1 Saameeli 11
11
Saaꞌooli Amoonee Asheenaꞌon Kochii Wochoo
1Ebiyee gubb, Amoonee taatoo Nahaashi Gilaadee showooch beeti Yabeesh hammiꞌi, katemoon giichiye. Yabeeshi asheenaꞌo bulli biich “Noonna tookki wogoon gibe; nowoo neech hajjeyemmo noone” iyeete.
2Tunebaani Amoonee taatoo Nahaashi boonoshich ishichiye: “Ittoshina tookki wogoon ta giyemmo, ebi ikke mooyon deꞌa ittoshi getigaata baachiye. Ebiyoo ittoshi qanne aafoon qoqene kichiree, Israꞌeeleenaꞌo bulli cooneyemmoyich ta tunii gaatane” iye.
3Yabeeshin qeejjiibeeti geeneenaꞌo wochiꞌi, “Israꞌeelee showoo bulliich wocheyechinaꞌon no daachiimmi wottoon, shabaatte qemon nooch imbe; aroyee gubb noon shiwemmo aallegaata, neech no qelloon beshiiree immemmo noone” iyeete.
4Wocheyechinaꞌo Saaꞌooli beeti Gibaaha waaꞌi ebi mooyon asheenaꞌoyich boonoshi gettimmona, asheenaꞌo bulli boonoshi qaaroon waayiiꞌi, oogichii eeppiyeete. 5Areegaata Saaꞌooli bi gatteenaꞌon gasheꞌi goyoochee waa beetone. Biyoo “Asheenaꞌo eefeebeeto, amoyichiye?” iye. Boonoshiyoo Yabeeshi asheenaꞌo gettiti mooyon biich gettiyeete.
6Ebin Saaꞌooli waayemmona, Yeerichi Ayaano giidoona bi toommooch kindiye. Biyoo oogeton ippehe. 7Gutte gattoon daammii, gishiishichii kuxxii, wocheyechinaꞌo kishoona Israꞌeelee showoo bulliich daachiiꞌi, “Saaꞌoolinaa Saameelinon dabbaani asho koniyoona bi gatteenaꞌo toommooch ebiyoommo tunemmone” iye.
Oogeti shato Doono Yeer waanee asheenaꞌo toommooch kindiye. Boonoshi bulli ikke ashoommon tuneꞌi ikkittinoona waaheete. 8Saaꞌooli Bezeeq boonoshin kiciye. Asheenaꞌo haddoo, Israꞌeeleenaꞌoochee keejje balle humoonaa Yihudee asheenaꞌoochee shaashe humoonane.
9Aroochee waati wocheyechinaꞌoyichoo “Gilaadee showooch beeti Yabeeshi asheenaꞌoyich ‘Yaach aabe qeeccahaa, wodoo ittoshich tunemmone’ getote” iyeete. Wocheyechinaꞌo waaꞌi ishin Yabeeshi asheenaꞌoyich gettimmona oogeton emiriyeete. 10Yabeeshi asheenaꞌo Nahaashinaa bi ginee naayinaꞌonoyich “Yaach no qelloon ittoshich beshiiree immemmo noone. Ittoshiyoo ittoshi shunniton no toommooch shuunemmo ittoshine” iyeete.
11Aroobee xum Saaꞌooli bi asheenaꞌon keejj beera qoodiye. Showee harooch Amoonee asheenaꞌo beetooch waaꞌi, aabo qeeccimmi wottoon, boonoshin wuxii aalliiheete. Qitoochee muriccitinaꞌo shacee aalleheete. Boonoshi daggoochee gutteꞌinona ikkooch echeto aalloone.
12Aroochee Israꞌeeleenaꞌo Saameelich “ ‘Saaꞌooli no toommooch taateyaache’ iti asheenaꞌo, aaboshine? Boonoshin no wuxemmoyich nooch deebe” iyeete.
13Tunebaani Saaꞌooli “Hanaachi aabo Doono Yeeri Israꞌeeleenaꞌon bi shiweti aabo bi tunetoyich, hanaach ikke asholla qitaachemmone” iye.
14Aroochee Saameeli asheenaꞌon “Ittoshi waataa Galigala hamiree Saaꞌooli taatoo tunoon manjiibone” iye. 15Asheenaꞌo bulli Galigala hammiyeete. Aroochaa Saaꞌoolichi taatittinoon Doono Yeeri aafoochaa manjiiheete. Aroochaa asheenaꞌo Doono Yeerich ikkittinee deejjoon deejjiyeete. Ebina Saaꞌoolinaa Israꞌeeleenaꞌona oogeti emiree baaroon baariyeete.
Currently Selected:
1 Saameeli 11: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
1 Saameeli 11
11
Saaꞌooli Amoonee Asheenaꞌon Kochii Wochoo
1Ebiyee gubb, Amoonee taatoo Nahaashi Gilaadee showooch beeti Yabeesh hammiꞌi, katemoon giichiye. Yabeeshi asheenaꞌo bulli biich “Noonna tookki wogoon gibe; nowoo neech hajjeyemmo noone” iyeete.
2Tunebaani Amoonee taatoo Nahaashi boonoshich ishichiye: “Ittoshina tookki wogoon ta giyemmo, ebi ikke mooyon deꞌa ittoshi getigaata baachiye. Ebiyoo ittoshi qanne aafoon qoqene kichiree, Israꞌeeleenaꞌo bulli cooneyemmoyich ta tunii gaatane” iye.
3Yabeeshin qeejjiibeeti geeneenaꞌo wochiꞌi, “Israꞌeelee showoo bulliich wocheyechinaꞌon no daachiimmi wottoon, shabaatte qemon nooch imbe; aroyee gubb noon shiwemmo aallegaata, neech no qelloon beshiiree immemmo noone” iyeete.
4Wocheyechinaꞌo Saaꞌooli beeti Gibaaha waaꞌi ebi mooyon asheenaꞌoyich boonoshi gettimmona, asheenaꞌo bulli boonoshi qaaroon waayiiꞌi, oogichii eeppiyeete. 5Areegaata Saaꞌooli bi gatteenaꞌon gasheꞌi goyoochee waa beetone. Biyoo “Asheenaꞌo eefeebeeto, amoyichiye?” iye. Boonoshiyoo Yabeeshi asheenaꞌo gettiti mooyon biich gettiyeete.
6Ebin Saaꞌooli waayemmona, Yeerichi Ayaano giidoona bi toommooch kindiye. Biyoo oogeton ippehe. 7Gutte gattoon daammii, gishiishichii kuxxii, wocheyechinaꞌo kishoona Israꞌeelee showoo bulliich daachiiꞌi, “Saaꞌoolinaa Saameelinon dabbaani asho koniyoona bi gatteenaꞌo toommooch ebiyoommo tunemmone” iye.
Oogeti shato Doono Yeer waanee asheenaꞌo toommooch kindiye. Boonoshi bulli ikke ashoommon tuneꞌi ikkittinoona waaheete. 8Saaꞌooli Bezeeq boonoshin kiciye. Asheenaꞌo haddoo, Israꞌeeleenaꞌoochee keejje balle humoonaa Yihudee asheenaꞌoochee shaashe humoonane.
9Aroochee waati wocheyechinaꞌoyichoo “Gilaadee showooch beeti Yabeeshi asheenaꞌoyich ‘Yaach aabe qeeccahaa, wodoo ittoshich tunemmone’ getote” iyeete. Wocheyechinaꞌo waaꞌi ishin Yabeeshi asheenaꞌoyich gettimmona oogeton emiriyeete. 10Yabeeshi asheenaꞌo Nahaashinaa bi ginee naayinaꞌonoyich “Yaach no qelloon ittoshich beshiiree immemmo noone. Ittoshiyoo ittoshi shunniton no toommooch shuunemmo ittoshine” iyeete.
11Aroobee xum Saaꞌooli bi asheenaꞌon keejj beera qoodiye. Showee harooch Amoonee asheenaꞌo beetooch waaꞌi, aabo qeeccimmi wottoon, boonoshin wuxii aalliiheete. Qitoochee muriccitinaꞌo shacee aalleheete. Boonoshi daggoochee gutteꞌinona ikkooch echeto aalloone.
12Aroochee Israꞌeeleenaꞌo Saameelich “ ‘Saaꞌooli no toommooch taateyaache’ iti asheenaꞌo, aaboshine? Boonoshin no wuxemmoyich nooch deebe” iyeete.
13Tunebaani Saaꞌooli “Hanaachi aabo Doono Yeeri Israꞌeeleenaꞌon bi shiweti aabo bi tunetoyich, hanaach ikke asholla qitaachemmone” iye.
14Aroochee Saameeli asheenaꞌon “Ittoshi waataa Galigala hamiree Saaꞌooli taatoo tunoon manjiibone” iye. 15Asheenaꞌo bulli Galigala hammiyeete. Aroochaa Saaꞌoolichi taatittinoon Doono Yeeri aafoochaa manjiiheete. Aroochaa asheenaꞌo Doono Yeerich ikkittinee deejjoon deejjiyeete. Ebina Saaꞌoolinaa Israꞌeeleenaꞌona oogeti emiree baaroon baariyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.