Kisah Para Rasul 24
24
Si Paulus an dior i Gubernur Feliks
1Lumangkoio lima ngando, mai si imam wangko' Ananias, sé matu'a é tou Yahudi, wo si esa pembéla makangaran Tertulus. Séra im baya sumaru asi gubernur Feliks wo kumua im ipatudu éra a si Paulus. 2Kekawus ako in itu ru'du' i gubernur sé touna en tumowa si Paulus. Wo si Tertulus tumo'tolo matudu si Paulus, icuana, “Tuang gubernur si pasiri-siriin ami. An tutuw si tuang makatimboi ing kakawasaan, eng katouan ami arui, wo ampa'paan ing kapandéian i tuang, en tampa an sangkum ami anio' ka'i maloor. 3Am bisa-wisa niangéan ami, kailekan ami sa pakasa en itu niéma' i tuang. Kami kumua makapulu'sama' a si tuang. 4Taan ra'ica icasalé' ami menia-nia' in témpo i tuang, anaé pangilekenku a si tuang si taupus wosama' linganai toyo' sapa en icua ami anio'.
5Tana'i é tuang, si tou anio' tatap mengaéma' in léwo' wo am bisa-wisa sia mengaéma' ing kalicokoan a sé tou Yahudi am pakasa ing kayo'baan. Sia mamuali kikiiten ing golongan Nasrani. 6Wo ka'i sia mepé' numajis im Balé Le'nas, ampa'paan in ituo tangkaan ami sia wo sidangeno woo ami kiit in ukum Torat. 7Taan si kikiiten é suraro Romawi makangaran Lisias mai mindo sia an uner ami ang karapi ra'ica sumoma. 8Wo iru'du'na sé tou matudu mai a si tuang. Anaé, sa si tuang in esa e meriksa si Paulus, kakailekan oka i tuang pakasa em ipatudu ami ai sia itu wutul.”
9Kekawus i Tertulus kumua in taniitu, énan ka'i é tou Yahudi walina sapaoka en aicuana itu wutul.
Si Paulus méla in owakna an dior i Gubernur Feliks
10Wo si gubernur itu suméin a si Paulus sapaoka sia ro'nao rumoma'. Wo icua i Paulus, “Tuang gubernur, kailekanku, si tuang ta'uno mengaurus im perkara i bangsa anio'. Ampa'paano in itu yaku arui en até méla in owak an dior i tuang. 11Tana'i é tuang. Ra'ica ilumébé asi sangapulu' rua ngando ilumangkoi, yaku imangé maapo' an Yerusalem. Ro'na pamuéien i tuang a sé tou keli andumoro' in itu. 12An tutuwku am Balé Le'nas, am balé-walé paapo'an é agama Yahudi wo an tampa-tampa walina sé ang kota, kailekan é tou sa yaku ra'ica kawisa wo meindo-indoan roma' wo sé tou wo ra'ica mengaéma' ing kalicokoan. 13Patudun éra ka'i andumoro' in sapake' mangé a yaku. En a yower éra a si tuang tarépé' ra'ica wana tuus. 14Taan an dior i tuang, pangakunku sapaoka yaku maapo' a si Amang Kasuruan si paapo'an é apo-apo' ami ang karapi i makiit in sususuien i Yesus Kristus. En sususuien itu pengatuulen éra sususuien imasélé'kow. Percayanku ka'i waya sé aipatic an ukum Torat wo sé ang kitap é nabi. 15Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul. 16Ampa'paano in itu, yaku tatap rumaméji menonou ang karapi in até weresi an dior i Amang Kasuruan wo ka'i an dior é tou.
17 #
Kis. 21:17-28 Ampa'paan piraano ngata'un aku an tampa walina, yaku maréngai an Yerusalem e mai méé roit ipatawang a si bangsaku Yahudi sé menonou ang kalengéian wo ka'i méé raragésan a si Amang Kasuruan am Balé Le'nas. 18Ang karoro'anku maéma' waya in itu am Balé Le'nas wo mai sé piraan tou Yahudi an Asia owo, kekawus ako itu yaku iméma' ing kanaramen meresi in owak. Am bitu ra'ica keli en tou wo yaku ka'i ra'ica iméma' ing kalicokoan. 19En ulitna isérao woo e musti maai wo kumua a si tuang sapa em ipatudu éra a yaku, sa wutul awéan en aitudu éra a yaku. 20Taan intarépé' mandéo sé tou am bia'i eng kumua sapa eng kameséaan kinéréan éra si niéma'ku an tutuw éra sumidang yaku an dior i Mahkamah Agama. 21#Kis. 23:6 Kuma'pa wona' an tutuwku makatulung an dior éra wo icuaku in taangko' sapaoka, ‘Sé tou imatéo touen oka sumawel i Amang Kasuruan,’ akar aku aisaru éra a si tuang.”
22Kekawus i Paulus kumua in taniitu, si gubernur Feliks si makailek wutul in sususuien i Yesus Kristus, en lumando woo im perkara itu. Icuana, “Em perkara miow, puséénku oka sa si Lisias si kikiiten é suraro Romawi icateka'o am bia.” 23Wo iru'du' i gubernur Feliks si perwira é suraro itu itumang si Paulus, taan sia winéan toyo' kaloasan. Taniitu ka'i sé kara-karapina winéan kaloasan e ro'na mesuk isia wo méé ing kaperluanna.
Eng kasairian i Paulus a si Gubernur Feliks wo a si penanaanna
24Mawaya'o pirao ngando si Paulus tinang, wo mai si gubernur Feliks mewali-wali wo si penanaanna makangaran Drusila si tou Yahudi. Wo iru'du' i gubernur itu en tumowa si Paulus wo linganna asi Paulus andumoro' tumambisa wosama' sé tou ro'na maéman a si Yesus Kristus. 25Wo icua i Paulus tumambisa sé tou menonou wutul an dior i Amang Kasuruan, tumambisa eng kumawasa in owak wosama' ra'ica méma' ing kamesé-meséaan wo ka'i andumoro' in endo sé tou akimen i Amang Kasuruan. Kelingana in itu, sia makala'us maindé' wo icuana, “Taniitupé'owo, wo mangéo ko. Kawisa mangé sa awéano témpo loor towanku oka sumawel ko.” 26Ang karoro'an in itu, paara-arapenna si Paulus méé roit ai sia. Ampa'paan in ituo penowa-nowanna si Paulus e memaa-maar wo isia.
27Lumangkoio rua ngata'un, si gubernur Feliks sawelan i Perkius Festus. Taan ampa'paan si gubernur Feliks meindo-indo in até a sé tou Yahudi wo iwayana si Paulus tangen i Perkius am bui.
Currently Selected:
Kisah Para Rasul 24: TNT
Highlight
Copy
Compare
Share
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
Kisah Para Rasul 24
24
Si Paulus an dior i Gubernur Feliks
1Lumangkoio lima ngando, mai si imam wangko' Ananias, sé matu'a é tou Yahudi, wo si esa pembéla makangaran Tertulus. Séra im baya sumaru asi gubernur Feliks wo kumua im ipatudu éra a si Paulus. 2Kekawus ako in itu ru'du' i gubernur sé touna en tumowa si Paulus. Wo si Tertulus tumo'tolo matudu si Paulus, icuana, “Tuang gubernur si pasiri-siriin ami. An tutuw si tuang makatimboi ing kakawasaan, eng katouan ami arui, wo ampa'paan ing kapandéian i tuang, en tampa an sangkum ami anio' ka'i maloor. 3Am bisa-wisa niangéan ami, kailekan ami sa pakasa en itu niéma' i tuang. Kami kumua makapulu'sama' a si tuang. 4Taan ra'ica icasalé' ami menia-nia' in témpo i tuang, anaé pangilekenku a si tuang si taupus wosama' linganai toyo' sapa en icua ami anio'.
5Tana'i é tuang, si tou anio' tatap mengaéma' in léwo' wo am bisa-wisa sia mengaéma' ing kalicokoan a sé tou Yahudi am pakasa ing kayo'baan. Sia mamuali kikiiten ing golongan Nasrani. 6Wo ka'i sia mepé' numajis im Balé Le'nas, ampa'paan in ituo tangkaan ami sia wo sidangeno woo ami kiit in ukum Torat. 7Taan si kikiiten é suraro Romawi makangaran Lisias mai mindo sia an uner ami ang karapi ra'ica sumoma. 8Wo iru'du'na sé tou matudu mai a si tuang. Anaé, sa si tuang in esa e meriksa si Paulus, kakailekan oka i tuang pakasa em ipatudu ami ai sia itu wutul.”
9Kekawus i Tertulus kumua in taniitu, énan ka'i é tou Yahudi walina sapaoka en aicuana itu wutul.
Si Paulus méla in owakna an dior i Gubernur Feliks
10Wo si gubernur itu suméin a si Paulus sapaoka sia ro'nao rumoma'. Wo icua i Paulus, “Tuang gubernur, kailekanku, si tuang ta'uno mengaurus im perkara i bangsa anio'. Ampa'paano in itu yaku arui en até méla in owak an dior i tuang. 11Tana'i é tuang. Ra'ica ilumébé asi sangapulu' rua ngando ilumangkoi, yaku imangé maapo' an Yerusalem. Ro'na pamuéien i tuang a sé tou keli andumoro' in itu. 12An tutuwku am Balé Le'nas, am balé-walé paapo'an é agama Yahudi wo an tampa-tampa walina sé ang kota, kailekan é tou sa yaku ra'ica kawisa wo meindo-indoan roma' wo sé tou wo ra'ica mengaéma' ing kalicokoan. 13Patudun éra ka'i andumoro' in sapake' mangé a yaku. En a yower éra a si tuang tarépé' ra'ica wana tuus. 14Taan an dior i tuang, pangakunku sapaoka yaku maapo' a si Amang Kasuruan si paapo'an é apo-apo' ami ang karapi i makiit in sususuien i Yesus Kristus. En sususuien itu pengatuulen éra sususuien imasélé'kow. Percayanku ka'i waya sé aipatic an ukum Torat wo sé ang kitap é nabi. 15Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul. 16Ampa'paano in itu, yaku tatap rumaméji menonou ang karapi in até weresi an dior i Amang Kasuruan wo ka'i an dior é tou.
17 #
Kis. 21:17-28 Ampa'paan piraano ngata'un aku an tampa walina, yaku maréngai an Yerusalem e mai méé roit ipatawang a si bangsaku Yahudi sé menonou ang kalengéian wo ka'i méé raragésan a si Amang Kasuruan am Balé Le'nas. 18Ang karoro'anku maéma' waya in itu am Balé Le'nas wo mai sé piraan tou Yahudi an Asia owo, kekawus ako itu yaku iméma' ing kanaramen meresi in owak. Am bitu ra'ica keli en tou wo yaku ka'i ra'ica iméma' ing kalicokoan. 19En ulitna isérao woo e musti maai wo kumua a si tuang sapa em ipatudu éra a yaku, sa wutul awéan en aitudu éra a yaku. 20Taan intarépé' mandéo sé tou am bia'i eng kumua sapa eng kameséaan kinéréan éra si niéma'ku an tutuw éra sumidang yaku an dior i Mahkamah Agama. 21#Kis. 23:6 Kuma'pa wona' an tutuwku makatulung an dior éra wo icuaku in taangko' sapaoka, ‘Sé tou imatéo touen oka sumawel i Amang Kasuruan,’ akar aku aisaru éra a si tuang.”
22Kekawus i Paulus kumua in taniitu, si gubernur Feliks si makailek wutul in sususuien i Yesus Kristus, en lumando woo im perkara itu. Icuana, “Em perkara miow, puséénku oka sa si Lisias si kikiiten é suraro Romawi icateka'o am bia.” 23Wo iru'du' i gubernur Feliks si perwira é suraro itu itumang si Paulus, taan sia winéan toyo' kaloasan. Taniitu ka'i sé kara-karapina winéan kaloasan e ro'na mesuk isia wo méé ing kaperluanna.
Eng kasairian i Paulus a si Gubernur Feliks wo a si penanaanna
24Mawaya'o pirao ngando si Paulus tinang, wo mai si gubernur Feliks mewali-wali wo si penanaanna makangaran Drusila si tou Yahudi. Wo iru'du' i gubernur itu en tumowa si Paulus wo linganna asi Paulus andumoro' tumambisa wosama' sé tou ro'na maéman a si Yesus Kristus. 25Wo icua i Paulus tumambisa sé tou menonou wutul an dior i Amang Kasuruan, tumambisa eng kumawasa in owak wosama' ra'ica méma' ing kamesé-meséaan wo ka'i andumoro' in endo sé tou akimen i Amang Kasuruan. Kelingana in itu, sia makala'us maindé' wo icuana, “Taniitupé'owo, wo mangéo ko. Kawisa mangé sa awéano témpo loor towanku oka sumawel ko.” 26Ang karoro'an in itu, paara-arapenna si Paulus méé roit ai sia. Ampa'paan in ituo penowa-nowanna si Paulus e memaa-maar wo isia.
27Lumangkoio rua ngata'un, si gubernur Feliks sawelan i Perkius Festus. Taan ampa'paan si gubernur Feliks meindo-indo in até a sé tou Yahudi wo iwayana si Paulus tangen i Perkius am bui.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018