Amootsi 6
6
Israꞌeeleenaꞌo Naxeyoo
1Tsiyooni katemooch mashaamiti beemon beeti, Shamaari guudooch keqqaalloon koteti, boonoshin ittoshi gaachemmoyich Israꞌeeleenaꞌo ittoshi waan waabeeti, showeenaꞌo daggoochee ikkinnoo tuneti Israꞌeelee showee aricheti iraasheenaꞌote, ittoshich woowo! 2Ittoshiyoo ittoshi asheenaꞌoyich, “Eke Kalini katemooch hambote; aricheti katemoo tuneti Hamaat hambote; wotta Filsixeemeenaꞌochi katemoo tuneti Gaat hambote. Ebi areenaꞌo Yihudee showoonaa Israꞌeelee showoonoyee besheheete? Boonoshi showoo ittoshi showoyee beshehe?” iyote. 3Duꞌo shaggemmi aaboon wokkiiꞌi ciinniibeeti, gonde mooyo showee toommooch taatemmoyich tuniibeeti ittoshich woowo! 4Dangeyi gashoona gaawicheeti qeenooch qeyiibeeti, mashaamiti qeenooch teeqqeechi, bagee baaddoonaa bariyoonochi meenon maabeeti, 5Daawitichoommon andire shoddoon kichiꞌi, ooge ximboon yexxii kaachiibeeti, 6koofoona woyinee uyoon yiifeebeeti, gaawe cinnechi shittoon huuteebeeti, tunebaani Israꞌeeleenaꞌochi aalloyich aaxxiyaani ittoshich woowo! 7Ebich kecooba ittoshi shiichoo tunemmo ittoshine. Ebina gifiroon geddii ittoshi mamonaa uyona arooba echemmone.
8Beshe Mawe Nuggishoo Doono Yeeri bi qelloona wogeꞌi ishichitone: “Israꞌeeleenaꞌochi geecoon tiyaareto taane; boonoshi taatee kexinaꞌonoo shixxeto taane. Boonoshi inde katemoonaa bi daggooch beeto bullinon ettoyich beshii immemmo taane” itone.
9Ikke kexooch aashire asheenaꞌo echegaata, boonoshiyoo wotta qitemminaꞌone. 10Dubenoon daami duukkemmi ikke xiboo waa kichi daamibee, kechi maac gatooch beeti uroon ceegiree, “Neenna tookkii echeti asho beete?” gettemmone. Biyoo “Koniyoona aalloone” gettemmone. Are xiboo wochiree, “Qaariyaahine! Doono Yeerichi shigoon ceego nooch qaawiyaache” gettemmone. 11Doono Yeeri getaa ogooge kexonaa gishiishi kexona tiisheree burico tunemmone.
12Hareshoo xaqqee guudi toommona wocon hakkehe? Asho baharoon gattoona goyon hakkehe? Tunebaani ittoshi dayinnetoon xuppattoon, cadiqee shuunoonoo caammeroon, tuniihote. 13Lodebaari katemoon ittoshi yechitoyich geecoona ciixeebeeto ittoshine; wotta “Qarinayimi katemoon no yecheto no giidoonane” ii beeto ittoshine.
14Beshe Mawe Nuggishoo Doono Yeeri ishichitone: “Israꞌeeleenaꞌote, tunebaani ta, ittoshi toommooch aagetee asheenaꞌon tiijjemmo taane. Boonoshiyoo Hamaati katemooch beshe kaattoochee tiijjiree Arabee#6:14 woyee Yoordaanoosi bamboo woce aacooch beddaahaa ittoshin duꞌiyemminaꞌone” itone.
Currently Selected:
Amootsi 6: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Amootsi 6
6
Israꞌeeleenaꞌo Naxeyoo
1Tsiyooni katemooch mashaamiti beemon beeti, Shamaari guudooch keqqaalloon koteti, boonoshin ittoshi gaachemmoyich Israꞌeeleenaꞌo ittoshi waan waabeeti, showeenaꞌo daggoochee ikkinnoo tuneti Israꞌeelee showee aricheti iraasheenaꞌote, ittoshich woowo! 2Ittoshiyoo ittoshi asheenaꞌoyich, “Eke Kalini katemooch hambote; aricheti katemoo tuneti Hamaat hambote; wotta Filsixeemeenaꞌochi katemoo tuneti Gaat hambote. Ebi areenaꞌo Yihudee showoonaa Israꞌeelee showoonoyee besheheete? Boonoshi showoo ittoshi showoyee beshehe?” iyote. 3Duꞌo shaggemmi aaboon wokkiiꞌi ciinniibeeti, gonde mooyo showee toommooch taatemmoyich tuniibeeti ittoshich woowo! 4Dangeyi gashoona gaawicheeti qeenooch qeyiibeeti, mashaamiti qeenooch teeqqeechi, bagee baaddoonaa bariyoonochi meenon maabeeti, 5Daawitichoommon andire shoddoon kichiꞌi, ooge ximboon yexxii kaachiibeeti, 6koofoona woyinee uyoon yiifeebeeti, gaawe cinnechi shittoon huuteebeeti, tunebaani Israꞌeeleenaꞌochi aalloyich aaxxiyaani ittoshich woowo! 7Ebich kecooba ittoshi shiichoo tunemmo ittoshine. Ebina gifiroon geddii ittoshi mamonaa uyona arooba echemmone.
8Beshe Mawe Nuggishoo Doono Yeeri bi qelloona wogeꞌi ishichitone: “Israꞌeeleenaꞌochi geecoon tiyaareto taane; boonoshi taatee kexinaꞌonoo shixxeto taane. Boonoshi inde katemoonaa bi daggooch beeto bullinon ettoyich beshii immemmo taane” itone.
9Ikke kexooch aashire asheenaꞌo echegaata, boonoshiyoo wotta qitemminaꞌone. 10Dubenoon daami duukkemmi ikke xiboo waa kichi daamibee, kechi maac gatooch beeti uroon ceegiree, “Neenna tookkii echeti asho beete?” gettemmone. Biyoo “Koniyoona aalloone” gettemmone. Are xiboo wochiree, “Qaariyaahine! Doono Yeerichi shigoon ceego nooch qaawiyaache” gettemmone. 11Doono Yeeri getaa ogooge kexonaa gishiishi kexona tiisheree burico tunemmone.
12Hareshoo xaqqee guudi toommona wocon hakkehe? Asho baharoon gattoona goyon hakkehe? Tunebaani ittoshi dayinnetoon xuppattoon, cadiqee shuunoonoo caammeroon, tuniihote. 13Lodebaari katemoon ittoshi yechitoyich geecoona ciixeebeeto ittoshine; wotta “Qarinayimi katemoon no yecheto no giidoonane” ii beeto ittoshine.
14Beshe Mawe Nuggishoo Doono Yeeri ishichitone: “Israꞌeeleenaꞌote, tunebaani ta, ittoshi toommooch aagetee asheenaꞌon tiijjemmo taane. Boonoshiyoo Hamaati katemooch beshe kaattoochee tiijjiree Arabee#6:14 woyee Yoordaanoosi bamboo woce aacooch beddaahaa ittoshin duꞌiyemminaꞌone” itone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.