1 Tesalonika 3
3
Si Paulus rumu'du' si Timotius mangé an Tesalonika
1 #
Kis. 17:15 Ra'io katangan ami eng kaleloan ami ai camu. Ampa'paan in itu, yaku wo si Silas tumantuo e mento' ang kota Atena, 2wo si Timotius poowta an esa paémanen, yutus ami mangé ai camu. Sia itu kara-karapita matawoi a si Amang Kasuruan e mengakua in Abar Kaaruien andumoro' i Yesus Kristus. Yutus ami si Timotius maangé e méé ing kaketeran an até miow wosama' em paémanen iow a si Yesus makaketer. 3Wo in taniitu, mandé ka'i kamu niokoio, kamu kasake' maéman a si Yesus. Ampa'paan kailekano miow in esa sa sé tou maéman a si Yesus musti meta'up ing kawenduan. 4Indior an tutuwta imewali-walipé', sumangkumo icua ami ai camu sapaoka kita meta'up oka ing kawenduan. Wo intarépé' eng kawenduan itu pinendamtao mewali-wali. 5Ampa'paan in ituo ayutus ami si Timotius ai camu ampa'paan kami ra'io makatang sa ra'io luminga in abar andumoro' icamu. Icasalé'ku makéré abar, sapaoka kamu maémané' a si Yesus kuma'pa ra'io. En icaindé'ku oréoka kamu katawérano i kikiiten é sétang wo ra'io maéman a si Yesus. Sa wutu-wutul mamuali taniitu, ra'- ica wana en torona sé tinawoi ami indior.
Si Timotius iméé abar in andumoro' é jamaat Tesalonika
6 #
Kis. 18:5 Intarépé' si Timotius imaréngo mai ai cami wo icuana ai cami en abar in andumoro' icamu an Tesalonika wo iméma'o icami arui. Aisisilna sapaoka kamu kasake' maéman a si Yesus wo meupu-upusan. Aicuana ka'i sa kamu makata'néi icami, en até miow arui. Wo kamu masalé' meta'up sumawel wo icami, puté ka'i wo icami masalé' meta'up wo icamu. 7Ampa'paan in ituo é poo-poow, mandé kami ang kasusaan wo ang kawenduan, kami ka'i arui ampa'paan palingan ami kamu kasake' maéman a si Yesus. 8Wo intarépé' pendamen ami wutu-wutul menonou awéan en torona, asalo kamu tatap maéman a si Casuruan wo meesa ang karapi-Na.
9Kami wutu-wutul arui ampa'paan kamu kasake' maéman a si Amang Kasuruan. Ampa'paan in ituo kami kumua i makapulu'sama' ai Sia ampa'paan ing kaaruian ami itu. 10Endo wo em bengi kami menomba-nombayang wosama' kami ro'na meta'up sumawel wo icamu. Wo susuian ami oka kamu en lumekep sé ra'ipé' lekep am paémanen iow.
11Kami maarap si Amang Kasuruan Amangta wo si Yesus Kristus si Apo'ta e méé mai lalan wosama' kami ro'na meta'up sumawel wo icamu. 12Pangileken ami wosama' émaan i Casuruan kamu meupu-upusan asi esa wo si esa wo mengawe-ngawes ka'i eng kaupusan iow a sé tou, meputé icami mengaupus ai camu. 13Pangileken ami a si Casuruan eng kumeter in até miow wosama' en até miow ra'ica wana kaséaan wo le'nas an dior i Amang Kasuruan si Amangta, an tutuw i Yesus Apo'ta maai sumawel mewali-wali ang kerapi é tou le'nas-Na.
Currently Selected:
1 Tesalonika 3: TNT
Highlight
Copy
Compare
Share
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
1 Tesalonika 3
3
Si Paulus rumu'du' si Timotius mangé an Tesalonika
1 #
Kis. 17:15 Ra'io katangan ami eng kaleloan ami ai camu. Ampa'paan in itu, yaku wo si Silas tumantuo e mento' ang kota Atena, 2wo si Timotius poowta an esa paémanen, yutus ami mangé ai camu. Sia itu kara-karapita matawoi a si Amang Kasuruan e mengakua in Abar Kaaruien andumoro' i Yesus Kristus. Yutus ami si Timotius maangé e méé ing kaketeran an até miow wosama' em paémanen iow a si Yesus makaketer. 3Wo in taniitu, mandé ka'i kamu niokoio, kamu kasake' maéman a si Yesus. Ampa'paan kailekano miow in esa sa sé tou maéman a si Yesus musti meta'up ing kawenduan. 4Indior an tutuwta imewali-walipé', sumangkumo icua ami ai camu sapaoka kita meta'up oka ing kawenduan. Wo intarépé' eng kawenduan itu pinendamtao mewali-wali. 5Ampa'paan in ituo ayutus ami si Timotius ai camu ampa'paan kami ra'io makatang sa ra'io luminga in abar andumoro' icamu. Icasalé'ku makéré abar, sapaoka kamu maémané' a si Yesus kuma'pa ra'io. En icaindé'ku oréoka kamu katawérano i kikiiten é sétang wo ra'io maéman a si Yesus. Sa wutu-wutul mamuali taniitu, ra'- ica wana en torona sé tinawoi ami indior.
Si Timotius iméé abar in andumoro' é jamaat Tesalonika
6 #
Kis. 18:5 Intarépé' si Timotius imaréngo mai ai cami wo icuana ai cami en abar in andumoro' icamu an Tesalonika wo iméma'o icami arui. Aisisilna sapaoka kamu kasake' maéman a si Yesus wo meupu-upusan. Aicuana ka'i sa kamu makata'néi icami, en até miow arui. Wo kamu masalé' meta'up sumawel wo icami, puté ka'i wo icami masalé' meta'up wo icamu. 7Ampa'paan in ituo é poo-poow, mandé kami ang kasusaan wo ang kawenduan, kami ka'i arui ampa'paan palingan ami kamu kasake' maéman a si Yesus. 8Wo intarépé' pendamen ami wutu-wutul menonou awéan en torona, asalo kamu tatap maéman a si Casuruan wo meesa ang karapi-Na.
9Kami wutu-wutul arui ampa'paan kamu kasake' maéman a si Amang Kasuruan. Ampa'paan in ituo kami kumua i makapulu'sama' ai Sia ampa'paan ing kaaruian ami itu. 10Endo wo em bengi kami menomba-nombayang wosama' kami ro'na meta'up sumawel wo icamu. Wo susuian ami oka kamu en lumekep sé ra'ipé' lekep am paémanen iow.
11Kami maarap si Amang Kasuruan Amangta wo si Yesus Kristus si Apo'ta e méé mai lalan wosama' kami ro'na meta'up sumawel wo icamu. 12Pangileken ami wosama' émaan i Casuruan kamu meupu-upusan asi esa wo si esa wo mengawe-ngawes ka'i eng kaupusan iow a sé tou, meputé icami mengaupus ai camu. 13Pangileken ami a si Casuruan eng kumeter in até miow wosama' en até miow ra'ica wana kaséaan wo le'nas an dior i Amang Kasuruan si Amangta, an tutuw i Yesus Apo'ta maai sumawel mewali-wali ang kerapi é tou le'nas-Na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018