Amootsi 8
8
Amootsi Yaaꞌoona Gaangiti Michi Aafoon Beego
1Wotta Nuggishoo Doono Yeeri bare yaaꞌoona ebin taach bekkiihe. Tawoo mokkee ceeni, manjeebeeti, gaangiti michi aafoon beeggeho. 2Biyoo taan “Amootso, ebi ne ciinnaabeeti mooyo amoone?” iꞌi echehe.
Tawoo “Mokkee ceeni, manjeebeeti gaangiti michi aafoone” iyo.
Aroochee Doono Yeeri taach ishichiye: “Ta asheenaꞌo tuneti Israꞌeeleenaꞌoyich ciiree yemeeno shaggitone. Ebiyee gubb boonoshin maaraachemmo taane. 3Ebi arooba taatee kexoochaa duuppeebeeti duubi qoodoon eefo tunemmone. Dubeno meettemmone; danemmoochoo duppeyemmone; ashoo shashewimmemmone” iye Nuggishoo Doono Yeeri.
Israꞌeeleenaꞌo Toommooch Shaggemmi Gonde Mooyo
4Iritechinaꞌon neexxii hajjiibeeti, girechinaꞌonoo showoochee aalliiya qaawii beetinaꞌote, ebin waayebote! 5Ittoshiyoo “No maayoon no kemmemmoyich, agenee keyi baaroo besheshoo geta! Teepphoon wochinnoon no kemmemmoyich shambetoo besheshoo geta! Ebi aabo beshemmo gaata, munne kobbayona maayoon qeelle aaxxii kemibee, koote machoona asheenaꞌon dachesho noone. 6Teepphee ooyoonona gaawe gatiyoona kemmesho noone. Girechinaꞌon boonoshi hiishoyich, ebi hiishoo caammee gatiya bedaani gijjoo bi tunetaanoona qoco boonoshi mawiitaa, boonoshin guuno tunii hajjemmo noone” iꞌi gabiyote.
7Israꞌeeleenaꞌochi oogo tuneti Doono Yeeri ishichiꞌi wogetone: “Boonoshi shuuneti shuunoon ciroona batteyaachemmo taane. 8Ebich showoo qewemmoyich tuniyemmo taane; showee toommooch beeto bulli eefemmone. Showoo bulli shuuremmone; Abbaayi aaco phiceyoommon kaama tiyi kindibee phiceyemmone” itone.
9Nuggishoo Doono Yeeri ishichitone: “Ebi arooba, areddee shiritte saatooch aabe giyemmoyich tuniiree, areddoon xumiyemmo taane. 10Ittoshi emiree baaroon eefooch, ittoshi duubonoo shooshooch wochemmo taane. Qelloon cakkeree dookoon ittoshi tahemmoyich tuniyemmo taane. Ikke mixxe boonoshi bushoyich nihoonaa indeena eefoommon eeppeebeeti aabo tunemmone. Ebi arooba mooyo bulli ciirooch beddaahaa, caammito tunemmone” itone.
11Nuggishoo Doono Yeeri ishichitone: “Showee toommooch shaacoon ta deebemmi aabo waa beetone. Ebiyoo Doono Yeeri ta qaaroon muccee shaacoani maayoon woyee aacon mucco toonoone. 12Asheenaꞌo Kiikki baharoochee Meditiraanee baharooch beddaahaa, dambi-waanee aabi-keyooch beddaahaa yallyallimemminaꞌone. Doono Yeeri ta qaaroon qaawiree okk hach woccemminaꞌone; tunebaani daneyaachemminaꞌone.
13“Ebi arooba, malletechi maache bushiisheenaꞌonaa kupphe anaami bushiisheenaꞌona aacon mucceree shachewoona shaaweyemminaꞌone. 14Shamaaree showee nuggishee Ashiimi shigoona wogee beetinaꞌo, ‘Beeyechi Daani nuggishoona’ iꞌi wogee beetinaꞌonaa ‘Beeyechi Beershaabi nuggishoona’ iꞌi wogee beetinaꞌona dihemminaꞌone; boonoshi dihitoochee wochinnoon tiyaachemminaꞌone” itone.
Currently Selected:
Amootsi 8: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Amootsi 8
8
Amootsi Yaaꞌoona Gaangiti Michi Aafoon Beego
1Wotta Nuggishoo Doono Yeeri bare yaaꞌoona ebin taach bekkiihe. Tawoo mokkee ceeni, manjeebeeti, gaangiti michi aafoon beeggeho. 2Biyoo taan “Amootso, ebi ne ciinnaabeeti mooyo amoone?” iꞌi echehe.
Tawoo “Mokkee ceeni, manjeebeeti gaangiti michi aafoone” iyo.
Aroochee Doono Yeeri taach ishichiye: “Ta asheenaꞌo tuneti Israꞌeeleenaꞌoyich ciiree yemeeno shaggitone. Ebiyee gubb boonoshin maaraachemmo taane. 3Ebi arooba taatee kexoochaa duuppeebeeti duubi qoodoon eefo tunemmone. Dubeno meettemmone; danemmoochoo duppeyemmone; ashoo shashewimmemmone” iye Nuggishoo Doono Yeeri.
Israꞌeeleenaꞌo Toommooch Shaggemmi Gonde Mooyo
4Iritechinaꞌon neexxii hajjiibeeti, girechinaꞌonoo showoochee aalliiya qaawii beetinaꞌote, ebin waayebote! 5Ittoshiyoo “No maayoon no kemmemmoyich, agenee keyi baaroo besheshoo geta! Teepphoon wochinnoon no kemmemmoyich shambetoo besheshoo geta! Ebi aabo beshemmo gaata, munne kobbayona maayoon qeelle aaxxii kemibee, koote machoona asheenaꞌon dachesho noone. 6Teepphee ooyoonona gaawe gatiyoona kemmesho noone. Girechinaꞌon boonoshi hiishoyich, ebi hiishoo caammee gatiya bedaani gijjoo bi tunetaanoona qoco boonoshi mawiitaa, boonoshin guuno tunii hajjemmo noone” iꞌi gabiyote.
7Israꞌeeleenaꞌochi oogo tuneti Doono Yeeri ishichiꞌi wogetone: “Boonoshi shuuneti shuunoon ciroona batteyaachemmo taane. 8Ebich showoo qewemmoyich tuniyemmo taane; showee toommooch beeto bulli eefemmone. Showoo bulli shuuremmone; Abbaayi aaco phiceyoommon kaama tiyi kindibee phiceyemmone” itone.
9Nuggishoo Doono Yeeri ishichitone: “Ebi arooba, areddee shiritte saatooch aabe giyemmoyich tuniiree, areddoon xumiyemmo taane. 10Ittoshi emiree baaroon eefooch, ittoshi duubonoo shooshooch wochemmo taane. Qelloon cakkeree dookoon ittoshi tahemmoyich tuniyemmo taane. Ikke mixxe boonoshi bushoyich nihoonaa indeena eefoommon eeppeebeeti aabo tunemmone. Ebi arooba mooyo bulli ciirooch beddaahaa, caammito tunemmone” itone.
11Nuggishoo Doono Yeeri ishichitone: “Showee toommooch shaacoon ta deebemmi aabo waa beetone. Ebiyoo Doono Yeeri ta qaaroon muccee shaacoani maayoon woyee aacon mucco toonoone. 12Asheenaꞌo Kiikki baharoochee Meditiraanee baharooch beddaahaa, dambi-waanee aabi-keyooch beddaahaa yallyallimemminaꞌone. Doono Yeeri ta qaaroon qaawiree okk hach woccemminaꞌone; tunebaani daneyaachemminaꞌone.
13“Ebi arooba, malletechi maache bushiisheenaꞌonaa kupphe anaami bushiisheenaꞌona aacon mucceree shachewoona shaaweyemminaꞌone. 14Shamaaree showee nuggishee Ashiimi shigoona wogee beetinaꞌo, ‘Beeyechi Daani nuggishoona’ iꞌi wogee beetinaꞌonaa ‘Beeyechi Beershaabi nuggishoona’ iꞌi wogee beetinaꞌona dihemminaꞌone; boonoshi dihitoochee wochinnoon tiyaachemminaꞌone” itone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.