1 Saameeli 5
5
Taabootee Naboona Filsixeemeenaꞌo Toommooch Shaggiti Mooyo
1Filsixeemeenaꞌo Yeerichi taabootoon boonoshi keccitoyee gubb, Ebenezeeree Ashidood shaaggiꞌi daammiyeete. 2Boonoshiyoo Yeerichi taabootoon daammiꞌi, boonoshi nuggishoo Daagoonichi yaafee kexooch geddiyeete; Daagooni gaꞌoochoo kotiiheete. 3Ashidoodi asheenaꞌo dechara maaddoona tiyii ciinniꞌi, Daagooni Doono Yeerichi taabootee aafooch, showooch guufeꞌi beeton beeggiyeete. Aroochee tiijjiꞌi bi xaaꞌooch wochii neechiyeete. 4Bi dechara maaddoona tiyiꞌi ciinniꞌi, Daagooni andoo Doono Yeerichi taabootee aafooch, showooch guufeꞌi beeton beeggiyeete. Bi qelloonaa bi gutte kishoona kuxeꞌi kellee gaakkooch holliichaa, echeto bi duboo baachiye. 5Ebich Daagoonichi qeesheenaꞌonaa bi yaafee kexooch giyii beetinaꞌo bullina hanaach beddaahaa boonoshi besheebeeto, Ashidood beeti Daagooni kechi kellee gaakkoon neexaanoon shaaddeꞌiniye.
6Doono Yeeri Ashidoodi asheenaꞌon naxeꞌi oogichii keqqichiye. Boonoshinaa boonoshi guudoona beeti asheenaꞌonon gaabee biiyoona yexxiye. 7Ashidoodi asheenaꞌo ebin boonoshi beeggiyooba, ishichiyeete: “Israꞌeelee Nuggishoo noonnaa no nuggishoo Daagooninon naxetone. Ebich taabooto no waan beeyaaye” iyeete. 8Ebina Filsixeemee taateenaꞌo bullin boonoshi waan ceeggii ikkooch kiciꞌi, “Israꞌeelee Nuggishoochi taabootoon aabichibona?” iyeete.
Boonoshiyoo “Israꞌeelee Nuggishoochi taabootoon Gaat daambote” iyeete. Ebich Israꞌeelee Nuggishoochi taabootoon Filsixeemeenaꞌochi bare katemoo tuneti Gaat daammiyeete.
9Arooch boonoshi daammitoyee gubb, Doono Yeeri are katemeexi asheenaꞌon naxehe. Boonoshi toommoochoo oogeti keqqoon deebiye. Giisho oogoo getaanoon, are katemeexi asheenaꞌo toommooch gaabee biiyoon deebiꞌi boonoshin yexxiye. 10Ebich Yeerichi taabootoon Filsixeemeenaꞌochi bare katemoo tuneti Eqiroon daachiiheete.
Tunebaani Yeerichi taabooto Eqiroon waammona, are katemeexi asheenaꞌo “Israꞌeelee Nuggishoochi taabootoon no waan boonoshi deebito, noonnaa no asheenaꞌonon wuxii aalliyoyichiye” iꞌi cookiyeete. 11Yeeri boonoshin oogichiꞌi bi naxetoyich, wotta qitoo katemoo bullin woddiiꞌi bi keqqichitoyich, asheenaꞌo Filsixeemee taateenaꞌo bullin ceeggii kiciꞌi ishichiyeete: “Israꞌeelee Nuggishoochi taabootoon daachiibote; noonnaa no asheenaꞌonon bi wuxaachemmoyich, bi xaaꞌooch wottebe” iyeete. 12Qitoochee muriccitinaꞌon gaaboo oogichiꞌi bi qaakkiitoyich, are katemeexi asheenaꞌo cookoo shimaayooch kechiye.
Currently Selected:
1 Saameeli 5: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
1 Saameeli 5
5
Taabootee Naboona Filsixeemeenaꞌo Toommooch Shaggiti Mooyo
1Filsixeemeenaꞌo Yeerichi taabootoon boonoshi keccitoyee gubb, Ebenezeeree Ashidood shaaggiꞌi daammiyeete. 2Boonoshiyoo Yeerichi taabootoon daammiꞌi, boonoshi nuggishoo Daagoonichi yaafee kexooch geddiyeete; Daagooni gaꞌoochoo kotiiheete. 3Ashidoodi asheenaꞌo dechara maaddoona tiyii ciinniꞌi, Daagooni Doono Yeerichi taabootee aafooch, showooch guufeꞌi beeton beeggiyeete. Aroochee tiijjiꞌi bi xaaꞌooch wochii neechiyeete. 4Bi dechara maaddoona tiyiꞌi ciinniꞌi, Daagooni andoo Doono Yeerichi taabootee aafooch, showooch guufeꞌi beeton beeggiyeete. Bi qelloonaa bi gutte kishoona kuxeꞌi kellee gaakkooch holliichaa, echeto bi duboo baachiye. 5Ebich Daagoonichi qeesheenaꞌonaa bi yaafee kexooch giyii beetinaꞌo bullina hanaach beddaahaa boonoshi besheebeeto, Ashidood beeti Daagooni kechi kellee gaakkoon neexaanoon shaaddeꞌiniye.
6Doono Yeeri Ashidoodi asheenaꞌon naxeꞌi oogichii keqqichiye. Boonoshinaa boonoshi guudoona beeti asheenaꞌonon gaabee biiyoona yexxiye. 7Ashidoodi asheenaꞌo ebin boonoshi beeggiyooba, ishichiyeete: “Israꞌeelee Nuggishoo noonnaa no nuggishoo Daagooninon naxetone. Ebich taabooto no waan beeyaaye” iyeete. 8Ebina Filsixeemee taateenaꞌo bullin boonoshi waan ceeggii ikkooch kiciꞌi, “Israꞌeelee Nuggishoochi taabootoon aabichibona?” iyeete.
Boonoshiyoo “Israꞌeelee Nuggishoochi taabootoon Gaat daambote” iyeete. Ebich Israꞌeelee Nuggishoochi taabootoon Filsixeemeenaꞌochi bare katemoo tuneti Gaat daammiyeete.
9Arooch boonoshi daammitoyee gubb, Doono Yeeri are katemeexi asheenaꞌon naxehe. Boonoshi toommoochoo oogeti keqqoon deebiye. Giisho oogoo getaanoon, are katemeexi asheenaꞌo toommooch gaabee biiyoon deebiꞌi boonoshin yexxiye. 10Ebich Yeerichi taabootoon Filsixeemeenaꞌochi bare katemoo tuneti Eqiroon daachiiheete.
Tunebaani Yeerichi taabooto Eqiroon waammona, are katemeexi asheenaꞌo “Israꞌeelee Nuggishoochi taabootoon no waan boonoshi deebito, noonnaa no asheenaꞌonon wuxii aalliyoyichiye” iꞌi cookiyeete. 11Yeeri boonoshin oogichiꞌi bi naxetoyich, wotta qitoo katemoo bullin woddiiꞌi bi keqqichitoyich, asheenaꞌo Filsixeemee taateenaꞌo bullin ceeggii kiciꞌi ishichiyeete: “Israꞌeelee Nuggishoochi taabootoon daachiibote; noonnaa no asheenaꞌonon bi wuxaachemmoyich, bi xaaꞌooch wottebe” iyeete. 12Qitoochee muriccitinaꞌon gaaboo oogichiꞌi bi qaakkiitoyich, are katemeexi asheenaꞌo cookoo shimaayooch kechiye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.