Mishiraachechinaꞌo 20
20
Makidoonee Showoonaa Giriikee Showoonooch Phawuloosi Hamo
1Cangecho aqqetoyee gubb, Phawuloosi Efesooni kittinneenaꞌon ceeggiꞌi kupphiyee ciicoon ciicciye; boonoshin diggiiꞌi Makidoonee showooch hamma kechiye. 2Are showoona hammiibee, kittinneenaꞌon wodde qaaroona ciicciibee, besheꞌi Giriikee showooch shaggiye. 3Arooch keejje agenoon kotehe; aroyee gubb Sooriyee showooch markaboona hamoyich shalligiye. Tunetaa Ayihudeenaꞌo bi toommooch gondoon boonoshi koceetoyich, Makidoonee showoona wotteꞌi hamoyich kuxxiye. 4Hamma bi tiyaa, ikkikke asheenaꞌo biin deenniyeete; eboshiyoo Beeriyechi Firoosichi bushoo Sophaxiroosi, Tasaloonqechi Arsixirokoosinaa Sikenduusina, Deribechi Gaayoosi, Ximootiyoosi, Isiyee showoochee waati Tikiqoosinaa Xirofimoosina eboshine. 5Eboshi shiichii hammiꞌi Xiroꞌadi katemooch noon quyeheete. 6Wotta Shittoo Giyaani Kochi Baaroyee gubb, Filipphisiyoosee markaboona tiyaꞌa, uuche qemona boonoshi beeti Xiroꞌada shaggehon. Arooch boonoshina tookkaa shabaatte qemon kotehon.
Xiroꞌada Beeti Kittinneenaꞌon Phawuloosi Ciico
7Shabaattee batti batti aabooba, koshon tiishi maaya ikkooch kiceeꞌa no beetaa, Phawuloosi bi yaachich hamma bi gabitoyich, kittinneenaꞌoyich ciiccii beehe; xum gutte qellimooch beddaahaa yibbaatoon genjiihe. 8No kiceeti kechi toommeexi kexooch meeti ceechoo beehe. 9Awuxekiisi getteebeeti ikke gurimaashoo mallee kellooch koteꞌi bi beetaa, Phawuloosichi yibbaatee genjoona tokketoo biin daammiye. Biyoo kechi toommeexi keejjinnee kexoochee showooch holliye. Asheenaꞌo tiijjiꞌi bi kasho kechiton daneheete. 10Tunetaa Phawuloosi kindii, bushoon yittii tiqqeꞌi, “Bi kasho wottetone; keqqiyaahote” iye. 11Wottee toommeexi kexooch kechiꞌi, asheenaꞌona tookkii koshon tiichiꞌi maahe. Phawuloosi wochiꞌi, meeti saatoon showoo harimmi wottoon yibbaatehe; aroochee tiyii hammiye. 12Asheenaꞌo qitiꞌi woditi gurimaashoon bi kexooch daammiyeete; oogichiinoo goggeheete.
Milexiin Phawuloosi Hamo
13Phawuloosi “Asoos beddaahaa baatoona hammemmo taane; ittoshi markaboona tayee shiichibote” iꞌi gettiye. Nowoo Asoosaa Phawuloosina daneꞌi tookkii hamoyich gabiyon. Ebich markaboona shiichaꞌa hammaa Asoos shaggehon. 14Biyoo Asoosaa noonna bi danetaa, markabooch kichaꞌa biinna tookkaa Mixiliini katemooch hammehon. 15Aroochee markaboona tiyaꞌa, dechara Kiyoosi ciinooch shaggehon. Bi yaachich Saamoos, aroochee bi dechara Miliix shaggehon. 16Phawuloosi “Isiyee showooch meeti aaboon koteyaache” iꞌi Efesooni katemoon besheꞌi hamoyich kuxxiye. Ebiyoo bi hakkeegaata, Baaraachee aabooba Yerusaalem heeyon bi gabitoyich afaafineꞌiniye.
Efesoonee Waati Kittinnee Guuphi Geeneenaꞌoyich Phawuloosi Yibbaato
17Phawuloosi Miliixee Efesoon ashoon wocheꞌi, kittinnee guuphi geeneenaꞌon bi waan ceekkiihe. 18Boonoshiyoo bi waan waataa, boonoshich ishichiye: “Isiyee showoon ta baatoona ta neexxetoyee hach, ittoshina tookkaa ta beehooba bulli aaboon aabichaabee ta beeto gaata ittoshi ariibeeto ittoshine. 19Ayihudeenaꞌo kiceeꞌi ta toommooch boonoshi deebiti iritoona, bulli mooyoyich ta qelloon yeephaanoon acimoona Doono Yesuusichi wochee bushoo tunaꞌa biich shuuneho; 20iitoonaa ittoshi kexi kexonooch ittoshich dojjaa ta beehooba, ittoshich deꞌo tunemmo bullin gettehoani ikkoonolla echiyaano taane. 21Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.
22“Andoo ta, Yaafe Ayaanoona yechaꞌa, Yerusaalem hammaabeeto taane; aroochaa ta toommooch shaggemmo amo gaata ariyaano taane. 23Tunebaani katemi katemoo bullina Yaafe Ayaano taach ‘Cucheyoonaa xuuxee beegona neen quyee beetone’ iꞌi miixee beetone. 24Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.#2 Ximo. 4:7
25“Ta ittoshi bulli daggooch guuddaabee, Yeerichi taatittineechon dojjito taane; ebiyee gubb illa ta aafoon beegaachemmo ittoshi tunoon ariibeeto taane. 26Ebich asho bullichi damoochee xalloo ta tunoon ta hanaach ittoshich miixehoye. 27Ebiyoo Yeerichi gaboochee amoonolla echiyaanoon bullin ittoshich ta gettetoyichiye. 28Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi#20:28 woyee, Doonochi kittinnee guuphon quyebote. 29Hiniichee ta hammetoyee gubb, bageenaꞌoyich ariqqeyaachemmi gonde okereenaꞌo ittoshi daggooch boonoshi giyemmon ariibeeto taane. 30Ebiyee ikkikkeenaꞌo ittoshi daggoochee tiyiree, kittinneenaꞌon boonoshi waan wochiya xumme mooyon boonoshi ciiccemmon ariibeeto taane. 31Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.
32“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane. 33Ta konichi birewoon woyee aachoon woyee tahoon qaataano taane; 34eboshin ta hajjee kishoona shuunaabee nooch qaawiimmon taannaa taanna tookkii beetinaꞌonon gaachaa ta beemon ittoshi ariibeeto ittoshine. 35‘Deqqii beetoyee immiibeeto diireetone’ iꞌi Doono Yesuusi bi qelloona gettiton shalligaabee, caajjoona maraataa shuunaabee giidaalleenaꞌon dego tun bedo bi tunoon bulli mooyona ittoshich bekkiito taane” iye.
36Ebiyee gubb, Phawuloosi boonoshi bullina tookkii guteneꞌi corootiye. 37Bulli oogichii eefeebee Phawuloosin qettoona tiqqeꞌi shummiyeete; 38oogichii boonoshi ayinito, “Ebiyee gubb ta aafoon beegaachemmo ittoshine” bi itoyichiye. Aroochee markabooch bi kechimmi wottoon deenniyeete.
Currently Selected:
Mishiraachechinaꞌo 20: KBRC
Highlight
Share
Copy
Want to have your highlights saved across all your devices? Sign up or sign in
SIM International, 2020.
Mishiraachechinaꞌo 20
20
Makidoonee Showoonaa Giriikee Showoonooch Phawuloosi Hamo
1Cangecho aqqetoyee gubb, Phawuloosi Efesooni kittinneenaꞌon ceeggiꞌi kupphiyee ciicoon ciicciye; boonoshin diggiiꞌi Makidoonee showooch hamma kechiye. 2Are showoona hammiibee, kittinneenaꞌon wodde qaaroona ciicciibee, besheꞌi Giriikee showooch shaggiye. 3Arooch keejje agenoon kotehe; aroyee gubb Sooriyee showooch markaboona hamoyich shalligiye. Tunetaa Ayihudeenaꞌo bi toommooch gondoon boonoshi koceetoyich, Makidoonee showoona wotteꞌi hamoyich kuxxiye. 4Hamma bi tiyaa, ikkikke asheenaꞌo biin deenniyeete; eboshiyoo Beeriyechi Firoosichi bushoo Sophaxiroosi, Tasaloonqechi Arsixirokoosinaa Sikenduusina, Deribechi Gaayoosi, Ximootiyoosi, Isiyee showoochee waati Tikiqoosinaa Xirofimoosina eboshine. 5Eboshi shiichii hammiꞌi Xiroꞌadi katemooch noon quyeheete. 6Wotta Shittoo Giyaani Kochi Baaroyee gubb, Filipphisiyoosee markaboona tiyaꞌa, uuche qemona boonoshi beeti Xiroꞌada shaggehon. Arooch boonoshina tookkaa shabaatte qemon kotehon.
Xiroꞌada Beeti Kittinneenaꞌon Phawuloosi Ciico
7Shabaattee batti batti aabooba, koshon tiishi maaya ikkooch kiceeꞌa no beetaa, Phawuloosi bi yaachich hamma bi gabitoyich, kittinneenaꞌoyich ciiccii beehe; xum gutte qellimooch beddaahaa yibbaatoon genjiihe. 8No kiceeti kechi toommeexi kexooch meeti ceechoo beehe. 9Awuxekiisi getteebeeti ikke gurimaashoo mallee kellooch koteꞌi bi beetaa, Phawuloosichi yibbaatee genjoona tokketoo biin daammiye. Biyoo kechi toommeexi keejjinnee kexoochee showooch holliye. Asheenaꞌo tiijjiꞌi bi kasho kechiton daneheete. 10Tunetaa Phawuloosi kindii, bushoon yittii tiqqeꞌi, “Bi kasho wottetone; keqqiyaahote” iye. 11Wottee toommeexi kexooch kechiꞌi, asheenaꞌona tookkii koshon tiichiꞌi maahe. Phawuloosi wochiꞌi, meeti saatoon showoo harimmi wottoon yibbaatehe; aroochee tiyii hammiye. 12Asheenaꞌo qitiꞌi woditi gurimaashoon bi kexooch daammiyeete; oogichiinoo goggeheete.
Milexiin Phawuloosi Hamo
13Phawuloosi “Asoos beddaahaa baatoona hammemmo taane; ittoshi markaboona tayee shiichibote” iꞌi gettiye. Nowoo Asoosaa Phawuloosina daneꞌi tookkii hamoyich gabiyon. Ebich markaboona shiichaꞌa hammaa Asoos shaggehon. 14Biyoo Asoosaa noonna bi danetaa, markabooch kichaꞌa biinna tookkaa Mixiliini katemooch hammehon. 15Aroochee markaboona tiyaꞌa, dechara Kiyoosi ciinooch shaggehon. Bi yaachich Saamoos, aroochee bi dechara Miliix shaggehon. 16Phawuloosi “Isiyee showooch meeti aaboon koteyaache” iꞌi Efesooni katemoon besheꞌi hamoyich kuxxiye. Ebiyoo bi hakkeegaata, Baaraachee aabooba Yerusaalem heeyon bi gabitoyich afaafineꞌiniye.
Efesoonee Waati Kittinnee Guuphi Geeneenaꞌoyich Phawuloosi Yibbaato
17Phawuloosi Miliixee Efesoon ashoon wocheꞌi, kittinnee guuphi geeneenaꞌon bi waan ceekkiihe. 18Boonoshiyoo bi waan waataa, boonoshich ishichiye: “Isiyee showoon ta baatoona ta neexxetoyee hach, ittoshina tookkaa ta beehooba bulli aaboon aabichaabee ta beeto gaata ittoshi ariibeeto ittoshine. 19Ayihudeenaꞌo kiceeꞌi ta toommooch boonoshi deebiti iritoona, bulli mooyoyich ta qelloon yeephaanoon acimoona Doono Yesuusichi wochee bushoo tunaꞌa biich shuuneho; 20iitoonaa ittoshi kexi kexonooch ittoshich dojjaa ta beehooba, ittoshich deꞌo tunemmo bullin gettehoani ikkoonolla echiyaano taane. 21Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.
22“Andoo ta, Yaafe Ayaanoona yechaꞌa, Yerusaalem hammaabeeto taane; aroochaa ta toommooch shaggemmo amo gaata ariyaano taane. 23Tunebaani katemi katemoo bullina Yaafe Ayaano taach ‘Cucheyoonaa xuuxee beegona neen quyee beetone’ iꞌi miixee beetone. 24Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.#2 Ximo. 4:7
25“Ta ittoshi bulli daggooch guuddaabee, Yeerichi taatittineechon dojjito taane; ebiyee gubb illa ta aafoon beegaachemmo ittoshi tunoon ariibeeto taane. 26Ebich asho bullichi damoochee xalloo ta tunoon ta hanaach ittoshich miixehoye. 27Ebiyoo Yeerichi gaboochee amoonolla echiyaanoon bullin ittoshich ta gettetoyichiye. 28Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi#20:28 woyee, Doonochi kittinnee guuphon quyebote. 29Hiniichee ta hammetoyee gubb, bageenaꞌoyich ariqqeyaachemmi gonde okereenaꞌo ittoshi daggooch boonoshi giyemmon ariibeeto taane. 30Ebiyee ikkikkeenaꞌo ittoshi daggoochee tiyiree, kittinneenaꞌon boonoshi waan wochiya xumme mooyon boonoshi ciiccemmon ariibeeto taane. 31Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.
32“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane. 33Ta konichi birewoon woyee aachoon woyee tahoon qaataano taane; 34eboshin ta hajjee kishoona shuunaabee nooch qaawiimmon taannaa taanna tookkii beetinaꞌonon gaachaa ta beemon ittoshi ariibeeto ittoshine. 35‘Deqqii beetoyee immiibeeto diireetone’ iꞌi Doono Yesuusi bi qelloona gettiton shalligaabee, caajjoona maraataa shuunaabee giidaalleenaꞌon dego tun bedo bi tunoon bulli mooyona ittoshich bekkiito taane” iye.
36Ebiyee gubb, Phawuloosi boonoshi bullina tookkii guteneꞌi corootiye. 37Bulli oogichii eefeebee Phawuloosin qettoona tiqqeꞌi shummiyeete; 38oogichii boonoshi ayinito, “Ebiyee gubb ta aafoon beegaachemmo ittoshine” bi itoyichiye. Aroochee markabooch bi kechimmi wottoon deenniyeete.
Currently Selected:
:
Highlight
Share
Copy
Want to have your highlights saved across all your devices? Sign up or sign in
SIM International, 2020.