Hiziqeeli 18
18
Asho Sheereyemmo Bi Axaaxoyich Baach Tuno
1Doono Yeeri taach ishichiye: 2“Israꞌeelee showooch wochii wochii:
Niheenaꞌo gaangaani woyinee aafoon maaheete;
bushiisheenaꞌochi gasho giiriye;
ittoshi ii beeti shaahiyee yibbaatoo amoone?
3“Beeyecho ta tunoona wogaꞌa Nuggishoo Doono Yeeri ta ishichiyoye: Ebiyoommi yibbaatoon Israꞌeelee showoochaa guttinnoon yibbaateyaachemmo ittoshine. 4Kasho bulli taachone; nihoochi kasho taacho bi tunoommon bushoochi kasho taachone; axaaxoon shuuneti asho aroo qitemmone.
5“Asho cadiqo, tate nallechonaa kaamoona bi tunegaata, 6guudinaꞌo toommoochaa deejjeeton maataano bi tunegaata, Israꞌeelee macceenaꞌochi shahalleenaꞌoyich goyinno bi qayigaata, bi nuuchoochi mecheen eeꞌiyoo bi qayigaata, qechee goorooch maacheena dano bi qayigaata, 7koninolla neexxii hajjoo bi qayigaata, hiishecho yechiyoo immiton wochi bi imigaata, bogo bi qayigaata, shaacetoyich bi maanjigaata, tubbetoyich bi tajjigaata, 8gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata, 9ta qociyoommona bi shaaddegaata, ibere mooyon tuniyoyich ta geteenaꞌon bi quyegaata, aroo cadiqe ashoone; biyoo kashoona beeyemmone, iye Nuggishoo Doono Yeeri.#Lew. 18:5
10“Tunebaani ebi uroo boggechi woyee damee ukkechi woyee ebi sheeroochee ikkoonolla tuniyaane bushoo biich beegaata, 11bi nihoo ebi gondoochee ikkoonolla tuniyaano bi tunegaata, tunebaani bushoo guudi toommoochaa deejjeeton bi maagaata, ashi mecheen bi eeꞌiigaata, 12girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata, 13bi koyitiigaata, shimon bi deꞌigaata, iberoochaa kashoona beeyehe? Kashoona beetaachemmone. Ebi bulli ciigiiti mooyon bi tuniitoyich iberoochaa qitemmone; bi damoo bi toommooch tunemmone.
14“Tunebaani ebi uro bushoo shiyaa, ebi bushoo bi nihoo shuuneti axaaxoon beeggiꞌi bi nihoochoommon tuniyoo bi qayigaata, 15guudi toommoochaa deejjeeton mamo bi qayigaata, Israꞌeelee macceenaꞌochi shahalleenaꞌoyich goyinno bi qayigaata, bi nuuchoochi mecheen eeꞌiyoo bi qayigaata, 16asho koninolla neexxii hajjoo bi qayigaata, yechiyoon deqqiꞌi echiyoo bi qayigaata, bogo bi qayigaata, bi maayoochee shaacetoyich bi maanjigaata, tubbetoyich bi tajjigaata, 17girechon xuꞌo bi qayigaata, gijjoon koyitiyoon bi qayigaata, wodde shimon deꞌo bi qayigaata, ta qociyoona bi beegaata, ta getoona bi hamigaata, aroo kashoona beeyehalli bi nihoochi axaaxoona ciroona qitaachemmone. 18Tunebaani bi nihoo bi xuqqitoyich, bi manoon bi boggitoyich, bi asheenaꞌo daggooch gonde mooyon bi tuniitoyich, aroo bi axaaxoona qitemmone.
19“Tunebaani ittoshi ‘Bushoo bi nihoochi axaaxoyich amoyich naxeyaache?’ ii beeto ittoshine. Bushoo dayinnetoonaa kaamoona tuneti mooyon bi tuniigaata, ta qociyeenaꞌo bullin bi quyegaata, iberoochaa kashoona beeyemmone. 20Axaaxoon shuuneto aroo qitemmone; bushoo bi nihoochi axaaxoyich naxeyaachemmone; nihoo bi bushoochi axaaxoyich naxeyaachemmone; cadiqo bi cadiqittinee gaacoon danemmone; axaaxechoo bi axaaxoyich naxeyemmone.#Yibba. 24:16
21“Axaaxecho bi shuuneebeeti axaaxoochee wotteꞌi ta geto bullin bi quyegaata, dayinnetoonaa tate mooyonon bi tuniigaata, kashoona beeyehalli ciroona qitaachemmone. 22Bi shuuneti axaaxoo bulli gabeyaachemmone; bi shuuneti cadiqittinoyich kashoona beeyemmone. 23Axaaxechi ashi qitoona emirehote? Ta emiroo asho bi gondoochee wotteꞌi kashoona bi beemona toone? iye Nuggishoo Doono Yeeri.
24“Tunebaani cadiqe asho bi cadiqittinoochee wotteꞌi gonde asheenaꞌo tuniibeeti gondoonaa ciigiiti mooyonon bi tuniigaata, kashoona beeyehe? Kashoona beetache; halla bi shuuneti cadiqe mooyolla gabeyaachemmone; gibeneyaano bi tunoonaa bi axaaxoonoyich qitemmone.
25“Tunebaani ittoshi ‘Yeerichi gommo kaamoo toonoone’ iyote. Israꞌeelee macceenaꞌote, waayebote: Iberoochaa ta gommo kaamoo toone? Kaameyaano ittoshi gommo toone? 26Cadiqe asho bi cadiqoochee wotteꞌi axaaxoon bi shuunehooba qitemmone; ebi bi shuuneti axaaxee naboona qitemmone. 27Ebiyoommon wotta axaaxecho bi shuuneti axaaxoochee bi wottegaata, dayinnetoonaa cadiqe mooyonon bi tuniigaata, bi kashoon wodiyemmone. 28Bi tuniiti gonde mooyon shalligiꞌi bi shuuneti axaaxoo bulliichee bi wottetoyich kashoona beeyehalli qitaachemmone. 29Tunebaani Israꞌeelee macceenaꞌo ‘Yeerichi gommo kaamoo toonoone’ itinaꞌone. Israꞌeelee macceenaꞌote, iberoochaa ta gommo kaamoo toone? Kaamoo tuneyaano ittoshi gommo toone?
30“Israꞌeelee macceenaꞌote, ebich bi gommi gommoommona asho bi ikkikkoochi toommooch nallemmo taane, iye Nuggishoo Doono Yeeri. Gondoochee wottebote; axaaxoo xugoon ittoshich bi tuneyaachemmoyich ittoshi xuꞌo bulliichee wottebote. 31Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo? 32Ta, konichi qitoonolla emiraano taane; ebich ittoshi axaaxoochee wotteree kashoona beebote” iye Nuggishoo Doono Yeeri.
Currently Selected:
Hiziqeeli 18: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 18
18
Asho Sheereyemmo Bi Axaaxoyich Baach Tuno
1Doono Yeeri taach ishichiye: 2“Israꞌeelee showooch wochii wochii:
Niheenaꞌo gaangaani woyinee aafoon maaheete;
bushiisheenaꞌochi gasho giiriye;
ittoshi ii beeti shaahiyee yibbaatoo amoone?
3“Beeyecho ta tunoona wogaꞌa Nuggishoo Doono Yeeri ta ishichiyoye: Ebiyoommi yibbaatoon Israꞌeelee showoochaa guttinnoon yibbaateyaachemmo ittoshine. 4Kasho bulli taachone; nihoochi kasho taacho bi tunoommon bushoochi kasho taachone; axaaxoon shuuneti asho aroo qitemmone.
5“Asho cadiqo, tate nallechonaa kaamoona bi tunegaata, 6guudinaꞌo toommoochaa deejjeeton maataano bi tunegaata, Israꞌeelee macceenaꞌochi shahalleenaꞌoyich goyinno bi qayigaata, bi nuuchoochi mecheen eeꞌiyoo bi qayigaata, qechee goorooch maacheena dano bi qayigaata, 7koninolla neexxii hajjoo bi qayigaata, hiishecho yechiyoo immiton wochi bi imigaata, bogo bi qayigaata, shaacetoyich bi maanjigaata, tubbetoyich bi tajjigaata, 8gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata, 9ta qociyoommona bi shaaddegaata, ibere mooyon tuniyoyich ta geteenaꞌon bi quyegaata, aroo cadiqe ashoone; biyoo kashoona beeyemmone, iye Nuggishoo Doono Yeeri.#Lew. 18:5
10“Tunebaani ebi uroo boggechi woyee damee ukkechi woyee ebi sheeroochee ikkoonolla tuniyaane bushoo biich beegaata, 11bi nihoo ebi gondoochee ikkoonolla tuniyaano bi tunegaata, tunebaani bushoo guudi toommoochaa deejjeeton bi maagaata, ashi mecheen bi eeꞌiigaata, 12girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata, 13bi koyitiigaata, shimon bi deꞌigaata, iberoochaa kashoona beeyehe? Kashoona beetaachemmone. Ebi bulli ciigiiti mooyon bi tuniitoyich iberoochaa qitemmone; bi damoo bi toommooch tunemmone.
14“Tunebaani ebi uro bushoo shiyaa, ebi bushoo bi nihoo shuuneti axaaxoon beeggiꞌi bi nihoochoommon tuniyoo bi qayigaata, 15guudi toommoochaa deejjeeton mamo bi qayigaata, Israꞌeelee macceenaꞌochi shahalleenaꞌoyich goyinno bi qayigaata, bi nuuchoochi mecheen eeꞌiyoo bi qayigaata, 16asho koninolla neexxii hajjoo bi qayigaata, yechiyoon deqqiꞌi echiyoo bi qayigaata, bogo bi qayigaata, bi maayoochee shaacetoyich bi maanjigaata, tubbetoyich bi tajjigaata, 17girechon xuꞌo bi qayigaata, gijjoon koyitiyoon bi qayigaata, wodde shimon deꞌo bi qayigaata, ta qociyoona bi beegaata, ta getoona bi hamigaata, aroo kashoona beeyehalli bi nihoochi axaaxoona ciroona qitaachemmone. 18Tunebaani bi nihoo bi xuqqitoyich, bi manoon bi boggitoyich, bi asheenaꞌo daggooch gonde mooyon bi tuniitoyich, aroo bi axaaxoona qitemmone.
19“Tunebaani ittoshi ‘Bushoo bi nihoochi axaaxoyich amoyich naxeyaache?’ ii beeto ittoshine. Bushoo dayinnetoonaa kaamoona tuneti mooyon bi tuniigaata, ta qociyeenaꞌo bullin bi quyegaata, iberoochaa kashoona beeyemmone. 20Axaaxoon shuuneto aroo qitemmone; bushoo bi nihoochi axaaxoyich naxeyaachemmone; nihoo bi bushoochi axaaxoyich naxeyaachemmone; cadiqo bi cadiqittinee gaacoon danemmone; axaaxechoo bi axaaxoyich naxeyemmone.#Yibba. 24:16
21“Axaaxecho bi shuuneebeeti axaaxoochee wotteꞌi ta geto bullin bi quyegaata, dayinnetoonaa tate mooyonon bi tuniigaata, kashoona beeyehalli ciroona qitaachemmone. 22Bi shuuneti axaaxoo bulli gabeyaachemmone; bi shuuneti cadiqittinoyich kashoona beeyemmone. 23Axaaxechi ashi qitoona emirehote? Ta emiroo asho bi gondoochee wotteꞌi kashoona bi beemona toone? iye Nuggishoo Doono Yeeri.
24“Tunebaani cadiqe asho bi cadiqittinoochee wotteꞌi gonde asheenaꞌo tuniibeeti gondoonaa ciigiiti mooyonon bi tuniigaata, kashoona beeyehe? Kashoona beetache; halla bi shuuneti cadiqe mooyolla gabeyaachemmone; gibeneyaano bi tunoonaa bi axaaxoonoyich qitemmone.
25“Tunebaani ittoshi ‘Yeerichi gommo kaamoo toonoone’ iyote. Israꞌeelee macceenaꞌote, waayebote: Iberoochaa ta gommo kaamoo toone? Kaameyaano ittoshi gommo toone? 26Cadiqe asho bi cadiqoochee wotteꞌi axaaxoon bi shuunehooba qitemmone; ebi bi shuuneti axaaxee naboona qitemmone. 27Ebiyoommon wotta axaaxecho bi shuuneti axaaxoochee bi wottegaata, dayinnetoonaa cadiqe mooyonon bi tuniigaata, bi kashoon wodiyemmone. 28Bi tuniiti gonde mooyon shalligiꞌi bi shuuneti axaaxoo bulliichee bi wottetoyich kashoona beeyehalli qitaachemmone. 29Tunebaani Israꞌeelee macceenaꞌo ‘Yeerichi gommo kaamoo toonoone’ itinaꞌone. Israꞌeelee macceenaꞌote, iberoochaa ta gommo kaamoo toone? Kaamoo tuneyaano ittoshi gommo toone?
30“Israꞌeelee macceenaꞌote, ebich bi gommi gommoommona asho bi ikkikkoochi toommooch nallemmo taane, iye Nuggishoo Doono Yeeri. Gondoochee wottebote; axaaxoo xugoon ittoshich bi tuneyaachemmoyich ittoshi xuꞌo bulliichee wottebote. 31Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo? 32Ta, konichi qitoonolla emiraano taane; ebich ittoshi axaaxoochee wotteree kashoona beebote” iye Nuggishoo Doono Yeeri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.