Kisah Para Rasul 18
18
Si Paulus ang Korintus
1Kekawus in itu, si Paulus tumela'u in Atena wo mangé ang Korintus. 2Am bitu sia meta'up wo si esa tou Yahudi, e ngaranna Akwila. Sia tou Pontus. Sia wo si penanaanna Priskila makaaié' an Italia, ampa'paan pinerénta i Kaisar Klaudius pakasa sé tou Yahudi musti kumesot a Roma. Wo si Paulus mangé meta'- up wo si Akwila wo si Priskila, 3wo sia mento' am bitu ang karapi éra, ampa'paan en tawoien éra puté. Si Paulus tumawoi mewali-wali wo iséra maéma' in ténda. 4Susur in endo Sabat, si Paulus memaa-maar a sé tou Yahudi wo sé tou Yunani am balé paapo'an é agama Yahudi. Am bitu, raméjinna séra wosama' maéman a si Yesus.
5An tutuw i Silas wo si Timotius mai a Makedonia owo, endo wo em bengi si Paulus makua in taar i Amang Kasuruan a sé tou Yahudi. Ipakuana sapaoka si Yesus itu Mesias si aijanjio i Amang Kasuruan indior. 6Taan aicélongke' é tou itu em pakua i Paulus wo maroros sia, wo itangkarna en awu ang karaina, wo icuana ai séra, “Kamu in esa e mamuléng in ukuman i Amang Kasuruan, en itu ra'ica kameséaanku! Tumo'tol intarépé', aku mangé a sé bangsa walina e mangé kumua in Abar Kaaruien andumoro' si Yesus Kristus.” 7Kumawus in itu, si Paulus kumesot am balé paapo'an é agama Yahudi. Sia mangé am balé i Titius Yustus, em balé itu mendiitan wo em balé paapo'an é agama Yahudi itu. Si Titius itu ra'ica tou Yahudi taan sia maapo' a si Amang Kasuruan. 8Awéan si capala im balé paapo'an é agama Yahudi ang kota Korintus, makangaran Krispus. Sia wo pakasa sé tou am baléna maémano a si Apo' Yesus. Sé tou walina ang kota Korintus sé lumingao in sususuien i Paulus, imaémano ka'i a si Apo' Yesus wo pakasa séra méé in owak em baptisen.
9Asi sanga wengi, si Paulus pinapaturu'an. Am pinapaturu'an itu, si Casuruan kumua ai sia, “Tioo ko maindé'! Lala'uso eng kumua in taar i Amang Kasuruan ai séra tioo makapeneske'. 10Yaku mewali-wali wo ico, wo ra'ica wana esaan tou e ro'na misu' wo mokoi ico, ampa'paan keli tou ang kota anio' maéman a Yaku.” 11Ampa'paano in itu si Paulus mento' ang Korintus sangata'un enem ngaserap eng kauréna, wo ipasusuina en taar i Amang Kasuruan ai séra.
12Taan an tutuw i Galio mamualio gubernur an Akhaya sé tou Yahudi meesa até en tumangka' si Paulus. Kumawus in itu sia paalin éra am pengadilan. 13Wo icua éra a si gubernur Galio, “Si tou anio' matawér sé tou keli, wosama' maapo' a si Amang Kasuruan ang karapi in lalan si membalinaan wo in ukum Torat.”
14Taan an tutuw i Paulus tumo'tolo woo rumoma', icua i gubernur Galio a sé tou Yahudi itu, “Éi camu, tou-tou Yahudi! Sa tudun iow si tou anio' iméma'o esa kameséaan kuma'pa kaléwo'an, tantu musti urusenku sé ipatudu miow itu. 15Taan sa en itu asaloke' i meindo-indoan roma' andumoro' i nunuwu', i ngara-ngaran, kuma'pa in atoran-atoran an ukum in agama miow, icamuo in esa e murus sia. Ra'ica icasalé'ku mamuali akim am perkara miow.”
16Kekawus in itu, yusér i Galio séra am pengadilan. 17Wo sé tou Yahudi am bitu tumangka' si Sostenes kapala im balé paapo'- an é agama Yahudi, wo tepian éra sia an dior i gubernur. Taan séra ra'ica pandungen i Galio.
Si Paulus maréngai sumawel an Antiokhia
18 #
Bil. 6:18 Si Paulus mento'pé' ka'i piraan ngando ang Korintus. Wo sia mekiupus en tumela'u sé poo-poow maéman am bitu wo suméngkot angé an sangkum in Siria mewali-wali wo si Priskila wo si Akwila. Ra'ipé' mangé am bitu, si Paulus kumunting im buukna akar i mala'ngas ang kota Kengkera. Sia méma' in taniitu e mamuali tuus in janjina indior a si Amang Kasuruan, niéma'nao. 19Kumawus in itu séra suméngkot wo icateka' an Efesus. Am bitu tela'u i Paulus si Priskila wo si Akwila. Wo sia in esa mangé muntep am balé paapo'an é agama Yahudi wo memaa-maar ang karapi éra andumoro' si Yesus. 20Pangileken é tou Yahudi a si Paulus wosama' sia mento' uré ang karapi éra, taan ra'ica niénanna em pinangilek éra itu. 21Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.
22Sia suméngkot wo icateka' ang Kaisarea wo sia tumumpa. Wo sia mangé an Yerusalem meta'up wo sé jamaat wo méé in siri' ai séra. Kumawus in itu, sia mangé an Antiokhia an sangkum in Siria. 23Wo sia mento' am bitu piraan ngando. Wo sia mangé asi esa tampa wo mangé an tampa walina an sangkum ing Galatia wo em Frigia. An tampa-tampa itu, paketerenna en até é tou maéman.
Si Apolos an Efesus wo an Akhaya
24Awéan esa tou Yahudi, makangaran Apolos. Sia tou Aleksandria. Sia icateka'pé' mai an Efesus wo sia pinter keli manuwu' wo makailek keli andumoro' ing Kitap Le'nas. 25Wo ka'i tinerimanao en sususuien andumoro' i Apo' Yesus. Sia incaya' keli masisil andumoro' i Yesus wo pakasa em pasisilna ra'ica wana en suméa'. Mandé ka'i in taniitu, em baptisan kailekanna asaloke' im baptisan i Yohanes Mabaptis. 26Wo ang karapi in da'ica wana kaindé'an tumo'tolo si Apolos masusui am balé paapo'an é agama Yahudi. Kelinga i Priskila wo si Akwila sé ipasusuina wo uwasen éra sia mangé am balé éra. Am bitu icua éra i makakii-kiit ai sia andumoro' im basa i Amang Kasuruan en lumowir sé tou.
27Kekawus in itu si Apolos masalé' mangé an Akhaya. Anaé, sé tou maéman an Efesus kumirim surat a sé tou maéman an Akhaya wosama' ro'na sumungkul sia. Wo an tutuw i Apolos icateka' an Akhaya, sia wutu-wutul tumawang sé tou maéman ampa'paan in upus tatambér i Amang Kasuruan. 28Ang karapi in da'ica wana kaindé'an pengabantanna sé tou Yahudi an dior é tou keli. Wo ipaturu'na sé ang Kitap Le'nas e méé tuus sapaoka si Yesus ituo si Mesias.
Currently Selected:
Kisah Para Rasul 18: TNT
Highlight
Copy
Compare
Share
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
Kisah Para Rasul 18
18
Si Paulus ang Korintus
1Kekawus in itu, si Paulus tumela'u in Atena wo mangé ang Korintus. 2Am bitu sia meta'up wo si esa tou Yahudi, e ngaranna Akwila. Sia tou Pontus. Sia wo si penanaanna Priskila makaaié' an Italia, ampa'paan pinerénta i Kaisar Klaudius pakasa sé tou Yahudi musti kumesot a Roma. Wo si Paulus mangé meta'- up wo si Akwila wo si Priskila, 3wo sia mento' am bitu ang karapi éra, ampa'paan en tawoien éra puté. Si Paulus tumawoi mewali-wali wo iséra maéma' in ténda. 4Susur in endo Sabat, si Paulus memaa-maar a sé tou Yahudi wo sé tou Yunani am balé paapo'an é agama Yahudi. Am bitu, raméjinna séra wosama' maéman a si Yesus.
5An tutuw i Silas wo si Timotius mai a Makedonia owo, endo wo em bengi si Paulus makua in taar i Amang Kasuruan a sé tou Yahudi. Ipakuana sapaoka si Yesus itu Mesias si aijanjio i Amang Kasuruan indior. 6Taan aicélongke' é tou itu em pakua i Paulus wo maroros sia, wo itangkarna en awu ang karaina, wo icuana ai séra, “Kamu in esa e mamuléng in ukuman i Amang Kasuruan, en itu ra'ica kameséaanku! Tumo'tol intarépé', aku mangé a sé bangsa walina e mangé kumua in Abar Kaaruien andumoro' si Yesus Kristus.” 7Kumawus in itu, si Paulus kumesot am balé paapo'an é agama Yahudi. Sia mangé am balé i Titius Yustus, em balé itu mendiitan wo em balé paapo'an é agama Yahudi itu. Si Titius itu ra'ica tou Yahudi taan sia maapo' a si Amang Kasuruan. 8Awéan si capala im balé paapo'an é agama Yahudi ang kota Korintus, makangaran Krispus. Sia wo pakasa sé tou am baléna maémano a si Apo' Yesus. Sé tou walina ang kota Korintus sé lumingao in sususuien i Paulus, imaémano ka'i a si Apo' Yesus wo pakasa séra méé in owak em baptisen.
9Asi sanga wengi, si Paulus pinapaturu'an. Am pinapaturu'an itu, si Casuruan kumua ai sia, “Tioo ko maindé'! Lala'uso eng kumua in taar i Amang Kasuruan ai séra tioo makapeneske'. 10Yaku mewali-wali wo ico, wo ra'ica wana esaan tou e ro'na misu' wo mokoi ico, ampa'paan keli tou ang kota anio' maéman a Yaku.” 11Ampa'paano in itu si Paulus mento' ang Korintus sangata'un enem ngaserap eng kauréna, wo ipasusuina en taar i Amang Kasuruan ai séra.
12Taan an tutuw i Galio mamualio gubernur an Akhaya sé tou Yahudi meesa até en tumangka' si Paulus. Kumawus in itu sia paalin éra am pengadilan. 13Wo icua éra a si gubernur Galio, “Si tou anio' matawér sé tou keli, wosama' maapo' a si Amang Kasuruan ang karapi in lalan si membalinaan wo in ukum Torat.”
14Taan an tutuw i Paulus tumo'tolo woo rumoma', icua i gubernur Galio a sé tou Yahudi itu, “Éi camu, tou-tou Yahudi! Sa tudun iow si tou anio' iméma'o esa kameséaan kuma'pa kaléwo'an, tantu musti urusenku sé ipatudu miow itu. 15Taan sa en itu asaloke' i meindo-indoan roma' andumoro' i nunuwu', i ngara-ngaran, kuma'pa in atoran-atoran an ukum in agama miow, icamuo in esa e murus sia. Ra'ica icasalé'ku mamuali akim am perkara miow.”
16Kekawus in itu, yusér i Galio séra am pengadilan. 17Wo sé tou Yahudi am bitu tumangka' si Sostenes kapala im balé paapo'- an é agama Yahudi, wo tepian éra sia an dior i gubernur. Taan séra ra'ica pandungen i Galio.
Si Paulus maréngai sumawel an Antiokhia
18 #
Bil. 6:18 Si Paulus mento'pé' ka'i piraan ngando ang Korintus. Wo sia mekiupus en tumela'u sé poo-poow maéman am bitu wo suméngkot angé an sangkum in Siria mewali-wali wo si Priskila wo si Akwila. Ra'ipé' mangé am bitu, si Paulus kumunting im buukna akar i mala'ngas ang kota Kengkera. Sia méma' in taniitu e mamuali tuus in janjina indior a si Amang Kasuruan, niéma'nao. 19Kumawus in itu séra suméngkot wo icateka' an Efesus. Am bitu tela'u i Paulus si Priskila wo si Akwila. Wo sia in esa mangé muntep am balé paapo'an é agama Yahudi wo memaa-maar ang karapi éra andumoro' si Yesus. 20Pangileken é tou Yahudi a si Paulus wosama' sia mento' uré ang karapi éra, taan ra'ica niénanna em pinangilek éra itu. 21Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.
22Sia suméngkot wo icateka' ang Kaisarea wo sia tumumpa. Wo sia mangé an Yerusalem meta'up wo sé jamaat wo méé in siri' ai séra. Kumawus in itu, sia mangé an Antiokhia an sangkum in Siria. 23Wo sia mento' am bitu piraan ngando. Wo sia mangé asi esa tampa wo mangé an tampa walina an sangkum ing Galatia wo em Frigia. An tampa-tampa itu, paketerenna en até é tou maéman.
Si Apolos an Efesus wo an Akhaya
24Awéan esa tou Yahudi, makangaran Apolos. Sia tou Aleksandria. Sia icateka'pé' mai an Efesus wo sia pinter keli manuwu' wo makailek keli andumoro' ing Kitap Le'nas. 25Wo ka'i tinerimanao en sususuien andumoro' i Apo' Yesus. Sia incaya' keli masisil andumoro' i Yesus wo pakasa em pasisilna ra'ica wana en suméa'. Mandé ka'i in taniitu, em baptisan kailekanna asaloke' im baptisan i Yohanes Mabaptis. 26Wo ang karapi in da'ica wana kaindé'an tumo'tolo si Apolos masusui am balé paapo'an é agama Yahudi. Kelinga i Priskila wo si Akwila sé ipasusuina wo uwasen éra sia mangé am balé éra. Am bitu icua éra i makakii-kiit ai sia andumoro' im basa i Amang Kasuruan en lumowir sé tou.
27Kekawus in itu si Apolos masalé' mangé an Akhaya. Anaé, sé tou maéman an Efesus kumirim surat a sé tou maéman an Akhaya wosama' ro'na sumungkul sia. Wo an tutuw i Apolos icateka' an Akhaya, sia wutu-wutul tumawang sé tou maéman ampa'paan in upus tatambér i Amang Kasuruan. 28Ang karapi in da'ica wana kaindé'an pengabantanna sé tou Yahudi an dior é tou keli. Wo ipaturu'na sé ang Kitap Le'nas e méé tuus sapaoka si Yesus ituo si Mesias.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018