1 Saameeli 19
19
Daawitin Wuxiya Saaꞌooli Qaawoo
1Saaꞌooli Daawitin boonoshi wuxemmoyich, bi bushoo Yonaataaninaa bi naayinaꞌo bullinoyich gettiye. Tunebaani Yonaataani Daawitin oogichiꞌi shunnii beetone. 2Yonaataaniyoo Daawitich ishichiye: “Ta nihoo neen wuxiya qaawii beetone. Ebich yaach maadda diqqiyaahine; ikke qere xaaꞌooch aashe arooch beebe. 3Tawoo hamiree ne aasheti xaaꞌoochaa ta aabbi gaꞌooch neexemmo taane. Ne mooyonoo biinna tookki yibbaatemmo taane. Ta danemmi mooyonoo neech gettemmo taane” iye.
4Yonaataani bi nihoo Saaꞌoolich Daawiti mooyon gaawetona tiijjiꞌi, ishichiye: “Taatoocho, ne guuno Daawiti toommooch gondoon shuuneyaahine; bi, ne toommooch gondoon shuuneyaanoone. Ebiyee bi tuniiti mooyo bulli neech oogeti gaachooniye bi tuneto. 5Daawiti Gooliyaadin bi wuxito, bi kashoon qitooch beshiiꞌi imonane. Doono Yeeriyoo Israꞌeeleenaꞌo worganikkiti wudoon boonoshi danemmoyich tuniihe. Newoo ebin beeggaꞌa emirihine. Ishigaata, ikke naboo aalloon Daawitin wuxoona xalle ashi toommooch gonde mooyon ne shuuneya iyaabeeto, amoyichiye?” iye.
6Saaꞌooliyoo Yonaataani yibbaatoon ellee bi waayetoyee gubb, “Beeyechi Doono Yeeri beege! Daawiti qitaachemmone” iꞌi wogehe.
7Ebina Yonaataani Daawitin ceeggiꞌi bulli mooyon biich gettiye. Aroochee Saaꞌool waan daammiye. Daawitiyoo aafichoommon Saaꞌoolich maddee beehe.
8Wochinnoon gino tiyiye. Daawitiyoo kechiꞌi Filsixeemeenaꞌon kochiye. Boonoshi daggoochee meeti asheenaꞌon wuxii bi ciichitoyich, Filsixeemeenaꞌo bi aafoochee wocee aalleheete.
9Ikke areddoon Saaꞌooli bi ginoon yechiꞌi kexooch kotee bi beetaa, Doono Yeeri deejjiti gonde ayaano bi toommooch kindiye. Daawitiyoo ooge ximboon yexxii kaachii beehe. 10Saaꞌooli Daawitin daabboona tookki xaaqqiya iꞌi, ginoon awurehe. Tunebaani Daawiti ikke badd ikimmona gino daabbooch hogeehe. Daawitiyoo wocciꞌi muricciye.
11Saaꞌooli aroobee xum Daawiti kexon giishi qeyiree bi yaachi maaddoon biin boonoshi wuxemmoyich, asheenaꞌon daachiihe. Tunebaani Daawiti mechee Mikaali Daawitich “Hanaachi xum muriccaa wodoo ne qayigaata, yaach maaddoona qitecho neene” iyan. 12Biyoo Daawiti mallee kelloona bi kindemmoyich tuniihan. Daawitiyoo wocciꞌi muricciye. 13Aroochee Mikaali terafimoon#19:13 Terafimo, ashoon shaahiitaa shuuneeti shahalloone. daammaꞌa bi qeenooch qeejjiyan. Bi qelloochoo emmishee eexon geddahan; tahoonoo tajjiyan.
14Saaꞌooli deejjiti asheenaꞌo Daawitin yecha boonoshi giyimmona, biiyeto bi tunoon boonoshich gettahan.
15Saaꞌooli asheenaꞌo boonoshi aafoona beeggemmoyich wochiꞌi daachiihe. Biyoo “Bi qeenona tookki taach ittoshi deebaa biin wuxibona” iye. 16Boonoshiyoo kexooch giyiꞌi boonoshi beeggimmona, terafimo qeenooch qeyiꞌi beehe. Bi qelloochoo emmishee eexo geddetone.
17Saaꞌooliyoo Mikaalin, “Ebi shaahoon taan dawushaꞌa, ta etto hammemmoyich ne tuniitaa bi muriccito amoyichiye?” iye.
Mikaaliyoo “ ‘Taan ne gaachetaa muricona. Ebin tuniyoo ne qayigaata, neen wuxemmo taane’ iꞌi taan bi miichetenane” iyan.
18Daawiti aroochee bi muriccitoyee gubb, Raama, Saameel waan hammiye. Biyoo Saaꞌooli bi toommooch tuniito bullin Saameelich gettiye. Aroochee biinnaa Saameelina Nayoot hammiꞌi koteheete.
19Asheenaꞌo Saaꞌoolich “Daawiti Raami katemooch beeti Nayoot beetone” iyeete. 20Ebina Saaꞌooli Daawitin yeshi deebemmi asheenaꞌon wochee daachiihe. Tunebaani ikke guuphi keemechinaꞌo, Saameeli boonoshin yaabaa keemoon keemmii boonoshi beetaa beeggiyeete. Yeerichi Ayaano ebi Saaꞌooli wocheti asheenaꞌo toommooch kindaa boonoshiyoo keemoon keemooch giyiyeete.
21Saaꞌooli ishin waayeꞌi, bare asheenaꞌon daachiihe. Boonoshiyoo keemoon keemooch giyiyeete. Biyoo keejjinnoon bare asheenaꞌon daachiihe. Boonoshiyoo wotta keemoon keemooch giyiyeete.
22Ciiroochaa Saaꞌooli bi qelloona Raama hammiꞌi Seeka beeti ikke ooge aachi oppo beetooch shaggiichii, “Saameelinaa Daawitina beeto aabiichiye?” iꞌi echehe.
Ikke uro “Raami katemooch beeti Nayoot beetinaꞌone” iꞌi biich gettiye.
23Ebich Saaꞌooli Raami katemooch beeti Nayoot hammiye. Yeerichi Ayaano wotta bi toommoochoo kindiye. Raama beeti Nayoot bi shaggimmi wottoon keemoon keemmiibee qaxiriye. 24Biyoo wotta bi tahoon shoottiichii, Saameeli aafoochaa keemoon keemmiye. Aroobee areddoo bullinaa xumo bullinon shokkaachoon tuneꞌi qeyii beehe. “Halla Saaꞌooli keemechinaꞌo daggoochee ikkoone?” ii beeti yibbaatoo tiyito, ebinane.#1 Saam. 10:11-12
Currently Selected:
1 Saameeli 19: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
1 Saameeli 19
19
Daawitin Wuxiya Saaꞌooli Qaawoo
1Saaꞌooli Daawitin boonoshi wuxemmoyich, bi bushoo Yonaataaninaa bi naayinaꞌo bullinoyich gettiye. Tunebaani Yonaataani Daawitin oogichiꞌi shunnii beetone. 2Yonaataaniyoo Daawitich ishichiye: “Ta nihoo neen wuxiya qaawii beetone. Ebich yaach maadda diqqiyaahine; ikke qere xaaꞌooch aashe arooch beebe. 3Tawoo hamiree ne aasheti xaaꞌoochaa ta aabbi gaꞌooch neexemmo taane. Ne mooyonoo biinna tookki yibbaatemmo taane. Ta danemmi mooyonoo neech gettemmo taane” iye.
4Yonaataani bi nihoo Saaꞌoolich Daawiti mooyon gaawetona tiijjiꞌi, ishichiye: “Taatoocho, ne guuno Daawiti toommooch gondoon shuuneyaahine; bi, ne toommooch gondoon shuuneyaanoone. Ebiyee bi tuniiti mooyo bulli neech oogeti gaachooniye bi tuneto. 5Daawiti Gooliyaadin bi wuxito, bi kashoon qitooch beshiiꞌi imonane. Doono Yeeriyoo Israꞌeeleenaꞌo worganikkiti wudoon boonoshi danemmoyich tuniihe. Newoo ebin beeggaꞌa emirihine. Ishigaata, ikke naboo aalloon Daawitin wuxoona xalle ashi toommooch gonde mooyon ne shuuneya iyaabeeto, amoyichiye?” iye.
6Saaꞌooliyoo Yonaataani yibbaatoon ellee bi waayetoyee gubb, “Beeyechi Doono Yeeri beege! Daawiti qitaachemmone” iꞌi wogehe.
7Ebina Yonaataani Daawitin ceeggiꞌi bulli mooyon biich gettiye. Aroochee Saaꞌool waan daammiye. Daawitiyoo aafichoommon Saaꞌoolich maddee beehe.
8Wochinnoon gino tiyiye. Daawitiyoo kechiꞌi Filsixeemeenaꞌon kochiye. Boonoshi daggoochee meeti asheenaꞌon wuxii bi ciichitoyich, Filsixeemeenaꞌo bi aafoochee wocee aalleheete.
9Ikke areddoon Saaꞌooli bi ginoon yechiꞌi kexooch kotee bi beetaa, Doono Yeeri deejjiti gonde ayaano bi toommooch kindiye. Daawitiyoo ooge ximboon yexxii kaachii beehe. 10Saaꞌooli Daawitin daabboona tookki xaaqqiya iꞌi, ginoon awurehe. Tunebaani Daawiti ikke badd ikimmona gino daabbooch hogeehe. Daawitiyoo wocciꞌi muricciye.
11Saaꞌooli aroobee xum Daawiti kexon giishi qeyiree bi yaachi maaddoon biin boonoshi wuxemmoyich, asheenaꞌon daachiihe. Tunebaani Daawiti mechee Mikaali Daawitich “Hanaachi xum muriccaa wodoo ne qayigaata, yaach maaddoona qitecho neene” iyan. 12Biyoo Daawiti mallee kelloona bi kindemmoyich tuniihan. Daawitiyoo wocciꞌi muricciye. 13Aroochee Mikaali terafimoon#19:13 Terafimo, ashoon shaahiitaa shuuneeti shahalloone. daammaꞌa bi qeenooch qeejjiyan. Bi qelloochoo emmishee eexon geddahan; tahoonoo tajjiyan.
14Saaꞌooli deejjiti asheenaꞌo Daawitin yecha boonoshi giyimmona, biiyeto bi tunoon boonoshich gettahan.
15Saaꞌooli asheenaꞌo boonoshi aafoona beeggemmoyich wochiꞌi daachiihe. Biyoo “Bi qeenona tookki taach ittoshi deebaa biin wuxibona” iye. 16Boonoshiyoo kexooch giyiꞌi boonoshi beeggimmona, terafimo qeenooch qeyiꞌi beehe. Bi qelloochoo emmishee eexo geddetone.
17Saaꞌooliyoo Mikaalin, “Ebi shaahoon taan dawushaꞌa, ta etto hammemmoyich ne tuniitaa bi muriccito amoyichiye?” iye.
Mikaaliyoo “ ‘Taan ne gaachetaa muricona. Ebin tuniyoo ne qayigaata, neen wuxemmo taane’ iꞌi taan bi miichetenane” iyan.
18Daawiti aroochee bi muriccitoyee gubb, Raama, Saameel waan hammiye. Biyoo Saaꞌooli bi toommooch tuniito bullin Saameelich gettiye. Aroochee biinnaa Saameelina Nayoot hammiꞌi koteheete.
19Asheenaꞌo Saaꞌoolich “Daawiti Raami katemooch beeti Nayoot beetone” iyeete. 20Ebina Saaꞌooli Daawitin yeshi deebemmi asheenaꞌon wochee daachiihe. Tunebaani ikke guuphi keemechinaꞌo, Saameeli boonoshin yaabaa keemoon keemmii boonoshi beetaa beeggiyeete. Yeerichi Ayaano ebi Saaꞌooli wocheti asheenaꞌo toommooch kindaa boonoshiyoo keemoon keemooch giyiyeete.
21Saaꞌooli ishin waayeꞌi, bare asheenaꞌon daachiihe. Boonoshiyoo keemoon keemooch giyiyeete. Biyoo keejjinnoon bare asheenaꞌon daachiihe. Boonoshiyoo wotta keemoon keemooch giyiyeete.
22Ciiroochaa Saaꞌooli bi qelloona Raama hammiꞌi Seeka beeti ikke ooge aachi oppo beetooch shaggiichii, “Saameelinaa Daawitina beeto aabiichiye?” iꞌi echehe.
Ikke uro “Raami katemooch beeti Nayoot beetinaꞌone” iꞌi biich gettiye.
23Ebich Saaꞌooli Raami katemooch beeti Nayoot hammiye. Yeerichi Ayaano wotta bi toommoochoo kindiye. Raama beeti Nayoot bi shaggimmi wottoon keemoon keemmiibee qaxiriye. 24Biyoo wotta bi tahoon shoottiichii, Saameeli aafoochaa keemoon keemmiye. Aroobee areddoo bullinaa xumo bullinon shokkaachoon tuneꞌi qeyii beehe. “Halla Saaꞌooli keemechinaꞌo daggoochee ikkoone?” ii beeti yibbaatoo tiyito, ebinane.#1 Saam. 10:11-12
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.