1 Taateenaꞌo 10
10
Sheebee Taatee Solomoon Waan Womo
(2 Kiinoo 9:1-12)
1Sheebee taatee Doono Yeeri Solomoonich immiti worganikkiti shalligoon waayaꞌa, turitoona biin phireya waahan. 2Meeti deennechon dabbiyaꞌa, qimaamoon, wodde aachoonaa aaxxe xaqqoonon gaaleenaꞌooch xaaniyaꞌa, Yerusaalem waahan. Solomoon waan giyaꞌa, bi mullooch beeti echo bullin biin echahan. 3Solomooniyoo bi echeto bullin wochiye. Taatoo biishaani turito amolla aalloone. 4Sheebee taatee Solomoonichi ariyoo bullin, bi haggiti taatee kexon, 5bi madooch giddeebeeti maayoon, bi iraasheenaꞌochi kotee xaaꞌoon, bi maddechinaꞌochi shuunee qociyoonaa boonoshi tahoonon, bi xoofechinaꞌonaa Doono Yeerichi yaafee kexooch bi deejjiti, micciibeeti deejjoonon beeggaꞌa, kashkuxoon worganahan.
6Biyoo taatoyich ishichiyan: “Ta showooch beechaa, ne shuuneti shuuneechonaa ne ariyeechonon ta waayeti woroo iberoone. 7Tunebaani waaꞌa ta hajjee aafoona ebi mooyinaꞌon ta beeggemmi wottoon, iberiyaane taane. Iberoochaa qatonolla taach getaaneenaꞌone. Ne ariyoonaa ne gaannoona ta waayetoyee beshoone. 8Ne asheenaꞌo am shaahe ixechinaꞌone! Bulli aaboon ne aafooch neexeꞌi, ariyoona ceenniti ne yibbaatoon waayeebeeti ne maddechinaꞌo am shaahe ixechinaꞌone! 9Neenna emiriꞌi, Israꞌeelee taatee qeenooch neen kotiiti, ne Nuggishoo Doono Yeeri diireebe. Doono Yeeri Israꞌeeleenaꞌon bulli yemeenoon shunniꞌi, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.
10Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi dofee qimaamo aroyee gubb ciroona waataanoone.
11Ofiiree showee aachoon deebiti, Kiraamichi markabeenaꞌo meeti naddee mixonaa aaxxe xaqqoonon wotta deebitinaꞌone. 12Taatoo naddee mixoochee Doono Yeerichi yaafee kexonaa bi taatee kexonochi daabboon, wotta shoddechinaꞌoyich giishi ximboonaa ooge ximboonon shuunehe. Hanaach beddaahaa ebiyoommi naddee mixo ciroona waataanoone; bekkeenoo ariyaanoone.
13Taatoo Solomooni Sheebee taateyich, bi daaggoona bi immitoyee baroo, bi qaawito bullinaa bi waanee bi echeto bullinon immiye. Biyoo wottaꞌa, bi asheenaꞌona tookkaa bi showooch hammahan.
Taatoo Solomoonichi Gaannee Woddo
(2 Kiinoo 9:13-28)
14Solomoonich nati natooch giyiibeeti aachoo, hiyaa keejje hume kiilo giraam bedoone. 15Ebiyoo giixechinaꞌo waanee, gabiyee guudeenaꞌo waanee, Arabee taateenaꞌo bullinaa woraaferasheenaꞌona waanee giyii beeton daakkaanooniye.
16Taatoo Solomooni aachoon qichiiꞌi, gutte balle ogooge gaachoon shuunehe; ikkikke gaachooch giyito, shiritte balle sheqeelee aachoone. 17Ebiyoommon wotta aachoon qichiiꞌi keejje balle gishiishi gaachoon shuunehe; ikkikke gaachooch giyito, gutte kiilo giraam bede aachoone. Taatoo eboshin Libanoosi Shaaroo getteebeeti taatee kexooch kotiihe.
18Aroochee taatoo dangeyi gashoochee ooge taatee qeenon shuuniiꞌi, xalle aachoona dikkiihe. 19Taatee qeenooch kecheebeeti shiritte daqqeenaꞌo beetinaꞌone. Taatee qeeno gubbi bi toommoochaa muumoone; ebi qeechi okkinaa hachinooch kishee degeenaꞌo beetinaꞌone. Ebi degeenaꞌochi gaꞌooch gutte daaheree misilo neexeꞌi beetone. 20Shiritte daqqooch, bi ikkikkoona yoochinaa qanninooch, ikkikke daaheree misilo neexetone. Ebiyoommi taatee qeeno amee taatee showoocholla ciroona shuunee ariyaanoone. 21Taatoo Solomooni uchiibeeti xoofoo bulli shuuneeto, aachoocheeniye. Libanoosi Shaaroo getteebeeti taatee kechi qiico bulli shuuneeto, xalle aachoocheeniye. Solomoonichi taatee yemeenooch birewoo qallayeeto bi tunetoyich, birewoochee shuuneeti qiico ciroona aalloone. 22Taatoyich Kiraamichi markabeenaꞌona tookkii baharee toommona tegiibee Tarisheshee showooch hammiibeeti giixee markabeenaꞌo beetinaꞌone. Ebi markabeenaꞌoo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.
23Taatoo Solomooni showee toommeexi taateenaꞌo bulliyee beshiti gaannechonaa shalligechona tunehe. 24Yeeri biich immiti shalligoon waayoyich, showoo bulliich beeti asheenaꞌo Solomoonina danoyich qaawii beeheete. 25Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.
26Solomooni gaarinaꞌonaa hareshechinaꞌonon kiciye. Ikke humaa awudde balle gaarinaꞌonaa aaraa gutte hume hareshechinaꞌona biich beetinaꞌone. Eboshinoo gaarinaꞌochi katemoonaa bi beeti Yerusaaleminooch boonoshi beeyemmoyich tuniihe.#1 Taat. 4:26 27Taatoo, birewoo xaqqoochoommon Yerusaalem bi woddemmon tuniihe. Yigee mixonoo Shefeeli worebe showooch colleebeeti caaroochoommon bi woddemmoyich tuniihe. 28Solomooniyoo haresheenaꞌo Gibitsee showoonaa Quwee showoonoochee kemetaa boonoshi woyemmoyich tuniihe. Taatoochi giixechinaꞌo haresheenaꞌon Quwee showoochee kemeꞌi deebii beeheete.#Yibba. 17:16 29Ikke gaarich shiritte balle sheqeelee birewoon, ikke hareshoyich balli aache sheqeelee birewoon qocciꞌi Gibitsee deebii beeheete. Ebi taatoochi giixechinaꞌo wochiꞌi Hitee taateenaꞌonaa Sooriyee taateenaꞌonoyich kemmii beeheete.
Currently Selected:
1 Taateenaꞌo 10: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
1 Taateenaꞌo 10
10
Sheebee Taatee Solomoon Waan Womo
(2 Kiinoo 9:1-12)
1Sheebee taatee Doono Yeeri Solomoonich immiti worganikkiti shalligoon waayaꞌa, turitoona biin phireya waahan. 2Meeti deennechon dabbiyaꞌa, qimaamoon, wodde aachoonaa aaxxe xaqqoonon gaaleenaꞌooch xaaniyaꞌa, Yerusaalem waahan. Solomoon waan giyaꞌa, bi mullooch beeti echo bullin biin echahan. 3Solomooniyoo bi echeto bullin wochiye. Taatoo biishaani turito amolla aalloone. 4Sheebee taatee Solomoonichi ariyoo bullin, bi haggiti taatee kexon, 5bi madooch giddeebeeti maayoon, bi iraasheenaꞌochi kotee xaaꞌoon, bi maddechinaꞌochi shuunee qociyoonaa boonoshi tahoonon, bi xoofechinaꞌonaa Doono Yeerichi yaafee kexooch bi deejjiti, micciibeeti deejjoonon beeggaꞌa, kashkuxoon worganahan.
6Biyoo taatoyich ishichiyan: “Ta showooch beechaa, ne shuuneti shuuneechonaa ne ariyeechonon ta waayeti woroo iberoone. 7Tunebaani waaꞌa ta hajjee aafoona ebi mooyinaꞌon ta beeggemmi wottoon, iberiyaane taane. Iberoochaa qatonolla taach getaaneenaꞌone. Ne ariyoonaa ne gaannoona ta waayetoyee beshoone. 8Ne asheenaꞌo am shaahe ixechinaꞌone! Bulli aaboon ne aafooch neexeꞌi, ariyoona ceenniti ne yibbaatoon waayeebeeti ne maddechinaꞌo am shaahe ixechinaꞌone! 9Neenna emiriꞌi, Israꞌeelee taatee qeenooch neen kotiiti, ne Nuggishoo Doono Yeeri diireebe. Doono Yeeri Israꞌeeleenaꞌon bulli yemeenoon shunniꞌi, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.
10Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi dofee qimaamo aroyee gubb ciroona waataanoone.
11Ofiiree showee aachoon deebiti, Kiraamichi markabeenaꞌo meeti naddee mixonaa aaxxe xaqqoonon wotta deebitinaꞌone. 12Taatoo naddee mixoochee Doono Yeerichi yaafee kexonaa bi taatee kexonochi daabboon, wotta shoddechinaꞌoyich giishi ximboonaa ooge ximboonon shuunehe. Hanaach beddaahaa ebiyoommi naddee mixo ciroona waataanoone; bekkeenoo ariyaanoone.
13Taatoo Solomooni Sheebee taateyich, bi daaggoona bi immitoyee baroo, bi qaawito bullinaa bi waanee bi echeto bullinon immiye. Biyoo wottaꞌa, bi asheenaꞌona tookkaa bi showooch hammahan.
Taatoo Solomoonichi Gaannee Woddo
(2 Kiinoo 9:13-28)
14Solomoonich nati natooch giyiibeeti aachoo, hiyaa keejje hume kiilo giraam bedoone. 15Ebiyoo giixechinaꞌo waanee, gabiyee guudeenaꞌo waanee, Arabee taateenaꞌo bullinaa woraaferasheenaꞌona waanee giyii beeton daakkaanooniye.
16Taatoo Solomooni aachoon qichiiꞌi, gutte balle ogooge gaachoon shuunehe; ikkikke gaachooch giyito, shiritte balle sheqeelee aachoone. 17Ebiyoommon wotta aachoon qichiiꞌi keejje balle gishiishi gaachoon shuunehe; ikkikke gaachooch giyito, gutte kiilo giraam bede aachoone. Taatoo eboshin Libanoosi Shaaroo getteebeeti taatee kexooch kotiihe.
18Aroochee taatoo dangeyi gashoochee ooge taatee qeenon shuuniiꞌi, xalle aachoona dikkiihe. 19Taatee qeenooch kecheebeeti shiritte daqqeenaꞌo beetinaꞌone. Taatee qeeno gubbi bi toommoochaa muumoone; ebi qeechi okkinaa hachinooch kishee degeenaꞌo beetinaꞌone. Ebi degeenaꞌochi gaꞌooch gutte daaheree misilo neexeꞌi beetone. 20Shiritte daqqooch, bi ikkikkoona yoochinaa qanninooch, ikkikke daaheree misilo neexetone. Ebiyoommi taatee qeeno amee taatee showoocholla ciroona shuunee ariyaanoone. 21Taatoo Solomooni uchiibeeti xoofoo bulli shuuneeto, aachoocheeniye. Libanoosi Shaaroo getteebeeti taatee kechi qiico bulli shuuneeto, xalle aachoocheeniye. Solomoonichi taatee yemeenooch birewoo qallayeeto bi tunetoyich, birewoochee shuuneeti qiico ciroona aalloone. 22Taatoyich Kiraamichi markabeenaꞌona tookkii baharee toommona tegiibee Tarisheshee showooch hammiibeeti giixee markabeenaꞌo beetinaꞌone. Ebi markabeenaꞌoo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.
23Taatoo Solomooni showee toommeexi taateenaꞌo bulliyee beshiti gaannechonaa shalligechona tunehe. 24Yeeri biich immiti shalligoon waayoyich, showoo bulliich beeti asheenaꞌo Solomoonina danoyich qaawii beeheete. 25Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.
26Solomooni gaarinaꞌonaa hareshechinaꞌonon kiciye. Ikke humaa awudde balle gaarinaꞌonaa aaraa gutte hume hareshechinaꞌona biich beetinaꞌone. Eboshinoo gaarinaꞌochi katemoonaa bi beeti Yerusaaleminooch boonoshi beeyemmoyich tuniihe.#1 Taat. 4:26 27Taatoo, birewoo xaqqoochoommon Yerusaalem bi woddemmon tuniihe. Yigee mixonoo Shefeeli worebe showooch colleebeeti caaroochoommon bi woddemmoyich tuniihe. 28Solomooniyoo haresheenaꞌo Gibitsee showoonaa Quwee showoonoochee kemetaa boonoshi woyemmoyich tuniihe. Taatoochi giixechinaꞌo haresheenaꞌon Quwee showoochee kemeꞌi deebii beeheete.#Yibba. 17:16 29Ikke gaarich shiritte balle sheqeelee birewoon, ikke hareshoyich balli aache sheqeelee birewoon qocciꞌi Gibitsee deebii beeheete. Ebi taatoochi giixechinaꞌo wochiꞌi Hitee taateenaꞌonaa Sooriyee taateenaꞌonoyich kemmii beeheete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.