Daaneeli 6
6
Daahereenaꞌochi Oppooch Daaneeli Duppeyoo
1Daariyoosi bi taatetoyee gubb, bi taatee showoo bulliich ukkiremmi, balli hiye iraasheenaꞌon kaacciye. 2Eboshi toommooch keejje asheenaꞌon iraashiihe. Boonoshi daggoochee ikkoo Daaneeline. Taatoo toommooch iritoo shagaachemmoyich, ebi keeminaꞌo iraasheenaꞌochi shuunoon boonoshi ciinnemmoyich tunehe. 3Daaneeli bariti ayaanoona ceenniti asho bi tunetoyich, biinna tookkii iraasheti iraasheenaꞌonaa bare iraasheenaꞌo bullinoyee besho tuneꞌi bekkehe; taatoo bi taatee showoo bulli toommooch biin iraashiiya gabiye. 4Ebich ebi iraasheenaꞌo Daaneeli shuuneebeeti taatee kexeexi shuunoochee muricoon daneree biin taggeya qaawiyeete; tunebaani Daaneeli gibeneeto, muricoon woyee shappe mooyon tuniyaani asho bi tunetoyich, biin boonoshi taggemmi mooyon mucceheete. 5Ebich ebi asheenaꞌo boonoshinaa boonoshina, “Bi Nuggishoona tookkii yesheti mooyoyee besh hini uroon no taggemmi amee mooyonona danoon hakkaachemmo noone” iyeete.
6Aroochee ebi asheenaꞌo ikkittinoona taatoo waan hammiꞌi ishichiyeete: “Taatoo Daariyooso, hume naton taatebe! 7Taatoocho, hini shaashe qemi daggooch asho koniyoona ne waanee qolloyee besh, nuggishoo waanee woyee ashi waanee amoonolla bi qolleyaachemmoyich, qollemmo bi beegaata, daahereenaꞌochi oppooch bi duppeyemmoyich awaajjoon ne kichiyemmonaa ebi awaajjoon manjoo ne tuniyemmonoyich, iraasheenaꞌo, ukkireenaꞌo, mikkirechinaꞌonaa woraaferasheenaꞌona, ne showoon qeejjiibeeti no bulli echeeto noone. 8Taatoocho, ebi awaajjoon kichi kooriree, ne malletoon arooch gede. Ebina shaddeyaani Meedinaa Faariisinochi showee sheeroochoommon tunemmone” iyeete. 9Ebich taatoo Daariyoosi awaajjee koorichooch bi malletoon geddiye.
10Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.
11Asheenaꞌo ikkottee hammiꞌi, Daaneeli bi Nuggishoo waan corootii, qollee bi beetaa daneheete. 12Boonoshiyoo taatoo waan hammiꞌi, “Taatoocho, shaashe qemi daggooch asho koniyoona ne waanee qolloyee besh, nuggishoo waanee woyee ashi waanee amoonolla qollemmo daahereenaꞌochi oppooch bi duppeyemmoyich, awaajjaa koorichee toommooch ne malletoon gedaano neene?” iꞌi bi kichiti awaajjeechon echeheete.
Taatoo wochiꞌi, “Ebi mooyo shaddeyaani, Meedinaa Faariisinochi showee sheeroommon manjoone” iye.
13Boonoshiyoo taatoyich ishichiyeete: “Taatoocho, Yihudee showoochee kecaa waati asheenaꞌo daggoochee ikkoo tuneti Daaneeli, neennaa ne kichiti awaajjoonon mooyooch haddaanoon, heeyooch keejje wottoon bi nuggishoon qollee beetone” iyeete.
14Taatoo ebin bi waayehooba, oogeton ayiniye. Daaneelin bi wodiyemmi gommon qaawiya gabiye; biin wodiyoyich aabi gimi wottoon qiiccehe.
15Aroochee Daaneelichi shixechinaꞌo wochinnoon taatoo waan ikkottee giddeꞌi biich ishichiyeete: “Taatoocho, Meedinaa Faariisinochi showee sheeree doyoochaa ikke taatoo kichiti awaajjo shaddeyoon hakkaano bi tunoon ariibe” iyeete.
16Ebich taatoo Daaneelin daahereenaꞌochi oppooch boonoshi duppemmoyich bi getaa, deebii duppii boonoshi beetaa, taatoo Daaneelich “Bulli aaboon biich ne goyinnaa maddeebeeti ne Nuggishoo neen wodiibe” iye.
17Xaqqoon deebiꞌi oppee kelloon keppheheete. Taatoo ebi Daaneeli toommooch tuneti mooyo bi shaddeyaachemmoyich, ebi aree toommooch bi kisheexi axxaamittee maatemoonaa bi iraasheenaꞌo kisheexi axxaamittee maatemoona dukkehe. 18Aroochee taatoo wotteꞌi bi taatee kexooch hammiye. Aroobee xum maayoon maataanoon, bi ashittinoonoo emirikkemmi mooyon tuniyaanoon qeyiye. Tokketoo bi aafoochee aallehe.
19Showee harooch maaddoona, taatoo tiyiꞌi daahereenaꞌochi oppooch afaafinoona hammiye. 20Daaneeli beeti oppooch katinnii, ayinee qaaroona Daaneelin ceeggiꞌi, “Beeyechi Nuggishoochi guuno tuneti Daaneelo! Bulli aaboon biich ne goyinnaa maddeebeeti Nuggishoo daahereenaꞌo waanee neen wodiyoon hakkite?” iye.
21Daaneeliyoo ishichiꞌi wochiye: “Taatoocho, hume naton taatebe! 22Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.
23Arooba taatoo oogeton emiriꞌi, Daaneelin oppoochee boonoshi kichemmoyich gettiye. Daaneelin oppoochee kichiyeete. Bi Nuggishoon bi gibenetoyich, bi achooch amee mooyolla shagaanoone.
24Aroochee Daaneelin taggeti asheenaꞌo bullin, boonoshi mecheenaꞌonaa boonoshi bushiisheenaꞌona tookki daahereenaꞌochi oppooch boonoshi duppemmoyich taatoo getaa, deebii duppiyeete. Ebi asheenaꞌo batt oppee dechi duchooch boonoshi shagaan beetaa, daahereenaꞌo yechii, boonoshi shaawushoon tiichiꞌi, billbillayii maaheete.
25Aroyee gubb, taatoo Daariyoosi showee toommo bulliich beeti, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bullich ishichiꞌi kooriye:
“Diggoo ittoshich tunebe! 26Ta taatee showoo bullichi daggooch beeti asho bulli Daaneelichi Nuggishoo Yeerin bi shattemmonaa bi oogiyemmonoyich awaajjoon kichito taane.
“Biyoo bulli yemeenoon beeti, beeyechi Nuggishoone;
bi taatittinoon koniyoona ciroona aalliyoon hakkaanoone;
bi hajjiibeetoo ciirooch beddaahaane.
27Biyoo shiwehe; wodiihe;
showoonaa shimaayoonoochaa
worganikkiti malletoonaa gaakkechi shuunoonon shuunehe.
Daaneelinoo daahereenaꞌo kishoochee wodiitone” iye.
28Ebich Daaneeli Daariyoosichi taatittinee yemeenooba, Faariisee asho Qiroosichi taatittinee yemeenooboo mooyo biich mashaamaa beehe.
Currently Selected:
Daaneeli 6: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Daaneeli 6
6
Daahereenaꞌochi Oppooch Daaneeli Duppeyoo
1Daariyoosi bi taatetoyee gubb, bi taatee showoo bulliich ukkiremmi, balli hiye iraasheenaꞌon kaacciye. 2Eboshi toommooch keejje asheenaꞌon iraashiihe. Boonoshi daggoochee ikkoo Daaneeline. Taatoo toommooch iritoo shagaachemmoyich, ebi keeminaꞌo iraasheenaꞌochi shuunoon boonoshi ciinnemmoyich tunehe. 3Daaneeli bariti ayaanoona ceenniti asho bi tunetoyich, biinna tookkii iraasheti iraasheenaꞌonaa bare iraasheenaꞌo bullinoyee besho tuneꞌi bekkehe; taatoo bi taatee showoo bulli toommooch biin iraashiiya gabiye. 4Ebich ebi iraasheenaꞌo Daaneeli shuuneebeeti taatee kexeexi shuunoochee muricoon daneree biin taggeya qaawiyeete; tunebaani Daaneeli gibeneeto, muricoon woyee shappe mooyon tuniyaani asho bi tunetoyich, biin boonoshi taggemmi mooyon mucceheete. 5Ebich ebi asheenaꞌo boonoshinaa boonoshina, “Bi Nuggishoona tookkii yesheti mooyoyee besh hini uroon no taggemmi amee mooyonona danoon hakkaachemmo noone” iyeete.
6Aroochee ebi asheenaꞌo ikkittinoona taatoo waan hammiꞌi ishichiyeete: “Taatoo Daariyooso, hume naton taatebe! 7Taatoocho, hini shaashe qemi daggooch asho koniyoona ne waanee qolloyee besh, nuggishoo waanee woyee ashi waanee amoonolla bi qolleyaachemmoyich, qollemmo bi beegaata, daahereenaꞌochi oppooch bi duppeyemmoyich awaajjoon ne kichiyemmonaa ebi awaajjoon manjoo ne tuniyemmonoyich, iraasheenaꞌo, ukkireenaꞌo, mikkirechinaꞌonaa woraaferasheenaꞌona, ne showoon qeejjiibeeti no bulli echeeto noone. 8Taatoocho, ebi awaajjoon kichi kooriree, ne malletoon arooch gede. Ebina shaddeyaani Meedinaa Faariisinochi showee sheeroochoommon tunemmone” iyeete. 9Ebich taatoo Daariyoosi awaajjee koorichooch bi malletoon geddiye.
10Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.
11Asheenaꞌo ikkottee hammiꞌi, Daaneeli bi Nuggishoo waan corootii, qollee bi beetaa daneheete. 12Boonoshiyoo taatoo waan hammiꞌi, “Taatoocho, shaashe qemi daggooch asho koniyoona ne waanee qolloyee besh, nuggishoo waanee woyee ashi waanee amoonolla qollemmo daahereenaꞌochi oppooch bi duppeyemmoyich, awaajjaa koorichee toommooch ne malletoon gedaano neene?” iꞌi bi kichiti awaajjeechon echeheete.
Taatoo wochiꞌi, “Ebi mooyo shaddeyaani, Meedinaa Faariisinochi showee sheeroommon manjoone” iye.
13Boonoshiyoo taatoyich ishichiyeete: “Taatoocho, Yihudee showoochee kecaa waati asheenaꞌo daggoochee ikkoo tuneti Daaneeli, neennaa ne kichiti awaajjoonon mooyooch haddaanoon, heeyooch keejje wottoon bi nuggishoon qollee beetone” iyeete.
14Taatoo ebin bi waayehooba, oogeton ayiniye. Daaneelin bi wodiyemmi gommon qaawiya gabiye; biin wodiyoyich aabi gimi wottoon qiiccehe.
15Aroochee Daaneelichi shixechinaꞌo wochinnoon taatoo waan ikkottee giddeꞌi biich ishichiyeete: “Taatoocho, Meedinaa Faariisinochi showee sheeree doyoochaa ikke taatoo kichiti awaajjo shaddeyoon hakkaano bi tunoon ariibe” iyeete.
16Ebich taatoo Daaneelin daahereenaꞌochi oppooch boonoshi duppemmoyich bi getaa, deebii duppii boonoshi beetaa, taatoo Daaneelich “Bulli aaboon biich ne goyinnaa maddeebeeti ne Nuggishoo neen wodiibe” iye.
17Xaqqoon deebiꞌi oppee kelloon keppheheete. Taatoo ebi Daaneeli toommooch tuneti mooyo bi shaddeyaachemmoyich, ebi aree toommooch bi kisheexi axxaamittee maatemoonaa bi iraasheenaꞌo kisheexi axxaamittee maatemoona dukkehe. 18Aroochee taatoo wotteꞌi bi taatee kexooch hammiye. Aroobee xum maayoon maataanoon, bi ashittinoonoo emirikkemmi mooyon tuniyaanoon qeyiye. Tokketoo bi aafoochee aallehe.
19Showee harooch maaddoona, taatoo tiyiꞌi daahereenaꞌochi oppooch afaafinoona hammiye. 20Daaneeli beeti oppooch katinnii, ayinee qaaroona Daaneelin ceeggiꞌi, “Beeyechi Nuggishoochi guuno tuneti Daaneelo! Bulli aaboon biich ne goyinnaa maddeebeeti Nuggishoo daahereenaꞌo waanee neen wodiyoon hakkite?” iye.
21Daaneeliyoo ishichiꞌi wochiye: “Taatoocho, hume naton taatebe! 22Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.
23Arooba taatoo oogeton emiriꞌi, Daaneelin oppoochee boonoshi kichemmoyich gettiye. Daaneelin oppoochee kichiyeete. Bi Nuggishoon bi gibenetoyich, bi achooch amee mooyolla shagaanoone.
24Aroochee Daaneelin taggeti asheenaꞌo bullin, boonoshi mecheenaꞌonaa boonoshi bushiisheenaꞌona tookki daahereenaꞌochi oppooch boonoshi duppemmoyich taatoo getaa, deebii duppiyeete. Ebi asheenaꞌo batt oppee dechi duchooch boonoshi shagaan beetaa, daahereenaꞌo yechii, boonoshi shaawushoon tiichiꞌi, billbillayii maaheete.
25Aroyee gubb, taatoo Daariyoosi showee toommo bulliich beeti, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bullich ishichiꞌi kooriye:
“Diggoo ittoshich tunebe! 26Ta taatee showoo bullichi daggooch beeti asho bulli Daaneelichi Nuggishoo Yeerin bi shattemmonaa bi oogiyemmonoyich awaajjoon kichito taane.
“Biyoo bulli yemeenoon beeti, beeyechi Nuggishoone;
bi taatittinoon koniyoona ciroona aalliyoon hakkaanoone;
bi hajjiibeetoo ciirooch beddaahaane.
27Biyoo shiwehe; wodiihe;
showoonaa shimaayoonoochaa
worganikkiti malletoonaa gaakkechi shuunoonon shuunehe.
Daaneelinoo daahereenaꞌo kishoochee wodiitone” iye.
28Ebich Daaneeli Daariyoosichi taatittinee yemeenooba, Faariisee asho Qiroosichi taatittinee yemeenooboo mooyo biich mashaamaa beehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.