Daaneeli 8
8
Daaneeli Bagee Baaddoonaa Emmishee Baaddoonon Yaaꞌoona Beego
1Taatoo Belshasoori taateti keejjinnee natooba, shiichaa ta beeggeti yaaꞌoyee gubb, ta, Daaneeli, bare yaaꞌoon beeggeho. 2Ebi yaaꞌoona ciinneho; ta ciinneto, Elaami woraafooch beeti inde katemoo Suusa ta beemoniye. Ulayi aachi gashooch beeho. 3Ta aafoon kaachii ciinnaꞌa, gutte genje qarechi bagee baaddoo aachi gaꞌooch neexee beeton beeggeho. Ikke qaro baroyee beshoon genjoone; ebi genjoo gubbiye colleꞌi bi diccito. 4Ebi bagee baaddoo aabi-gimooch, dambi-waaninaa deshi-waaninon guuddiꞌi bi qaroona bi kochii beetaa, beeggeho. Cooxo taane itoochee biin hakkiꞌi wochito aalloone; bi kishoocheenoo wodiyoon hakkito, koniyoona aalloone. Tuniiya bi qaawito bullin tuniihe; giidechonoo tunehe.
5Ebi ta beeggeti mooyon gabii ta beetaa, bi aafee gutte daggooch ikke ooge qaro beeti emmishee baaddoo showee toommona kuxxiꞌi, bi baatoon showooch shakkiyaanoon guufeechii, aabi-gimo waanee waahe. 6Aachi gaꞌooch bi beetaa, ta beeggeti, gutte qarechi bagee baaddoo beeto waan hammiye; bi waanoo oogeti kaaroona wocciye. 7Ebi bagoochi gaꞌooch bi shagon beeggeho. Oogeti ippoona bagoon kochiꞌi, bi gutte qareenaꞌon tiichiye. Biin wochoyich bago hakkoon muccetone; bagoon showooch dichiꞌi neexxiye. Biin ebi emmisho kishoochee wodiyoon hakkito koniyoona aalloone. 8Ebi emmisho oogeti giidechon tunehe. Tunebaani bi giidoo oogee bi beshiyooba, ooge bi qaro tiishehe. Bi xaaꞌoochoo showee awudde kello waan bekkiibeeti, awudde ogooge qareenaꞌo kechiyeete.
9Ebi awudde qareenaꞌo daggoochee ikkoo toommooch ikke giisheche qaro kechiye. Bi giidoo deshi-waan, aabi-keyo waan, Gaawe Showoo waanoo gaminniye. 10Biyoo shimaayee ginee naayinaꞌo beetooch beddaahaanona, giidecho tuneꞌi dicciye; ginee naayinaꞌoochee, eboshiyoo dofee xojjeneenaꞌoochee ikkikkeenaꞌon showooch holliiꞌi neexxiye. 11Shimaayeexi ginee iraashoo tuneti Yeerina tookkii bi tatemmi wottoon bi qelloon oogiihe; Yeerich qemi qemona micciibeeti deejjoon echiihe; yaafee kexonoo eeꞌiihe. 12Xuꞌee naboona, Yeerichi asheenaꞌo, qemi qemona micciibeeti deejjoona tookkii biich beshiitaa icheheete. Iberee showooch duppahan. Ebi qaro bi tuniibeeto bulli biich kaamehe.
13Aroochee gutte maraakeenaꞌo yibbaatee beetaa waayeho. Ikkoo ishichiꞌi echehe: “Ebi yaaꞌoona bekketi mooyo tune bi beeyemmo, aati wottooniye? Ebi ciigiiti axaaxoo qemi qemona micciibeeti deejjoon keriree bi beeyemmo, aati wottooniye? Yaafee kexonaa Yeerichi asheenaꞌona neeche beeyemmo, aati wottooniye?” iye.
14Baroo ishichiꞌi wochii bi beetaa waayeho; “Gutte humaa keejje balle womikkoonaa maaddoonooch beddaahaa yagemmone. Aroochee yaafee kexo wochinnoon xallemmone” iye.
Maraakoo Gabreeli Yaaꞌoon Biichiꞌi Geto
15Ta, Daaneeli, ebi yaaꞌoon ta beegiyooba, ama geto gaata shalligoyich qaawiyo; bekkech ashoon shaahoo ta aafooch neexee beeton beeggeho. 16Ulayi aachi gutte gaagemee daggoochee, “Gabreelo, ebi uroyich yaaꞌoo ama geto gaata biishi gete” iꞌi cookiibeeti ashi qaaroon waayeho.
17Aroochee Gabreeli waaꞌi ta gaꞌooch neexehe; tawoo oogeton keqqaꞌa baroona showooch guufeho. Biyoo taach ishichiye: “Ashi bushoocho, ebi yaaꞌoo yemeenee ciireechon bekkiibeeto bi tunoon shalligibe” iye.
18Ebin taach bi gettii beetaa, are ta guufetoochaa kashoon tuushiyo. Tunebaani bi taan yechii tiijjiꞌi, ta baatoona ta neexemmoyich tuniihe.
19Biyoo ishichiye: “Tawoo gubb, Yeerichi kaaree shiixxoo kindiyooba, ciiroochaa tunemmi mooyon neech gettemmo taane. Ebi yaaꞌoo bekkii bi beeto, Yeeri tuniiya gabiti, yemeenee ciirooba tunemmi mooyoniye. 20Ebi ne beeggeti, gutte qarechi bagee baaddoo Meedinaa Faariisinochi taateenaꞌoniye bi bekkiibeeto. 21Emmisho bi bekkiibeeto, Giriikee taatoon tunehona, bi aafee gutte daggooch beeti ooge qaro bi bekkiibeeto, shiichi taatemmi taatooniye. 22Are qaro tiisheechaa kechiti awudde qareenaꞌo bekkiibeeto, are taatittinoochee kechemmi awudde taatittineenaꞌoniye. Eboshiyoo aafi taatittinee giidoona tateyaachemminaꞌone.
23“Boonoshi taatittinee ciirooba, asheenaꞌochi axaaxoo oogichi woddemmone; ebiyooba aaf gondoonaa marechona tuneti taatoo taatemmone. 24Biyoo oogeti giidechon tunemmone; tunebaani bi hajjee giidoona toonoone. Biyoo shattiiti aalliyoon tuniyemmone. Bi tuniibeeto bulliyoo biich kaamemmone; giidechi asheenaꞌonaa yaafeeti asheenaꞌonon aalliyemmone. 25Marecho bi tunetoyich, acona mooyo biich bi kaamemmoyich tuniyemmone; bi mulloonoo oogichi geecemmone; diqqoona boonoshi beetaa, meeti asheenaꞌon aalliyemmone. Taateenaꞌochi Taatoo toommoochona tiyemmone; tunebaani ashi kishoona tuneyaanoon, biyoo aallemmone.
26“Ebi neech biishaa getteeti yaaꞌoo, ebiyoo deejjoo giddeyaachemmi womikkeechonaa maaddeechona iberoon ceennemmone. Tunebaani meeti natoyee gubb ceennemmo bi tunetoyich, ebi yaaꞌoon konichona arichiyaahine” iye.
27Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.
Currently Selected:
Daaneeli 8: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Daaneeli 8
8
Daaneeli Bagee Baaddoonaa Emmishee Baaddoonon Yaaꞌoona Beego
1Taatoo Belshasoori taateti keejjinnee natooba, shiichaa ta beeggeti yaaꞌoyee gubb, ta, Daaneeli, bare yaaꞌoon beeggeho. 2Ebi yaaꞌoona ciinneho; ta ciinneto, Elaami woraafooch beeti inde katemoo Suusa ta beemoniye. Ulayi aachi gashooch beeho. 3Ta aafoon kaachii ciinnaꞌa, gutte genje qarechi bagee baaddoo aachi gaꞌooch neexee beeton beeggeho. Ikke qaro baroyee beshoon genjoone; ebi genjoo gubbiye colleꞌi bi diccito. 4Ebi bagee baaddoo aabi-gimooch, dambi-waaninaa deshi-waaninon guuddiꞌi bi qaroona bi kochii beetaa, beeggeho. Cooxo taane itoochee biin hakkiꞌi wochito aalloone; bi kishoocheenoo wodiyoon hakkito, koniyoona aalloone. Tuniiya bi qaawito bullin tuniihe; giidechonoo tunehe.
5Ebi ta beeggeti mooyon gabii ta beetaa, bi aafee gutte daggooch ikke ooge qaro beeti emmishee baaddoo showee toommona kuxxiꞌi, bi baatoon showooch shakkiyaanoon guufeechii, aabi-gimo waanee waahe. 6Aachi gaꞌooch bi beetaa, ta beeggeti, gutte qarechi bagee baaddoo beeto waan hammiye; bi waanoo oogeti kaaroona wocciye. 7Ebi bagoochi gaꞌooch bi shagon beeggeho. Oogeti ippoona bagoon kochiꞌi, bi gutte qareenaꞌon tiichiye. Biin wochoyich bago hakkoon muccetone; bagoon showooch dichiꞌi neexxiye. Biin ebi emmisho kishoochee wodiyoon hakkito koniyoona aalloone. 8Ebi emmisho oogeti giidechon tunehe. Tunebaani bi giidoo oogee bi beshiyooba, ooge bi qaro tiishehe. Bi xaaꞌoochoo showee awudde kello waan bekkiibeeti, awudde ogooge qareenaꞌo kechiyeete.
9Ebi awudde qareenaꞌo daggoochee ikkoo toommooch ikke giisheche qaro kechiye. Bi giidoo deshi-waan, aabi-keyo waan, Gaawe Showoo waanoo gaminniye. 10Biyoo shimaayee ginee naayinaꞌo beetooch beddaahaanona, giidecho tuneꞌi dicciye; ginee naayinaꞌoochee, eboshiyoo dofee xojjeneenaꞌoochee ikkikkeenaꞌon showooch holliiꞌi neexxiye. 11Shimaayeexi ginee iraashoo tuneti Yeerina tookkii bi tatemmi wottoon bi qelloon oogiihe; Yeerich qemi qemona micciibeeti deejjoon echiihe; yaafee kexonoo eeꞌiihe. 12Xuꞌee naboona, Yeerichi asheenaꞌo, qemi qemona micciibeeti deejjoona tookkii biich beshiitaa icheheete. Iberee showooch duppahan. Ebi qaro bi tuniibeeto bulli biich kaamehe.
13Aroochee gutte maraakeenaꞌo yibbaatee beetaa waayeho. Ikkoo ishichiꞌi echehe: “Ebi yaaꞌoona bekketi mooyo tune bi beeyemmo, aati wottooniye? Ebi ciigiiti axaaxoo qemi qemona micciibeeti deejjoon keriree bi beeyemmo, aati wottooniye? Yaafee kexonaa Yeerichi asheenaꞌona neeche beeyemmo, aati wottooniye?” iye.
14Baroo ishichiꞌi wochii bi beetaa waayeho; “Gutte humaa keejje balle womikkoonaa maaddoonooch beddaahaa yagemmone. Aroochee yaafee kexo wochinnoon xallemmone” iye.
Maraakoo Gabreeli Yaaꞌoon Biichiꞌi Geto
15Ta, Daaneeli, ebi yaaꞌoon ta beegiyooba, ama geto gaata shalligoyich qaawiyo; bekkech ashoon shaahoo ta aafooch neexee beeton beeggeho. 16Ulayi aachi gutte gaagemee daggoochee, “Gabreelo, ebi uroyich yaaꞌoo ama geto gaata biishi gete” iꞌi cookiibeeti ashi qaaroon waayeho.
17Aroochee Gabreeli waaꞌi ta gaꞌooch neexehe; tawoo oogeton keqqaꞌa baroona showooch guufeho. Biyoo taach ishichiye: “Ashi bushoocho, ebi yaaꞌoo yemeenee ciireechon bekkiibeeto bi tunoon shalligibe” iye.
18Ebin taach bi gettii beetaa, are ta guufetoochaa kashoon tuushiyo. Tunebaani bi taan yechii tiijjiꞌi, ta baatoona ta neexemmoyich tuniihe.
19Biyoo ishichiye: “Tawoo gubb, Yeerichi kaaree shiixxoo kindiyooba, ciiroochaa tunemmi mooyon neech gettemmo taane. Ebi yaaꞌoo bekkii bi beeto, Yeeri tuniiya gabiti, yemeenee ciirooba tunemmi mooyoniye. 20Ebi ne beeggeti, gutte qarechi bagee baaddoo Meedinaa Faariisinochi taateenaꞌoniye bi bekkiibeeto. 21Emmisho bi bekkiibeeto, Giriikee taatoon tunehona, bi aafee gutte daggooch beeti ooge qaro bi bekkiibeeto, shiichi taatemmi taatooniye. 22Are qaro tiisheechaa kechiti awudde qareenaꞌo bekkiibeeto, are taatittinoochee kechemmi awudde taatittineenaꞌoniye. Eboshiyoo aafi taatittinee giidoona tateyaachemminaꞌone.
23“Boonoshi taatittinee ciirooba, asheenaꞌochi axaaxoo oogichi woddemmone; ebiyooba aaf gondoonaa marechona tuneti taatoo taatemmone. 24Biyoo oogeti giidechon tunemmone; tunebaani bi hajjee giidoona toonoone. Biyoo shattiiti aalliyoon tuniyemmone. Bi tuniibeeto bulliyoo biich kaamemmone; giidechi asheenaꞌonaa yaafeeti asheenaꞌonon aalliyemmone. 25Marecho bi tunetoyich, acona mooyo biich bi kaamemmoyich tuniyemmone; bi mulloonoo oogichi geecemmone; diqqoona boonoshi beetaa, meeti asheenaꞌon aalliyemmone. Taateenaꞌochi Taatoo toommoochona tiyemmone; tunebaani ashi kishoona tuneyaanoon, biyoo aallemmone.
26“Ebi neech biishaa getteeti yaaꞌoo, ebiyoo deejjoo giddeyaachemmi womikkeechonaa maaddeechona iberoon ceennemmone. Tunebaani meeti natoyee gubb ceennemmo bi tunetoyich, ebi yaaꞌoon konichona arichiyaahine” iye.
27Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.