Keyo 37
37
Wogee Taabooto Shuuneyoo
(Keyo 25:10-22)
1Betsaleeli taabootoon geellee mixoochee shuunehe. Ebi taabooto bi gidoo gutte hiraa qato, bi maaco ikke hiraa qato, bi neexoo ikke hiraa qatone. 2Bi maacinaa maachinon xalle aachoona dikkehe; bi guude gawe goconoo aachoona shuunehe. 3Awudde qalibetoon aachoochee shuuneꞌi, guttoon ikke baddaa, guttoon wotta bare baddaa tunii, awudde baatoona tookkii yeshiihe. 4Aroochee gutte yareenaꞌon geellee mixoochee shuuneꞌi aachoona dikkehe. 5Taabooto shaaggeyemmoyich, ebi yareenaꞌon taabootee naabooch geddeti qalibeteenaꞌochi aahoona beshiiꞌi giijjiye.
6Wotta axaaxoon maariyee guufoon xalle aachoochee shuunehe. Ebi guufo bi gidoo gutte hiraa qato, bi maaco ikke hiraa qatone. 7Aroochee guufee goconaa goconooch tunemmi, gutte kiruubeenaꞌon qicheti aachoochee shuunehe. 8Ikke kiruuboon ikke baddi gocooch, wotta ikke kiruuboon bare baddi gocooch tuniiꞌi shuunehe. Boonoshinoo axaaxoon maariyee guufoona tookkii ikkochii shuunehe. 9Kiruubeenaꞌo boonoshinaa boonoshina ciinee beetinaꞌo tuneechii, boonoshi aafoon axaaxoon maariyee guufo waan tuniiheete; boonoshi qoshoon yaggiꞌi, axaaxoon maariyee guufoon yiiriheete.
Yaaree Kosho Kotemmi Madelloo Shuuneyoo
(Keyo 25:23-30)
10Betsaleeli madelloon geellee mixoochee shuunehe. Ebi madelloo bi gidoo gutte hiroo, bi maaco ikke hiroo, bi neexo ikke hiraa qatone. 11Aroochee xalle aachoona dikkehe. Bi guude gawe goconoo aachoona shuunehe. 12Ikke ciixi qach bede goci degoon bi guude gawoona shuunehe. Bi guude gawe goconoo aachoona shuunehe. 13Madelloyich awudde qalibeteenaꞌon aachoochee shuuneꞌi, awudde baateenaꞌo beeti awudde shuutoona yeshiihe. 14Madelloon shaagoyich tunemmi yareenaꞌon boonoshi yechemmoyich, ebi qalibeteenaꞌon goci degee katinooch tuniihe. 15Yareenaꞌon geellee mixoochee shuuneꞌi aachoona dikkehe. 16Madelloyich tunemmi qiiceenaꞌo, eboshiyoo yalle saaneenaꞌonaa shaateenaꞌonon, ebiyoommon wotta uyee deejjoon ukkoyich tunemmi koddeenaꞌonaa quppe saaneenaꞌonon xalle aachoochee shuunehe.
Maqirajjo Shuuneyoo
(Keyo 25:31-40)
17Betsaleeli ceechoo kotemmi maqirajjoon xalle aachoochee shuunehe. Bi neexemmi baatoonaa yaaboonon qiccii shuunehe. Ebi maqirajjee bungeenaꞌonaa bi bungeenaꞌochi degeenaꞌona, ceechee zayito beeti qulleenaꞌoo maqirajjoona tookkii ikkochee shuuneetinaꞌone. 18Maqirajjee ikke badd keejje ato, bare badd keejje ato, bulli shiritte ato beetone. 19Maqirajjoona tookkii yesheti shiritte ato, bi ikkikkoyich, luuzee bungoonaa bi degoonon shaahiitaa shuuneeti keejje qullo beetone. 20Maqirajjee giindooch wotta luuzee bungoonaa bi degoonon shaahiitaa shuuneeti awudde qullo beetone. 21Maqirajjee ateenaꞌochi, batti batti gutteenaꞌochi xepphooch, bi hilleexi gutteenaꞌochi xepphooch, keejjinnee gutteenaꞌochi xepphoochoo, bungee dego shuuneetone. 22Ebi bungee degeenaꞌonaa ateenaꞌo bullina maqirajjoona tookkii ikkochee shuuneetinaꞌone; eboshi bulli xalle aachoochee qiicaa shuuneetinaꞌone.
23Aroochee maqirajjoyich shabaatte ceecheenaꞌon, wotta qafeteenaꞌonaa ciitoo kiceyemmi yalle gafeteenaꞌonon xalle aachoochee shuunehe. 24Maqirajjoonaa bi qiiceenaꞌo bullinon shaashaa awudde kiilo giraamee xalle aachoona shuunehe.
Ixaanee Deejjee Gudo Shuuneyoo
(Keyo 30:1-5)
25Betsaleeli ixaano shookkeyemmi deejjee gudoon geellee mixoochee shuunehe. Ebi gudo bi gidoo ikke hiroo, bi maacoo ikke hiroone; awudde bi naaboo bulli tatoone; bi neexoo gutte hiroone. Ebi are deejjee gudee awudde shuutoona beeti qareenaꞌo tookkii ikkochee shuuneetinaꞌone. 26Bi toommon, bi awudde naaboonaa qareenaꞌonon xalle aachoona dikkehe. Bi guude gawe goconoo aachoona shuunehe. 27Ebi are gocoyee desh, bi ikke baddi naaboonaa bare baddi naaboonooch, ebi deejjee gudo shaaggeyemmi yareenaꞌo giyemmi, gutte aachee qalibetoon shuunehe. 28Yareenaꞌon geellee mixoochee shuuneꞌi, aachoona dikkehe.
Huutee Zayitoonaa Ixaanoona Shuuneyoo
(Keyo 30:22-38)
29Wotta Betsaleeli yaafeeti huutee zayitoonaa ariyechi asho shittoon bi shuunee beetoommi gommona shuuneeti cinnechi xalle ixaanoonon shuunehe.
Currently Selected:
Keyo 37: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 37
37
Wogee Taabooto Shuuneyoo
(Keyo 25:10-22)
1Betsaleeli taabootoon geellee mixoochee shuunehe. Ebi taabooto bi gidoo gutte hiraa qato, bi maaco ikke hiraa qato, bi neexoo ikke hiraa qatone. 2Bi maacinaa maachinon xalle aachoona dikkehe; bi guude gawe goconoo aachoona shuunehe. 3Awudde qalibetoon aachoochee shuuneꞌi, guttoon ikke baddaa, guttoon wotta bare baddaa tunii, awudde baatoona tookkii yeshiihe. 4Aroochee gutte yareenaꞌon geellee mixoochee shuuneꞌi aachoona dikkehe. 5Taabooto shaaggeyemmoyich, ebi yareenaꞌon taabootee naabooch geddeti qalibeteenaꞌochi aahoona beshiiꞌi giijjiye.
6Wotta axaaxoon maariyee guufoon xalle aachoochee shuunehe. Ebi guufo bi gidoo gutte hiraa qato, bi maaco ikke hiraa qatone. 7Aroochee guufee goconaa goconooch tunemmi, gutte kiruubeenaꞌon qicheti aachoochee shuunehe. 8Ikke kiruuboon ikke baddi gocooch, wotta ikke kiruuboon bare baddi gocooch tuniiꞌi shuunehe. Boonoshinoo axaaxoon maariyee guufoona tookkii ikkochii shuunehe. 9Kiruubeenaꞌo boonoshinaa boonoshina ciinee beetinaꞌo tuneechii, boonoshi aafoon axaaxoon maariyee guufo waan tuniiheete; boonoshi qoshoon yaggiꞌi, axaaxoon maariyee guufoon yiiriheete.
Yaaree Kosho Kotemmi Madelloo Shuuneyoo
(Keyo 25:23-30)
10Betsaleeli madelloon geellee mixoochee shuunehe. Ebi madelloo bi gidoo gutte hiroo, bi maaco ikke hiroo, bi neexo ikke hiraa qatone. 11Aroochee xalle aachoona dikkehe. Bi guude gawe goconoo aachoona shuunehe. 12Ikke ciixi qach bede goci degoon bi guude gawoona shuunehe. Bi guude gawe goconoo aachoona shuunehe. 13Madelloyich awudde qalibeteenaꞌon aachoochee shuuneꞌi, awudde baateenaꞌo beeti awudde shuutoona yeshiihe. 14Madelloon shaagoyich tunemmi yareenaꞌon boonoshi yechemmoyich, ebi qalibeteenaꞌon goci degee katinooch tuniihe. 15Yareenaꞌon geellee mixoochee shuuneꞌi aachoona dikkehe. 16Madelloyich tunemmi qiiceenaꞌo, eboshiyoo yalle saaneenaꞌonaa shaateenaꞌonon, ebiyoommon wotta uyee deejjoon ukkoyich tunemmi koddeenaꞌonaa quppe saaneenaꞌonon xalle aachoochee shuunehe.
Maqirajjo Shuuneyoo
(Keyo 25:31-40)
17Betsaleeli ceechoo kotemmi maqirajjoon xalle aachoochee shuunehe. Bi neexemmi baatoonaa yaaboonon qiccii shuunehe. Ebi maqirajjee bungeenaꞌonaa bi bungeenaꞌochi degeenaꞌona, ceechee zayito beeti qulleenaꞌoo maqirajjoona tookkii ikkochee shuuneetinaꞌone. 18Maqirajjee ikke badd keejje ato, bare badd keejje ato, bulli shiritte ato beetone. 19Maqirajjoona tookkii yesheti shiritte ato, bi ikkikkoyich, luuzee bungoonaa bi degoonon shaahiitaa shuuneeti keejje qullo beetone. 20Maqirajjee giindooch wotta luuzee bungoonaa bi degoonon shaahiitaa shuuneeti awudde qullo beetone. 21Maqirajjee ateenaꞌochi, batti batti gutteenaꞌochi xepphooch, bi hilleexi gutteenaꞌochi xepphooch, keejjinnee gutteenaꞌochi xepphoochoo, bungee dego shuuneetone. 22Ebi bungee degeenaꞌonaa ateenaꞌo bullina maqirajjoona tookkii ikkochee shuuneetinaꞌone; eboshi bulli xalle aachoochee qiicaa shuuneetinaꞌone.
23Aroochee maqirajjoyich shabaatte ceecheenaꞌon, wotta qafeteenaꞌonaa ciitoo kiceyemmi yalle gafeteenaꞌonon xalle aachoochee shuunehe. 24Maqirajjoonaa bi qiiceenaꞌo bullinon shaashaa awudde kiilo giraamee xalle aachoona shuunehe.
Ixaanee Deejjee Gudo Shuuneyoo
(Keyo 30:1-5)
25Betsaleeli ixaano shookkeyemmi deejjee gudoon geellee mixoochee shuunehe. Ebi gudo bi gidoo ikke hiroo, bi maacoo ikke hiroone; awudde bi naaboo bulli tatoone; bi neexoo gutte hiroone. Ebi are deejjee gudee awudde shuutoona beeti qareenaꞌo tookkii ikkochee shuuneetinaꞌone. 26Bi toommon, bi awudde naaboonaa qareenaꞌonon xalle aachoona dikkehe. Bi guude gawe goconoo aachoona shuunehe. 27Ebi are gocoyee desh, bi ikke baddi naaboonaa bare baddi naaboonooch, ebi deejjee gudo shaaggeyemmi yareenaꞌo giyemmi, gutte aachee qalibetoon shuunehe. 28Yareenaꞌon geellee mixoochee shuuneꞌi, aachoona dikkehe.
Huutee Zayitoonaa Ixaanoona Shuuneyoo
(Keyo 30:22-38)
29Wotta Betsaleeli yaafeeti huutee zayitoonaa ariyechi asho shittoon bi shuunee beetoommi gommona shuuneeti cinnechi xalle ixaanoonon shuunehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.