta yaafittinoon bekkiyemmo taane. 42Ittoshi qaabbechinaꞌoyich imoyich wogoon ta giyeti Israꞌeelee showooch ittoshin wochaa ta deebiyooba, Doono Yeeri ta tunoon ariyemmo ittoshine. 43Aroochaa ittoshi eeꞌeti gomminaꞌonaa ittoshi shuunoo bullinon shalligemmo ittoshine; ittoshi shuuneti gondo bullich ittoshin wochi ciigemmo ittoshine. 44Israꞌeelee macceenaꞌote, ittoshi gonde goomoommonaa shuunoommona tuneyaanoon, ta shigoyicha getiree ittoshich ta tuniyemmi mooyona Doono Yeeri ta tunoon ariyemmo ittoshine, iye Nuggishoo Doono Yeeri’ itone gete” iye.
Deshi-Waanee Tiyemmi Qaaqqoo
45Doono Yeeri taach ishichiye: 46“Ashi bushoocho, ne aafoon deshi-waan wochiichi deshi-waanich gete; deshi-waan, Negeeb beeti kubboyich keemoon keembe. 47Deshi-waan, Negeeb beeti kubboyich, ‘Doono Yeerichi qaaroon waayebote; Nuggishoo Doono Yeeri ishichiye: Ebiyoche ne daggooch qaaqqoon geddemmo taane; ne daggooch beeti waajjechonaa shuuꞌona tuneti mixo bullin maayemmone; ebi qaaqqee aaxxo tahaachemmone; deshi-waanee tiijji dambi-waan beddaahaa beeti ashi aafoon michemmone. 48Ebina ebi kubboon michito Doono Yeeri ta tunoon meeno taheto bulli beeggemmone; ebi qaaqqoo tahaachemmone’ gete” iye.
49Tawoo “Nuggishoo Doono Yeero, asheenaꞌo ‘Ebi uro cikkii nooch turiteeniye bi beeto’ ii ta mooyon yibbaatee beetinaꞌone” iyo.
Currently Selected:
Hiziqeeli 20: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 20
20
Israꞌeeleenaꞌo Hukkoochee Wotteyaache Geto
1Kecee no hammeti shabaattinnee natooba, uuchinnee agenee aashirinnee qemooba Israꞌeelee geeneenaꞌoochee asheenaꞌo Doono Yeer waanee echii waayoyich ta waan waaꞌi ta aafooch koteheete. 2Doono Yeeriyoo taach ishichiye: 3“Ashi bushoocho, Israꞌeelee geeneenaꞌoyich, ‘Nuggishoo Doono Yeeri ishichiye: Ta waanee echii waayeya waahote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri’ gete.
4“Ashi bushoocho, boonoshi toommooch nalliya qannitine? Nalliya qannitine? Ishigaata, boonoshi qaabbechinaꞌo shuuneti ciigiiti mooyon boonoshi ariyemmoyich tuniibe. 5Boonoshichoo Nuggishoo Doono Yeeri ishichiye gete: ‘Israꞌeelin ta kaaccehooba, Yaaqobi yareenaꞌoyich ta wogehooba, Gibitsee showoochaa boonoshich taan ta arichiihooba, “Ta, ittoshi Nuggishoo Doono Yeeri taane” iyaꞌa boonoshich wogeto taane. 6Ebiyooba Gibitsee boonoshin kichiree, boonoshich ta qanniiti ejjoonaa eeyona xuupphiibeeti showooch, showoo bulliyee beshe gaawe showooch boonoshin deeboyich wogehoye.#Key. 6:2-8 7Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.
8“ ‘Tunebaani boonoshi taachon waayemmon qajjiichii ta toommooch hukkoon tiijjiyeete. Boonoshi bulliyona oogichii boonoshi shunniibeeti ciigiiti mooyon wokkiyaaneenaꞌone; Gibitsee showeexi shahalleenaꞌonoo qayaaneenaꞌone. Tawoo Gibitsee showooch boonoshi beetaa ta kaaroon kindiiya, ta neboonoo deejjiya gabito taane. 9Tunebaani boonoshina tookkii beeti aageteenaꞌo aafoochaa Israꞌeeleenaꞌoyich bekkaꞌa boonoshin Gibitsee kichoyich ta gibenikkitoyich, ta shigo qallayeyaachemmoyicha iyaꞌa ta shigoyich ebin tuniyaano taane. 10Ebina Gibitsee boonoshin kichaꞌa barahooch deebeho. 11Asho bi ceechigaata kashoona bi beeyemmi ta qociyoon boonoshich immeho; ta getoonoo boonoshich arichiiho. 12Ebiyeenoo boonoshin yaafiibeeto Doono Yeeri ta tunoon boonoshi ariyemmoyich, boonoshinaa taannochi daggooch malletoo bi tunemmoyich ta shambetoon boonoshich immeho.#Key. 31:13-17
13“ ‘Tunebaani Israꞌeelee macceenaꞌo barahoochaa ta toommooch tiyiyeete; asho bi ceechigaata kashoona bi beeyemmi ta qociyoona beemon qajjiyeete; ta getoonoo hamaaneenaꞌone; ta shambetoonoo ciroona eeꞌiiheete. Ebiyooba boonoshin aalliyoyich, ta kaaroon barahoochaa boonoshi toommooch kindiiya gabiyoye.#Lew. 18:5 14Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaano taane. 15Boonoshich imma ta gibenikkiti ejjoonaa eeyona xuupphiibeeti showooch, showoo bulliyee beshe gaawe showooch boonoshin giijjaachemmo ta tunoon barahoochaa boonoshich wogeho.#Had. 14:26-35 16Ebiyoo boonoshi mullo shahalleenaꞌo waan bi wottetoyich, ta getoon boonoshi shaaddetoyich, ta qociyoona beemo boonoshi qajjitoyich, ta shambetoonoo boonoshi eeꞌitoyichiye. 17Tunebaani boonoshich ta ariqqetoyich boonoshin aalliyaano taane; barahoochaanoo boonoshin ciichaano taane. 18Boonoshi bushiisheenaꞌoyich barahoochaa ishichiyoye: “Ittoshi niheenaꞌochi qocoona hammaahote; boonoshi doyoonoo quyeyaahote; boonoshi shahalleenaꞌona eeꞌeyaahote. 19Ta, Doono Yeeri ittoshi Nuggishoo taane; ta qociyoona hambote; ta geteenaꞌonoo manjii quyebote. 20Ta, Doono Yeeri ittoshi Nuggishoo ta tunoon ittoshi ariyemmoyich taannaa ittoshina daggooch malletoo bi tunemmoyich, ta shambetoon yaafeeti aabo tuniibote” iyoye.
21“ ‘Tunebaani boonoshi bushiisheenaꞌo ta toommooch tiyiyeete; asho bi ceechigaata kashoona bi beeyemmi ta qociyoona hamaaneenaꞌone; ta geteenaꞌonoo quyeyaaneenaꞌone; ta shambetoonoo eeꞌiiheete; ebiyooba barahoochaa ta neboon boonoshi toommooch kindiiya, ta kaaroonoo boonoshi toommooch ceechiya gabiyoye. 22Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaanoon ta mochoon gubb wochiyo. 23Andoo aageteenaꞌo daggooch, showeenaꞌoochoo boonoshin shaccemmo ta tunoon barahoochaa boonoshich wogehoye.#Lew. 26:33 24Ebiyoo ta qociyoona hamo boonoshi qajjitoyich, ta geteenaꞌon quyeyaaneenaꞌo boonoshi tunetoyich, ta shambeteenaꞌon boonoshi eeꞌitoyich, boonoshi qaabbechinaꞌochi shahalleenaꞌoyich boonoshi goyinnetoyichiye. 25Aroochee boonoshich gaaweyaani qociyoon, kashoona boonoshi betaachemmi doyoonoo immehoye. 26Boonoshi gutenee bushiishoon qaaqqee toommooch giddii deejjoona boonoshi eeꞌee beetaa cikkii qajjoye; ta eechito, boonoshin keqqichoyich, Doono Yeeri ta tunoonoo boonoshi ariyemmoyich tuniyoyichiye’ itone gete.
27“Ebich, ashi bushoocho, Israꞌeelee macceenaꞌoyich ishichibe: Nuggishoo Doono Yeeri ishichiye: ‘Ittoshi qaabbechinaꞌo taan qayona taan giishiiheete. 28Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete. 29Tawoo boonoshin “Ebi ittoshi hammiibeeti guudi toommeexi goyinnee xaaꞌeenaꞌo ameenaꞌone?” iyaꞌa echehoye’ itone gete” iye. Ebi xaaꞌeenaꞌo hanaach beddaahaa Bamaahi#20:29 Bamaahi geto, “Guudo” getone; guudi toommooch beeti goyinnee xaaꞌooch hammiꞌi goyinno Israꞌeeleenaꞌoyich daaggeyaanoone. getaa ceekkee beetinaꞌone.
Yeerichi Sheeroonaa Maaroona
30“Ebich Israꞌeelee macceenaꞌoyich ishichi gete: ‘Nuggishoo Doono Yeeri ishichiye: Ittoshi qaabbechinaꞌochoommon ittoshi qelloon eeꞌii beeyehote? Ciigiiti shahalleenaꞌoyich goyinnoona muricibee yahechi maacheen shaahi beeyehote? 31And beddaahaa deejjoon deejjoona, ittoshi bushiishoon micciibeeti deejjoo tuniiꞌi giddiyoona ebi ittoshi shahalleenaꞌona ittoshi qelloon eeꞌiiniye ittoshi beeto. Israꞌeeleenaꞌote, ishigaata ta waanee echii ittoshi waayemmoyich ittoshich daaggibote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri.
32“ ‘ “Bare aageteenaꞌochoommon, mixonaa xaqqoonoyich goyinneebeeti asheenaꞌochoommon tunebone” iyote. Tunebaani ebi ittoshi mulloona ittoshi gabito ciroona kaameyaachemmone. 33Nuggishoo Doono Yeeri ishichiye: Beeyecho ta tunoona wogehoye: Kupphe ta mochoonaa ta giidoonon bekkiyoona, ta neboonoo kindiyoona ittoshi toommooch taatemmo taane. 34Kupphe ta mochoonaa ta giidoonon bekkiyoona, ta neboonoo kindiyoona, ittoshi shaceti aageteenaꞌonaa showoonoochee ittoshin kicemmo taane. 35Macceenaꞌochi barahooch ittoshin deebemmo taane; aroochaa ittoshi ciini beetaa ittoshi toommooch nallemmo taane. 36Gibitsee barahoochaa ittoshi qaabbechinaꞌochi toommooch ta nalloommon ittoshi toommooch nallemmo taane, iye Nuggishoo Doono Yeeri. 37Taach ittoshi hajjeyemmoyich tuniiree, ta wogooch ittoshin giijjemmo taane. 38Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.
39“ ‘Israꞌeelee macceenaꞌote, ittoshichon Nuggishoo Doono Yeeri ishichiye: Illa ebiyee bekk ta getoon waayeyaache ittoshi getigaata, ittoshi ikkikkoona hamiree ittoshi shahalloyich goyinnebote; tunebaani ebiyee bekk yaafe ta shigoon ittoshi buuroona, shahalloonoo eeꞌiyaachemmo ittoshine. 40Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane. 41Aageteenaꞌo waanee ittoshin ta kichiyooba, ittoshi shaceti showoo bulliichee ittoshin ta kiciyooba, gaawe cinnechi mooyon shaahiiree ittoshin ciinnemmo taane; aageteenaꞌo ciini beetaa ittoshi daggooch ta yaafittinoon bekkiyemmo taane. 42Ittoshi qaabbechinaꞌoyich imoyich wogoon ta giyeti Israꞌeelee showooch ittoshin wochaa ta deebiyooba, Doono Yeeri ta tunoon ariyemmo ittoshine. 43Aroochaa ittoshi eeꞌeti gomminaꞌonaa ittoshi shuunoo bullinon shalligemmo ittoshine; ittoshi shuuneti gondo bullich ittoshin wochi ciigemmo ittoshine. 44Israꞌeelee macceenaꞌote, ittoshi gonde goomoommonaa shuunoommona tuneyaanoon, ta shigoyicha getiree ittoshich ta tuniyemmi mooyona Doono Yeeri ta tunoon ariyemmo ittoshine, iye Nuggishoo Doono Yeeri’ itone gete” iye.
Deshi-Waanee Tiyemmi Qaaqqoo
45Doono Yeeri taach ishichiye: 46“Ashi bushoocho, ne aafoon deshi-waan wochiichi deshi-waanich gete; deshi-waan, Negeeb beeti kubboyich keemoon keembe. 47Deshi-waan, Negeeb beeti kubboyich, ‘Doono Yeerichi qaaroon waayebote; Nuggishoo Doono Yeeri ishichiye: Ebiyoche ne daggooch qaaqqoon geddemmo taane; ne daggooch beeti waajjechonaa shuuꞌona tuneti mixo bullin maayemmone; ebi qaaqqee aaxxo tahaachemmone; deshi-waanee tiijji dambi-waan beddaahaa beeti ashi aafoon michemmone. 48Ebina ebi kubboon michito Doono Yeeri ta tunoon meeno taheto bulli beeggemmone; ebi qaaqqoo tahaachemmone’ gete” iye.
49Tawoo “Nuggishoo Doono Yeero, asheenaꞌo ‘Ebi uro cikkii nooch turiteeniye bi beeto’ ii ta mooyon yibbaatee beetinaꞌone” iyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.