2 Taateenaꞌo 5
5
Qeddee Shaddee Biiyoochee Naꞌimaani Wodoo
1Sooriyee taatoochi ginee iraashoo Naꞌimaani Doono Yeeri biinna wudoon Sooriyeenaꞌoyich bi daniitoyich, bi doono aafoochaa gidoon daneti ashoone; wottoo kupphoonaa ginee anaamonane. Tunebaani qeddee shaddee biiyechone.
2Ikke areddoon Sooriyeenaꞌo Israꞌeelee showoon boonoshi koyiyooba, giisheche busheen keccii daammitinaꞌone. Biyoo Naꞌimaani mecheyich maddaa beehan. 3Bi genneyichoo, “Ta doono Shamaara beeti keemecho waan bi hammito gaata, bi qeddee shaddee biiyoochee biin wodiyeshone” iyan.
4Ebina Naꞌimaani hammiꞌi taatoyich, “Israꞌeelee showoochee waati bushee ishichaa ishichitine” iꞌi gettiye.
5Sooriyee taatoo biich, “And tiyiree hambe; Israꞌeelee taatoyich koorichoon kooremmo taane” iye. Ebich Naꞌimaani keejje ballaa aabbe kiilo giraam bede birewoon, shabe kiilo giraam bede aachoonaa aashire shaddee tahoonon yechiꞌi hammiye. 6Israꞌeelee taatoyich bi deebiti koorichoo: “Qeddee shaddee biiyoochee biin ne wodiyemmoyich, koorichoon biich yechiyaꞌa, ta guuno Naꞌimaanin ne waan daachiito taane” ii beetone.
7Israꞌeelee taatoo koorichoon shemmee bi tahoon keexxiꞌi, “Ashoon qeddee shaddee biiyoochee ta wodiyemmoyich, hini uroon ta waan bi deejjito, iberoochaa wuxoonaa wodiyoonon hakkiibeeti Nuggishoo ta tunetenane? Taanna kaaree bi qaawoon ebin beegote” iye.
8Yeer asho Elisayi Israꞌeelee taatoo bi tahoon keexon waayeꞌi, “Ne tahoon amoyich keexxenne? Uro ta waan wobe. Israꞌeelee showooch keemecho beemon ariyemmone” iꞌi wochoon daachiihe. 9Naꞌimaaniyoo bi haresheenaꞌonaa bi gaarinaꞌona waaꞌi, Elisayi kechi kellooch, maach neexehe. 10Elisayiyoo, “Hamiree Yoordaanoosi aacoochaa shabaatte wottoon machebe; ne biiyoochee wodemmo neene; newoo xallemmo neene” iꞌi bi waan wocheyechon daachiihe.
11Tunebaani Naꞌimaani kaarehe; ishichiibeenoo hammiye: “Ta waan waa neexe, bi Nuggishoo Doono Yeerichi shigoon ceegi, ta qeddee shaddee biiyee toommoochoo bi kishoon yaggiree taan wodiyemmoniye taach bi shaahito. 12Damaasiqee showee aacinaꞌo Abaaninaa Faarfaarina Israꞌeelee showooch beeti aacinaꞌo bulliyee beshaacheete? Eboshina macheꞌi xalloon hakkaacheshote?” iye. Ebich kaareꞌi wottee hammiye.
13Tunebaani bi naayinaꞌo bi gaꞌooch waaꞌi, “Ta doonocho, keemecho ebiyee beshe magge mooyon bi gettito gaatoona, tuniyaachesho neene? Ishigaata, ‘Macheree xallebe’ bi ito neen maggehe, amoone?” iyeete. 14Ebich Naꞌimaani Yoordaanoosi aacooch kindiye. Doono Yeer asho gettitoommon, shabaatte wottoon aacooch giyii kechiye. Bi qeddo wodiꞌi gaggere bushoochi qeddoon shaahiye; xalleenoo iye.
15Aroochee Naꞌimaani bi naayinaꞌo bullina tookkii Yeer asho waan wottehe. Waaꞌinoo bi aafooch neexeechii, “Ebiyoche, Israꞌeelee showoyee besh, showoo bulliich Nuggishoo aallo bi tunoon ariito taane. Andoo ne guuno ta waanee wojjoon ne deqqemmoyich neen qollehoye” iye.
16Tunebaani keemecho, “Biich ta maddaabeeti, beeyechi Doono Yeeri beege; amoonolla deꞌaache” iye. Bi deqqemmoyich Naꞌimaani qollee xuuxiihe; tunebaani Elisayi qajjiye.
17Naꞌimaaniyoo biich, “Ne guuno ta ebiyee damba Doono Yeeriyee besh, bare nuggisheenaꞌoyich micciibeeti deejjoon woyee bare deejjoon deejjaachemmo taane. Ebich gutte xaanee showoon ta daammemmoyich, taach ne daaggemmon neen qollehoye. 18Tunebaani Doono Yeeri ikke mooyoyich baach ne guuno taach maaroon gede. Ebiyoo taatoo ta doono aroochaa goyinnoyich, Rimoonichi#5:18 Rimooni, Sooriyee showee nuggishoone. yaafee kexooch bi giyigaata, tawoo bi baatoon deggaa giyaꞌa Rimoonichi yaafee kexoochaa ta goyinnegaata, Doono Yeeri ebi mooyoyich taach maaroon gede” iye.
19Elisayiyoo biich, “Diggoona hambe” iye.
Tunebaani Naꞌimaani giishechoon bi wokkimmona, 20Yeer asho Elisayichi aafee bushoo Giyaazi, “Ta doono ebi Sooriyee asho Naꞌimaanin maariye. Bi deebiti mooyoochee amoonolla deꞌaanoone. Beeyechi Doono Yeeri beege; bi hillooch woci hamiree, bi waanee ikke mooyon deqqemmo taane” iꞌi gabiye.
21Ebina Giyaazi Naꞌimaanin dabbiye. Naꞌimaaniyoo ikke asho bi hillooch woccii beeton beeggii, biinna daneya gaariichee kindiꞌi, “Bulli mooyo diggoone?” iꞌi echehe.
22Aroochee Giyaazi wochiꞌi, “Diggoone; ta doono, ‘And keemechinaꞌochi guuphoochee gutte gurimaasheenaꞌo geppechi Efreemee showoochee ta waan waatinaꞌone. Shaashaa awudde kiilo giraamee birewoonaa gutte shaddee tahoonon boonoshich ne immemmoyich neen qollehoye’ iꞌi taan wochetone” iye.
23Aroochee Naꞌimaani “Shichaa shimitte kiilo giraamee birewoonona ta imaa daambe” iꞌi qollee xuuxiihe. Aroochee shichaa shimitte kiilo giraamee birewoon gutte mollexxooch geddii cuchii, gutte shaddee tahoona tookkii bi naayinaꞌoyich shaakkiihe. Boonoshiyoo shaaggiꞌi Giyaazi aafooch shiichiyeete. 24Geppooch waachii, ebi qiiceenaꞌon boonoshi kishoochee deqqiꞌi, kexooch kotiichii, asheenaꞌon daachiihe. Boonoshiyoo hammiyeete. 25Tunebaani Giyaazi giyiꞌi, bi doono aafooch neexehe.
Elisayiyoo, “Giyaazo, amoocheeniye ne waabeeto?” iye.
Biyoo, “Ta, ne guuno amoochona hamaano taane” iye.
26Tunebaani Elisayi biich, “Neenna daneya uro gaariichee kindii bi beegaata, ayaanoona neenna tookkii beetaachote? Hini, birewoonaa tahoona, bageenaꞌonaa gatteenaꞌona, guuninaꞌonaa gonneenaꞌona, zayitee michi budonaa woyinee budona deqqeyemmi yemeenoone? 27Ebich Naꞌimaanichi qeddee shaddee biiyo neenna yeshemmone. Bulli yemeenoon ne yaraa yarooch beshemmone” iye. Ebina Giyaazi qeddee shaddee biiyoona xooppee kecho naccoommon nacceꞌi, Elisayi aafoochee kechiye.
Currently Selected:
2 Taateenaꞌo 5: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
2 Taateenaꞌo 5
5
Qeddee Shaddee Biiyoochee Naꞌimaani Wodoo
1Sooriyee taatoochi ginee iraashoo Naꞌimaani Doono Yeeri biinna wudoon Sooriyeenaꞌoyich bi daniitoyich, bi doono aafoochaa gidoon daneti ashoone; wottoo kupphoonaa ginee anaamonane. Tunebaani qeddee shaddee biiyechone.
2Ikke areddoon Sooriyeenaꞌo Israꞌeelee showoon boonoshi koyiyooba, giisheche busheen keccii daammitinaꞌone. Biyoo Naꞌimaani mecheyich maddaa beehan. 3Bi genneyichoo, “Ta doono Shamaara beeti keemecho waan bi hammito gaata, bi qeddee shaddee biiyoochee biin wodiyeshone” iyan.
4Ebina Naꞌimaani hammiꞌi taatoyich, “Israꞌeelee showoochee waati bushee ishichaa ishichitine” iꞌi gettiye.
5Sooriyee taatoo biich, “And tiyiree hambe; Israꞌeelee taatoyich koorichoon kooremmo taane” iye. Ebich Naꞌimaani keejje ballaa aabbe kiilo giraam bede birewoon, shabe kiilo giraam bede aachoonaa aashire shaddee tahoonon yechiꞌi hammiye. 6Israꞌeelee taatoyich bi deebiti koorichoo: “Qeddee shaddee biiyoochee biin ne wodiyemmoyich, koorichoon biich yechiyaꞌa, ta guuno Naꞌimaanin ne waan daachiito taane” ii beetone.
7Israꞌeelee taatoo koorichoon shemmee bi tahoon keexxiꞌi, “Ashoon qeddee shaddee biiyoochee ta wodiyemmoyich, hini uroon ta waan bi deejjito, iberoochaa wuxoonaa wodiyoonon hakkiibeeti Nuggishoo ta tunetenane? Taanna kaaree bi qaawoon ebin beegote” iye.
8Yeer asho Elisayi Israꞌeelee taatoo bi tahoon keexon waayeꞌi, “Ne tahoon amoyich keexxenne? Uro ta waan wobe. Israꞌeelee showooch keemecho beemon ariyemmone” iꞌi wochoon daachiihe. 9Naꞌimaaniyoo bi haresheenaꞌonaa bi gaarinaꞌona waaꞌi, Elisayi kechi kellooch, maach neexehe. 10Elisayiyoo, “Hamiree Yoordaanoosi aacoochaa shabaatte wottoon machebe; ne biiyoochee wodemmo neene; newoo xallemmo neene” iꞌi bi waan wocheyechon daachiihe.
11Tunebaani Naꞌimaani kaarehe; ishichiibeenoo hammiye: “Ta waan waa neexe, bi Nuggishoo Doono Yeerichi shigoon ceegi, ta qeddee shaddee biiyee toommoochoo bi kishoon yaggiree taan wodiyemmoniye taach bi shaahito. 12Damaasiqee showee aacinaꞌo Abaaninaa Faarfaarina Israꞌeelee showooch beeti aacinaꞌo bulliyee beshaacheete? Eboshina macheꞌi xalloon hakkaacheshote?” iye. Ebich kaareꞌi wottee hammiye.
13Tunebaani bi naayinaꞌo bi gaꞌooch waaꞌi, “Ta doonocho, keemecho ebiyee beshe magge mooyon bi gettito gaatoona, tuniyaachesho neene? Ishigaata, ‘Macheree xallebe’ bi ito neen maggehe, amoone?” iyeete. 14Ebich Naꞌimaani Yoordaanoosi aacooch kindiye. Doono Yeer asho gettitoommon, shabaatte wottoon aacooch giyii kechiye. Bi qeddo wodiꞌi gaggere bushoochi qeddoon shaahiye; xalleenoo iye.
15Aroochee Naꞌimaani bi naayinaꞌo bullina tookkii Yeer asho waan wottehe. Waaꞌinoo bi aafooch neexeechii, “Ebiyoche, Israꞌeelee showoyee besh, showoo bulliich Nuggishoo aallo bi tunoon ariito taane. Andoo ne guuno ta waanee wojjoon ne deqqemmoyich neen qollehoye” iye.
16Tunebaani keemecho, “Biich ta maddaabeeti, beeyechi Doono Yeeri beege; amoonolla deꞌaache” iye. Bi deqqemmoyich Naꞌimaani qollee xuuxiihe; tunebaani Elisayi qajjiye.
17Naꞌimaaniyoo biich, “Ne guuno ta ebiyee damba Doono Yeeriyee besh, bare nuggisheenaꞌoyich micciibeeti deejjoon woyee bare deejjoon deejjaachemmo taane. Ebich gutte xaanee showoon ta daammemmoyich, taach ne daaggemmon neen qollehoye. 18Tunebaani Doono Yeeri ikke mooyoyich baach ne guuno taach maaroon gede. Ebiyoo taatoo ta doono aroochaa goyinnoyich, Rimoonichi#5:18 Rimooni, Sooriyee showee nuggishoone. yaafee kexooch bi giyigaata, tawoo bi baatoon deggaa giyaꞌa Rimoonichi yaafee kexoochaa ta goyinnegaata, Doono Yeeri ebi mooyoyich taach maaroon gede” iye.
19Elisayiyoo biich, “Diggoona hambe” iye.
Tunebaani Naꞌimaani giishechoon bi wokkimmona, 20Yeer asho Elisayichi aafee bushoo Giyaazi, “Ta doono ebi Sooriyee asho Naꞌimaanin maariye. Bi deebiti mooyoochee amoonolla deꞌaanoone. Beeyechi Doono Yeeri beege; bi hillooch woci hamiree, bi waanee ikke mooyon deqqemmo taane” iꞌi gabiye.
21Ebina Giyaazi Naꞌimaanin dabbiye. Naꞌimaaniyoo ikke asho bi hillooch woccii beeton beeggii, biinna daneya gaariichee kindiꞌi, “Bulli mooyo diggoone?” iꞌi echehe.
22Aroochee Giyaazi wochiꞌi, “Diggoone; ta doono, ‘And keemechinaꞌochi guuphoochee gutte gurimaasheenaꞌo geppechi Efreemee showoochee ta waan waatinaꞌone. Shaashaa awudde kiilo giraamee birewoonaa gutte shaddee tahoonon boonoshich ne immemmoyich neen qollehoye’ iꞌi taan wochetone” iye.
23Aroochee Naꞌimaani “Shichaa shimitte kiilo giraamee birewoonona ta imaa daambe” iꞌi qollee xuuxiihe. Aroochee shichaa shimitte kiilo giraamee birewoon gutte mollexxooch geddii cuchii, gutte shaddee tahoona tookkii bi naayinaꞌoyich shaakkiihe. Boonoshiyoo shaaggiꞌi Giyaazi aafooch shiichiyeete. 24Geppooch waachii, ebi qiiceenaꞌon boonoshi kishoochee deqqiꞌi, kexooch kotiichii, asheenaꞌon daachiihe. Boonoshiyoo hammiyeete. 25Tunebaani Giyaazi giyiꞌi, bi doono aafooch neexehe.
Elisayiyoo, “Giyaazo, amoocheeniye ne waabeeto?” iye.
Biyoo, “Ta, ne guuno amoochona hamaano taane” iye.
26Tunebaani Elisayi biich, “Neenna daneya uro gaariichee kindii bi beegaata, ayaanoona neenna tookkii beetaachote? Hini, birewoonaa tahoona, bageenaꞌonaa gatteenaꞌona, guuninaꞌonaa gonneenaꞌona, zayitee michi budonaa woyinee budona deqqeyemmi yemeenoone? 27Ebich Naꞌimaanichi qeddee shaddee biiyo neenna yeshemmone. Bulli yemeenoon ne yaraa yarooch beshemmone” iye. Ebina Giyaazi qeddee shaddee biiyoona xooppee kecho naccoommon nacceꞌi, Elisayi aafoochee kechiye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.