2 Saameeli 21
21
Saaꞌooli Shiijjereenaꞌo Toommooch Gibeꞌoonee Asheenaꞌo Nichoon Kichoo
1Daawitichi taatee yemeenooch kuxaanoon keejje nati wottoon, giidechi shaacoo tunehe. Ebich Daawiti Doono Yeer waan corootiye. Doono Yeeriyoo “Saaꞌooli Gibeꞌoonee asheenaꞌon bi wuxitoyich, biinnaa bi kechi asheenaꞌonochi kishooch ashi damoo beetone” iye. 2Gibeꞌoonee asheenaꞌo Amooree yaroochee echeti asheenaꞌoani, Israꞌeeleenaꞌo tooneenaꞌone. Israꞌeeleenaꞌo boonoshin wuxaanoon echiyoyich wogetinaꞌone. Tunebaani Saaꞌooli Israꞌeeleenaꞌonaa Yihudee asheenaꞌonoyich qanaatoochee tiyitona, aroyee aaf boonoshin aalliiya qaawitone.#Yaas. 9:3-15 Taatoo Daawiti Gibeꞌooneenaꞌon ceeggiꞌi, 3boonoshich ishichiye: “Ittoshich amoon tuniibote? Doono Yeerichi asheenaꞌon ittoshi diiremmoyich, axaaxoon xalliyemmi mooyon tuniiya qaawito taane” iye.
4Gibeꞌooneenaꞌo ishichiyeete: “Noonnaa Saaꞌooli woyee bi kechi asheenaꞌonochi daggooch beeti mooyo birewoona woyee aachoona mashaamemmo toonoone. Wotta Israꞌeeleenaꞌo daggoochee koninolla wuxoo nooch hakkeyaani mooyone” iyeete.
Daawiti wochiꞌi, “Ishigaata, ittoshich ta tuniyemmi mooyo, amoone?” iꞌi echehe.
5Boonoshiyoo taatoyich wochiꞌi ishichiyeete: “Noon ciichiti uroochi, Israꞌeelee showoo bulliich xaaꞌoon no muccemmoyich tuniiꞌi noon aalliiya qaawiti, 6are uroochi shiijjeroochee shabaatte anaami bushiisheenaꞌo nooch beshiitaa ichebeete. Nowoo boonoshin Doono Yeeri aafooch, Doono Yeeri kaacciti taatoo Saaꞌooli beeyi katemoo tuneti Gibaahaa yoodone” iyeete.
Taatoo “Tunebe; boonoshin ittoshich beshiiree immemmo taane” iye.
7Tunebaani Daawiti, biinnaa Saaꞌooli bushoo Yonaataanina Doono Yeeri aafoochaa boonoshinaa boonoshina wogeti wogoyicha iꞌi, Saaꞌooli bushoo Yonaataanichi bushoo Mefiboshetin beshiiꞌi imaanoone.#1 Saam. 20:15-17; 2 Saam. 9:1-7 8Biyoo Ayaahi bushee Ritsifi taatoo Saaꞌool waanee shiyeti Arimooninaa Mefiboshetina getteebeeti gutte anaami bushiisheenaꞌon, wotta Saaꞌooli bushee Meraabi Meholatechi Barizilay bushoo Adirel waanee bi shiyeti uuche anaami bushiisheenaꞌon daammiye.#1 Saam. 18:19 9Boonoshinoo Gibeꞌooneenaꞌoyich beshiiꞌi immiye. Gibeꞌooneenaꞌo boonoshin guudi toommoochaa Doono Yeeri aafooch yooddiyeete. Shabaatteenaꞌoo tookkii ikkooch qitiyeete. Boonoshi qitito, maayi qecci gooree ikkinnee qemoobane; ebiyoo sheqoo batt qeccee beetenane.
10Aroochee Ayaahi bushee Ritsifi dubeno beetooch hammaꞌa, xaqqee guudi toommooch dookoona bashoon biich bashiyan. Biyoo maayi qecci gooroochee tiijjaꞌa, amiyo shimaayoochee dubenee toommooch dihimmi wottoon, arooch kotaꞌa, areddoon shimaajji gacoochee, wotta xumoon kubbi cooxoochee dubenoon quyaa beehan. 11Daawiti Ayaahi bushee, Saaꞌooli naamache Ritsifi tuniiti mooyon waayehe. 12Biyoo hammiꞌi, Gilaadee showooch beeti Yabeeshi asheenaꞌo waanee Saaꞌoolinaa bi bushoo Yonaataaninochi shaawushoon deqqiye. Ebi Yabeeshi asheenaꞌo Filsixeemeenaꞌo Saaꞌoolin Giliboꞌaa boonoshi wuxiyooba, Saaꞌoolinaa Yonaataaninochi dubenoon daammiꞌi boonoshi yoodditi Beet Shani addibaaboochee aashoona deebiti asheenaꞌone.#1 Saam. 31:8-13 13Saaꞌoolinaa bi bushoo Yonaataaninochi shaawushoon aroochee deebiye. Wotta asheenaꞌo yooddeti shabaatte asheenaꞌochi shaawushoon kiciyeete. 14Boonoshinoo Saaꞌoolichi shaawushoonaa bi bushoo Yonaataanichi shaawushoona tookkii Biiniyaamee showooch beeti Tselaah, Saaꞌooli nihoo Qiishichi maashee oppooch, taatoo gettitoommon tuniiꞌi duukkiyeete. Aroyee gubb, Yeeri boonoshi showoyich boonoshi qolleti qolloon waayehe.
Giidechi Filsixeemeenaꞌona Koyeeti Koyo
(1 Kiinoo 20:4-8)
15Filsixeemeenaꞌonaa Israꞌeeleenaꞌona daggooch wochinnoon koyo tiyiye. Daawitiyoo bi ginee naayinaꞌona tookkii desh hammiꞌi, Filsixeemeenaꞌona koyehe. Biyoo hakkoo guuteehe. 16Gooshoochee shuuneeti, keejje kiilo giraamaa qachi ginoon yechiti, andire goraadoonoo cuyeti, Rafayimee#21:16 Rafayimeenaꞌo, neex genjeenaꞌonaa giidechinaꞌona tuneti asheenaꞌone. yaroochee tuneti, Ishibenoobi Daawitin wuxiya iye. 17Tseruuyi bushoo Abishayi Daawitin gaacheya waahe; are Filsixeemoonoo kochii wuxiye. Aroochee Daawitichi ginee naayinaꞌo biich ishichiyeete: “Ne Israꞌeelee showooch aaxxeebeeti ceechoommo neene; ne qitigaata, ne shiijjeroocheenoo koniyoona ne taatittinoon yesho qayigaata, nooch beemo manderemmone. Ebich illa ebiyee damba noonna tookki koyooch hamaachemmo neene” iꞌi wogeheete.
18Ebiyee gubb, wotta Goobaa Filsixeemeenaꞌona tookkii koyo koyeehe. Hushatechi Sibekayi Rafayimee yaroochee tuneti Saafin wuxiye.
19Wotta wochinnoon Goobaa Filsixeemeenaꞌona tookkii koyo koyeehe. Beetilehemechi Yaꞌiir bushoo Elihanaani qoreddee shippechochi waanjoommi (shobboommi) ginee yaabechi, Gaati katemee asho Gooliyaadin wuxiye.
20Wotta wochinnoon Gaataa koyo koyeehe. Bi kishoonaa bi baatoonooch shiritti shiritte yapherechi, kicaa hiyaa awudde yapherechi hakke ooge ikke uro beehe. Biyoo Rafayimee yaroone. 21Ebi uro Israꞌeeleenaꞌon coonehe; Daawiti manoo Shimeꞌi bushoo Yonaataani biin wuxiye.
22Ebi awuddeenaꞌo Gaat beeti Rafayimee yareenaꞌone. Boonoshinoo Daawitinaa bi asheenaꞌona wuxiyeete.
Currently Selected:
2 Saameeli 21: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
2 Saameeli 21
21
Saaꞌooli Shiijjereenaꞌo Toommooch Gibeꞌoonee Asheenaꞌo Nichoon Kichoo
1Daawitichi taatee yemeenooch kuxaanoon keejje nati wottoon, giidechi shaacoo tunehe. Ebich Daawiti Doono Yeer waan corootiye. Doono Yeeriyoo “Saaꞌooli Gibeꞌoonee asheenaꞌon bi wuxitoyich, biinnaa bi kechi asheenaꞌonochi kishooch ashi damoo beetone” iye. 2Gibeꞌoonee asheenaꞌo Amooree yaroochee echeti asheenaꞌoani, Israꞌeeleenaꞌo tooneenaꞌone. Israꞌeeleenaꞌo boonoshin wuxaanoon echiyoyich wogetinaꞌone. Tunebaani Saaꞌooli Israꞌeeleenaꞌonaa Yihudee asheenaꞌonoyich qanaatoochee tiyitona, aroyee aaf boonoshin aalliiya qaawitone.#Yaas. 9:3-15 Taatoo Daawiti Gibeꞌooneenaꞌon ceeggiꞌi, 3boonoshich ishichiye: “Ittoshich amoon tuniibote? Doono Yeerichi asheenaꞌon ittoshi diiremmoyich, axaaxoon xalliyemmi mooyon tuniiya qaawito taane” iye.
4Gibeꞌooneenaꞌo ishichiyeete: “Noonnaa Saaꞌooli woyee bi kechi asheenaꞌonochi daggooch beeti mooyo birewoona woyee aachoona mashaamemmo toonoone. Wotta Israꞌeeleenaꞌo daggoochee koninolla wuxoo nooch hakkeyaani mooyone” iyeete.
Daawiti wochiꞌi, “Ishigaata, ittoshich ta tuniyemmi mooyo, amoone?” iꞌi echehe.
5Boonoshiyoo taatoyich wochiꞌi ishichiyeete: “Noon ciichiti uroochi, Israꞌeelee showoo bulliich xaaꞌoon no muccemmoyich tuniiꞌi noon aalliiya qaawiti, 6are uroochi shiijjeroochee shabaatte anaami bushiisheenaꞌo nooch beshiitaa ichebeete. Nowoo boonoshin Doono Yeeri aafooch, Doono Yeeri kaacciti taatoo Saaꞌooli beeyi katemoo tuneti Gibaahaa yoodone” iyeete.
Taatoo “Tunebe; boonoshin ittoshich beshiiree immemmo taane” iye.
7Tunebaani Daawiti, biinnaa Saaꞌooli bushoo Yonaataanina Doono Yeeri aafoochaa boonoshinaa boonoshina wogeti wogoyicha iꞌi, Saaꞌooli bushoo Yonaataanichi bushoo Mefiboshetin beshiiꞌi imaanoone.#1 Saam. 20:15-17; 2 Saam. 9:1-7 8Biyoo Ayaahi bushee Ritsifi taatoo Saaꞌool waanee shiyeti Arimooninaa Mefiboshetina getteebeeti gutte anaami bushiisheenaꞌon, wotta Saaꞌooli bushee Meraabi Meholatechi Barizilay bushoo Adirel waanee bi shiyeti uuche anaami bushiisheenaꞌon daammiye.#1 Saam. 18:19 9Boonoshinoo Gibeꞌooneenaꞌoyich beshiiꞌi immiye. Gibeꞌooneenaꞌo boonoshin guudi toommoochaa Doono Yeeri aafooch yooddiyeete. Shabaatteenaꞌoo tookkii ikkooch qitiyeete. Boonoshi qitito, maayi qecci gooree ikkinnee qemoobane; ebiyoo sheqoo batt qeccee beetenane.
10Aroochee Ayaahi bushee Ritsifi dubeno beetooch hammaꞌa, xaqqee guudi toommooch dookoona bashoon biich bashiyan. Biyoo maayi qecci gooroochee tiijjaꞌa, amiyo shimaayoochee dubenee toommooch dihimmi wottoon, arooch kotaꞌa, areddoon shimaajji gacoochee, wotta xumoon kubbi cooxoochee dubenoon quyaa beehan. 11Daawiti Ayaahi bushee, Saaꞌooli naamache Ritsifi tuniiti mooyon waayehe. 12Biyoo hammiꞌi, Gilaadee showooch beeti Yabeeshi asheenaꞌo waanee Saaꞌoolinaa bi bushoo Yonaataaninochi shaawushoon deqqiye. Ebi Yabeeshi asheenaꞌo Filsixeemeenaꞌo Saaꞌoolin Giliboꞌaa boonoshi wuxiyooba, Saaꞌoolinaa Yonaataaninochi dubenoon daammiꞌi boonoshi yoodditi Beet Shani addibaaboochee aashoona deebiti asheenaꞌone.#1 Saam. 31:8-13 13Saaꞌoolinaa bi bushoo Yonaataaninochi shaawushoon aroochee deebiye. Wotta asheenaꞌo yooddeti shabaatte asheenaꞌochi shaawushoon kiciyeete. 14Boonoshinoo Saaꞌoolichi shaawushoonaa bi bushoo Yonaataanichi shaawushoona tookkii Biiniyaamee showooch beeti Tselaah, Saaꞌooli nihoo Qiishichi maashee oppooch, taatoo gettitoommon tuniiꞌi duukkiyeete. Aroyee gubb, Yeeri boonoshi showoyich boonoshi qolleti qolloon waayehe.
Giidechi Filsixeemeenaꞌona Koyeeti Koyo
(1 Kiinoo 20:4-8)
15Filsixeemeenaꞌonaa Israꞌeeleenaꞌona daggooch wochinnoon koyo tiyiye. Daawitiyoo bi ginee naayinaꞌona tookkii desh hammiꞌi, Filsixeemeenaꞌona koyehe. Biyoo hakkoo guuteehe. 16Gooshoochee shuuneeti, keejje kiilo giraamaa qachi ginoon yechiti, andire goraadoonoo cuyeti, Rafayimee#21:16 Rafayimeenaꞌo, neex genjeenaꞌonaa giidechinaꞌona tuneti asheenaꞌone. yaroochee tuneti, Ishibenoobi Daawitin wuxiya iye. 17Tseruuyi bushoo Abishayi Daawitin gaacheya waahe; are Filsixeemoonoo kochii wuxiye. Aroochee Daawitichi ginee naayinaꞌo biich ishichiyeete: “Ne Israꞌeelee showooch aaxxeebeeti ceechoommo neene; ne qitigaata, ne shiijjeroocheenoo koniyoona ne taatittinoon yesho qayigaata, nooch beemo manderemmone. Ebich illa ebiyee damba noonna tookki koyooch hamaachemmo neene” iꞌi wogeheete.
18Ebiyee gubb, wotta Goobaa Filsixeemeenaꞌona tookkii koyo koyeehe. Hushatechi Sibekayi Rafayimee yaroochee tuneti Saafin wuxiye.
19Wotta wochinnoon Goobaa Filsixeemeenaꞌona tookkii koyo koyeehe. Beetilehemechi Yaꞌiir bushoo Elihanaani qoreddee shippechochi waanjoommi (shobboommi) ginee yaabechi, Gaati katemee asho Gooliyaadin wuxiye.
20Wotta wochinnoon Gaataa koyo koyeehe. Bi kishoonaa bi baatoonooch shiritti shiritte yapherechi, kicaa hiyaa awudde yapherechi hakke ooge ikke uro beehe. Biyoo Rafayimee yaroone. 21Ebi uro Israꞌeeleenaꞌon coonehe; Daawiti manoo Shimeꞌi bushoo Yonaataani biin wuxiye.
22Ebi awuddeenaꞌo Gaat beeti Rafayimee yareenaꞌone. Boonoshinoo Daawitinaa bi asheenaꞌona wuxiyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.