1 Taateenaꞌo 3
3
Solomooni Doono Yeer Waanee Shalligoon Qollo
(2 Kiinoo 1:3-12)
1Solomooni Gibitsee taatoo Farooni busheen shaaggiꞌi, Faroonina naachehe. Bi kexon, Doono Yeerichi yaafee kexonaa Yerusaalemi guude uxeroonon shuunee bi qanniimmi wottoon, areen deebiꞌi, Daawiti Katemooch kotiihe. 2Ebiyooba kexo Doono Yeerichi shigoyich batt hakkeyaano bi tunetoyich, asheenaꞌo guudi toommeexi goyinnee xaaꞌeenaꞌoochaa deejjoon deejjii beeheete. 3Solomooniyoo Doono Yeerin shunnii beetone. Bi nihoo Daawitichi qociyoona hammii beehe; tunebaani guudi toommeexi goyinnee xaaꞌeenaꞌoochaa deejjoon deejjii, ixaanoon shookkii beehe.
4Bulliyee beshe goyinnee xaaꞌoo beeto, Gibeꞌoon bi tunetoyich, Yeerich deejjoon deejjoyich, taatoo arooch hammiye. Solomooni ebi deejjee gudee toommooch hume micciibeeti deejjoon deejjiye. 5Gibeꞌoonaa Doono Yeeri Solomoonina xumi gumona danehe. Yeeriyoo “Neech ta immemmoyich ne qaawaabeeto amo gaata, taach gete” iye.
6Solomooniyoo ishichiye: “Ne guuno ta nihoo Daawiti, ne aafooch gibeneeto, cadiqoonaa kaame mullechona bi tunetoyich, ooge ne shoodoon bekkiito neene. Ebi ooge ne shoodo bi kuxeyaachemmoyich tuniyaꞌa, bi taatee qeenooch kotemmi bushoon biich hanaach immeto neene.
7“Andoo ta Nuggishoo Doono Yeero, ne guuno ta, ta nihoo Daawitichi xaaꞌooch kereeree ta taatemmoyich tuniito neene. Tunebaani ta batt giisheche bushoo taane; gimo keyon ariyaano taane. 8Ne guuno ta beeto, neech ne kaacceti, bi meetoochee tiyitona haddaa ciyaani, dofee asheenaꞌo daggoochiye. 9Ebich gondoonaa deꞌoonon bariiree, ne asheenaꞌon qeejjoo ta hakkemmoyich, ne guuno taach shalligechi mulloon imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.
10Solomooni ebi mooyon bi echo Doono Yeerin emirikkiye. 11Ebich Yeeri ishichiye: “Ne qellich eeni genjoon, woyee gaannoon, woyee ne etteenaꞌochi aalloon tuneyaanoon, dayinnetoona qeejjoyich shalligoon ne echetoyich, 12ne echetoommon tuniyemmo taane. Ebiyee aaf konichona aalli, wotta ebiyee gubb koniyoona daneyaachemmi ariyoonaa shalligechi mulloonon neech immemmo taane. 13Wotta ne echeyaani gaannoonaa oogoonon neech immemmo taane. Ebich kashoona ne beemmi yemeeno bulliich neenna tatemmi taatoo beetaachemmone. 14Ne nihoo Daawiti tuniitoommon, ta gommona ne hamigaata, ta qociyoonaa ta getoonon ne quyegaata, ne eenon genjiyemmo taane” iye. 15Solomooniyoo tokketoochee tiyiꞌi, Yeeri gumona biich yibbaatoon ariihe.
Aroochee Yerusaalem wotteꞌi hammiye; Doono Yeerichi wogee taabootee aafooch neexeechii micciibeeti deejjoonaa ikkittinee deejjoonon deejjiye; bi iraasheenaꞌo bullichoo gifiroon geddiye.
Solomooni Magge Mooyon Nalloo
16Ikke areddoon yahechi gutte maacheenaꞌo waaꞌi, taatoo Solomooni aafooch neexeheete. 17Boonoshi daggoochee ikkee ishichiyan: “Ta doonocho, hini ureenaa taanna ikke kexoochiye no beeto. Biinna tookkaa kexooch beebee, bushoon shiyoye. 18Ta shiyeti keejjinnee qemooba, ebi ureyoo wotta shiyahane. Biinnaa taanna baachiye kexooch beeto. No guttoyee besh koniyoona are kexooch aalloone.
19“Ebi ureechi bushoo kephaa bi getaa, xumoona qitiye. 20Ne gonnee ta, tokketooch ta beetaa, xumoona ta bushoon ta sheenoochee daammaa bi sheenooch tiqqahan; qititi bi bushoon deebaꞌa ta sheenooch tiqqiihan. 21Ta bushoon xaachoyich yaaꞌoona ta tiyaahaa, ebiyoche, qititone. Tunebaani haree bekkooch ciinnaꞌa, ta shiyeti bushoo tunee bi qayon ariihoye” iyan.
22Tunebaani ohe ure “Ebi toonoone; wodoo taachone; qititone neecho” iyan.
Wondi ureyoo “Toonoone; qitito ne bushoone; wodoo ta bushoone” iyan. Ebiyoommon taatoo aafoochaa hayeheete.
23Aroochee taatoo ishichiye: “Hini, ‘Wodoo ta bushoone; qitito ne bushoone’ iyane. Ohi wotta ‘Toonoone; qitito ne bushoone; wodoo ta bushoone’ iyane” iye.
24Aroochee taatoo “Goraadoon taach deebote” iye. Goraadoon taatoyich deebiyeete. 25“Wode bushoon gutta kappheree, qaton ikkech, wotta qaton bareech imbote” iye.
26Wode bushoochi indee bi bushoyich bi maacee meeno qewetoyich, taatoyich “Ta doonocho, wodoon biich imballi, wuxiyaahine” iyan.
Tunebaani ohi “Qoodeebani, neechoo taachoo tuneyaache” iyan.
27Aroochee taatoo wochiꞌi, “Ebi batti batti ureyich wode bushoon imbotani, wuxiyaahote; bushoochi indee biine” iye.
28Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.
Currently Selected:
1 Taateenaꞌo 3: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
1 Taateenaꞌo 3
3
Solomooni Doono Yeer Waanee Shalligoon Qollo
(2 Kiinoo 1:3-12)
1Solomooni Gibitsee taatoo Farooni busheen shaaggiꞌi, Faroonina naachehe. Bi kexon, Doono Yeerichi yaafee kexonaa Yerusaalemi guude uxeroonon shuunee bi qanniimmi wottoon, areen deebiꞌi, Daawiti Katemooch kotiihe. 2Ebiyooba kexo Doono Yeerichi shigoyich batt hakkeyaano bi tunetoyich, asheenaꞌo guudi toommeexi goyinnee xaaꞌeenaꞌoochaa deejjoon deejjii beeheete. 3Solomooniyoo Doono Yeerin shunnii beetone. Bi nihoo Daawitichi qociyoona hammii beehe; tunebaani guudi toommeexi goyinnee xaaꞌeenaꞌoochaa deejjoon deejjii, ixaanoon shookkii beehe.
4Bulliyee beshe goyinnee xaaꞌoo beeto, Gibeꞌoon bi tunetoyich, Yeerich deejjoon deejjoyich, taatoo arooch hammiye. Solomooni ebi deejjee gudee toommooch hume micciibeeti deejjoon deejjiye. 5Gibeꞌoonaa Doono Yeeri Solomoonina xumi gumona danehe. Yeeriyoo “Neech ta immemmoyich ne qaawaabeeto amo gaata, taach gete” iye.
6Solomooniyoo ishichiye: “Ne guuno ta nihoo Daawiti, ne aafooch gibeneeto, cadiqoonaa kaame mullechona bi tunetoyich, ooge ne shoodoon bekkiito neene. Ebi ooge ne shoodo bi kuxeyaachemmoyich tuniyaꞌa, bi taatee qeenooch kotemmi bushoon biich hanaach immeto neene.
7“Andoo ta Nuggishoo Doono Yeero, ne guuno ta, ta nihoo Daawitichi xaaꞌooch kereeree ta taatemmoyich tuniito neene. Tunebaani ta batt giisheche bushoo taane; gimo keyon ariyaano taane. 8Ne guuno ta beeto, neech ne kaacceti, bi meetoochee tiyitona haddaa ciyaani, dofee asheenaꞌo daggoochiye. 9Ebich gondoonaa deꞌoonon bariiree, ne asheenaꞌon qeejjoo ta hakkemmoyich, ne guuno taach shalligechi mulloon imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.
10Solomooni ebi mooyon bi echo Doono Yeerin emirikkiye. 11Ebich Yeeri ishichiye: “Ne qellich eeni genjoon, woyee gaannoon, woyee ne etteenaꞌochi aalloon tuneyaanoon, dayinnetoona qeejjoyich shalligoon ne echetoyich, 12ne echetoommon tuniyemmo taane. Ebiyee aaf konichona aalli, wotta ebiyee gubb koniyoona daneyaachemmi ariyoonaa shalligechi mulloonon neech immemmo taane. 13Wotta ne echeyaani gaannoonaa oogoonon neech immemmo taane. Ebich kashoona ne beemmi yemeeno bulliich neenna tatemmi taatoo beetaachemmone. 14Ne nihoo Daawiti tuniitoommon, ta gommona ne hamigaata, ta qociyoonaa ta getoonon ne quyegaata, ne eenon genjiyemmo taane” iye. 15Solomooniyoo tokketoochee tiyiꞌi, Yeeri gumona biich yibbaatoon ariihe.
Aroochee Yerusaalem wotteꞌi hammiye; Doono Yeerichi wogee taabootee aafooch neexeechii micciibeeti deejjoonaa ikkittinee deejjoonon deejjiye; bi iraasheenaꞌo bullichoo gifiroon geddiye.
Solomooni Magge Mooyon Nalloo
16Ikke areddoon yahechi gutte maacheenaꞌo waaꞌi, taatoo Solomooni aafooch neexeheete. 17Boonoshi daggoochee ikkee ishichiyan: “Ta doonocho, hini ureenaa taanna ikke kexoochiye no beeto. Biinna tookkaa kexooch beebee, bushoon shiyoye. 18Ta shiyeti keejjinnee qemooba, ebi ureyoo wotta shiyahane. Biinnaa taanna baachiye kexooch beeto. No guttoyee besh koniyoona are kexooch aalloone.
19“Ebi ureechi bushoo kephaa bi getaa, xumoona qitiye. 20Ne gonnee ta, tokketooch ta beetaa, xumoona ta bushoon ta sheenoochee daammaa bi sheenooch tiqqahan; qititi bi bushoon deebaꞌa ta sheenooch tiqqiihan. 21Ta bushoon xaachoyich yaaꞌoona ta tiyaahaa, ebiyoche, qititone. Tunebaani haree bekkooch ciinnaꞌa, ta shiyeti bushoo tunee bi qayon ariihoye” iyan.
22Tunebaani ohe ure “Ebi toonoone; wodoo taachone; qititone neecho” iyan.
Wondi ureyoo “Toonoone; qitito ne bushoone; wodoo ta bushoone” iyan. Ebiyoommon taatoo aafoochaa hayeheete.
23Aroochee taatoo ishichiye: “Hini, ‘Wodoo ta bushoone; qitito ne bushoone’ iyane. Ohi wotta ‘Toonoone; qitito ne bushoone; wodoo ta bushoone’ iyane” iye.
24Aroochee taatoo “Goraadoon taach deebote” iye. Goraadoon taatoyich deebiyeete. 25“Wode bushoon gutta kappheree, qaton ikkech, wotta qaton bareech imbote” iye.
26Wode bushoochi indee bi bushoyich bi maacee meeno qewetoyich, taatoyich “Ta doonocho, wodoon biich imballi, wuxiyaahine” iyan.
Tunebaani ohi “Qoodeebani, neechoo taachoo tuneyaache” iyan.
27Aroochee taatoo wochiꞌi, “Ebi batti batti ureyich wode bushoon imbotani, wuxiyaahote; bushoochi indee biine” iye.
28Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.