2 Taateenaꞌo 3
3
Israꞌeeleenaꞌonaa Moꞌabeenaꞌona Koyo
1Yihudee taatoo Yoshafaaxi taateti aaraa shimittinnee natooba, Akaabi bushoo Yoraami Israꞌeeleenaꞌo toommooch taatehe; Shamaara beechii, aaraa gutte naton qeejjiye. 2Yoraami Doono Yeeri aafooch gonde mooyon shuunehe. Tunebaani bi tuniiti gonde mooyo bi nihoonaa bi indeena tuniitoommo toonoone. Asheenaꞌo goyinneebeeti, ebiyoo bi nihoo shuuniiti, Baꞌaalee xaqqee giimboon waaxxii aalliitone. 3Tunebaani Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoon dabbiye; aroocheenoo wohaanoone.
4Ebiyooba Moꞌabee taatoo Meeshi bagoon shiijjii beetone. Biyoo balle hume gishiishi bagee baaddoonaa balle hume ogooge bagee baaddoonochi huushoon Israꞌeelee taatoyich giijjii beehe. 5Tunebaani taatoo Akaabi qititoyee gubb, Moꞌabee taatoo Israꞌeelee taatoo toommooch hukkoon shuunehe. 6Ebich ebiyooba taatoo Yoraami Shamaaree kechii hammii, Israꞌeelee asho bullin kiciye. 7Yihudee taatoo Yoshafaax waan wocheyechon daachiiꞌi, “Moꞌabee taatoo ta toommooch hukkoon bi shuunetoyich, taanna tookki Moꞌabeenaꞌon koyoyich hammenne?” iye.
Biyoo, “Hammemmo taane; tawoo neenoommo taane; ta asheenaꞌoo ne asheenaꞌoomminaꞌone; ta haresheenaꞌoo ne haresheenaꞌoomminaꞌone” iye.
8Aroochee Yoshafaaxi, “No hammemmo aabinane?” iꞌi echehe.
Yoraami, “Edoomi baraheexi gommonane” iꞌi wochiye.
9Ebich Israꞌeelee taatoo Yihudee taatoonaa Edoomee taatoona tookkii hammiye. Shabaatte qemi gommon boonoshi guudditoyee gubb, ginee naayinaꞌonaa boonoshi hillooch beeti gijjeenaꞌonoyich aaco aallehe.
10Israꞌeelee taatoo, “Yeeh, Doono Yeeri ebi keejje taatoo noon bi ceeggito, Moꞌabee taatoo kishooch beshii imoyichiye?” iye.
11Aroochee Yoshafaaxi, “Doono Yeerin biinna no echemmi, Doono Yeerichi keemecho hiniich aalle?” iꞌi echehe.
Israꞌeelee taatoochi ginee iraasheenaꞌoochee ikkoo, “Eliyaasi kishooch aacon hakketi, Shafaaxi bushoo Elisayi hiniich beetone” iꞌi wochiye.
12Yoshafaaxiyoo, “Doono Yeerichi qaaro bi waanee danemmone” iye. Ebich Israꞌeelee taatoo, Yoshafaaxinaa Edoomee taatoona dugilla bi waan hammiyeete.
13Elisayiyoo Israꞌeelee taatoyich, “Neennaa taannon daniyemmi amee mooyolla aalloone. Ne nihoonaa ne indeenochi keemechinaꞌo beetooch hambe” iye.
Tunebaani Israꞌeelee taatoo biich, “Ebi toonoone; keejje taatoo noon Moꞌabee taatoo kishooch beshiiꞌi imoyich ceeggito, Doono Yeerine” iye.
14Aroochee Elisayi, “Biich ta maddaabeeti, Beshe Mawe Doono Yeeri beege! Yihudee taatoo Yoshafaaxicha ta getaanegaata, neen ciini beegaachesho taane. 15Andoo ooge ximboon yexxii beeton taach deebote” iye.
Ooge ximboon yexxiibeeto bi yexximmona, Doono Yeerichi giidoo Elisayi toommooch kindiye. 16Aroochee ishichiye: “Doono Yeeri ishichiye: ‘Hini bamboo bulliich oppoon iiyote. 17Yongoon woyee amiyon beegaachemmo ittoshine. Tunebaani hini bambooch aaco ceennemmone. Ebich ittoshi, ittoshi miiminaꞌonaa ittoshi gijjeenaꞌona uchemmo ittoshine. 18Ebiyoo Doono Yeerich kette mooyone. Moꞌabeenaꞌonoo ittoshi kishooch beshiiree immemmone. 19Xaqqee uxerechi boonoshi katemoonaa gaawe katemoonon bullin yexxemmo ittoshine; boonoshi gaawe mixo bullin dichemmo ittoshine; boonoshi aachi xuupho bullin dookkemmo ittoshine; gaawe boonoshi goyee budoochoo xaqqoon ceechiree duubiyemmo ittoshine’ itone” iye.
20Bi dechara, maaddee deejjoo giddeebeeti saatooch, Edoom waanee aaco bubiibee waaꞌi, showoon bullehe. 21Ebiyooba taateenaꞌo boonoshin kocha womon Moꞌabee asho bulli waayeꞌi, giishoochee oogooch beddaahaa ginee qiicoon cuyoon hakkito bulli ceegaa kechiyeete; showee daaroochoo kechii quyeheete. 22Maadda yaaꞌoona boonoshi tiyaahaa ebiyoche, aachi toommooch aabe aaxxemmona, aaco waariye. Moꞌabee asheenaꞌo boonoshi ciinoochaa aaco damoochoommon ceelletaa beeggiꞌi, 23“Hini damoani am! Iberoochaa taateenaꞌo boonoshinaa boonoshina koyee, ciiretinaꞌone. Illa Moꞌabee asheenaꞌote, ittoshi tiyaa hamiree boonoshi kaamboochee qiicoon macibone” iyeete.
24Tunebaani Israꞌeeleenaꞌo kaambooch boonoshi waataa, Israꞌeeleenaꞌo tiyiꞌi boonoshin kochiyeete. Moꞌabee asheenaꞌoo boonoshi aafoochee woceheete. Moꞌabee asheenaꞌon kochiibee yookkii dabbiyeete. 25Boonoshi katemeenaꞌonoo happiyeete; gaawe boonoshi goyee budo bulliich bi keeshimmi wottoon, asho bi ikkikkoona ikkikke xaqqoon duppii beehe. Aachi xuupho bullin dookkiyeete; gaawe mixo bullin dichiyeete. Ciiroochaa Qiir Hareseti katemoo baach bi xaqqee uxeroona tookkii echehe. Tunebaani xeppello duppii beetinaꞌo giichiꞌi, ebi katemoonoo yexxiyeete.
26Moꞌabee taatoo koyo kupphee hamon beeggiꞌi, goraadoon cuyeti shabaatte balle asheenaꞌon yechiꞌi, Edoomee taatoo beetona kuxi besheya qiiccehe; tunebaani beshoon hakkaanoone. 27Ebiyooba bi xaaꞌooch kereeree taatemmi bi gutenee bushoon daammii, katemee uxeree toommoochaa micciibeeti deejjoo tuniiꞌi deejjiye. Israꞌeeleenaꞌo toommoochoo ooge kaaro waahe. Aroochee qajjii wotteꞌi, boonoshi hajjee showooch hammiyeete.
Currently Selected:
2 Taateenaꞌo 3: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
2 Taateenaꞌo 3
3
Israꞌeeleenaꞌonaa Moꞌabeenaꞌona Koyo
1Yihudee taatoo Yoshafaaxi taateti aaraa shimittinnee natooba, Akaabi bushoo Yoraami Israꞌeeleenaꞌo toommooch taatehe; Shamaara beechii, aaraa gutte naton qeejjiye. 2Yoraami Doono Yeeri aafooch gonde mooyon shuunehe. Tunebaani bi tuniiti gonde mooyo bi nihoonaa bi indeena tuniitoommo toonoone. Asheenaꞌo goyinneebeeti, ebiyoo bi nihoo shuuniiti, Baꞌaalee xaqqee giimboon waaxxii aalliitone. 3Tunebaani Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoon dabbiye; aroocheenoo wohaanoone.
4Ebiyooba Moꞌabee taatoo Meeshi bagoon shiijjii beetone. Biyoo balle hume gishiishi bagee baaddoonaa balle hume ogooge bagee baaddoonochi huushoon Israꞌeelee taatoyich giijjii beehe. 5Tunebaani taatoo Akaabi qititoyee gubb, Moꞌabee taatoo Israꞌeelee taatoo toommooch hukkoon shuunehe. 6Ebich ebiyooba taatoo Yoraami Shamaaree kechii hammii, Israꞌeelee asho bullin kiciye. 7Yihudee taatoo Yoshafaax waan wocheyechon daachiiꞌi, “Moꞌabee taatoo ta toommooch hukkoon bi shuunetoyich, taanna tookki Moꞌabeenaꞌon koyoyich hammenne?” iye.
Biyoo, “Hammemmo taane; tawoo neenoommo taane; ta asheenaꞌoo ne asheenaꞌoomminaꞌone; ta haresheenaꞌoo ne haresheenaꞌoomminaꞌone” iye.
8Aroochee Yoshafaaxi, “No hammemmo aabinane?” iꞌi echehe.
Yoraami, “Edoomi baraheexi gommonane” iꞌi wochiye.
9Ebich Israꞌeelee taatoo Yihudee taatoonaa Edoomee taatoona tookkii hammiye. Shabaatte qemi gommon boonoshi guudditoyee gubb, ginee naayinaꞌonaa boonoshi hillooch beeti gijjeenaꞌonoyich aaco aallehe.
10Israꞌeelee taatoo, “Yeeh, Doono Yeeri ebi keejje taatoo noon bi ceeggito, Moꞌabee taatoo kishooch beshii imoyichiye?” iye.
11Aroochee Yoshafaaxi, “Doono Yeerin biinna no echemmi, Doono Yeerichi keemecho hiniich aalle?” iꞌi echehe.
Israꞌeelee taatoochi ginee iraasheenaꞌoochee ikkoo, “Eliyaasi kishooch aacon hakketi, Shafaaxi bushoo Elisayi hiniich beetone” iꞌi wochiye.
12Yoshafaaxiyoo, “Doono Yeerichi qaaro bi waanee danemmone” iye. Ebich Israꞌeelee taatoo, Yoshafaaxinaa Edoomee taatoona dugilla bi waan hammiyeete.
13Elisayiyoo Israꞌeelee taatoyich, “Neennaa taannon daniyemmi amee mooyolla aalloone. Ne nihoonaa ne indeenochi keemechinaꞌo beetooch hambe” iye.
Tunebaani Israꞌeelee taatoo biich, “Ebi toonoone; keejje taatoo noon Moꞌabee taatoo kishooch beshiiꞌi imoyich ceeggito, Doono Yeerine” iye.
14Aroochee Elisayi, “Biich ta maddaabeeti, Beshe Mawe Doono Yeeri beege! Yihudee taatoo Yoshafaaxicha ta getaanegaata, neen ciini beegaachesho taane. 15Andoo ooge ximboon yexxii beeton taach deebote” iye.
Ooge ximboon yexxiibeeto bi yexximmona, Doono Yeerichi giidoo Elisayi toommooch kindiye. 16Aroochee ishichiye: “Doono Yeeri ishichiye: ‘Hini bamboo bulliich oppoon iiyote. 17Yongoon woyee amiyon beegaachemmo ittoshine. Tunebaani hini bambooch aaco ceennemmone. Ebich ittoshi, ittoshi miiminaꞌonaa ittoshi gijjeenaꞌona uchemmo ittoshine. 18Ebiyoo Doono Yeerich kette mooyone. Moꞌabeenaꞌonoo ittoshi kishooch beshiiree immemmone. 19Xaqqee uxerechi boonoshi katemoonaa gaawe katemoonon bullin yexxemmo ittoshine; boonoshi gaawe mixo bullin dichemmo ittoshine; boonoshi aachi xuupho bullin dookkemmo ittoshine; gaawe boonoshi goyee budoochoo xaqqoon ceechiree duubiyemmo ittoshine’ itone” iye.
20Bi dechara, maaddee deejjoo giddeebeeti saatooch, Edoom waanee aaco bubiibee waaꞌi, showoon bullehe. 21Ebiyooba taateenaꞌo boonoshin kocha womon Moꞌabee asho bulli waayeꞌi, giishoochee oogooch beddaahaa ginee qiicoon cuyoon hakkito bulli ceegaa kechiyeete; showee daaroochoo kechii quyeheete. 22Maadda yaaꞌoona boonoshi tiyaahaa ebiyoche, aachi toommooch aabe aaxxemmona, aaco waariye. Moꞌabee asheenaꞌo boonoshi ciinoochaa aaco damoochoommon ceelletaa beeggiꞌi, 23“Hini damoani am! Iberoochaa taateenaꞌo boonoshinaa boonoshina koyee, ciiretinaꞌone. Illa Moꞌabee asheenaꞌote, ittoshi tiyaa hamiree boonoshi kaamboochee qiicoon macibone” iyeete.
24Tunebaani Israꞌeeleenaꞌo kaambooch boonoshi waataa, Israꞌeeleenaꞌo tiyiꞌi boonoshin kochiyeete. Moꞌabee asheenaꞌoo boonoshi aafoochee woceheete. Moꞌabee asheenaꞌon kochiibee yookkii dabbiyeete. 25Boonoshi katemeenaꞌonoo happiyeete; gaawe boonoshi goyee budo bulliich bi keeshimmi wottoon, asho bi ikkikkoona ikkikke xaqqoon duppii beehe. Aachi xuupho bullin dookkiyeete; gaawe mixo bullin dichiyeete. Ciiroochaa Qiir Hareseti katemoo baach bi xaqqee uxeroona tookkii echehe. Tunebaani xeppello duppii beetinaꞌo giichiꞌi, ebi katemoonoo yexxiyeete.
26Moꞌabee taatoo koyo kupphee hamon beeggiꞌi, goraadoon cuyeti shabaatte balle asheenaꞌon yechiꞌi, Edoomee taatoo beetona kuxi besheya qiiccehe; tunebaani beshoon hakkaanoone. 27Ebiyooba bi xaaꞌooch kereeree taatemmi bi gutenee bushoon daammii, katemee uxeree toommoochaa micciibeeti deejjoo tuniiꞌi deejjiye. Israꞌeeleenaꞌo toommoochoo ooge kaaro waahe. Aroochee qajjii wotteꞌi, boonoshi hajjee showooch hammiyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.