1 Saameeli 26
26
Daawiti Guttinnoon Saaꞌoolin Wuxaanoon Qayo
1Ikkikke asheenaꞌo Ziifee Gibaaha, Saaꞌool waan wochinnoon hammiꞌi, “Daawiti Yihudee barahoochaa aabi-keyo waan beeti, Hakili geppooch aasheꞌi beetone” iyeete.
2Ebina Saaꞌooli tiyii, Israꞌeeleenaꞌo daggoochee aricheti keejje hume asheenaꞌon yechiꞌi, Daawitin qaawooch desh Ziifi barahooch hammiye. 3Boonoshiyoo hammiꞌi Yihudee barahoochaa aabi-keyo waan beeti Hakili geppooch, gommi gashooch kaamboon geddiꞌi koteheete. Tunebaani Daawiti andoo are barahoochiye bi beeto. Daawitiyoo Saaꞌooli biin qaawiꞌi are barahooch womon bi ariihooba, 4qiiddechinaꞌon#26:4 Qiiddechinaꞌo, ii beeton ikkikke asheenaꞌo “Maaccechinaꞌo” ii beetinaꞌone. daachiiꞌi, Saaꞌooli womon xiishiye.
5Biyoo aroochee tiyii, Saaꞌooli beeti xaaꞌooch hammiye. Saaꞌoolinaa bi ginee iraashoo, Neeri bushoo Abeneerina qeyiti xaaꞌoon beeggiye. Saaꞌooli bi ginee naayinaꞌo guuddiꞌi tokketeti xaaꞌee gutte daggooch tokketetone.
6Daawitiyoo Hitee asho Ahimeleekinaa Tseruuyichi#26:6 Tseruuyi, Yoꞌaabi, Abishayinaa Asaheelinochi indeene. bushoo, Yoꞌaabichi manoo Abishayinon “Ittoshi daggoochee Saaꞌoolichi kaambooch taanna tookki hammemmo, konine?” iꞌi echehe.
Abishayiyoo “Ta neenna tookki hammemmo taane” iye.
7Ebina Daawitinaa Abishayina xumoona ginee naayinaꞌo beetooch hammiyeete. Boonoshi shaggaahaa, Saaꞌooli asheenaꞌo qeyiibeeti gutte daggooch tokketeꞌi beehe. Bi ginoo bi qoy, showooch hogeeꞌi beehe. Abeneerinaa ginee naayinaꞌona bi guudoona tokketeꞌi beeheete.
8Abishayi Daawitich ishichiye: “Hanaach Yeeri ne ettoon ne kishooch beshiiꞌi immitone. And illa ikke wottoon showoona xaaqqi ginoona koyone. Koshiyoo taach qaawiyaache” iye.
9Tunebaani Daawiti Abishayich ishichiye: “Wuxiyaahine! Doono Yeeri huuttito toommooch gonde mooyon tuniichii, xuꞌaalli xalloo tuno aalloone. 10Doono Yeeri beege! Doono Yeeri biin naxemmone; woyee bi aabo shagaa qitemmone; woyee ginoochaa qitemmone. 11Doono Yeeri huuttito toommooch gonde mooyon tuniyoon Doono Yeeri ta waanee wokkiibe. Ebi bi qoy beeti bi ginoonaa aachi qiicoonon baach ne yeshaa hambone” iye.#1 Saam. 24:6
12Ebina Daawiti Saaꞌoolichi qoy beeti bi ginoonaa aachi qiicoonon daammiye. Boonoshi guttiyoo aroochee hammiyeete. Ebin beeggito woyee ariito woyee tokketoochee tiyito, koniyoona aalloone. Doono Yeer waanee tuneti magge tokketoo boonoshi toommooch bi tunetoyich asheenaꞌo bulli tokketetinaꞌone.
13Aroochee Daawiti beqach besheꞌi geppee cillooch kechii neexehe. Boonoshi gutte daggooch gamini xaaꞌoo beetone. 14Daawiti, ginee naayinaꞌonaa Neeri bushoo Abeneerinon ceeggiꞌi, “Abeneero, waayaa beetine?” iye.
Abeneeriyoo “Ebi taatoochi waamooch cookaa beetocho, koni neene?” iye.
15Daawitiyoo ishichiye: “Ne, kupphe uro toono neene? Israꞌeeleenaꞌo daggooch neenoommi kuppho konine? Ishigaata, taatoo ne doonon gaawichaꞌa quyoon ne qajjeto, amoyichiye? Ikke asho taatoo ne doonon wuxiya ittoshi beetooch giyitone. 16Ebi ne tuniiti mooyo tato toonoone. Doono Yeeri beege! Doono Yeeri huuttiti, ittoshi doonon quyo ittoshi qajjitoyich, qita beddiyote. Eke and taatoochi, qoy beeti ginoonaa aachi qiicoona aabiich bi beeto gaata ciine” iye.
17Saaꞌooliyoo Daawiti qaaro bi tunoon ariiꞌi, “Ta bushoo Daawito, ebi ne qaaroone?” iye.
Daawitiyoo “Taatoo ta doonocho, eeha, ta qaaroone” iye. 18Daakkiinoo ishichiye: “Taatoo bi guuno taan yookkii bi dabbiibeeto amoyichiye? Amooniye ta hallito? Ame gondooniye ta shuuneto? 19Andoo taatoo ta doonocho, ne guuno ta gettaa beeton waayebe. Taanna ne kaaremmoyich tuniito Doono Yeeri bi tunegaata, deejjoon deꞌe. Tunebaani asheenaꞌo tunegaata, Doono Yeerina uppetinaꞌon tunebeete. Taan ‘Hamiree bare nuggisheenaꞌoyich goyinne maddebe’ iꞌi Doono Yeerichi showooch ta beetaachemmoyich hanaach taan yookkitinaꞌone. 20Andoo ikke asho akkoon yecha geppee toommooch qaawoommon, Israꞌeelee taatoo philloommi, hoxeeti taan wuxiyane bi waato; ta damoo Doono Yeeri aafoochee wohiree bare showooch ufaaye” iye.#1 Saam. 24:14
21Saaꞌooliyoo “Gondeto taane. Ta bushoo Daawito, wottebe; hanaach ta kashe ne aafoochaa aaxxe tunaꞌa bekketine. Ebich ebiyee damba ne toommooch gonde mooyon tuniyaachemmo taane. Tuushe ashi shuunoon shuuneto taane. Oogichaꞌa muricceto taane” iye.
22Daawitiyoo wochiꞌi, “Taatoocho, ne gino ebiyoche, ne ashoochee ikkoon ne woche deejjaa, waaree daambe. 23Doono Yeeri asho bi ikkikkoyich bi cadiqittinoommonaa gibeneeto bi tunoommona qoccii beetone. Doono Yeeriyoo hanaach neen ta kishooch beshiiꞌi immitone. Tunebaani ta, Doono Yeeri huuttiti ne toommooch gondoon shuuneyaano taane. 24Ne kashoon aaxxe mooyon tuniyaꞌa hanaach ta wodiyoommon, ebiyoommon ta kasho Doono Yeeri aafoochaa aaxxe mooyon tuneree bekkebe. Biyoo ta iritoo bulliichee taan wodiibe” iye.
25Aroochee Saaꞌooli Daawitin, “Ta bushoo Daawito, Doono Yeeri neen diiribe. Meeti mooyon tuniyemmo neene; neechoo kaamemmone” iye.
Aroochee Daawiti bi gommon hammiye; Saaꞌooliyoo bi kexooch wottehe.
Currently Selected:
1 Saameeli 26: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
1 Saameeli 26
26
Daawiti Guttinnoon Saaꞌoolin Wuxaanoon Qayo
1Ikkikke asheenaꞌo Ziifee Gibaaha, Saaꞌool waan wochinnoon hammiꞌi, “Daawiti Yihudee barahoochaa aabi-keyo waan beeti, Hakili geppooch aasheꞌi beetone” iyeete.
2Ebina Saaꞌooli tiyii, Israꞌeeleenaꞌo daggoochee aricheti keejje hume asheenaꞌon yechiꞌi, Daawitin qaawooch desh Ziifi barahooch hammiye. 3Boonoshiyoo hammiꞌi Yihudee barahoochaa aabi-keyo waan beeti Hakili geppooch, gommi gashooch kaamboon geddiꞌi koteheete. Tunebaani Daawiti andoo are barahoochiye bi beeto. Daawitiyoo Saaꞌooli biin qaawiꞌi are barahooch womon bi ariihooba, 4qiiddechinaꞌon#26:4 Qiiddechinaꞌo, ii beeton ikkikke asheenaꞌo “Maaccechinaꞌo” ii beetinaꞌone. daachiiꞌi, Saaꞌooli womon xiishiye.
5Biyoo aroochee tiyii, Saaꞌooli beeti xaaꞌooch hammiye. Saaꞌoolinaa bi ginee iraashoo, Neeri bushoo Abeneerina qeyiti xaaꞌoon beeggiye. Saaꞌooli bi ginee naayinaꞌo guuddiꞌi tokketeti xaaꞌee gutte daggooch tokketetone.
6Daawitiyoo Hitee asho Ahimeleekinaa Tseruuyichi#26:6 Tseruuyi, Yoꞌaabi, Abishayinaa Asaheelinochi indeene. bushoo, Yoꞌaabichi manoo Abishayinon “Ittoshi daggoochee Saaꞌoolichi kaambooch taanna tookki hammemmo, konine?” iꞌi echehe.
Abishayiyoo “Ta neenna tookki hammemmo taane” iye.
7Ebina Daawitinaa Abishayina xumoona ginee naayinaꞌo beetooch hammiyeete. Boonoshi shaggaahaa, Saaꞌooli asheenaꞌo qeyiibeeti gutte daggooch tokketeꞌi beehe. Bi ginoo bi qoy, showooch hogeeꞌi beehe. Abeneerinaa ginee naayinaꞌona bi guudoona tokketeꞌi beeheete.
8Abishayi Daawitich ishichiye: “Hanaach Yeeri ne ettoon ne kishooch beshiiꞌi immitone. And illa ikke wottoon showoona xaaqqi ginoona koyone. Koshiyoo taach qaawiyaache” iye.
9Tunebaani Daawiti Abishayich ishichiye: “Wuxiyaahine! Doono Yeeri huuttito toommooch gonde mooyon tuniichii, xuꞌaalli xalloo tuno aalloone. 10Doono Yeeri beege! Doono Yeeri biin naxemmone; woyee bi aabo shagaa qitemmone; woyee ginoochaa qitemmone. 11Doono Yeeri huuttito toommooch gonde mooyon tuniyoon Doono Yeeri ta waanee wokkiibe. Ebi bi qoy beeti bi ginoonaa aachi qiicoonon baach ne yeshaa hambone” iye.#1 Saam. 24:6
12Ebina Daawiti Saaꞌoolichi qoy beeti bi ginoonaa aachi qiicoonon daammiye. Boonoshi guttiyoo aroochee hammiyeete. Ebin beeggito woyee ariito woyee tokketoochee tiyito, koniyoona aalloone. Doono Yeer waanee tuneti magge tokketoo boonoshi toommooch bi tunetoyich asheenaꞌo bulli tokketetinaꞌone.
13Aroochee Daawiti beqach besheꞌi geppee cillooch kechii neexehe. Boonoshi gutte daggooch gamini xaaꞌoo beetone. 14Daawiti, ginee naayinaꞌonaa Neeri bushoo Abeneerinon ceeggiꞌi, “Abeneero, waayaa beetine?” iye.
Abeneeriyoo “Ebi taatoochi waamooch cookaa beetocho, koni neene?” iye.
15Daawitiyoo ishichiye: “Ne, kupphe uro toono neene? Israꞌeeleenaꞌo daggooch neenoommi kuppho konine? Ishigaata, taatoo ne doonon gaawichaꞌa quyoon ne qajjeto, amoyichiye? Ikke asho taatoo ne doonon wuxiya ittoshi beetooch giyitone. 16Ebi ne tuniiti mooyo tato toonoone. Doono Yeeri beege! Doono Yeeri huuttiti, ittoshi doonon quyo ittoshi qajjitoyich, qita beddiyote. Eke and taatoochi, qoy beeti ginoonaa aachi qiicoona aabiich bi beeto gaata ciine” iye.
17Saaꞌooliyoo Daawiti qaaro bi tunoon ariiꞌi, “Ta bushoo Daawito, ebi ne qaaroone?” iye.
Daawitiyoo “Taatoo ta doonocho, eeha, ta qaaroone” iye. 18Daakkiinoo ishichiye: “Taatoo bi guuno taan yookkii bi dabbiibeeto amoyichiye? Amooniye ta hallito? Ame gondooniye ta shuuneto? 19Andoo taatoo ta doonocho, ne guuno ta gettaa beeton waayebe. Taanna ne kaaremmoyich tuniito Doono Yeeri bi tunegaata, deejjoon deꞌe. Tunebaani asheenaꞌo tunegaata, Doono Yeerina uppetinaꞌon tunebeete. Taan ‘Hamiree bare nuggisheenaꞌoyich goyinne maddebe’ iꞌi Doono Yeerichi showooch ta beetaachemmoyich hanaach taan yookkitinaꞌone. 20Andoo ikke asho akkoon yecha geppee toommooch qaawoommon, Israꞌeelee taatoo philloommi, hoxeeti taan wuxiyane bi waato; ta damoo Doono Yeeri aafoochee wohiree bare showooch ufaaye” iye.#1 Saam. 24:14
21Saaꞌooliyoo “Gondeto taane. Ta bushoo Daawito, wottebe; hanaach ta kashe ne aafoochaa aaxxe tunaꞌa bekketine. Ebich ebiyee damba ne toommooch gonde mooyon tuniyaachemmo taane. Tuushe ashi shuunoon shuuneto taane. Oogichaꞌa muricceto taane” iye.
22Daawitiyoo wochiꞌi, “Taatoocho, ne gino ebiyoche, ne ashoochee ikkoon ne woche deejjaa, waaree daambe. 23Doono Yeeri asho bi ikkikkoyich bi cadiqittinoommonaa gibeneeto bi tunoommona qoccii beetone. Doono Yeeriyoo hanaach neen ta kishooch beshiiꞌi immitone. Tunebaani ta, Doono Yeeri huuttiti ne toommooch gondoon shuuneyaano taane. 24Ne kashoon aaxxe mooyon tuniyaꞌa hanaach ta wodiyoommon, ebiyoommon ta kasho Doono Yeeri aafoochaa aaxxe mooyon tuneree bekkebe. Biyoo ta iritoo bulliichee taan wodiibe” iye.
25Aroochee Saaꞌooli Daawitin, “Ta bushoo Daawito, Doono Yeeri neen diiribe. Meeti mooyon tuniyemmo neene; neechoo kaamemmone” iye.
Aroochee Daawiti bi gommon hammiye; Saaꞌooliyoo bi kexooch wottehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.