Mbete Rɔmri 15
15
1A wah ké kanlaw wah tul Ŋgermbay lɔkrɔ da, mbɔl na tul wah ɓay so nzuk-kan lawri ké kanlaw woyri lɔkrɔ ya. Náh ƴah ɓay tul wah ya. 2Ké sakra wah a ge ge le ɓá ƴah suki ɓay tul mbaŋ ye ɓay hi̧ sa̧w in Ŋgermbay ɓá hu̧h ɓa mun ké mbew ɓa suki, 3ɓayu ké Ŋgermbay ƴah ɓay tul ye ya kandɔk kú-u vbeh ɓay ɓahna ye lewsa̧ ɓahri, Ŋgerzah, farna ké nzukri far mu ra ku̧ tul bi#15.3 Ɓayay na ɓil Mbete Siŋ (Psaumes) 69.10.. 4Ɓayri kú-u vbeh ɓil mbete Ŋgerzah lewsa̧-aw, ku vbeh ɓa fe firma hi̧ na le, hewna ke sú̧h law ké nah ziŋ ɓil mbete-ay ra ƴo hi̧ na ɓaŋ law kan tul suki ké ƴo geŋ na. 5Ŋgerzah, a ye ké-e ɓa sa̧w hewna ke sa̧w sú̧h law ɓá hi̧ wuri law mbew ké si mbew ke law Mbay Zezu 6ɓo law mbew ke kusol mbew woiri-aw í loŋ keni riŋ Ŋgerzah a ye bah Ŋgermbay Zezu Gaŋ wah.
7Sa̧wu mí í mgba wuri hani ma law kandɔk Ŋgermbay ké mgba wuri ma law ye ɓay riŋ ɗina Ŋgerzah. 8Mi ɓahri se, Ŋgermbay ti̧h ɓa gun-laɓ pihna hi̧ sa̧wnzuk Ŋgerzah a woyri gun Izarayelri ɓay tul ketina Ŋgerzah. Pihna mgbal Ŋgermbay hi̧ wahɓayri ké Ŋgerzah ŋga̧h ziŋ zih woyri laɓ ɔh ke gelu gelu. 9Ɓay tul law in ye, ke ti̧h ɓa gun-laɓ pihna hi̧ sa̧wnzuk a ɓoruri pi mí riŋ Ŋgerzah loŋ keni kandɔk kú-u vbeh lewsa̧ ɓahri, sa̧wu mí a bi Ŋgermbay mi ɓáh ketina wo ké sakra sa̧wnzuk a ɓoruri, mi ɗí siŋ loŋ riŋ wo#15.9 Ɓayay na ɓil Mbete Siŋ (Psaumes) 18.50 ke Mbete 2 Samuel 22.50.. 10Ku vbeh ra ɓáy ɓahri, a woiri sa̧wnzuk a ɓoruri, í zay mun ziŋ gun Izarayelri ké ɓa sa̧wnzuk Ŋgerzah#15.10 Ɓayay na ɓil Mbete Deutéronome 32.43.. 11Ra ɓáy, a woiri sa̧wnzukri riw, í pir wuri a ye Miƴori. A woyri nzukri gbam, í dim wuri ni, riŋ ye loŋ ɗik ɗik#15.11 Ɓayay na ɓil Mbete Siŋ (Psaumes) 117.1.. 12Ezay gun nzak pihna Ŋgerzah a lewsa̧ ɓah ra ɓáy ɓahri se, gun ké mi̧hri Zeseh#15.12 Zeseh ɓa bah Daviɗ mbay a luki. Ké mi̧hri ŋgermbay Daviɗ mí Ŋgermbay Zezu ti̧h ké ri. Í ki̧ Mbete 1 Samuel 16.1-13.ɓay ti̧h ɓa tul. Ke lák mbay tul sa̧wnzuk a ɓoruri, mí ku ɓáŋ law te tul suki ké ur ké ta̧w ye#15.12 Ɓayay na ɓil Mbete Esaïe 11.10.. 13Kandɔkaw mí Ŋgerzah nzuk sa̧w suki-aw ɓá hi̧ law rihna ke ɗeŋ ya̧ mun woiri gbam, a woiri ké law woiri te sa tul ye hi̧ law woiri mbah zɔk gbɔh gbɔh ke suki ké i ƴo geŋu ke huhrumun Tempuki.
14A bi ke mun bi kara mi tu ɓay woiri te-teh, yi̧n biri. Law woiri mbah ke suki, sam fe tunari ɓoɗ ɓoɗ gbam poh wuri ya, i ma-mah ɓay hew haniri. 15-16Bale mi ŋgu̧h lɔkɔkɔ vbeh ɓay a haniri ɓil mbete-ay ɓay law suki ké Ŋgerzah laɓ ziŋ mi ɓa dúm law hi̧ wuri. Mi ti̧h ɓa gun-laɓ pihna Mbay Zezu hi̧ sa̧wnzuk a ɓoruri. Pihna bi-aw ɓa pihna nzuk kani. Fe pihna kani bi ɓa ɓaysuki Ŋgerzah ké si tul hul Ŋgermbay hi̧ Ŋgerzah ya̧ keni sa̧wnzuk a ɓoruri ɓa fe puhna ké Tempuki lek mah nun ye. 17Kaŋ mí ké mi ƴo ke Mbay Zezu ɓa gun-laɓ pihna ye ra, mi vba̧ haŋ keni ké pol Ŋgerzah. 18-19Mi ŋgu̧h lɔkɔkɔ ɓah ɓay mbew yaŋ, mi ɓah ɓay pihna Ŋgermbay ké-e mbi keni mun bi hi̧ sa̧wnzuk a ɓoruri ɓá lah nzak ye mí-i ŋgu̧h tulu. Ke ƴo laɓ pihna ye ke ɓay pi ke fe laɓna pi ke fe saŋri pi ke huhrumun Tempuki pi. Kandɔkaw ɓaysuki hul Ŋgermbay ra mi ka-kah-u par par ur ke Zurusalem sa̧ ka̧h keni tusiɓa Iliri gbam. 20Wara mí-i taw mun bi si ka-kah ɓaysuki-aw ke gelri ké lah riŋ Ŋgermbay ya ɓáy, ɓay rɔkɔ mí mboh vul bi ké tul diŋ vul ké nzuk a ɓoru ti. 21Mí mi si sina kandɔk kú-u vbeh ɓayu lewsa̧, sa̧wnzuk a a̧yri kú-u sɔk niri nzak pihna ya, ku ɓay ko ni. Sa̧wnzuk a a̧yri ké lah nzak pihna ké si tul ye ya, ɓay lah-u#15.21 Ɓayay na ɓil Mbete Esaïe 52.15.. 22A a̧w mí gboh mi bɔk ŋgi̧-ŋgi̧ ɓay si ta̧w woiri.
23Mí aŋay ba, pihna bi ɔh ké fál kɔrayri da. Laɓ mbihmbam ŋgi̧-ŋgi̧ law bi yih ɓay si ta̧w woiri. 24Mi yih kalna bi ma Espa̧y le, mi kó wuri, mi káɓ ziŋ wuri ndi̧ ɓay hi̧ law bi ɓá voh dara í pih mi ma pol ɓáy. 25-26Mí aŋay ra sa̧wnzuk Ŋgerzah ké tusiɓa Maseduwan ke tusiɓa Akay pih mi ma Zurusalem ke nzak pihna ɓay hi̧ sa̧w nzuk Ŋgerzahri ké ri. 27Ku ƴo ke law rihna pih mi ke fe ziŋna woyri hi̧ mbaŋ woyri ké Zurusalem ké ƴo ɓil koseh ɓayu ké wal fe ziŋna woyri-aw, ku ko ɓa mbɔl ké tul woyri. Ku tu ɓahri se, sa̧w fe samna a suki kú-u ziŋ ke Tempuki ti ké ta̧w gun Izarayelri le, ɓa mbɔl ké tul woyri kú-u puh-u hi̧ Ŋgerzah ɓa law mbew ziŋ niri. 28Kaŋ mí-i ka̧h ke fe hi̧na woyri-ay ɓa suki, mi ɔh nzak pihna bi-ay le, mi tɔ́r si Espa̧y. Sina bi-aw mi kál ké ta̧w woiri. 29Mi tu-tu, mi ká̧h ta̧w woiri. Ka̧hna bi-aw ɓa baw mgbɔkɔ Ŋgermbay mí-i si keni. 30Le mi ƴo goŋ wuri yi̧n biri ke riŋ Gaŋ wah Ŋgermbay Zezu ke law sana Tempuki, í ruh ŋgermu ziŋ mi ké ɓil góŋ Ŋgerzah woiri ɓay tul bi, 31ɓay mí ti̧h ké ndɔk nzuk tul kpuhnari ké tusiɓa Zude ɓa suki pi, ɓay sa̧wnzuk Ŋgerzah ké Zurusalem ɓá ya̧ sona-ay ra ke law rihna pi. 32Dara mí í goŋ Ŋgerzah ɓay seh ké-e poŋ ful hi̧ mi ka̧h ta̧w woiri le, mí ɔk mun bi ndi̧ ké ta̧w woiri ke law rihna. 33Ŋgerzah ƴo ziŋ wuri gbam, a ye nzuk sa̧w ɗeŋ, gelu munu.
Currently Selected:
Mbete Rɔmri 15: SIAFNK
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
Mbete Rɔmri 15
15
1A wah ké kanlaw wah tul Ŋgermbay lɔkrɔ da, mbɔl na tul wah ɓay so nzuk-kan lawri ké kanlaw woyri lɔkrɔ ya. Náh ƴah ɓay tul wah ya. 2Ké sakra wah a ge ge le ɓá ƴah suki ɓay tul mbaŋ ye ɓay hi̧ sa̧w in Ŋgermbay ɓá hu̧h ɓa mun ké mbew ɓa suki, 3ɓayu ké Ŋgermbay ƴah ɓay tul ye ya kandɔk kú-u vbeh ɓay ɓahna ye lewsa̧ ɓahri, Ŋgerzah, farna ké nzukri far mu ra ku̧ tul bi#15.3 Ɓayay na ɓil Mbete Siŋ (Psaumes) 69.10.. 4Ɓayri kú-u vbeh ɓil mbete Ŋgerzah lewsa̧-aw, ku vbeh ɓa fe firma hi̧ na le, hewna ke sú̧h law ké nah ziŋ ɓil mbete-ay ra ƴo hi̧ na ɓaŋ law kan tul suki ké ƴo geŋ na. 5Ŋgerzah, a ye ké-e ɓa sa̧w hewna ke sa̧w sú̧h law ɓá hi̧ wuri law mbew ké si mbew ke law Mbay Zezu 6ɓo law mbew ke kusol mbew woiri-aw í loŋ keni riŋ Ŋgerzah a ye bah Ŋgermbay Zezu Gaŋ wah.
7Sa̧wu mí í mgba wuri hani ma law kandɔk Ŋgermbay ké mgba wuri ma law ye ɓay riŋ ɗina Ŋgerzah. 8Mi ɓahri se, Ŋgermbay ti̧h ɓa gun-laɓ pihna hi̧ sa̧wnzuk Ŋgerzah a woyri gun Izarayelri ɓay tul ketina Ŋgerzah. Pihna mgbal Ŋgermbay hi̧ wahɓayri ké Ŋgerzah ŋga̧h ziŋ zih woyri laɓ ɔh ke gelu gelu. 9Ɓay tul law in ye, ke ti̧h ɓa gun-laɓ pihna hi̧ sa̧wnzuk a ɓoruri pi mí riŋ Ŋgerzah loŋ keni kandɔk kú-u vbeh lewsa̧ ɓahri, sa̧wu mí a bi Ŋgermbay mi ɓáh ketina wo ké sakra sa̧wnzuk a ɓoruri, mi ɗí siŋ loŋ riŋ wo#15.9 Ɓayay na ɓil Mbete Siŋ (Psaumes) 18.50 ke Mbete 2 Samuel 22.50.. 10Ku vbeh ra ɓáy ɓahri, a woiri sa̧wnzuk a ɓoruri, í zay mun ziŋ gun Izarayelri ké ɓa sa̧wnzuk Ŋgerzah#15.10 Ɓayay na ɓil Mbete Deutéronome 32.43.. 11Ra ɓáy, a woiri sa̧wnzukri riw, í pir wuri a ye Miƴori. A woyri nzukri gbam, í dim wuri ni, riŋ ye loŋ ɗik ɗik#15.11 Ɓayay na ɓil Mbete Siŋ (Psaumes) 117.1.. 12Ezay gun nzak pihna Ŋgerzah a lewsa̧ ɓah ra ɓáy ɓahri se, gun ké mi̧hri Zeseh#15.12 Zeseh ɓa bah Daviɗ mbay a luki. Ké mi̧hri ŋgermbay Daviɗ mí Ŋgermbay Zezu ti̧h ké ri. Í ki̧ Mbete 1 Samuel 16.1-13.ɓay ti̧h ɓa tul. Ke lák mbay tul sa̧wnzuk a ɓoruri, mí ku ɓáŋ law te tul suki ké ur ké ta̧w ye#15.12 Ɓayay na ɓil Mbete Esaïe 11.10.. 13Kandɔkaw mí Ŋgerzah nzuk sa̧w suki-aw ɓá hi̧ law rihna ke ɗeŋ ya̧ mun woiri gbam, a woiri ké law woiri te sa tul ye hi̧ law woiri mbah zɔk gbɔh gbɔh ke suki ké i ƴo geŋu ke huhrumun Tempuki.
14A bi ke mun bi kara mi tu ɓay woiri te-teh, yi̧n biri. Law woiri mbah ke suki, sam fe tunari ɓoɗ ɓoɗ gbam poh wuri ya, i ma-mah ɓay hew haniri. 15-16Bale mi ŋgu̧h lɔkɔkɔ vbeh ɓay a haniri ɓil mbete-ay ɓay law suki ké Ŋgerzah laɓ ziŋ mi ɓa dúm law hi̧ wuri. Mi ti̧h ɓa gun-laɓ pihna Mbay Zezu hi̧ sa̧wnzuk a ɓoruri. Pihna bi-aw ɓa pihna nzuk kani. Fe pihna kani bi ɓa ɓaysuki Ŋgerzah ké si tul hul Ŋgermbay hi̧ Ŋgerzah ya̧ keni sa̧wnzuk a ɓoruri ɓa fe puhna ké Tempuki lek mah nun ye. 17Kaŋ mí ké mi ƴo ke Mbay Zezu ɓa gun-laɓ pihna ye ra, mi vba̧ haŋ keni ké pol Ŋgerzah. 18-19Mi ŋgu̧h lɔkɔkɔ ɓah ɓay mbew yaŋ, mi ɓah ɓay pihna Ŋgermbay ké-e mbi keni mun bi hi̧ sa̧wnzuk a ɓoruri ɓá lah nzak ye mí-i ŋgu̧h tulu. Ke ƴo laɓ pihna ye ke ɓay pi ke fe laɓna pi ke fe saŋri pi ke huhrumun Tempuki pi. Kandɔkaw ɓaysuki hul Ŋgermbay ra mi ka-kah-u par par ur ke Zurusalem sa̧ ka̧h keni tusiɓa Iliri gbam. 20Wara mí-i taw mun bi si ka-kah ɓaysuki-aw ke gelri ké lah riŋ Ŋgermbay ya ɓáy, ɓay rɔkɔ mí mboh vul bi ké tul diŋ vul ké nzuk a ɓoru ti. 21Mí mi si sina kandɔk kú-u vbeh ɓayu lewsa̧, sa̧wnzuk a a̧yri kú-u sɔk niri nzak pihna ya, ku ɓay ko ni. Sa̧wnzuk a a̧yri ké lah nzak pihna ké si tul ye ya, ɓay lah-u#15.21 Ɓayay na ɓil Mbete Esaïe 52.15.. 22A a̧w mí gboh mi bɔk ŋgi̧-ŋgi̧ ɓay si ta̧w woiri.
23Mí aŋay ba, pihna bi ɔh ké fál kɔrayri da. Laɓ mbihmbam ŋgi̧-ŋgi̧ law bi yih ɓay si ta̧w woiri. 24Mi yih kalna bi ma Espa̧y le, mi kó wuri, mi káɓ ziŋ wuri ndi̧ ɓay hi̧ law bi ɓá voh dara í pih mi ma pol ɓáy. 25-26Mí aŋay ra sa̧wnzuk Ŋgerzah ké tusiɓa Maseduwan ke tusiɓa Akay pih mi ma Zurusalem ke nzak pihna ɓay hi̧ sa̧w nzuk Ŋgerzahri ké ri. 27Ku ƴo ke law rihna pih mi ke fe ziŋna woyri hi̧ mbaŋ woyri ké Zurusalem ké ƴo ɓil koseh ɓayu ké wal fe ziŋna woyri-aw, ku ko ɓa mbɔl ké tul woyri. Ku tu ɓahri se, sa̧w fe samna a suki kú-u ziŋ ke Tempuki ti ké ta̧w gun Izarayelri le, ɓa mbɔl ké tul woyri kú-u puh-u hi̧ Ŋgerzah ɓa law mbew ziŋ niri. 28Kaŋ mí-i ka̧h ke fe hi̧na woyri-ay ɓa suki, mi ɔh nzak pihna bi-ay le, mi tɔ́r si Espa̧y. Sina bi-aw mi kál ké ta̧w woiri. 29Mi tu-tu, mi ká̧h ta̧w woiri. Ka̧hna bi-aw ɓa baw mgbɔkɔ Ŋgermbay mí-i si keni. 30Le mi ƴo goŋ wuri yi̧n biri ke riŋ Gaŋ wah Ŋgermbay Zezu ke law sana Tempuki, í ruh ŋgermu ziŋ mi ké ɓil góŋ Ŋgerzah woiri ɓay tul bi, 31ɓay mí ti̧h ké ndɔk nzuk tul kpuhnari ké tusiɓa Zude ɓa suki pi, ɓay sa̧wnzuk Ŋgerzah ké Zurusalem ɓá ya̧ sona-ay ra ke law rihna pi. 32Dara mí í goŋ Ŋgerzah ɓay seh ké-e poŋ ful hi̧ mi ka̧h ta̧w woiri le, mí ɔk mun bi ndi̧ ké ta̧w woiri ke law rihna. 33Ŋgerzah ƴo ziŋ wuri gbam, a ye nzuk sa̧w ɗeŋ, gelu munu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.