Keyo 8
8
Woqqeqqee Naxo Kindoo
1Aroochee Doono Yeeri Muusich ishichiye: “Faroon waan hamiree biich ishichibe: ‘Doono Yeeri ishichiye: “Taach boonoshi goyinne maddemmoyich, ta asheenaꞌon gawukkibe. 2Tunebaani gawukkoo ne qayigaata, ne showoo bullin woqqeqqeenaꞌona#8:2 Ikkikke asheenaꞌo woqqeqqeenaꞌon coqqireqqeenaꞌo ii beetinaꞌone. yexxemmo taane. 3Abbaayi aacooch woqqeqqeenaꞌo ceennemminaꞌone; woqqeqqeenaꞌo aroochee keyiree, ne taatee kexooch, ne qeyaabeeti gatooch, ne qeyaabeeti qeenooch, ne iraasheenaꞌo kexonaa ne asheenaꞌo kexonooch, neech maayo kachiibeeti gemmoonaa bukee qiiceenaꞌonooch ceennemminaꞌone. 4Woqqeqqeenaꞌo ne toommooch, ne asho bullinaa ne iraashoo bullinochi toommooch kechemminaꞌone” itone’ gete” iye.
5Aroochee Doono Yeeri Muusich ishichiye: “Haroonin ‘Ne gumboon yeshiree woce aacinaꞌo toommooch, bobbeeti aacinaꞌonaa kote aacinaꞌonochi toommooch ne kishoon yaggibe. Woqqeqqeenaꞌo Gibitsee showooch boonoshi kechemmoyich tuniibe’ gete” iye.
6Ebina Harooni Gibitsee showeexi aacinaꞌo toommooch bi kishoon yaggiye; woqqeqqeenaꞌo kechiꞌi showoon guuppiyeete. 7Tunebaani kaayechinaꞌo wotta boonoshi kaayoona Gibitsee showee toommooch woqqeqqeenaꞌo kechemmoyich tuniiheete.
8Farooniyoo Muusinaa Harooninon ceeggiꞌi boonoshich ishichiye: “Taannaa ta asheenaꞌona waanee woqqeqqeenaꞌon bi wokkiyemmoyich, Doono Yeerin qollebote. Doono Yeerich deejjoon boonoshi deejjemmoyich ittoshi asheenaꞌon ta gawukkaa hammemminaꞌone” iye.
9Muusiyoo Faroonich ishichiye: “Woqqeqqeenaꞌo Abbaayi aacooch baach echeechi, ne waanee, ne kexinaꞌoochee, ne iraasheenaꞌonaa ne asheenaꞌonona waanee boonoshi aallemmoyich Doono Yeerin ta qollemmi aaboon ne taajjebe” iye.
10Farooniyoo “Yaach tunebe” iye.
Muusiyoo ishichiꞌi wochiye: “No Nuggishoo Doono Yeeriyoommi bare nuggishoo koniyoona aallo bi tunoon ne ariyemmoyich, ne gettetoommon tunebe. 11Woqqeqqeenaꞌo ne waanee, ne kexinaꞌoochee, ne iraasheenaꞌonaa ne asheenaꞌona waanee wokkemminaꞌone; Abbaay baach tunemminaꞌone” iye.
12Muusinaa Haroonina Faroon waanee boonoshi wottetoyee gubb, Farooni toommooch bi deejjiti woqqeqqeenaꞌon bi aalliyemmoyich, Muusi Doono Yeerin qollehe. 13Doono Yeeriyoo Muusi qolletoommon tuniihe. Kechi daggooch, uxeree daggoonaa budonooch beeti woqqeqqeenaꞌo qitiyeete. 14Asheenaꞌoo macii kiciꞌi ikkooch gutiyeete. Showoo bulli shaaqqiye. 15Tunebaani Farooni iritoo ketteto tunoon beeggiichii, Doono Yeeri gettitoommon, bi mulloon muumiihalli, Muusinaa Haroonina gettiton waayeyaanoone.
Shaaccaabeeti Shunnee Naxo Kindoo
16Aroochee Doono Yeeri Muusich, “Haroonin ‘Ne gumboon tiijjiree showee buttoon yexe’ gete. Ebina Gibitsee showeexi quttoo bulli shaaccaabeeti shunneen#8:16 Ikkikke wonnee Yaafe Macaafooch, “Shunnee” ii beeto “Cuco” getteetone. tunemmone” iye. 17Boonoshiyoo ebiyoommon tuniiheete. Harooni bi yechiibeeti gumboon tiijjiꞌi, showee buttoon bi yexximmona, Gibitsee showeexi quttoo bulli shaaccaabeeti shunneen tunehe. Asheenaꞌonaa gijjeenaꞌonon ebi shunnee tuqqahan. 18Kaayechinaꞌoo boonoshi kaayoona ebi shaaccaabeeti shunnee kechemmoyich tuniiya boonoshi qiiccetaanona, hakkaaneenaꞌone. Shunnee asheenaꞌonaa gijjeenaꞌonon tuqqahan.
19Kaayechinaꞌoo Faroonich “Hini mooyo Nuggishoo shuunoone”#8:19 Hibiree Yaafe Macaafo “Nuggishoo yapheroone” iye. iyeete. Farooni mullo andoo muumoone. Doono Yeeri gettitoommon, Muusinaa Haroonina gettiton waayeyaanoone.
Gamee Naxo Kindoo
20Aroochee Doono Yeeri Muusich ishichiye: “Yaach maaddoona Faroon waan hamiree, aacooch bi hami beetaa, biinna danebe. Biichoo ishichi gete: ‘Doono Yeeri ishichiye: “Taach boonoshi goyinne maddemmoyich, ta asheenaꞌon gawukkibe. 21Ta asheenaꞌon gawukkoo ne qayigaata, ne waan, ne iraasheenaꞌonaa ne asheenaꞌona waan mattiqutte gamoon deejjemmo taane. Ne taatee kexo bullinaa Gibitsee asheenaꞌo kexo bullinon gamoo bayi deqqemmone; showoo bullinoo bullemmone. 22Tunebaani arooba ta asheenaꞌo beeti Gooshenee showoon barito tuniyemmo taane. Doono Yeeri ta, hini are showooch beeto ta tunoon ne ariyemmoyich, gamoo arooch beetaachemmone. 23Ta asheenaꞌon ne asheenaꞌoyee bariyemmo taane. Ebi worganikkiti malletoo yaach tunemmone” itone’ gete” iye.
24Doono Yeeriyoo ebin tuniihe. Mattiqutte gamoo Faroonichi taatee kexooch, bi iraasheenaꞌo kexonaa Gibitsee showoo bullinooch giyiye. Gibitsee showoo bullinoo aalliihe.
25Aroochee Farooni Muusinaa Harooninon ceeggiꞌi, “Hamiree hini Gibitsee showoochaa ittoshi nuggishoyich deejjoon deejjibote” iye.
26Tunebaani Muusi ishichiye: “Ebi tato toonoone; no Nuggishoo Doono Yeerich no deejjaabeeti deejjoo Gibitseenaꞌo waanaa ciigee beetone. Ebi boonoshi ciigeebeeti deejjoon boonoshi aafoochaa no deejjigaata, noon xaqqoona yexxii wuxoon qajjeheete? 27Bi nooch gettii beetoommon, no Nuggishoo Doono Yeerich deejjoon deejjoyich, keejje qemi gommon barahooch hamo nooch qaawiihe” iye.
28Farooniyoo ishichiye: “Ittoshi Nuggishoo Doono Yeerich barahoochaa deejjoon ittoshi deejjemmoyich daaggemmo taane; tunebaani oogeton wohiree hammaahote. Taach Yeerin qollebote” iye.
29Muusiyoo ishichiye: “Ne waanee ta hammetoyee gubb, bekkech Doono Yeerin qollemmo taane; yaachoo gamoo bulli ne waanee, ne iraasheenaꞌonaa asheenaꞌona waaneenoo wokkemmone. Ebiyee aaf ne tuniitoommon, andoo asheenaꞌo hamiree Doono Yeerich deejjoon boonoshi deejjemmoyich daaggaanoon qayona ne dawushaachemmoyich neen ariibe” iye.
30Muusiyoo Faroon waanee kechii bi hammitoyee gubb, Doono Yeerin qollehe. 31Doono Yeeriyoo Muusi qolloon waayehe; ikkoonolla echiyaanoon gamoon Faroon waanee, bi iraasheenaꞌonaa asheenaꞌona waaneenoo wokkiihe. 32Ebiyoobolla Farooni bi mulloon muumiihalli, asheenaꞌon gawukkaanoone.
Currently Selected:
Keyo 8: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 8
8
Woqqeqqee Naxo Kindoo
1Aroochee Doono Yeeri Muusich ishichiye: “Faroon waan hamiree biich ishichibe: ‘Doono Yeeri ishichiye: “Taach boonoshi goyinne maddemmoyich, ta asheenaꞌon gawukkibe. 2Tunebaani gawukkoo ne qayigaata, ne showoo bullin woqqeqqeenaꞌona#8:2 Ikkikke asheenaꞌo woqqeqqeenaꞌon coqqireqqeenaꞌo ii beetinaꞌone. yexxemmo taane. 3Abbaayi aacooch woqqeqqeenaꞌo ceennemminaꞌone; woqqeqqeenaꞌo aroochee keyiree, ne taatee kexooch, ne qeyaabeeti gatooch, ne qeyaabeeti qeenooch, ne iraasheenaꞌo kexonaa ne asheenaꞌo kexonooch, neech maayo kachiibeeti gemmoonaa bukee qiiceenaꞌonooch ceennemminaꞌone. 4Woqqeqqeenaꞌo ne toommooch, ne asho bullinaa ne iraashoo bullinochi toommooch kechemminaꞌone” itone’ gete” iye.
5Aroochee Doono Yeeri Muusich ishichiye: “Haroonin ‘Ne gumboon yeshiree woce aacinaꞌo toommooch, bobbeeti aacinaꞌonaa kote aacinaꞌonochi toommooch ne kishoon yaggibe. Woqqeqqeenaꞌo Gibitsee showooch boonoshi kechemmoyich tuniibe’ gete” iye.
6Ebina Harooni Gibitsee showeexi aacinaꞌo toommooch bi kishoon yaggiye; woqqeqqeenaꞌo kechiꞌi showoon guuppiyeete. 7Tunebaani kaayechinaꞌo wotta boonoshi kaayoona Gibitsee showee toommooch woqqeqqeenaꞌo kechemmoyich tuniiheete.
8Farooniyoo Muusinaa Harooninon ceeggiꞌi boonoshich ishichiye: “Taannaa ta asheenaꞌona waanee woqqeqqeenaꞌon bi wokkiyemmoyich, Doono Yeerin qollebote. Doono Yeerich deejjoon boonoshi deejjemmoyich ittoshi asheenaꞌon ta gawukkaa hammemminaꞌone” iye.
9Muusiyoo Faroonich ishichiye: “Woqqeqqeenaꞌo Abbaayi aacooch baach echeechi, ne waanee, ne kexinaꞌoochee, ne iraasheenaꞌonaa ne asheenaꞌonona waanee boonoshi aallemmoyich Doono Yeerin ta qollemmi aaboon ne taajjebe” iye.
10Farooniyoo “Yaach tunebe” iye.
Muusiyoo ishichiꞌi wochiye: “No Nuggishoo Doono Yeeriyoommi bare nuggishoo koniyoona aallo bi tunoon ne ariyemmoyich, ne gettetoommon tunebe. 11Woqqeqqeenaꞌo ne waanee, ne kexinaꞌoochee, ne iraasheenaꞌonaa ne asheenaꞌona waanee wokkemminaꞌone; Abbaay baach tunemminaꞌone” iye.
12Muusinaa Haroonina Faroon waanee boonoshi wottetoyee gubb, Farooni toommooch bi deejjiti woqqeqqeenaꞌon bi aalliyemmoyich, Muusi Doono Yeerin qollehe. 13Doono Yeeriyoo Muusi qolletoommon tuniihe. Kechi daggooch, uxeree daggoonaa budonooch beeti woqqeqqeenaꞌo qitiyeete. 14Asheenaꞌoo macii kiciꞌi ikkooch gutiyeete. Showoo bulli shaaqqiye. 15Tunebaani Farooni iritoo ketteto tunoon beeggiichii, Doono Yeeri gettitoommon, bi mulloon muumiihalli, Muusinaa Haroonina gettiton waayeyaanoone.
Shaaccaabeeti Shunnee Naxo Kindoo
16Aroochee Doono Yeeri Muusich, “Haroonin ‘Ne gumboon tiijjiree showee buttoon yexe’ gete. Ebina Gibitsee showeexi quttoo bulli shaaccaabeeti shunneen#8:16 Ikkikke wonnee Yaafe Macaafooch, “Shunnee” ii beeto “Cuco” getteetone. tunemmone” iye. 17Boonoshiyoo ebiyoommon tuniiheete. Harooni bi yechiibeeti gumboon tiijjiꞌi, showee buttoon bi yexximmona, Gibitsee showeexi quttoo bulli shaaccaabeeti shunneen tunehe. Asheenaꞌonaa gijjeenaꞌonon ebi shunnee tuqqahan. 18Kaayechinaꞌoo boonoshi kaayoona ebi shaaccaabeeti shunnee kechemmoyich tuniiya boonoshi qiiccetaanona, hakkaaneenaꞌone. Shunnee asheenaꞌonaa gijjeenaꞌonon tuqqahan.
19Kaayechinaꞌoo Faroonich “Hini mooyo Nuggishoo shuunoone”#8:19 Hibiree Yaafe Macaafo “Nuggishoo yapheroone” iye. iyeete. Farooni mullo andoo muumoone. Doono Yeeri gettitoommon, Muusinaa Haroonina gettiton waayeyaanoone.
Gamee Naxo Kindoo
20Aroochee Doono Yeeri Muusich ishichiye: “Yaach maaddoona Faroon waan hamiree, aacooch bi hami beetaa, biinna danebe. Biichoo ishichi gete: ‘Doono Yeeri ishichiye: “Taach boonoshi goyinne maddemmoyich, ta asheenaꞌon gawukkibe. 21Ta asheenaꞌon gawukkoo ne qayigaata, ne waan, ne iraasheenaꞌonaa ne asheenaꞌona waan mattiqutte gamoon deejjemmo taane. Ne taatee kexo bullinaa Gibitsee asheenaꞌo kexo bullinon gamoo bayi deqqemmone; showoo bullinoo bullemmone. 22Tunebaani arooba ta asheenaꞌo beeti Gooshenee showoon barito tuniyemmo taane. Doono Yeeri ta, hini are showooch beeto ta tunoon ne ariyemmoyich, gamoo arooch beetaachemmone. 23Ta asheenaꞌon ne asheenaꞌoyee bariyemmo taane. Ebi worganikkiti malletoo yaach tunemmone” itone’ gete” iye.
24Doono Yeeriyoo ebin tuniihe. Mattiqutte gamoo Faroonichi taatee kexooch, bi iraasheenaꞌo kexonaa Gibitsee showoo bullinooch giyiye. Gibitsee showoo bullinoo aalliihe.
25Aroochee Farooni Muusinaa Harooninon ceeggiꞌi, “Hamiree hini Gibitsee showoochaa ittoshi nuggishoyich deejjoon deejjibote” iye.
26Tunebaani Muusi ishichiye: “Ebi tato toonoone; no Nuggishoo Doono Yeerich no deejjaabeeti deejjoo Gibitseenaꞌo waanaa ciigee beetone. Ebi boonoshi ciigeebeeti deejjoon boonoshi aafoochaa no deejjigaata, noon xaqqoona yexxii wuxoon qajjeheete? 27Bi nooch gettii beetoommon, no Nuggishoo Doono Yeerich deejjoon deejjoyich, keejje qemi gommon barahooch hamo nooch qaawiihe” iye.
28Farooniyoo ishichiye: “Ittoshi Nuggishoo Doono Yeerich barahoochaa deejjoon ittoshi deejjemmoyich daaggemmo taane; tunebaani oogeton wohiree hammaahote. Taach Yeerin qollebote” iye.
29Muusiyoo ishichiye: “Ne waanee ta hammetoyee gubb, bekkech Doono Yeerin qollemmo taane; yaachoo gamoo bulli ne waanee, ne iraasheenaꞌonaa asheenaꞌona waaneenoo wokkemmone. Ebiyee aaf ne tuniitoommon, andoo asheenaꞌo hamiree Doono Yeerich deejjoon boonoshi deejjemmoyich daaggaanoon qayona ne dawushaachemmoyich neen ariibe” iye.
30Muusiyoo Faroon waanee kechii bi hammitoyee gubb, Doono Yeerin qollehe. 31Doono Yeeriyoo Muusi qolloon waayehe; ikkoonolla echiyaanoon gamoon Faroon waanee, bi iraasheenaꞌonaa asheenaꞌona waaneenoo wokkiihe. 32Ebiyoobolla Farooni bi mulloon muumiihalli, asheenaꞌon gawukkaanoone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.