1 Saameeli 29
29
Daawiti Tsiqilaag Wottemmoyich Akiishi Tuniyoo
1Filsixeemeenaꞌo boonoshi ginee naayinaꞌo bullin Afeeq deebii kiciyeete. Israꞌeeleenaꞌo Yezireeli bambooch beeti aachi xuuphee gaꞌooch kaamboon geddiꞌi kotetinaꞌone. 2Uuche Filsixeemee taateenaꞌo boonoshi ginee naayinaꞌon dabbiiꞌi, balloonaa humoonon tuneꞌi boonoshi hammii beetaa, Daawitinaa bi asheenaꞌona Akiishina tookkii tuneꞌi gubb dabbii beeheete. 3Filsixeemee ginee iraasheenaꞌo “Ebi Hibireenaꞌo hiniich amooniye boonoshi hallii beeto?” iꞌi echeheete.
Akiishi boonoshich ishichiye: “Hini Israꞌeelee taatoo Saaꞌoolichi naayo Daawitine. Biyoo taanna tookkii bi tuneto natoyee dambane. Taanna tookkii bi tunetoochee tiijjiꞌi and beddaahaa, amee gondoonona bi toommoochee daneyaano taane” iye.
4Filsixeemee ginee iraasheenaꞌo Akiishin kaareꞌi biich ishichiyeete: “Hini uroon bi kotemmoyich biich ne immeti katemooch bi wottemmoyich tuniibe. Koyoochaa etto tuneree no toommooch bi tiyaachemmoyich, noonna tookki ginooch hamaachemmone. Bi doonona tookki bi shunemmo amoonane? No asheenaꞌo qettoon kuxona toone? 5Boonoshinaa boonoshina caphee duubbiibee,
‘Saaꞌooli humeenaꞌon wuxiye;
Daawiti aashire humeenaꞌon wuxiye’
iꞌi boonoshi shoddeto hini Daawitich toone?” iyeete.#1 Saam. 18:7; 21:11
6Ebich Akiishi Daawitin ceeggiꞌi ishichiye: “Beeyechi Doono Yeeri beege; ne, gibeneeto neene; ta waan ne waatoochee tiijjiꞌi and beddaahaa ne toommoochee ta daneti gondo aalloone. Ebich koyooch taanna tookkaa ne hamon shunnaabeeto taane; tunebaani bare Filsixeemee taateenaꞌo neen gaawe aafoona ciinaaneenaꞌone. 7Ebich illa ne kexooch wottebe; diggoona hambe. Filsixeemee taateenaꞌon ayinikkemmi mooyo amoonolla tuniyaahine” iye.
8Daawiti Akiishich ishichiye: “Amooniye ta gondeto? Hamiree taatoo ta doono ne etteenaꞌona tookki ta koyeyaachemmoyich tuniyemmi, hiniich ta waatoochee tiijjiꞌi hanaach beddaahaa, ne naayo ta toommoochee ne daneti gondo amoone?” iye.
9Akiishiyoo Daawitich wochiꞌi, “Yeerichi maraakoochoommon muricaallo ne tunoon ariibeeto taane. Tunebaani Filsixeemee ginee iraasheenaꞌo ‘Noonna tookki ginooch hamaachemmone’ itinaꞌone. 10Illa ebich Saaꞌoolin qajjiꞌi ta waan waati ittoshi bulli yaach maaddoona tiyiree, hiniichee hambote” iye.
11Ebich Daawitinaa bi asheenaꞌona Filsixeemeenaꞌo showooch wotteya maaddoona tiyii qaxiriyeete. Tunebaani Filsixeemeenaꞌo Yezireel hammiyeete.
Currently Selected:
1 Saameeli 29: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
1 Saameeli 29
29
Daawiti Tsiqilaag Wottemmoyich Akiishi Tuniyoo
1Filsixeemeenaꞌo boonoshi ginee naayinaꞌo bullin Afeeq deebii kiciyeete. Israꞌeeleenaꞌo Yezireeli bambooch beeti aachi xuuphee gaꞌooch kaamboon geddiꞌi kotetinaꞌone. 2Uuche Filsixeemee taateenaꞌo boonoshi ginee naayinaꞌon dabbiiꞌi, balloonaa humoonon tuneꞌi boonoshi hammii beetaa, Daawitinaa bi asheenaꞌona Akiishina tookkii tuneꞌi gubb dabbii beeheete. 3Filsixeemee ginee iraasheenaꞌo “Ebi Hibireenaꞌo hiniich amooniye boonoshi hallii beeto?” iꞌi echeheete.
Akiishi boonoshich ishichiye: “Hini Israꞌeelee taatoo Saaꞌoolichi naayo Daawitine. Biyoo taanna tookkii bi tuneto natoyee dambane. Taanna tookkii bi tunetoochee tiijjiꞌi and beddaahaa, amee gondoonona bi toommoochee daneyaano taane” iye.
4Filsixeemee ginee iraasheenaꞌo Akiishin kaareꞌi biich ishichiyeete: “Hini uroon bi kotemmoyich biich ne immeti katemooch bi wottemmoyich tuniibe. Koyoochaa etto tuneree no toommooch bi tiyaachemmoyich, noonna tookki ginooch hamaachemmone. Bi doonona tookki bi shunemmo amoonane? No asheenaꞌo qettoon kuxona toone? 5Boonoshinaa boonoshina caphee duubbiibee,
‘Saaꞌooli humeenaꞌon wuxiye;
Daawiti aashire humeenaꞌon wuxiye’
iꞌi boonoshi shoddeto hini Daawitich toone?” iyeete.#1 Saam. 18:7; 21:11
6Ebich Akiishi Daawitin ceeggiꞌi ishichiye: “Beeyechi Doono Yeeri beege; ne, gibeneeto neene; ta waan ne waatoochee tiijjiꞌi and beddaahaa ne toommoochee ta daneti gondo aalloone. Ebich koyooch taanna tookkaa ne hamon shunnaabeeto taane; tunebaani bare Filsixeemee taateenaꞌo neen gaawe aafoona ciinaaneenaꞌone. 7Ebich illa ne kexooch wottebe; diggoona hambe. Filsixeemee taateenaꞌon ayinikkemmi mooyo amoonolla tuniyaahine” iye.
8Daawiti Akiishich ishichiye: “Amooniye ta gondeto? Hamiree taatoo ta doono ne etteenaꞌona tookki ta koyeyaachemmoyich tuniyemmi, hiniich ta waatoochee tiijjiꞌi hanaach beddaahaa, ne naayo ta toommoochee ne daneti gondo amoone?” iye.
9Akiishiyoo Daawitich wochiꞌi, “Yeerichi maraakoochoommon muricaallo ne tunoon ariibeeto taane. Tunebaani Filsixeemee ginee iraasheenaꞌo ‘Noonna tookki ginooch hamaachemmone’ itinaꞌone. 10Illa ebich Saaꞌoolin qajjiꞌi ta waan waati ittoshi bulli yaach maaddoona tiyiree, hiniichee hambote” iye.
11Ebich Daawitinaa bi asheenaꞌona Filsixeemeenaꞌo showooch wotteya maaddoona tiyii qaxiriyeete. Tunebaani Filsixeemeenaꞌo Yezireel hammiyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.