2 Saameeli 16
16
Siibi Maayoonaa Uyoonon Daawitich Deebo
1Daawiti are geppee cilloochee giishechoon bi beshemmona, Mefibosheti naayo tuneti Siibi gutte balle koshon, ikke balle nuuphi shuuqqiti woyinee aafoon, ikke balle michi aafoonaa ikke mollexxee woyinee uyoonon gutte kuroona xaaniꞌi waabee, biinna danehe.#2 Saam. 9:9-10
2Taatoo Daawiti Siibin, “Eboshin ne deebeto, aakkiyane?” iye.
Siibiyoo wochiꞌi, “Kureenaꞌon taatoochi kechi asheenaꞌo yebbemmoyichiye; koshonaa michi aafoonon gurimaasheenaꞌo maayemmoyichiye; wotta woyinee uyoon barahoochaa maraatemminaꞌo uchemmoyichiye” iye.
3Aroochee taatoo, “Ne doonochi bushoo Mefibosheti, aabiichiye bi beeto?” iꞌi echehe.
Siibiyoo taatoyich wochiꞌi, “ ‘Israꞌeeleenaꞌo ta nihinihoochi taatittinoon taach hanaachi wochemminaꞌone’ ii gabiꞌi Yerusaalemiye bi beeto” iye.
4Aroochee taatoo Siibich, “Illa ebiyee damba Mefibosheticho tuneto bulli neechone” iye.
Siibiyoo “Ne aafooch dihaa goyinnoye; taatoo ta doonocho, ne aafoochaa gidoon daneton tunebone” iye.
Shimeꞌi Taatoo Daawitin Ufo
5Taatoo Daawiti Bahuriimi katemooch bi shaggimmona, Saaꞌoolichi xibeenaꞌoochee ikkoo tuneti, Geeri bushoo Shimeꞌi biinna danehe; biyoo Daawitin kuxaanoon uppiibee waa beehe. 6Taatoochi guudoona asheenaꞌo bullinaa biin quyechi bi naayinaꞌo bullina beetaanona, Shimeꞌi taatoo Daawitinaa bi naayinaꞌona waan xaqqoon awurehe. 7Biyoo uppiibee, “Hiniichee aallebe; hiniichee aallebe; hini damee ashoocho! Gaacaalli uroocho! 8Bi taatittinoon ne deqqeti Saaꞌooli kechi asheenaꞌochi damoon Doono Yeeri ne toommooch wochitone. Doono Yeeri taatittinoon ne bushoo Abisoloomi kishooch beshiiꞌi immitone. Damee asho ne tunetoyich, ne aallo batt shaggitone” iye.
9Areegaata, Tseruuyi bushoo Abishayi taatoyich, “Hini qititi kunaanoo taatoo ta doonon bi uppemmo, amoyichiye? Bi beetooch besheree bi qettoon kuxona” iye.
10Tunebaani taatoo ishichiye: “Tseruuyi bushiisheenaꞌote, ebiich ittoshin geddemmi mooyo beete? Doono Yeeri, ‘Daawitin ufe’ getaa uppiibeeto bi tunegaata, biin ‘Ebin amoyich tuniinne?’ geton hakkemmo, konine?” iye.
11Aroochee Daawiti Abishayinaa bi naayinaꞌo bullinoyich ishichiye: “Ta hajjee bushoo ebiyoche taan wuxiya qaawii beetone. Ishigaata, hini Biiniyaamee yoodo tuneti uro, ebin bi tuniyoo worganikkeshone? Doono Yeeri bi uppemmoyich bi tuniitoyich, ittoshi qayaa ufe. 12Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.
13Aroochee Daawitinaa bi asheenaꞌona gommon qaxiriyeete; Shimeꞌiyoo geppee gaadoona tatooch hammiibee uppii, xaqqoonaa buttoonon boonoshi waan duppii beehe. 14Taatoonaa biinna tookkii beeti asheenaꞌona maraateꞌi are aachi kimooch shaggiyeete; ebich arooch kasheheete.
Akixofeeli Abisoloomich Boyeti Boyo
15Abisoloominaa biinna tookkii beeti Israꞌeeleenaꞌo bullina Yerusaalem waaheete; Akixofeeliyoo biinna tookkii beetone. 16Daawitichi boyechi, Arikee asho Hushayi Abisoloom waan waahe. Biyoo Abisoloomin “Taatoocho, ne eeno genjebe; ne eeno genjebe” iye.
17Abisoloomiyoo Hushayin “Ne shunechoyich ne gibeneyoo, ebine? Amoyich ne shunechona tookkaa hamaachine?” iye.
18Hushayi Abisoloomich wochiꞌi ishichiye: “Ebi toonoone; Doono Yeeri, hini asheenaꞌonaa Israꞌeeleenaꞌo bullina kaaccitoyichiye ta tunemmo; biinna tookkishoo beeyemmo taane. 19Ebiyeenoo wotta, ta doonochi bushoyich maddaanoon, konichiye ta maddemmo? Ne nihooch ta maddoommon neech maddemmo taane” iye.
20Aroochee Abisoloomi Akixofeelin, “Eke boyebote; amoon tuniibona?” iye.
21Akixofeeliyoo Abisoloomich ishichiye: “Taatee kexon boonoshi quyemmoyich echiichii bi hammiti, ne nihoochi naamacheenaꞌo waan giyiree boonoshin qebe. Ebina ne nihoona tookkaa ciroona kuxeto ne tunoon Israꞌeeleenaꞌo bulli waayemminaꞌone. Neenna tookkii beeti asheenaꞌochi mochoo kupphemmone” iye.
22Asheenaꞌo Abisoloomich taatee kechi toommooch duukkaanoon xogiyeete. Israꞌeeleenaꞌo bulli ciinnii beetaa, Abisoloomi arooch giyiꞌi bi nihoochi naamacheenaꞌon qeyiye.#2 Saam. 12:11-12
23Aroobee yemeenooch, Akixofeeli boyeebeeti boyo bi waayeebeeto, Yeerichi qaaroon waayoommoniye. Ebiyoommon Daawitinaa Abisoloomina Akixofeeli boyoon waayee beeheete.
Currently Selected:
2 Saameeli 16: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
2 Saameeli 16
16
Siibi Maayoonaa Uyoonon Daawitich Deebo
1Daawiti are geppee cilloochee giishechoon bi beshemmona, Mefibosheti naayo tuneti Siibi gutte balle koshon, ikke balle nuuphi shuuqqiti woyinee aafoon, ikke balle michi aafoonaa ikke mollexxee woyinee uyoonon gutte kuroona xaaniꞌi waabee, biinna danehe.#2 Saam. 9:9-10
2Taatoo Daawiti Siibin, “Eboshin ne deebeto, aakkiyane?” iye.
Siibiyoo wochiꞌi, “Kureenaꞌon taatoochi kechi asheenaꞌo yebbemmoyichiye; koshonaa michi aafoonon gurimaasheenaꞌo maayemmoyichiye; wotta woyinee uyoon barahoochaa maraatemminaꞌo uchemmoyichiye” iye.
3Aroochee taatoo, “Ne doonochi bushoo Mefibosheti, aabiichiye bi beeto?” iꞌi echehe.
Siibiyoo taatoyich wochiꞌi, “ ‘Israꞌeeleenaꞌo ta nihinihoochi taatittinoon taach hanaachi wochemminaꞌone’ ii gabiꞌi Yerusaalemiye bi beeto” iye.
4Aroochee taatoo Siibich, “Illa ebiyee damba Mefibosheticho tuneto bulli neechone” iye.
Siibiyoo “Ne aafooch dihaa goyinnoye; taatoo ta doonocho, ne aafoochaa gidoon daneton tunebone” iye.
Shimeꞌi Taatoo Daawitin Ufo
5Taatoo Daawiti Bahuriimi katemooch bi shaggimmona, Saaꞌoolichi xibeenaꞌoochee ikkoo tuneti, Geeri bushoo Shimeꞌi biinna danehe; biyoo Daawitin kuxaanoon uppiibee waa beehe. 6Taatoochi guudoona asheenaꞌo bullinaa biin quyechi bi naayinaꞌo bullina beetaanona, Shimeꞌi taatoo Daawitinaa bi naayinaꞌona waan xaqqoon awurehe. 7Biyoo uppiibee, “Hiniichee aallebe; hiniichee aallebe; hini damee ashoocho! Gaacaalli uroocho! 8Bi taatittinoon ne deqqeti Saaꞌooli kechi asheenaꞌochi damoon Doono Yeeri ne toommooch wochitone. Doono Yeeri taatittinoon ne bushoo Abisoloomi kishooch beshiiꞌi immitone. Damee asho ne tunetoyich, ne aallo batt shaggitone” iye.
9Areegaata, Tseruuyi bushoo Abishayi taatoyich, “Hini qititi kunaanoo taatoo ta doonon bi uppemmo, amoyichiye? Bi beetooch besheree bi qettoon kuxona” iye.
10Tunebaani taatoo ishichiye: “Tseruuyi bushiisheenaꞌote, ebiich ittoshin geddemmi mooyo beete? Doono Yeeri, ‘Daawitin ufe’ getaa uppiibeeto bi tunegaata, biin ‘Ebin amoyich tuniinne?’ geton hakkemmo, konine?” iye.
11Aroochee Daawiti Abishayinaa bi naayinaꞌo bullinoyich ishichiye: “Ta hajjee bushoo ebiyoche taan wuxiya qaawii beetone. Ishigaata, hini Biiniyaamee yoodo tuneti uro, ebin bi tuniyoo worganikkeshone? Doono Yeeri bi uppemmoyich bi tuniitoyich, ittoshi qayaa ufe. 12Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.
13Aroochee Daawitinaa bi asheenaꞌona gommon qaxiriyeete; Shimeꞌiyoo geppee gaadoona tatooch hammiibee uppii, xaqqoonaa buttoonon boonoshi waan duppii beehe. 14Taatoonaa biinna tookkii beeti asheenaꞌona maraateꞌi are aachi kimooch shaggiyeete; ebich arooch kasheheete.
Akixofeeli Abisoloomich Boyeti Boyo
15Abisoloominaa biinna tookkii beeti Israꞌeeleenaꞌo bullina Yerusaalem waaheete; Akixofeeliyoo biinna tookkii beetone. 16Daawitichi boyechi, Arikee asho Hushayi Abisoloom waan waahe. Biyoo Abisoloomin “Taatoocho, ne eeno genjebe; ne eeno genjebe” iye.
17Abisoloomiyoo Hushayin “Ne shunechoyich ne gibeneyoo, ebine? Amoyich ne shunechona tookkaa hamaachine?” iye.
18Hushayi Abisoloomich wochiꞌi ishichiye: “Ebi toonoone; Doono Yeeri, hini asheenaꞌonaa Israꞌeeleenaꞌo bullina kaaccitoyichiye ta tunemmo; biinna tookkishoo beeyemmo taane. 19Ebiyeenoo wotta, ta doonochi bushoyich maddaanoon, konichiye ta maddemmo? Ne nihooch ta maddoommon neech maddemmo taane” iye.
20Aroochee Abisoloomi Akixofeelin, “Eke boyebote; amoon tuniibona?” iye.
21Akixofeeliyoo Abisoloomich ishichiye: “Taatee kexon boonoshi quyemmoyich echiichii bi hammiti, ne nihoochi naamacheenaꞌo waan giyiree boonoshin qebe. Ebina ne nihoona tookkaa ciroona kuxeto ne tunoon Israꞌeeleenaꞌo bulli waayemminaꞌone. Neenna tookkii beeti asheenaꞌochi mochoo kupphemmone” iye.
22Asheenaꞌo Abisoloomich taatee kechi toommooch duukkaanoon xogiyeete. Israꞌeeleenaꞌo bulli ciinnii beetaa, Abisoloomi arooch giyiꞌi bi nihoochi naamacheenaꞌon qeyiye.#2 Saam. 12:11-12
23Aroobee yemeenooch, Akixofeeli boyeebeeti boyo bi waayeebeeto, Yeerichi qaaroon waayoommoniye. Ebiyoommon Daawitinaa Abisoloomina Akixofeeli boyoon waayee beeheete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.