Keyo 5
5
Muusinaa Haroonina Farooni Aafooch Giddo
1Ebiyee gubb, Muusinaa Haroonina Faroon waan hammiꞌi, “Israꞌeelee Nuggishoo Doono Yeeri ‘Barahoochaa taach baaroon boonoshi baaremmoyich, ta asheenaꞌon gawukkibe’ itone” iyeete.
2Farooniyoo wochiꞌi ishichiye: “Bi getoon ta waayemmonaa Israꞌeeleenaꞌon ta gawukkemmonoyich, Doono Yeeri aroo konine? Doono Yeerin ariyaache; Israꞌeeleenaꞌonoo gawukkaache” iye.
3Muusinaa Harooninoo wochiꞌi, “Hibireenaꞌo Nuggishoo noonna danetone. Keejje qemi gommon hamiree, barahoochaa no Nuggishoo Doono Yeerich deejjoon no deejjemmoyich daaggibe iyaꞌa qollaabeeto noone. Ebin no tuniyoo qayigaata, naxoona noon yexxemmone; woyee goraadoona no qitemmoyich tuniyemmone” iyeete.
4Tunebaani Gibitsee taatoo Farooni Muusinaa Harooninon “Haanoshite, amoyichiye asheenaꞌon shuunoo ittoshi biichii beeto? Ittoshi bulli shuunooch wottebote” iye. 5Farooni daakkiꞌi, “Haddoona Gibitseenaꞌoyee beshito ittoshine. Ittoshiyoo Muusinaa Haroonina, asheenaꞌo shuunee shuunoon boonoshi neechemmoyich tuniibeeto ittoshine” iye.
6Ebi arooba Farooni, guuninaꞌo toommooch ukkireti Gibitsee ukkireenaꞌonaa shuunoon ciinnii shuuniyoyich kaacheti Israꞌeelee ukkireenaꞌonoyich ishichiye: 7“Xuubo shuuneyemmi maayi tulloon ebiyee bekk asheenaꞌoyich immaahote. Boonoshi hamiree, maayi tulloo beeti xaaꞌoochee boonoshi qelloona qaawi deebeete. 8Ebiyee aaf ikke heeyooch shuunee boonoshi giddiibeeti xuubee haddoochee shappayaanoon, shuune boonoshi giddiyemmoyich tuniibote. Shuuna biisheenaꞌone; ‘Hamiree no Nuggishoyich deejjoon deejjibone’ boonoshi ii beeto ebichiye. 9Koote woroon elleyaanoon yiti boonoshi shuunemmoyich, shuunoon boonoshi toommooch maggiibote” iye.
10Aroochee guuninaꞌo toommooch ukkireti Gibitsee ukkireenaꞌonaa shuunoon ciinnii shuuniyoyich kaacheti Israꞌeelee ukkireenaꞌona hammiꞌi asheenaꞌoyich ishichiyeete: “Farooni ishichitone: ‘Ebiyee bekk amee maayi tullolla ittoshich icheyaachemmone. 11Amoocheenolla hami ittoshi qelloona maayi tulloon qaawiree deebote. Tunebaani ebiyee aaf ikke heeyooch shuunee ittoshi giddiibeeti xuubee haddoochee shappaachemmone’ itone” iyeete. 12Ebich asheenaꞌo maayi tulloon qaawi deeba Gibitsee showoo bulliich shaceheete. 13Guuninaꞌo toommooch ukkireti Gibitsee ukkireenaꞌoo “Heeyooch ittoshi shuunemmi shuunoo ebiyee aaf maayi tulloon ittoshich no imaa shuunee ittoshi giddii beetoyee shappaaye” iꞌi asheenaꞌon kaatii beeheete. 14Wotta shuunoon ciini shuuniyoyich kaacheti Israꞌeelee ukkireenaꞌo “Yiichichon tuneba hanaachichon, ebiyee aaf shuuniiꞌi ittoshi giddii beetoommon, amoyich giddiyaachote?” getaa, boonoshin ukkiriiti, guuninaꞌo toommooch ukkireti Gibitsee ukkireenaꞌona xooppeheete.
15Aroochee shuunoon ciini boonoshi shuuniyemmoyich kaacheti Israꞌeelee ukkireenaꞌo Faroon waan hammiꞌi ishichii cookiyeete: “Ne guuno no toommooch ebi shaahe mooyon ne tuniito, amoyichiye? 16Ne guuno nooch maayi tulloon imaanoon, ‘Xuuboon shuunebote’ iyeete. Gondo ne asheenaꞌochone; tunebaani ne guuno no xooppehone” iyeete.
17Farooniyoo wochiꞌi ishichiye: “Shuuna biisho ittoshine; halla shuuna biisho ittoshine; ‘Hamiree Doono Yeerich deejjoon deejjibone’ ittoshi ii beeto, ebichiye. 18And illa ittoshi shuunooch wottebote. Ame tulloolla ittoshich icheyaachemmone. Tunebaani ikke heeyooch shuuneree ittoshi giddiyemmoyich getteeti xuuboon shuuneree giddiibote” iye.
19Shuunoon ciinnii shuuniyoyich kaacheti Israꞌeelee ukkireenaꞌo, “Ebiyee aaf ikke heeyooch ittoshi giddiibeeti xuuboyee and amolla shappaaye” getaa waayeꞌi, iritee toommooch boonoshi dihoon ariiheete. 20Taatoo aafoochee boonoshi kechii waahaa, boonoshin quyeebeeti Muusinaa Harooninon daneꞌi, 21ishichiyeete: “Doono Yeeri ittoshich gaace! Ittoshi toommoochoo nallibe! Farooninaa bi iraasheenaꞌona noon ciigemmoyich tuniiꞌi, noon boonoshi wuxemmoyich goraadoon boonoshich immito ittoshine” iyeete.
Yeeri Bi Maccoon Biishe Wodiiya Gibenikkoo
22Arooba Muusi Doono Yeer waan wotteꞌi ishichiye: “Ta Doonocho, hini asheenaꞌo toommooch ebi shaahe xuuxoon ne deebeto amoyichiye? Ebi tunegaata, amoyichiye taan ne deejjito? 23Ne shigoona getoyich Faroon waan ta giddetoochee tiijjiꞌi, biyoo asheenaꞌo toommooch xuuxoon woddiyooch giyitone. Newoo ciroona ne asheenaꞌon biishaa wodiyaano neene” iye.
Currently Selected:
Keyo 5: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 5
5
Muusinaa Haroonina Farooni Aafooch Giddo
1Ebiyee gubb, Muusinaa Haroonina Faroon waan hammiꞌi, “Israꞌeelee Nuggishoo Doono Yeeri ‘Barahoochaa taach baaroon boonoshi baaremmoyich, ta asheenaꞌon gawukkibe’ itone” iyeete.
2Farooniyoo wochiꞌi ishichiye: “Bi getoon ta waayemmonaa Israꞌeeleenaꞌon ta gawukkemmonoyich, Doono Yeeri aroo konine? Doono Yeerin ariyaache; Israꞌeeleenaꞌonoo gawukkaache” iye.
3Muusinaa Harooninoo wochiꞌi, “Hibireenaꞌo Nuggishoo noonna danetone. Keejje qemi gommon hamiree, barahoochaa no Nuggishoo Doono Yeerich deejjoon no deejjemmoyich daaggibe iyaꞌa qollaabeeto noone. Ebin no tuniyoo qayigaata, naxoona noon yexxemmone; woyee goraadoona no qitemmoyich tuniyemmone” iyeete.
4Tunebaani Gibitsee taatoo Farooni Muusinaa Harooninon “Haanoshite, amoyichiye asheenaꞌon shuunoo ittoshi biichii beeto? Ittoshi bulli shuunooch wottebote” iye. 5Farooni daakkiꞌi, “Haddoona Gibitseenaꞌoyee beshito ittoshine. Ittoshiyoo Muusinaa Haroonina, asheenaꞌo shuunee shuunoon boonoshi neechemmoyich tuniibeeto ittoshine” iye.
6Ebi arooba Farooni, guuninaꞌo toommooch ukkireti Gibitsee ukkireenaꞌonaa shuunoon ciinnii shuuniyoyich kaacheti Israꞌeelee ukkireenaꞌonoyich ishichiye: 7“Xuubo shuuneyemmi maayi tulloon ebiyee bekk asheenaꞌoyich immaahote. Boonoshi hamiree, maayi tulloo beeti xaaꞌoochee boonoshi qelloona qaawi deebeete. 8Ebiyee aaf ikke heeyooch shuunee boonoshi giddiibeeti xuubee haddoochee shappayaanoon, shuune boonoshi giddiyemmoyich tuniibote. Shuuna biisheenaꞌone; ‘Hamiree no Nuggishoyich deejjoon deejjibone’ boonoshi ii beeto ebichiye. 9Koote woroon elleyaanoon yiti boonoshi shuunemmoyich, shuunoon boonoshi toommooch maggiibote” iye.
10Aroochee guuninaꞌo toommooch ukkireti Gibitsee ukkireenaꞌonaa shuunoon ciinnii shuuniyoyich kaacheti Israꞌeelee ukkireenaꞌona hammiꞌi asheenaꞌoyich ishichiyeete: “Farooni ishichitone: ‘Ebiyee bekk amee maayi tullolla ittoshich icheyaachemmone. 11Amoocheenolla hami ittoshi qelloona maayi tulloon qaawiree deebote. Tunebaani ebiyee aaf ikke heeyooch shuunee ittoshi giddiibeeti xuubee haddoochee shappaachemmone’ itone” iyeete. 12Ebich asheenaꞌo maayi tulloon qaawi deeba Gibitsee showoo bulliich shaceheete. 13Guuninaꞌo toommooch ukkireti Gibitsee ukkireenaꞌoo “Heeyooch ittoshi shuunemmi shuunoo ebiyee aaf maayi tulloon ittoshich no imaa shuunee ittoshi giddii beetoyee shappaaye” iꞌi asheenaꞌon kaatii beeheete. 14Wotta shuunoon ciini shuuniyoyich kaacheti Israꞌeelee ukkireenaꞌo “Yiichichon tuneba hanaachichon, ebiyee aaf shuuniiꞌi ittoshi giddii beetoommon, amoyich giddiyaachote?” getaa, boonoshin ukkiriiti, guuninaꞌo toommooch ukkireti Gibitsee ukkireenaꞌona xooppeheete.
15Aroochee shuunoon ciini boonoshi shuuniyemmoyich kaacheti Israꞌeelee ukkireenaꞌo Faroon waan hammiꞌi ishichii cookiyeete: “Ne guuno no toommooch ebi shaahe mooyon ne tuniito, amoyichiye? 16Ne guuno nooch maayi tulloon imaanoon, ‘Xuuboon shuunebote’ iyeete. Gondo ne asheenaꞌochone; tunebaani ne guuno no xooppehone” iyeete.
17Farooniyoo wochiꞌi ishichiye: “Shuuna biisho ittoshine; halla shuuna biisho ittoshine; ‘Hamiree Doono Yeerich deejjoon deejjibone’ ittoshi ii beeto, ebichiye. 18And illa ittoshi shuunooch wottebote. Ame tulloolla ittoshich icheyaachemmone. Tunebaani ikke heeyooch shuuneree ittoshi giddiyemmoyich getteeti xuuboon shuuneree giddiibote” iye.
19Shuunoon ciinnii shuuniyoyich kaacheti Israꞌeelee ukkireenaꞌo, “Ebiyee aaf ikke heeyooch ittoshi giddiibeeti xuuboyee and amolla shappaaye” getaa waayeꞌi, iritee toommooch boonoshi dihoon ariiheete. 20Taatoo aafoochee boonoshi kechii waahaa, boonoshin quyeebeeti Muusinaa Harooninon daneꞌi, 21ishichiyeete: “Doono Yeeri ittoshich gaace! Ittoshi toommoochoo nallibe! Farooninaa bi iraasheenaꞌona noon ciigemmoyich tuniiꞌi, noon boonoshi wuxemmoyich goraadoon boonoshich immito ittoshine” iyeete.
Yeeri Bi Maccoon Biishe Wodiiya Gibenikkoo
22Arooba Muusi Doono Yeer waan wotteꞌi ishichiye: “Ta Doonocho, hini asheenaꞌo toommooch ebi shaahe xuuxoon ne deebeto amoyichiye? Ebi tunegaata, amoyichiye taan ne deejjito? 23Ne shigoona getoyich Faroon waan ta giddetoochee tiijjiꞌi, biyoo asheenaꞌo toommooch xuuxoon woddiyooch giyitone. Newoo ciroona ne asheenaꞌon biishaa wodiyaano neene” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.