Keyo 20
20
Aashire Geteenaꞌo
(Yibbaatoo 5:1-21)
1Yeeri ebi qaaro bullin ishichiꞌi gettiye:
2“Gibitsee showee guuchittinoochee neen kichiti, ne Nuggishoo Doono Yeeri taane.
3“Tayee besh bare nuggisheenaꞌoyich goyinne maddeyaahine.
4“Damba shimaayooch, desh showooch, showoyee deshi aacoochoo beeti mooyoochee amee shaahoonona shuuneeti shahalloon neech shuuneyaahine. 5Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.#Lew. 19:4; 26:1; Yibba. 4:15-18 6Tunebaani taan shunnii beetinaꞌonaa ta getoon quyee beetinaꞌonoyich, hume shiijjerooch beddaahaa ta shoodoon bekkiibeeto taane.
7“Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.
8“Shambetee aaboon yaafeeti aaboon tuniiꞌi quyoon batteyaahine. 9Shiritte qemi daggooch ne shuunemmi shuunoo bullin shuunebe. 10Tunebaani shabaattinnee qemo ne Nuggishoo Doono Yeeri ta shambetoone; arooba newoo tuneb, ne bushoo, ne bushee, ne guuno, ne gonnee, ne gijjeenaꞌo woyee ne showee daggooch beeti shiqqoo amee shuunoonolla shuuneyaahote.#Key. 23:12; 31:15; 34:21; 35:2; Lew. 23:3 11Doono Yeeri ta, shimaayoonaa showoonon, baharoonaa boonoshi daggooch beeto bullinon shiritte qemona hallaꞌa, shabaattinnee qemooba ta kashetoyich, shambetee aaboon diirii yaafito taane.#Hal. 2:1-3; Key. 31:17
12“Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.
13“Ashoon wuxiyaahine.
14“Shunoon maayaahine.
15“Gaajjaahine.
16“Asho koni toommoochona kootoon miixeyaahine.
17“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.
Asheenaꞌo Yeer Waan Giddoon Shato
(Yibbaatoo 5:22-33)
18Israꞌeeleenaꞌo phaqqoon, xeeyoon, tiree qaaroonaa guudi toommeexi cufoonon beeggiꞌi, keqqoona qeweheete; wokkiinoo neexeheete. 19Boonoshiyoo Muusin “Ne nooch yibbaatebe. Nowoo elle waayemmo noone. No qitaachemmoyich Yeeri nooch yibbaataye” iyeete.
20Muusiyoo “Shattaahote; Yeeri ebiyoommi gommona ittoshi waan bi waato, ittoshi mooyon beegoyichiye; biichoo shatiree, axaaxoon shuunoochee wohiree ittoshi beeyemmoyichiye” iye.
21Asheenaꞌo wohooch neexee beetaa Yeeri beeti, dunne manderoo tuneti, xaaꞌooch Muusi giddehe.
Deejjee Gudoon Shuuno
22Aroochee Doono Yeeri Muusich ishichiye: “Israꞌeeleenaꞌoyich ishichi gete: ‘Shimaayooch tunaachaa, ittoshina tookkii yibbaateto ta tunoon ittoshiyoo ittoshi qelloona beeggito ittoshine. 23Tayee besh bare nuggisheenaꞌo ittoshich beeyaayeete. Birewoochee woyee aachoochee shahalloon ittoshich shuuneyaahote.
24“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane. 25Xaqqoochee deejjee gudoon taach ittoshi shuunemmo tunegaata, xareeti xaqqoona shuuneyaahote. Ebiyoo xariibeeti xuuree qiico ebi deejjee gudoon bi eeꞌiyaachemmoyichiye. 26Ittoshi achoo bekkeyaachemmoyich, deejjoon taach ittoshi deejjemmi gudoon, daqqelloona kechee beeton tuniiree shuuneyaahote’ gete” iye.
Currently Selected:
Keyo 20: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 20
20
Aashire Geteenaꞌo
(Yibbaatoo 5:1-21)
1Yeeri ebi qaaro bullin ishichiꞌi gettiye:
2“Gibitsee showee guuchittinoochee neen kichiti, ne Nuggishoo Doono Yeeri taane.
3“Tayee besh bare nuggisheenaꞌoyich goyinne maddeyaahine.
4“Damba shimaayooch, desh showooch, showoyee deshi aacoochoo beeti mooyoochee amee shaahoonona shuuneeti shahalloon neech shuuneyaahine. 5Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.#Lew. 19:4; 26:1; Yibba. 4:15-18 6Tunebaani taan shunnii beetinaꞌonaa ta getoon quyee beetinaꞌonoyich, hume shiijjerooch beddaahaa ta shoodoon bekkiibeeto taane.
7“Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.
8“Shambetee aaboon yaafeeti aaboon tuniiꞌi quyoon batteyaahine. 9Shiritte qemi daggooch ne shuunemmi shuunoo bullin shuunebe. 10Tunebaani shabaattinnee qemo ne Nuggishoo Doono Yeeri ta shambetoone; arooba newoo tuneb, ne bushoo, ne bushee, ne guuno, ne gonnee, ne gijjeenaꞌo woyee ne showee daggooch beeti shiqqoo amee shuunoonolla shuuneyaahote.#Key. 23:12; 31:15; 34:21; 35:2; Lew. 23:3 11Doono Yeeri ta, shimaayoonaa showoonon, baharoonaa boonoshi daggooch beeto bullinon shiritte qemona hallaꞌa, shabaattinnee qemooba ta kashetoyich, shambetee aaboon diirii yaafito taane.#Hal. 2:1-3; Key. 31:17
12“Ne Nuggishoo Doono Yeeri ta, neech ta immemmi showooch koteree ne yagemmoyich, ne nihoonaa ne indeenon oogiibe.
13“Ashoon wuxiyaahine.
14“Shunoon maayaahine.
15“Gaajjaahine.
16“Asho koni toommoochona kootoon miixeyaahine.
17“Ashi kexon, ashi mecheen, ashi guunon woyee bi gonneen, bi gattoon woyee bi kuroon, ashicho tuneto amoonolla qaatiyaahine” iye.
Asheenaꞌo Yeer Waan Giddoon Shato
(Yibbaatoo 5:22-33)
18Israꞌeeleenaꞌo phaqqoon, xeeyoon, tiree qaaroonaa guudi toommeexi cufoonon beeggiꞌi, keqqoona qeweheete; wokkiinoo neexeheete. 19Boonoshiyoo Muusin “Ne nooch yibbaatebe. Nowoo elle waayemmo noone. No qitaachemmoyich Yeeri nooch yibbaataye” iyeete.
20Muusiyoo “Shattaahote; Yeeri ebiyoommi gommona ittoshi waan bi waato, ittoshi mooyon beegoyichiye; biichoo shatiree, axaaxoon shuunoochee wohiree ittoshi beeyemmoyichiye” iye.
21Asheenaꞌo wohooch neexee beetaa Yeeri beeti, dunne manderoo tuneti, xaaꞌooch Muusi giddehe.
Deejjee Gudoon Shuuno
22Aroochee Doono Yeeri Muusich ishichiye: “Israꞌeeleenaꞌoyich ishichi gete: ‘Shimaayooch tunaachaa, ittoshina tookkii yibbaateto ta tunoon ittoshiyoo ittoshi qelloona beeggito ittoshine. 23Tayee besh bare nuggisheenaꞌo ittoshich beeyaayeete. Birewoochee woyee aachoochee shahalloon ittoshich shuuneyaahote.
24“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane. 25Xaqqoochee deejjee gudoon taach ittoshi shuunemmo tunegaata, xareeti xaqqoona shuuneyaahote. Ebiyoo xariibeeti xuuree qiico ebi deejjee gudoon bi eeꞌiyaachemmoyichiye. 26Ittoshi achoo bekkeyaachemmoyich, deejjoon taach ittoshi deejjemmi gudoon, daqqelloona kechee beeton tuniiree shuuneyaahote’ gete” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.