Amootsi 1
1
1Uziyaahi#1:1 Uziyaahi, ikkikke xaaꞌoochaa Azariyaasi getteetone. Yihudee taatoo, Yehoꞌashi bushoo Yeroboꞌamiyoo Israꞌeelee taatoo tuneꞌi boonoshi beehooba, ebiyoo showee qewoyee gutte natoyee aaf, Teqoꞌa beeti qiddeenaꞌo daggoochee ikkoo tuneti Amootsich Doono Yeeri yaaꞌoona Israꞌeeleenaꞌochon bekkiihe.#2 Taat. 14:23-29; 15:1-7; 2 Kiin. 26:1-23
2Amootsiyoo ishichiye:
“Doono Yeeri Tsiyooni guudi toommoochaa daaheroochoommon ciddii beetone;
Yerusaalemaa gigeebee bi qaaroon waayii beetone.
Gijjoo quyeebeeti gaddeexi mocoo shoollitone;
Qermeloosi guudi toommeexi mocoo shuuqqitone” iye.#Yoꞌeel. 3:16
Bare Taatee Showeenaꞌo Toommooch Kindemmi Nalloo
3Doono Yeeri ishichiye: “Damaasiqi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asho maayi buchi qiicoona maayoon bi bushoommon Gilaadee asheenaꞌon boonoshi buchitoyichiye. 4Ebich Hazaheeli kexooch qaaqqoon geddemmo taane; Been Hadaadichi taatee kexinaꞌonoo michi aalliyemmone. 5Damaasiqi katemee uxeree kellee tuggoon tiichemmo taane; Aweeni bamboochee taatoon, Beet Edenee taatee gumbo yechiton aalliyemmo taane. Sooriyeenaꞌo Qiiree showooch kecaa hammemminaꞌone” iye Doono Yeeri.
6Doono Yeeri ishichiye: “Gaazi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asheenaꞌo bullin keccii daammiꞌi Edoomee showooch boonoshi kemmitoyichiye. 7Ebich Gaazi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone. 8Ashidoodi taatoon, Ashiqeloonee taatee gumbo yechiton, aalliyemmo taane. Eqirooni toommooch ta mochoon tiijjemmo taane; Filsixeemee cureenaꞌoo qiti ciiremminaꞌone” iye Nuggishoo Doono Yeeri.#Hiz. 25:15-17; Yoꞌeel. 3:4-6
9Doono Yeeri ishichiye: “Xiroosi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo manaamanittinee wogoon biichiꞌi, kecceti asho bullin Edoomee showooch boonoshi kemmitoyichiye. 10Ebich Xiroosi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone” iye.#Yoꞌeel. 3:4-8
11Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone. 12Ebich Temaani katemooch qaaqqoon geddemmo taane; Botsira beeti taatee kexinaꞌonoo michi aalliyemmone” iye.#Hiz. 25:12-14; 35:5-6; Abid. 9-14
13Doono Yeeri ishichiye: “Amoonee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo boonoshi showee danoon gamichoyich koyaabee, Gilaad beeti yeqqefechi maacheenaꞌochi maacoon boonoshi gohii kichitoyichiye. 14Ebich Raabi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone. Aroochee koyooba cookoonaa dulloona woddemmone; koyoo yubee yongo afaafinoommon afaafinemmone. 15Boonoshi taatoo iraasheenaꞌona tookki kecaa hammemmone” iye Doono Yeeri.
Currently Selected:
Amootsi 1: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Amootsi 1
1
1Uziyaahi#1:1 Uziyaahi, ikkikke xaaꞌoochaa Azariyaasi getteetone. Yihudee taatoo, Yehoꞌashi bushoo Yeroboꞌamiyoo Israꞌeelee taatoo tuneꞌi boonoshi beehooba, ebiyoo showee qewoyee gutte natoyee aaf, Teqoꞌa beeti qiddeenaꞌo daggoochee ikkoo tuneti Amootsich Doono Yeeri yaaꞌoona Israꞌeeleenaꞌochon bekkiihe.#2 Taat. 14:23-29; 15:1-7; 2 Kiin. 26:1-23
2Amootsiyoo ishichiye:
“Doono Yeeri Tsiyooni guudi toommoochaa daaheroochoommon ciddii beetone;
Yerusaalemaa gigeebee bi qaaroon waayii beetone.
Gijjoo quyeebeeti gaddeexi mocoo shoollitone;
Qermeloosi guudi toommeexi mocoo shuuqqitone” iye.#Yoꞌeel. 3:16
Bare Taatee Showeenaꞌo Toommooch Kindemmi Nalloo
3Doono Yeeri ishichiye: “Damaasiqi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asho maayi buchi qiicoona maayoon bi bushoommon Gilaadee asheenaꞌon boonoshi buchitoyichiye. 4Ebich Hazaheeli kexooch qaaqqoon geddemmo taane; Been Hadaadichi taatee kexinaꞌonoo michi aalliyemmone. 5Damaasiqi katemee uxeree kellee tuggoon tiichemmo taane; Aweeni bamboochee taatoon, Beet Edenee taatee gumbo yechiton aalliyemmo taane. Sooriyeenaꞌo Qiiree showooch kecaa hammemminaꞌone” iye Doono Yeeri.
6Doono Yeeri ishichiye: “Gaazi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asheenaꞌo bullin keccii daammiꞌi Edoomee showooch boonoshi kemmitoyichiye. 7Ebich Gaazi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone. 8Ashidoodi taatoon, Ashiqeloonee taatee gumbo yechiton, aalliyemmo taane. Eqirooni toommooch ta mochoon tiijjemmo taane; Filsixeemee cureenaꞌoo qiti ciiremminaꞌone” iye Nuggishoo Doono Yeeri.#Hiz. 25:15-17; Yoꞌeel. 3:4-6
9Doono Yeeri ishichiye: “Xiroosi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo manaamanittinee wogoon biichiꞌi, kecceti asho bullin Edoomee showooch boonoshi kemmitoyichiye. 10Ebich Xiroosi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone” iye.#Yoꞌeel. 3:4-8
11Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone. 12Ebich Temaani katemooch qaaqqoon geddemmo taane; Botsira beeti taatee kexinaꞌonoo michi aalliyemmone” iye.#Hiz. 25:12-14; 35:5-6; Abid. 9-14
13Doono Yeeri ishichiye: “Amoonee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo boonoshi showee danoon gamichoyich koyaabee, Gilaad beeti yeqqefechi maacheenaꞌochi maacoon boonoshi gohii kichitoyichiye. 14Ebich Raabi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone. Aroochee koyooba cookoonaa dulloona woddemmone; koyoo yubee yongo afaafinoommon afaafinemmone. 15Boonoshi taatoo iraasheenaꞌona tookki kecaa hammemmone” iye Doono Yeeri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.