Amootsi 3
3
1Israꞌeeleenaꞌote, Gibitsee bi kichiti asho ittoshi bulli toommooch Doono Yeeri gettiibeeti mooyon waayebote: 2“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.
Keemecho Yeer Waanee Waayeꞌi Keemmiibeeto Bi Tuno
3Taajjeꞌi daneyaanoon, gutte asheenaꞌo tookkii hamon hakkeheete?
4Daaheroo bi yechemmi mooyo aalloon baad cikki kubbi daggoochaa gigehe?
More daaheroo bi maayemmi mooyon yeshaanoon bi beeyi xaaꞌoochaa baad cikki cookehe?
5Kafee shaacheyaani ollooch giyi yecheyehane?
Ollo biin shuurikkiti mooyo aalloon hacinnehe?
6Katemee daggooch tiroo (waaringo) hukketaa waayeechi, asheenaꞌo keqqaacheheete?
Doono Yeeri daaggaanoon, gonde mooyo katemee daggooch tunehe?
7Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.
8Daaheroo ciddiye; keqqaachemmo konine?
Nuggishoo Doono Yeeri yibbaatehe; keemo keemaachemmo konine?
Shamaari Dihoo
9Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!
10Doono Yeeri ishichiye: “Ebi asheenaꞌo ashoon xuqqii, boggiꞌi boonoshi deebiti qiicoona boonoshi taatee kexinaꞌooch ceechitinaꞌone; deꞌe mooyon tuniyoon ciroona ariyaaneenaꞌone. 11Illa ebich, etto ittoshi showoon giishi yechemmone; ittoshi mishigoon happemmone; ittoshi kexonoo boshemmone” iye Nuggishoo Doono Yeeri.
12Doono Yeeri ishichiye: “Shamaara beeti Israꞌeeleenaꞌochi wodoo bi tunemmo, qiddoo daaheroochi kookkoochee bi bagoochi gutte baatee shaawushoon woyee waamon dichiiꞌi bi deeboommoniye. Boonoshi qeechi degoonaa teeqqonoyee besh boonoshich echemmi mooyo amolla daneyaachemmone. 13Illa ebin waayeree Yaaqobi shiijjereenaꞌo toommooch miixebote” iye Beshe Mawe Nuggishoo Doono Yeeri. 14“Israꞌeeleenaꞌon boonoshi axaaxoyich ta naxehooba, Beeteeli beeti deejjee gudoon happi aalliyemmo taane; deejjee gudee qareenaꞌo tiisheree showooch hollemminaꞌone.#2 Taat. 23:15 15Qaawoon boonoshi beshiibeeti boonoshi kexonaa yooyon boonoshi beshiibeeti kexonon happi aalliyemmo taane; dangeyi gashoona gaawicheeti boonoshi kexo happeyemmone; meeti kexo bulli happaa aallemmone” iye Doono Yeeri.
Currently Selected:
Amootsi 3: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Amootsi 3
3
1Israꞌeeleenaꞌote, Gibitsee bi kichiti asho ittoshi bulli toommooch Doono Yeeri gettiibeeti mooyon waayebote: 2“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.
Keemecho Yeer Waanee Waayeꞌi Keemmiibeeto Bi Tuno
3Taajjeꞌi daneyaanoon, gutte asheenaꞌo tookkii hamon hakkeheete?
4Daaheroo bi yechemmi mooyo aalloon baad cikki kubbi daggoochaa gigehe?
More daaheroo bi maayemmi mooyon yeshaanoon bi beeyi xaaꞌoochaa baad cikki cookehe?
5Kafee shaacheyaani ollooch giyi yecheyehane?
Ollo biin shuurikkiti mooyo aalloon hacinnehe?
6Katemee daggooch tiroo (waaringo) hukketaa waayeechi, asheenaꞌo keqqaacheheete?
Doono Yeeri daaggaanoon, gonde mooyo katemee daggooch tunehe?
7Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.
8Daaheroo ciddiye; keqqaachemmo konine?
Nuggishoo Doono Yeeri yibbaatehe; keemo keemaachemmo konine?
Shamaari Dihoo
9Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!
10Doono Yeeri ishichiye: “Ebi asheenaꞌo ashoon xuqqii, boggiꞌi boonoshi deebiti qiicoona boonoshi taatee kexinaꞌooch ceechitinaꞌone; deꞌe mooyon tuniyoon ciroona ariyaaneenaꞌone. 11Illa ebich, etto ittoshi showoon giishi yechemmone; ittoshi mishigoon happemmone; ittoshi kexonoo boshemmone” iye Nuggishoo Doono Yeeri.
12Doono Yeeri ishichiye: “Shamaara beeti Israꞌeeleenaꞌochi wodoo bi tunemmo, qiddoo daaheroochi kookkoochee bi bagoochi gutte baatee shaawushoon woyee waamon dichiiꞌi bi deeboommoniye. Boonoshi qeechi degoonaa teeqqonoyee besh boonoshich echemmi mooyo amolla daneyaachemmone. 13Illa ebin waayeree Yaaqobi shiijjereenaꞌo toommooch miixebote” iye Beshe Mawe Nuggishoo Doono Yeeri. 14“Israꞌeeleenaꞌon boonoshi axaaxoyich ta naxehooba, Beeteeli beeti deejjee gudoon happi aalliyemmo taane; deejjee gudee qareenaꞌo tiisheree showooch hollemminaꞌone.#2 Taat. 23:15 15Qaawoon boonoshi beshiibeeti boonoshi kexonaa yooyon boonoshi beshiibeeti kexonon happi aalliyemmo taane; dangeyi gashoona gaawicheeti boonoshi kexo happeyemmone; meeti kexo bulli happaa aallemmone” iye Doono Yeeri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.