2 Saameeli 1
1
Daawiti Saaꞌooli Qitoon Waayo
1Saaꞌooli qititoyee gubb, Daawiti Amaleeqeenaꞌon kochii wochiichii wotteꞌi, Tsiqilaag gutta qeyiye. 2Bi dechara ikke uro keexeti tahoon taheꞌi, bi shimboochoo buttoon shakkiꞌi Saaꞌoolichi kaamboochee waahe. Daawit waan shaggiꞌi, biich oogoon imoyich, showooch baroona guufehe.
3Daawitiyoo “Amoocheeniye ne waato?” iꞌi echehe.
Biyoo “Israꞌeeleenaꞌo kaamboochee muriccaꞌaniye ta waato” iye.
4Daawitiyoo “Mooyo aabichite?” iꞌi echehe.
Biyoo “No asheenaꞌo ginoochee wocee aalletinaꞌone. Meetinaꞌoo qititinaꞌone. Saaꞌoolinaa bi bushoo Yonaataaninoo wotta qititinaꞌone” iye.
5Daawitiyoo ebi mooyon biich gettiti gurimaashoon “Saaꞌoolinaa bi bushoo Yonaataanina qitoon amoona ariinne?” iꞌi echehe.
6Biyoo ishichiye: “Tawoo diqqoona Giliboꞌi geppooch hammoye. Aroochaa Saaꞌooli bi ginoon tugeꞌi neexee beeton beeggeho; gaarina tuneꞌi koyee beetinaꞌonaa hareshechinaꞌona bi waan katinniyeete. 7Biyoo gubb guuddii taan ciinniꞌi ceeggiye. Tawoo eekkeho. 8Biyoo taan ‘Koni neene?’ iye. Tawoo ‘Amaleeqo taane’ iyaꞌa wochiyo.
9“Biyoo ‘Ta kasho kecha shoodditone; tunebaani ta kashe batt keyaan beetine; ta waan gidderee taan ne wuxemmoyich neen qollehoye’ iye.
10“Tawoo bi dihigaata bekkech qitemmo bi tunoon ta ariitoyich, bi waan giddaꞌa biin wuxiyoye. Bi shimbooch beeti gubbichoonaa bi kishee dibbooch beeti shagaamoonon yechaꞌa, ta doono neech ebiyoche deebeto taane” iye.#1 Saam. 31:1-6; 1 Kiin. 10:1-6
11Aroochee Daawiti ayiniꞌi bi tahoon keexxiye; biinna tookkii beeti asheenaꞌoo ebiyoommon tuniiheete. 12Saaꞌoolinaa bi bushoo Yonaataaninoyich, Doono Yeerichi asheenaꞌoyichoo, ebi geto Israꞌeeleenaꞌoyich, ayinii eeppiyeete; xumemmi wottoonoo coomiyeete. Ebiyoo boonoshi qitito ginoochaa bi tunetoyichiye.
13Daawitiyoo ebi mooyon biich gettiti uroon “Ameexi asho neene?” iꞌi echehe.
Biyoo “Ta, shiqqoo tuneti Amaleeqee ashoochi bushoo taane” iye.
14Daawitiyoo “Doono Yeeri huuttiton wuxoon, aabichaꞌa shattemmon qajjenne?” iye. 15Aroochee Daawiti bi asheenaꞌo daggoochee ikke gurimaashoon ceeggiꞌi, “Bi waan gidderee wuxibe” iye. Uro giddeꞌi bi yexaa, are Amaleeqo qitiye. 16Uro batt qitaan beetaa, Daawiti biich ishichiye: “Doono Yeeri huuttiton wuxito ne tunoon ne hajjee noonoona miixeto neene. Ne damoo ne toommooch tunebe” iye.
Daawiti Saaꞌoolinaa Yonaataaninoyich Shoosheti Shoosho
17Daawitiyoo Saaꞌoolinaa bi bushoo Yonaataaninoyich ebi shooshoon shooshehe. 18Yihudee asheenaꞌoyich boonoshi dojjemmoyichoo gettiye. Ebiyoo Yashaari Macaafooch#1:18 Yashaari Macaafo, Israꞌeeleenaꞌo koyeti koyee mooyo kooreeti macaafoone. kooreetone. Biyoo ishichiye:
19“No iraasheenaꞌo Israꞌeelee geppeenaꞌoochaa koyaa qitiyeete;
giidechi no ginee naayinaꞌo qitoo am shaahoon ayinikkitone!
20Ebin Gaataa gettaahote!
Ashiqeloona beeti gomminaꞌoochaa yibbaateyaahote!
Filsixeemee maacheenaꞌo emiremmoyich tuniyaahote!
Dokireyaani asheenaꞌochi maacheenaꞌo emiroona wucwuccemmoyich tuniyaahote!
21“Ebi Giliboꞌi geppeenaꞌote!
Ittoshi toommooch doshoo (caagibano) kindaaye; amiyoo dihaaye!
Buuroyich tunemmi maayoon shakkiyemmi goyee budo aallebe!
Ebi aroochaa giidechinaꞌochi gaachoo qalliꞌi duppetone;
Saaꞌoolichi gaachoo ebiyee damba zayitoona huutteyaachemmone.
22Yonaataanichi maꞌoona awureeti shango wuxaanoon wotteyaano,
Saaꞌoolichi goraado ariqqaalloon wuxii ciichiibeeto,
giidechon yexxii dichiibeeto, ettoonoo wuxii beetone.
23“Saaꞌoolinaa Yonaataanina kashoona beebee oogeti shunechinaꞌone;
boonoshi qitoonoo barbaraaneenaꞌone.
Boonoshiyoo booyoyee beshe afaafinechinaꞌo,
daaheroyee beshe kuppheenaꞌone.
24“Israꞌeelee maacheenaꞌote!
Aaxxe ceelle hulle tahoon ittoshich tajjiti,
aachoochee shuuneeti mooyon ittoshi tahooch
ittoshi geddemmoyich tuniiti, Saaꞌoolich eefebote!
25“Giidechi no ginee naayinaꞌo koyaa qitoo oogeton ayinikkitone;
Yonaataani qitiꞌi geppee toommooch qeyiye.
26Ta manoo Yonaataano, ta neech oogeton ayinito taane.
Ne taach oogeti aaxxoo neene;
ne taan shunnaabeeti shunoo oogeton worganikkitone;
maachee shunoyeenona beshiti shunoone.
27“Giidechi no ginee naayinaꞌo koyaa qitoo oogeton ayinikkitone;
ginee qiiceenaꞌo gaacaalleenaꞌo tuneꞌi qixeeheete” iye.
Currently Selected:
2 Saameeli 1: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
2 Saameeli 1
1
Daawiti Saaꞌooli Qitoon Waayo
1Saaꞌooli qititoyee gubb, Daawiti Amaleeqeenaꞌon kochii wochiichii wotteꞌi, Tsiqilaag gutta qeyiye. 2Bi dechara ikke uro keexeti tahoon taheꞌi, bi shimboochoo buttoon shakkiꞌi Saaꞌoolichi kaamboochee waahe. Daawit waan shaggiꞌi, biich oogoon imoyich, showooch baroona guufehe.
3Daawitiyoo “Amoocheeniye ne waato?” iꞌi echehe.
Biyoo “Israꞌeeleenaꞌo kaamboochee muriccaꞌaniye ta waato” iye.
4Daawitiyoo “Mooyo aabichite?” iꞌi echehe.
Biyoo “No asheenaꞌo ginoochee wocee aalletinaꞌone. Meetinaꞌoo qititinaꞌone. Saaꞌoolinaa bi bushoo Yonaataaninoo wotta qititinaꞌone” iye.
5Daawitiyoo ebi mooyon biich gettiti gurimaashoon “Saaꞌoolinaa bi bushoo Yonaataanina qitoon amoona ariinne?” iꞌi echehe.
6Biyoo ishichiye: “Tawoo diqqoona Giliboꞌi geppooch hammoye. Aroochaa Saaꞌooli bi ginoon tugeꞌi neexee beeton beeggeho; gaarina tuneꞌi koyee beetinaꞌonaa hareshechinaꞌona bi waan katinniyeete. 7Biyoo gubb guuddii taan ciinniꞌi ceeggiye. Tawoo eekkeho. 8Biyoo taan ‘Koni neene?’ iye. Tawoo ‘Amaleeqo taane’ iyaꞌa wochiyo.
9“Biyoo ‘Ta kasho kecha shoodditone; tunebaani ta kashe batt keyaan beetine; ta waan gidderee taan ne wuxemmoyich neen qollehoye’ iye.
10“Tawoo bi dihigaata bekkech qitemmo bi tunoon ta ariitoyich, bi waan giddaꞌa biin wuxiyoye. Bi shimbooch beeti gubbichoonaa bi kishee dibbooch beeti shagaamoonon yechaꞌa, ta doono neech ebiyoche deebeto taane” iye.#1 Saam. 31:1-6; 1 Kiin. 10:1-6
11Aroochee Daawiti ayiniꞌi bi tahoon keexxiye; biinna tookkii beeti asheenaꞌoo ebiyoommon tuniiheete. 12Saaꞌoolinaa bi bushoo Yonaataaninoyich, Doono Yeerichi asheenaꞌoyichoo, ebi geto Israꞌeeleenaꞌoyich, ayinii eeppiyeete; xumemmi wottoonoo coomiyeete. Ebiyoo boonoshi qitito ginoochaa bi tunetoyichiye.
13Daawitiyoo ebi mooyon biich gettiti uroon “Ameexi asho neene?” iꞌi echehe.
Biyoo “Ta, shiqqoo tuneti Amaleeqee ashoochi bushoo taane” iye.
14Daawitiyoo “Doono Yeeri huuttiton wuxoon, aabichaꞌa shattemmon qajjenne?” iye. 15Aroochee Daawiti bi asheenaꞌo daggoochee ikke gurimaashoon ceeggiꞌi, “Bi waan gidderee wuxibe” iye. Uro giddeꞌi bi yexaa, are Amaleeqo qitiye. 16Uro batt qitaan beetaa, Daawiti biich ishichiye: “Doono Yeeri huuttiton wuxito ne tunoon ne hajjee noonoona miixeto neene. Ne damoo ne toommooch tunebe” iye.
Daawiti Saaꞌoolinaa Yonaataaninoyich Shoosheti Shoosho
17Daawitiyoo Saaꞌoolinaa bi bushoo Yonaataaninoyich ebi shooshoon shooshehe. 18Yihudee asheenaꞌoyich boonoshi dojjemmoyichoo gettiye. Ebiyoo Yashaari Macaafooch#1:18 Yashaari Macaafo, Israꞌeeleenaꞌo koyeti koyee mooyo kooreeti macaafoone. kooreetone. Biyoo ishichiye:
19“No iraasheenaꞌo Israꞌeelee geppeenaꞌoochaa koyaa qitiyeete;
giidechi no ginee naayinaꞌo qitoo am shaahoon ayinikkitone!
20Ebin Gaataa gettaahote!
Ashiqeloona beeti gomminaꞌoochaa yibbaateyaahote!
Filsixeemee maacheenaꞌo emiremmoyich tuniyaahote!
Dokireyaani asheenaꞌochi maacheenaꞌo emiroona wucwuccemmoyich tuniyaahote!
21“Ebi Giliboꞌi geppeenaꞌote!
Ittoshi toommooch doshoo (caagibano) kindaaye; amiyoo dihaaye!
Buuroyich tunemmi maayoon shakkiyemmi goyee budo aallebe!
Ebi aroochaa giidechinaꞌochi gaachoo qalliꞌi duppetone;
Saaꞌoolichi gaachoo ebiyee damba zayitoona huutteyaachemmone.
22Yonaataanichi maꞌoona awureeti shango wuxaanoon wotteyaano,
Saaꞌoolichi goraado ariqqaalloon wuxii ciichiibeeto,
giidechon yexxii dichiibeeto, ettoonoo wuxii beetone.
23“Saaꞌoolinaa Yonaataanina kashoona beebee oogeti shunechinaꞌone;
boonoshi qitoonoo barbaraaneenaꞌone.
Boonoshiyoo booyoyee beshe afaafinechinaꞌo,
daaheroyee beshe kuppheenaꞌone.
24“Israꞌeelee maacheenaꞌote!
Aaxxe ceelle hulle tahoon ittoshich tajjiti,
aachoochee shuuneeti mooyon ittoshi tahooch
ittoshi geddemmoyich tuniiti, Saaꞌoolich eefebote!
25“Giidechi no ginee naayinaꞌo koyaa qitoo oogeton ayinikkitone;
Yonaataani qitiꞌi geppee toommooch qeyiye.
26Ta manoo Yonaataano, ta neech oogeton ayinito taane.
Ne taach oogeti aaxxoo neene;
ne taan shunnaabeeti shunoo oogeton worganikkitone;
maachee shunoyeenona beshiti shunoone.
27“Giidechi no ginee naayinaꞌo koyaa qitoo oogeton ayinikkitone;
ginee qiiceenaꞌo gaacaalleenaꞌo tuneꞌi qixeeheete” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.