Keyo 40
40
Doono Yeeri Muusich Ciireexi Getoon Geto
1Aroochee Doono Yeeri Muusich ishichiye: 2“Yaafee duukkaanoon, ebiyoo danee duukkaanoon, ikkinnee agenee ikkinnee qemooba xogibe. 3Miixee taabootoon bi daggooch kotiichi, maccillaatoona qeribe. 4Madelloonoo giijjiree, biich qanniti mooyinaꞌon bi toommooch kotiibe. Aroochee maqirajjoon giijjiree, ceecheenaꞌon bi toommooch kotiibe. 5Aachoochee shuuneeti, ixaano shookkeyemmi deejjee gudoon miixee taabootoyee aaf kotiibe. Yaafee duukkaanee kellooch maccillaatoon gede.
6“Micciibeeti deejjoo giddeebeeti deejjee gudoon yaafee duukkaanee, ebiyoo danee duukkaanee kellee ciinooch, maach kotiibe. 7Machee aaco koteebeeti gafetoon danee duukkaanoonaa deejjee gudoonochi gutte daggooch kotiibe. Aaconoo arooch gede. 8Ebi yaafee duukkaanee addibaabee guudoochoo maccillaateenaꞌona uxeroon uxerebe. Maccillaateenaꞌonoo addibaabee kellooch gede.
9“Aree hillooch huutee zayitoon daamiree, yaafee duukkaanoonaa bi daggooch beeti qiico bullinon huuti yaafibe. Yaafeetonoo tunemmone. 10Aroochee wotta micciibeeti deejjoo giddeebeeti deejjee gudoonaa bi qiiceenaꞌo bullinon huuti yaafibe. Oogeton yaafeeto tunemmone. 11Machee aaco koteebeeti gafetoon, bi kotoonoo huuti yaafibe.
12“Aroochee Harooninaa bi anaami bushiisheenaꞌonon danee duukkaanee kellooch deebiree, boonoshi achoon aacona maye. 13Haroonich yaafeeti tahoon tajjibe. Qeeshoon tuneree taach bi maddemmoyich, zayitoon huute. Yaafishoo gete. 14Wotta bi anaami bushiisheenaꞌon deebiree kittoon tajjibe. 15Qeesheenaꞌon tuneree taach boonoshi maddemmoyich, boonoshi nihoon ne huuttetoommon, boonoshinoo huute. Ebina boonoshinaa gubb shiijjemmi boonoshi shiijjereenaꞌo bullina bulli yemeenoon taach qeesheenaꞌo tunemminaꞌone” iye.
Yaafee Duukkaanoo Xogeyoonaa Yaafeyoona
16Muusi bulli mooyon Doono Yeeri biich gettitoommon tuniiꞌi, shuunehe. 17Guttinnee natooba, ikkinnee agenee ikkinnee qemooba, yaafee duukkaanoo xogeehe. 18Yaafee duukkaanoon Muusi xogiyooba, baateenaꞌon boonoshi xaaꞌi xaaꞌoona kotiihe; tureenaꞌon neechiye; yareenaꞌon giijjiye; giimbeenaꞌonoo neechiye. 19Qeroonoo yaafee duukkaanee toommooch yaggiye; wotta bi toommooch xappeyemmi bare qeroon geddiye. Ebi bullin Doono Yeeri biich gettitoommon tuniiꞌi shuunehe.
20Aroochee wotta sheeroo kooreeti, gutte yalle xaqqoon daammiꞌi, taabootee maac geddiye; yareenaꞌonoo taabootooch beeti qalibeteenaꞌooch giijjiye; axaaxoon maariyee guufoonoo bi toommooch geddiye. 21Taabootoon yaafee duukkaanee daggooch giijjiꞌi, qeremmi maccillaatoon tongafiye; ebina miixee taabootoon qeriye. Ebi bullin Doono Yeeri biich gettitoommon tuniiꞌi shuunehe.
22Madelloon danee duukkaanee daggooch, dambi-waan, taabootoon daabbeebeeti maccillaatee maachaa geddiye; 23yaaree koshon aree toommooch kotiiꞌi, Doono Yeeri aafooch tuniihe. Ebi bullin Doono Yeeri biich gettitoommon tuniiꞌi shuunehe.
24 Maqirajjoon danee duukkaanee maac, madellee ciinooch, deshi-waan kotiihe. 25Ceecheenaꞌon aree toommooch kotiiꞌi, Doono Yeeri aafooch tuniihe. Ebi bullin Doono Yeeri biich gettitoommon tuniiꞌi shuunehe.
26Aachoochee shuuneeti, ixaanee deejjee gudoon danee duukkaanee daggooch, taabootoon qeriibeeti maccillaatee aafooch kotiihe; 27aree toommooch cinnechi ixaanoon shookkiye. Ebi bullin, Doono Yeeri biich gettitoommon tuniiꞌi shuunehe.
28Aroochee maccillaatoon yaafee duukkaanee kellooch tongafiye. 29Micciibeeti deejjoo giddeebeeti deejjee gudoon danee duukkaanee kellee ciinooch kotiihe; aree toommooch micciibeeti deejjoonaa maayi deejjoonon deejjiye. Ebi bullin Doono Yeeri biich gettitoommon tuniiꞌi, shuunehe.
30Machee aaco koteebeeti gafetoon danee duukkaanoonaa micciibeeti deejjee gudoonochi gutte daggooch kotiihe; aaconoo arooch geddiye. 31Ebi aacona Muusi, Harooninaa bi anaami bushiisheenaꞌona boonoshi kishoonaa boonoshi baatoonon macheheete. 32Danee duukkaanooch boonoshi gimoyee shiichiꞌi, wotta deejjee gudooch boonoshi giddoyee shiichiꞌi, machee beeheete. Ebi bullin Doono Yeeri Muusich gettitoommon tuniiꞌi, shuuneheete.
33Aroochee Muusi yaafee duukkaanoonaa deejjee gudoonochi guudoon addibaabee maccillaatoona uxerehe; addibaabee kellooch maccillaatoon tongafiye. Muusiyoo eechiꞌi shuunoon ciichiye.
Doono Yeerichi Oogee Yiiroo Bekko
(Haddoo 9:15-23)
34Aroyee gubb qubo danee duukkaanoon guuppiye; Doono Yeerichi oogee yiiroo ebi yaafee duukkaanooch ceenniye.#1 Taat. 8:10-11; Isi. 6:4; Hiz. 43:4-5; Yaaꞌo. 15:8 35Qubo danee duukkaanee toommooch bi tunetoyich, wotta Doono Yeerichi oogee yiiroo yaafee duukkaanooch bi ceennitoyich, Muusi gimon hakkaanoone.
36Israꞌeeleenaꞌo boonoshi kaamboon happiꞌi gommon boonoshi hammiibeeto, qubo yaafee duukkaanee toommoochee tiyii bi hamigaata baachiye; ebiyooba qaxirii beeheete. 37Tunebaani qubo tiyii hamo bi qayigaata, bi hammimmi aabee wottoon, aroochee boonoshi kaamboon shuurikkaaneenaꞌone. 38Gommon boonoshi qaxirimmi aabo bullin Israꞌeeleenaꞌo bullich Doono Yeerichi qubo areddoon yaafee duukkaanee tookkaa bekkee beehe; wotta qaaqqoo xumoon ebi qubee daggoochaa aaxxee beehe.
Currently Selected:
Keyo 40: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 40
40
Doono Yeeri Muusich Ciireexi Getoon Geto
1Aroochee Doono Yeeri Muusich ishichiye: 2“Yaafee duukkaanoon, ebiyoo danee duukkaanoon, ikkinnee agenee ikkinnee qemooba xogibe. 3Miixee taabootoon bi daggooch kotiichi, maccillaatoona qeribe. 4Madelloonoo giijjiree, biich qanniti mooyinaꞌon bi toommooch kotiibe. Aroochee maqirajjoon giijjiree, ceecheenaꞌon bi toommooch kotiibe. 5Aachoochee shuuneeti, ixaano shookkeyemmi deejjee gudoon miixee taabootoyee aaf kotiibe. Yaafee duukkaanee kellooch maccillaatoon gede.
6“Micciibeeti deejjoo giddeebeeti deejjee gudoon yaafee duukkaanee, ebiyoo danee duukkaanee kellee ciinooch, maach kotiibe. 7Machee aaco koteebeeti gafetoon danee duukkaanoonaa deejjee gudoonochi gutte daggooch kotiibe. Aaconoo arooch gede. 8Ebi yaafee duukkaanee addibaabee guudoochoo maccillaateenaꞌona uxeroon uxerebe. Maccillaateenaꞌonoo addibaabee kellooch gede.
9“Aree hillooch huutee zayitoon daamiree, yaafee duukkaanoonaa bi daggooch beeti qiico bullinon huuti yaafibe. Yaafeetonoo tunemmone. 10Aroochee wotta micciibeeti deejjoo giddeebeeti deejjee gudoonaa bi qiiceenaꞌo bullinon huuti yaafibe. Oogeton yaafeeto tunemmone. 11Machee aaco koteebeeti gafetoon, bi kotoonoo huuti yaafibe.
12“Aroochee Harooninaa bi anaami bushiisheenaꞌonon danee duukkaanee kellooch deebiree, boonoshi achoon aacona maye. 13Haroonich yaafeeti tahoon tajjibe. Qeeshoon tuneree taach bi maddemmoyich, zayitoon huute. Yaafishoo gete. 14Wotta bi anaami bushiisheenaꞌon deebiree kittoon tajjibe. 15Qeesheenaꞌon tuneree taach boonoshi maddemmoyich, boonoshi nihoon ne huuttetoommon, boonoshinoo huute. Ebina boonoshinaa gubb shiijjemmi boonoshi shiijjereenaꞌo bullina bulli yemeenoon taach qeesheenaꞌo tunemminaꞌone” iye.
Yaafee Duukkaanoo Xogeyoonaa Yaafeyoona
16Muusi bulli mooyon Doono Yeeri biich gettitoommon tuniiꞌi, shuunehe. 17Guttinnee natooba, ikkinnee agenee ikkinnee qemooba, yaafee duukkaanoo xogeehe. 18Yaafee duukkaanoon Muusi xogiyooba, baateenaꞌon boonoshi xaaꞌi xaaꞌoona kotiihe; tureenaꞌon neechiye; yareenaꞌon giijjiye; giimbeenaꞌonoo neechiye. 19Qeroonoo yaafee duukkaanee toommooch yaggiye; wotta bi toommooch xappeyemmi bare qeroon geddiye. Ebi bullin Doono Yeeri biich gettitoommon tuniiꞌi shuunehe.
20Aroochee wotta sheeroo kooreeti, gutte yalle xaqqoon daammiꞌi, taabootee maac geddiye; yareenaꞌonoo taabootooch beeti qalibeteenaꞌooch giijjiye; axaaxoon maariyee guufoonoo bi toommooch geddiye. 21Taabootoon yaafee duukkaanee daggooch giijjiꞌi, qeremmi maccillaatoon tongafiye; ebina miixee taabootoon qeriye. Ebi bullin Doono Yeeri biich gettitoommon tuniiꞌi shuunehe.
22Madelloon danee duukkaanee daggooch, dambi-waan, taabootoon daabbeebeeti maccillaatee maachaa geddiye; 23yaaree koshon aree toommooch kotiiꞌi, Doono Yeeri aafooch tuniihe. Ebi bullin Doono Yeeri biich gettitoommon tuniiꞌi shuunehe.
24 Maqirajjoon danee duukkaanee maac, madellee ciinooch, deshi-waan kotiihe. 25Ceecheenaꞌon aree toommooch kotiiꞌi, Doono Yeeri aafooch tuniihe. Ebi bullin Doono Yeeri biich gettitoommon tuniiꞌi shuunehe.
26Aachoochee shuuneeti, ixaanee deejjee gudoon danee duukkaanee daggooch, taabootoon qeriibeeti maccillaatee aafooch kotiihe; 27aree toommooch cinnechi ixaanoon shookkiye. Ebi bullin, Doono Yeeri biich gettitoommon tuniiꞌi shuunehe.
28Aroochee maccillaatoon yaafee duukkaanee kellooch tongafiye. 29Micciibeeti deejjoo giddeebeeti deejjee gudoon danee duukkaanee kellee ciinooch kotiihe; aree toommooch micciibeeti deejjoonaa maayi deejjoonon deejjiye. Ebi bullin Doono Yeeri biich gettitoommon tuniiꞌi, shuunehe.
30Machee aaco koteebeeti gafetoon danee duukkaanoonaa micciibeeti deejjee gudoonochi gutte daggooch kotiihe; aaconoo arooch geddiye. 31Ebi aacona Muusi, Harooninaa bi anaami bushiisheenaꞌona boonoshi kishoonaa boonoshi baatoonon macheheete. 32Danee duukkaanooch boonoshi gimoyee shiichiꞌi, wotta deejjee gudooch boonoshi giddoyee shiichiꞌi, machee beeheete. Ebi bullin Doono Yeeri Muusich gettitoommon tuniiꞌi, shuuneheete.
33Aroochee Muusi yaafee duukkaanoonaa deejjee gudoonochi guudoon addibaabee maccillaatoona uxerehe; addibaabee kellooch maccillaatoon tongafiye. Muusiyoo eechiꞌi shuunoon ciichiye.
Doono Yeerichi Oogee Yiiroo Bekko
(Haddoo 9:15-23)
34Aroyee gubb qubo danee duukkaanoon guuppiye; Doono Yeerichi oogee yiiroo ebi yaafee duukkaanooch ceenniye.#1 Taat. 8:10-11; Isi. 6:4; Hiz. 43:4-5; Yaaꞌo. 15:8 35Qubo danee duukkaanee toommooch bi tunetoyich, wotta Doono Yeerichi oogee yiiroo yaafee duukkaanooch bi ceennitoyich, Muusi gimon hakkaanoone.
36Israꞌeeleenaꞌo boonoshi kaamboon happiꞌi gommon boonoshi hammiibeeto, qubo yaafee duukkaanee toommoochee tiyii bi hamigaata baachiye; ebiyooba qaxirii beeheete. 37Tunebaani qubo tiyii hamo bi qayigaata, bi hammimmi aabee wottoon, aroochee boonoshi kaamboon shuurikkaaneenaꞌone. 38Gommon boonoshi qaxirimmi aabo bullin Israꞌeeleenaꞌo bullich Doono Yeerichi qubo areddoon yaafee duukkaanee tookkaa bekkee beehe; wotta qaaqqoo xumoon ebi qubee daggoochaa aaxxee beehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.