Keyo 27
27
Deejjee Gudo
(Keyo 38:1-7)
1“Deejjee gudoon geellee mixoochee shuunebe. Ebi deejjee gudo bi gidoo uuche hiroo, bi maaco uuche hiroo, bi neexoo keejje hiroo tuneechi, awudde bi naaboo tato tunebe. 2Bi awudde shuutoona qareenaꞌon#27:2 Qaro, bi getteeto qaroochoommon kaama bi xuuggitoyichiye. shuunebe. Ebi qareenaꞌo deejjee gudoona tookki ikkochee shuuneetinaꞌo tunebeete. Deejjee gudo bullin gooshoona dikkebe. 3Tulloo booddeebeeti gubeenaꞌon, tulloo ucheebeeti maankeenaꞌon, quppe saaneenaꞌon, gomeenaꞌonaa qaaqqee buno yecheyemmi qiiceenaꞌonon, gooshoochee shuunebe. 4Dabboommi mooyon gooshoochee shuunebe. Ebi dabbee awudde shuutooch yareenaꞌo giyemmi awudde qalibetoon gooshoochee shuunebe. 5Ebi dabbo deejjee gudee gitooch beddaahaa bi shaggemmoyich, deejjee gudee degooch, noonoyee desh tuniibe. 6Deejjee gudoyich yareenaꞌon geellee mixoochee shuuneree, boonoshin gooshoona dikkebe. 7Deejjee gudo shaaggeyemmi ebi yareenaꞌon deejjee gudee gutte naabeexi qalibeteenaꞌochi aahoona giijjibe. 8Deejjee gudoon maacaa aaho tuniiree, shaaqqoona shuunebe. Guudi toommoochaa neech ta bekkiitoommi gommona tuniiree shuunebe.
Yaafee Duukkaanee Addibaaboo
(Keyo 38:9-20)
9“Yaafee duukkaanee addibaaboon shuunebe. Deshi-waan beeti, addibaabee gidoyich balle hiroo tuneti, muttee tuppoochee ciciitaa yokkeeti woshiqoona shippeti qoreddoochee shuuneeti maccillaateenaꞌo tunebeete. 10Boonoshin tuuggemmi hiye giimbeenaꞌonaa ebi giimbeenaꞌochi hiye baateenaꞌona gooshoochee shuuneetinaꞌo tunebeete; tunebaani ebi giimbeenaꞌo toommooch tunemmi kaꞌeenaꞌonaa yaabeenaꞌona birewoochee shuuneetinaꞌo tunebeete. 11Ebiyoommon wotta dambi-waan beeti addibaabee gidoyich balle hiroo tuneti maccillaateenaꞌo tunebeete. Boonoshin tuuggemmi hiye giimbeenaꞌonaa ebi giimbeenaꞌochi hiye baateenaꞌona gooshoochee shuuneetinaꞌo tunebeete; wotta ebi giimbeenaꞌo toommooch tunemmi kaꞌeenaꞌonaa yaabeenaꞌona birewoochee shuuneetinaꞌo tunebeete.
12“Aabi-gimo waan beeti addibaabee gidoyich aache hire maccillaateenaꞌo tunebeete. Boonoshin tuuggemmi aashire giimbeenaꞌonaa ebi giimbeenaꞌoyich aashire baateenaꞌona beebeete. 13Aabi-keyo waan beeti addibaabee gidoo andoo aache hiroo tunebe. 14Ikke baddaa, kelloochee tiijjiree, aaraa uuche hire maccillaateenaꞌo tunebeete; boonoshin tuuggemmi keejje giimbeenaꞌonaa ebi giimbeenaꞌoyich keejje baateenaꞌona beebeete. 15Bare baddaa, kelloochee tiijjiree, aaraa uuche hire maccillaateenaꞌo tunebeete; boonoshin tuuggemmi keejje giimbeenaꞌonaa ebi giimbeenaꞌoyich keejje baateenaꞌona beebeete.
16“Addibaabooch giyeebeeti kelloyich shimaayito, dameroonaa ceelloona tuneti, muttee tuppoochee ciciitaa yokkeeti woshiqoona shippeti qoreddoochee shuuneeti hiye hire maccillaatoo tunebe. Bi toommoochoo shashiitaa shippeto tunebe. Ebi maccillaatoyich awudde giimbeenaꞌonaa ebi are giimbeenaꞌoyich tunemmi awudde baateenaꞌona beebeete. 17Addibaabee guudooch beeti giimbeenaꞌo bullich birewoochee shuuneeti yaabeenaꞌo, birewoochee shuuneeti kaꞌeenaꞌonaa gooshoochee shuuneeti baateenaꞌona beebeete. 18Addibaabee uxeree gidoo balle hiroo, bi maaco aache hiroo, bi neexo uuche hiroo tunebe; ebi addibaabee uxeroyich muttee tuppoochee ciciitaa yokkeeti woshiqoona shippeti maccillaateenaꞌonaa gooshoochee shuuneeti baateenaꞌona beebeete. 19Yaafee duukkaanoyich tunemmi qiico bulli, duukkaanee xogoo bullinaa addibaabee uxeree xogoo bullina gooshoochee shuuneeto tunebe.
Ceechee Zayito
(Leweenaꞌo 24:1-4)
20“Ceechoo kuxeyaanoon bi aaxxemmoyich tuniyemmi, zayitee michi aafoochee bottetee teegeeti, gaawe ceechee zayitoon boonoshi deebemmoyich, Israꞌeelee asheenaꞌoyich gete. 21Danee duukkaanee daggooch, taabootoon bariibeeti maccillaatoyee maach, Harooninaa bi anaami bushiisheenaꞌona Doono Yeeri ta aafooch ceechoo xumoochee harooch beddaahaa bi aaxxemmoyich tuniiree quyebeete. Ebiyoo Israꞌeeleenaꞌoyich shiijjeroochee shiijjerooch, bulli yemeenee doyoo tunebe.
Currently Selected:
Keyo 27: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 27
27
Deejjee Gudo
(Keyo 38:1-7)
1“Deejjee gudoon geellee mixoochee shuunebe. Ebi deejjee gudo bi gidoo uuche hiroo, bi maaco uuche hiroo, bi neexoo keejje hiroo tuneechi, awudde bi naaboo tato tunebe. 2Bi awudde shuutoona qareenaꞌon#27:2 Qaro, bi getteeto qaroochoommon kaama bi xuuggitoyichiye. shuunebe. Ebi qareenaꞌo deejjee gudoona tookki ikkochee shuuneetinaꞌo tunebeete. Deejjee gudo bullin gooshoona dikkebe. 3Tulloo booddeebeeti gubeenaꞌon, tulloo ucheebeeti maankeenaꞌon, quppe saaneenaꞌon, gomeenaꞌonaa qaaqqee buno yecheyemmi qiiceenaꞌonon, gooshoochee shuunebe. 4Dabboommi mooyon gooshoochee shuunebe. Ebi dabbee awudde shuutooch yareenaꞌo giyemmi awudde qalibetoon gooshoochee shuunebe. 5Ebi dabbo deejjee gudee gitooch beddaahaa bi shaggemmoyich, deejjee gudee degooch, noonoyee desh tuniibe. 6Deejjee gudoyich yareenaꞌon geellee mixoochee shuuneree, boonoshin gooshoona dikkebe. 7Deejjee gudo shaaggeyemmi ebi yareenaꞌon deejjee gudee gutte naabeexi qalibeteenaꞌochi aahoona giijjibe. 8Deejjee gudoon maacaa aaho tuniiree, shaaqqoona shuunebe. Guudi toommoochaa neech ta bekkiitoommi gommona tuniiree shuunebe.
Yaafee Duukkaanee Addibaaboo
(Keyo 38:9-20)
9“Yaafee duukkaanee addibaaboon shuunebe. Deshi-waan beeti, addibaabee gidoyich balle hiroo tuneti, muttee tuppoochee ciciitaa yokkeeti woshiqoona shippeti qoreddoochee shuuneeti maccillaateenaꞌo tunebeete. 10Boonoshin tuuggemmi hiye giimbeenaꞌonaa ebi giimbeenaꞌochi hiye baateenaꞌona gooshoochee shuuneetinaꞌo tunebeete; tunebaani ebi giimbeenaꞌo toommooch tunemmi kaꞌeenaꞌonaa yaabeenaꞌona birewoochee shuuneetinaꞌo tunebeete. 11Ebiyoommon wotta dambi-waan beeti addibaabee gidoyich balle hiroo tuneti maccillaateenaꞌo tunebeete. Boonoshin tuuggemmi hiye giimbeenaꞌonaa ebi giimbeenaꞌochi hiye baateenaꞌona gooshoochee shuuneetinaꞌo tunebeete; wotta ebi giimbeenaꞌo toommooch tunemmi kaꞌeenaꞌonaa yaabeenaꞌona birewoochee shuuneetinaꞌo tunebeete.
12“Aabi-gimo waan beeti addibaabee gidoyich aache hire maccillaateenaꞌo tunebeete. Boonoshin tuuggemmi aashire giimbeenaꞌonaa ebi giimbeenaꞌoyich aashire baateenaꞌona beebeete. 13Aabi-keyo waan beeti addibaabee gidoo andoo aache hiroo tunebe. 14Ikke baddaa, kelloochee tiijjiree, aaraa uuche hire maccillaateenaꞌo tunebeete; boonoshin tuuggemmi keejje giimbeenaꞌonaa ebi giimbeenaꞌoyich keejje baateenaꞌona beebeete. 15Bare baddaa, kelloochee tiijjiree, aaraa uuche hire maccillaateenaꞌo tunebeete; boonoshin tuuggemmi keejje giimbeenaꞌonaa ebi giimbeenaꞌoyich keejje baateenaꞌona beebeete.
16“Addibaabooch giyeebeeti kelloyich shimaayito, dameroonaa ceelloona tuneti, muttee tuppoochee ciciitaa yokkeeti woshiqoona shippeti qoreddoochee shuuneeti hiye hire maccillaatoo tunebe. Bi toommoochoo shashiitaa shippeto tunebe. Ebi maccillaatoyich awudde giimbeenaꞌonaa ebi are giimbeenaꞌoyich tunemmi awudde baateenaꞌona beebeete. 17Addibaabee guudooch beeti giimbeenaꞌo bullich birewoochee shuuneeti yaabeenaꞌo, birewoochee shuuneeti kaꞌeenaꞌonaa gooshoochee shuuneeti baateenaꞌona beebeete. 18Addibaabee uxeree gidoo balle hiroo, bi maaco aache hiroo, bi neexo uuche hiroo tunebe; ebi addibaabee uxeroyich muttee tuppoochee ciciitaa yokkeeti woshiqoona shippeti maccillaateenaꞌonaa gooshoochee shuuneeti baateenaꞌona beebeete. 19Yaafee duukkaanoyich tunemmi qiico bulli, duukkaanee xogoo bullinaa addibaabee uxeree xogoo bullina gooshoochee shuuneeto tunebe.
Ceechee Zayito
(Leweenaꞌo 24:1-4)
20“Ceechoo kuxeyaanoon bi aaxxemmoyich tuniyemmi, zayitee michi aafoochee bottetee teegeeti, gaawe ceechee zayitoon boonoshi deebemmoyich, Israꞌeelee asheenaꞌoyich gete. 21Danee duukkaanee daggooch, taabootoon bariibeeti maccillaatoyee maach, Harooninaa bi anaami bushiisheenaꞌona Doono Yeeri ta aafooch ceechoo xumoochee harooch beddaahaa bi aaxxemmoyich tuniiree quyebeete. Ebiyoo Israꞌeeleenaꞌoyich shiijjeroochee shiijjerooch, bulli yemeenee doyoo tunebe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.