Mbete Fe laɓna Tempuki 24
24
Pɔl lu lakna ɓay ye hi̧ guvener Filiksi ké Sezareh
1Bol falu laɓ nam ndiɓi bale, Ananiya ŋgernzuk fe puhna Ŋgerzah ke ŋgernzuk puh a haniri, ku ɗer si Sezareh ké gel-kuŋ salɓay Rɔmri. Ku maŋ nzuk-yih tul woyri a hani, riŋ ye ɓa Tertili. Ku si sek Pɔl ké ta̧w guvener. 2-3Ke ɗi Pɔl gi, mí Tertili mbi ɓay goh ni keni kandɔkay : « Guvener Filiksi nzuk a luki, ɓay tumbɔl riŋ ɗina woiri, mí nah kaɓ ɗeŋ ɓa suki, ɓay tumbɔl ru̧na woiri ba, mí i lek keni tusiɓa wah ziɓri ti̧h suk. A wah ké gel-lak mbay woiri gbam, nah ya̧ fe laɓna woiri ke law mbew. Nah pir wuri pir. 4Mí mi mah ŋgi̧ ɓay ké pol woiri ya. Ɓay tumbɔl lawsuki woiri ra, í lah mi ge. 5Gunwo̧ro-ay, ke su ya mbamba. Ke laŋ puh laŋ. Mí ke ƴo gbur ziɓri gbam ké tusiɓari ké Rɔmri lak mbay tul woyri, ke ɓa ŋgernzuk pihna nzukawri-aw ké dih fal nzuk Nasareɗ ra pi, 6dara mí ke yih ɓay ɓeɓ vul kani Ŋgerzah ke fe ra̧m pi#24.6 Í ki̧ Mbete Fe laɓna Tempuki 21.29 ɓay tu ɓay fe ra̧m., mí nah mgba ni. 7#24.7 Nzuk goso fe tuna mbete Ŋgerzahri ɓahri, gel ki̧na-ay ta ɓil mbete Ŋgerzah ya. Í ko ɓil mbete TOB, Annoté, Louis Segonde vbeh gel ki̧na-ay ya pi. 8I vbi ni ɓa teh-u le, i tú ɓayu ke mun woiri gaŋ, ɓayri ké nah ɓah si tul ye ɓa ketina. »
9Mí ziɓri ku̧ fal Tertili ɓahri, ɓayawri gbam ƴo gelu.
10Guvener ndoh ndɔk hi̧ Pɔl hi̧ ni ful ɓah ɓay. Pɔl ɓah ɓay ye ɓahri : « Mi tu-tu, laɓ mbihmbam ŋgi̧-ŋgi̧ mí i ƴo kuŋ salɓay ké tul wah ziɓri. Sa̧wu mí-i ƴo ke law rihna ɓah ɓay bi ké pol woiri. 11Laɓ nam boh falu seɗe guri-ay ké mi hil si Zurusalem ɓay dim Ŋgerzah ké vul kani. I fakla ɓayu le, i tú ɓa ketina. 12Ké ɓil vul kani, ɓil vul misoŋ wah ziɓri mini ɓil ka̧w puh kara nzuk a hani ké ko mi gel-fah ɓay ke nzuk mini gel-fa̧h nzukri ku̧ fal bi ta-a. 13Nzuk mbew ké sakra woyri-ay ké mah sɔk tehɓay gohna gbur nzukri-aw, ta-a.
14Ɓay nzukri ké ko Ŋgermbay Zezu ɓa mahful kú-u ɗi niri ɓa nzuk Nasareɗ ra, ɓayu ɓa ketina. Mi ƴo dim Ŋgerzah wah. Mi lah bolkusol ye ké na ɓil mbete vbehna Moyiz ke ɓil mbete vbehna gun nzak pihna ye a lewsa̧ri gbam. 15Mi ɓaŋ law geŋ nam ké Ŋgerzah ɓay ten nzukri ke puh záh#24.15 Ɓay tu ɓay ti̧hna ten nzukri ke puh záh ké ɓay laɓu le, í ki̧ Mbete Za̧h 3.17; 5.28, Mbete Ten sa̧wɓay 20.12-15.. A woyri, nzuk-goh miri gaŋ kara, ku ɓaŋ law geŋ namu kaŋ pi. Ke tén nzukri ké salɓay hul mgba tul woyri ke puh záh, ke tén nzukri ké ɓay mgba tul woyri ya ke puh záh pi. 16Ɓay law rihna geŋ nam Ŋgerzah ra, mí-i ta mun bi ɗik, ɓay rɔkɔ mí zɔr law Ŋgerzah mini law nzukri. Law bi teh ké pol Ŋgerzah, ké pol nzukri kara pi.
17Bol fal ha̧rma puh a kalari laɓ mbihmbam mah fe, mi el gi Zurusalem. Mi si ke fe hi̧na nzuk-dih fal Ŋgermbayri ké puh a kalari pih ɓay hi̧ nzuk bi ziɓri#24.17 Ɓay tu ɓay fe hi̧na nzuk-dih fal Ŋgermbayri ké puh a kalari pih, í ki̧ Mbete Rɔmri 15.25,26, Mbete 2 Kɔrenteri 8—9 ɓay tu ɓayu.. Mi si ke fe puhna#24.17 Ɓay tu ɓay fe puhna-ay, í ki̧ Mbete Fe laɓna Tempuki 18.18; 21.23-26 ɓay tu ɓayu. ɓay hi̧ Ŋgerzah pi. 18-19Mi lek mun ɓay rih gel ƴona ziɓri ké ɓil ila vul kani ra, ziɓ a haniri ké tusiɓa Azi gi ziŋ mi ké ɓil ila vul kani, daɓa nzukri mbu̧h ziŋ mi ya. Suhɓay kara ta-a pi. Mí sekna ƴo ra ri le, mah ɓay ziɓri ké tusiɓa Azi ra ɓá gi gel-kuŋ salɓayay, kú sek mi. 20Ta-a le, a woyri ŋgernzuk-kuŋ salɓay ziɓri-ay ra, kú sɔk wuri bolkusol fe mí-i ɓeɓ ke seh kú-u mgba mí ƴo gel-kuŋ salɓay woyri-aw. 21Sa ɓa ɓay mbew ké mi ɓah ɓeleŋ ké pol woyri ɓahri, law bi te tul ti̧hna nzukri ke puh záh, mí-i i ƴo gel kuŋ salɓay guri-ay wa. »
22Filiksi tu ɓay nzukri ké ko Ŋgermbay Zezu ɓa mahful tu-tu, mí ke sɔkrɔ ɓay woyri ma nam a ɓoru. Ke ɓahri : « Seh ké Lisiya ŋgernzuk kumandah gi le, mi kúŋ salɓay woiri ɓáy. »
23Ke sɔk kumandah ɓá kɔr Pɔl ɓa suki, kú zɔklɔ ni ya, kú poŋ nzuk-dih fal Ŋgermbayri ɓá so ni pi. 24Laɓ nam ndi̧ bale, Filiksi ke wu̧y ye Dursil ké ɓa ziɓ gi. Ke ɗi Pɔl, mí ku lah ɓay kanlaw tul Ŋgermbay Zezu ké ta̧w ye. 25Pɔl ɓah ɓay ɓa teh-u hi̧ niri. Ke sɔk ɓay fe puhna ké Ŋgerzah puh hi̧ salɓay hul lu ké tul nzukri, ke sɔk ɓay mgbá mun, ke sɔk ɓay kúŋ salɓay a luki ké ƴo gina pi bale, hȩkme laɓ Filiksi. Ke ɓah hi̧ ni ɓahri : « Aŋay le, mah da. Mú si wara. Mi ziŋ sa̧wseh le, mi ɗí mu ɓáy. »
26Ke ker ɓahri, ke zíŋ lari ké ta̧w Pɔl. Sa̧wu mí ke ɗi ni kpatara gi lu mberem ziŋ ni. 27Mbihmbam seɗe kal bale, Poroki Fisti soh gel guvener Filiksi, mí Filiksi yih ɓay hi̧ law ziɓri ɓá rih tul ye ra bale, ke ŋga̧h Pɔl poŋ ni ɓil mgbal dara Fisti mbi pihna ɓáy.
Currently Selected:
Mbete Fe laɓna Tempuki 24: SIAFNK
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
Mbete Fe laɓna Tempuki 24
24
Pɔl lu lakna ɓay ye hi̧ guvener Filiksi ké Sezareh
1Bol falu laɓ nam ndiɓi bale, Ananiya ŋgernzuk fe puhna Ŋgerzah ke ŋgernzuk puh a haniri, ku ɗer si Sezareh ké gel-kuŋ salɓay Rɔmri. Ku maŋ nzuk-yih tul woyri a hani, riŋ ye ɓa Tertili. Ku si sek Pɔl ké ta̧w guvener. 2-3Ke ɗi Pɔl gi, mí Tertili mbi ɓay goh ni keni kandɔkay : « Guvener Filiksi nzuk a luki, ɓay tumbɔl riŋ ɗina woiri, mí nah kaɓ ɗeŋ ɓa suki, ɓay tumbɔl ru̧na woiri ba, mí i lek keni tusiɓa wah ziɓri ti̧h suk. A wah ké gel-lak mbay woiri gbam, nah ya̧ fe laɓna woiri ke law mbew. Nah pir wuri pir. 4Mí mi mah ŋgi̧ ɓay ké pol woiri ya. Ɓay tumbɔl lawsuki woiri ra, í lah mi ge. 5Gunwo̧ro-ay, ke su ya mbamba. Ke laŋ puh laŋ. Mí ke ƴo gbur ziɓri gbam ké tusiɓari ké Rɔmri lak mbay tul woyri, ke ɓa ŋgernzuk pihna nzukawri-aw ké dih fal nzuk Nasareɗ ra pi, 6dara mí ke yih ɓay ɓeɓ vul kani Ŋgerzah ke fe ra̧m pi#24.6 Í ki̧ Mbete Fe laɓna Tempuki 21.29 ɓay tu ɓay fe ra̧m., mí nah mgba ni. 7#24.7 Nzuk goso fe tuna mbete Ŋgerzahri ɓahri, gel ki̧na-ay ta ɓil mbete Ŋgerzah ya. Í ko ɓil mbete TOB, Annoté, Louis Segonde vbeh gel ki̧na-ay ya pi. 8I vbi ni ɓa teh-u le, i tú ɓayu ke mun woiri gaŋ, ɓayri ké nah ɓah si tul ye ɓa ketina. »
9Mí ziɓri ku̧ fal Tertili ɓahri, ɓayawri gbam ƴo gelu.
10Guvener ndoh ndɔk hi̧ Pɔl hi̧ ni ful ɓah ɓay. Pɔl ɓah ɓay ye ɓahri : « Mi tu-tu, laɓ mbihmbam ŋgi̧-ŋgi̧ mí i ƴo kuŋ salɓay ké tul wah ziɓri. Sa̧wu mí-i ƴo ke law rihna ɓah ɓay bi ké pol woiri. 11Laɓ nam boh falu seɗe guri-ay ké mi hil si Zurusalem ɓay dim Ŋgerzah ké vul kani. I fakla ɓayu le, i tú ɓa ketina. 12Ké ɓil vul kani, ɓil vul misoŋ wah ziɓri mini ɓil ka̧w puh kara nzuk a hani ké ko mi gel-fah ɓay ke nzuk mini gel-fa̧h nzukri ku̧ fal bi ta-a. 13Nzuk mbew ké sakra woyri-ay ké mah sɔk tehɓay gohna gbur nzukri-aw, ta-a.
14Ɓay nzukri ké ko Ŋgermbay Zezu ɓa mahful kú-u ɗi niri ɓa nzuk Nasareɗ ra, ɓayu ɓa ketina. Mi ƴo dim Ŋgerzah wah. Mi lah bolkusol ye ké na ɓil mbete vbehna Moyiz ke ɓil mbete vbehna gun nzak pihna ye a lewsa̧ri gbam. 15Mi ɓaŋ law geŋ nam ké Ŋgerzah ɓay ten nzukri ke puh záh#24.15 Ɓay tu ɓay ti̧hna ten nzukri ke puh záh ké ɓay laɓu le, í ki̧ Mbete Za̧h 3.17; 5.28, Mbete Ten sa̧wɓay 20.12-15.. A woyri, nzuk-goh miri gaŋ kara, ku ɓaŋ law geŋ namu kaŋ pi. Ke tén nzukri ké salɓay hul mgba tul woyri ke puh záh, ke tén nzukri ké ɓay mgba tul woyri ya ke puh záh pi. 16Ɓay law rihna geŋ nam Ŋgerzah ra, mí-i ta mun bi ɗik, ɓay rɔkɔ mí zɔr law Ŋgerzah mini law nzukri. Law bi teh ké pol Ŋgerzah, ké pol nzukri kara pi.
17Bol fal ha̧rma puh a kalari laɓ mbihmbam mah fe, mi el gi Zurusalem. Mi si ke fe hi̧na nzuk-dih fal Ŋgermbayri ké puh a kalari pih ɓay hi̧ nzuk bi ziɓri#24.17 Ɓay tu ɓay fe hi̧na nzuk-dih fal Ŋgermbayri ké puh a kalari pih, í ki̧ Mbete Rɔmri 15.25,26, Mbete 2 Kɔrenteri 8—9 ɓay tu ɓayu.. Mi si ke fe puhna#24.17 Ɓay tu ɓay fe puhna-ay, í ki̧ Mbete Fe laɓna Tempuki 18.18; 21.23-26 ɓay tu ɓayu. ɓay hi̧ Ŋgerzah pi. 18-19Mi lek mun ɓay rih gel ƴona ziɓri ké ɓil ila vul kani ra, ziɓ a haniri ké tusiɓa Azi gi ziŋ mi ké ɓil ila vul kani, daɓa nzukri mbu̧h ziŋ mi ya. Suhɓay kara ta-a pi. Mí sekna ƴo ra ri le, mah ɓay ziɓri ké tusiɓa Azi ra ɓá gi gel-kuŋ salɓayay, kú sek mi. 20Ta-a le, a woyri ŋgernzuk-kuŋ salɓay ziɓri-ay ra, kú sɔk wuri bolkusol fe mí-i ɓeɓ ke seh kú-u mgba mí ƴo gel-kuŋ salɓay woyri-aw. 21Sa ɓa ɓay mbew ké mi ɓah ɓeleŋ ké pol woyri ɓahri, law bi te tul ti̧hna nzukri ke puh záh, mí-i i ƴo gel kuŋ salɓay guri-ay wa. »
22Filiksi tu ɓay nzukri ké ko Ŋgermbay Zezu ɓa mahful tu-tu, mí ke sɔkrɔ ɓay woyri ma nam a ɓoru. Ke ɓahri : « Seh ké Lisiya ŋgernzuk kumandah gi le, mi kúŋ salɓay woiri ɓáy. »
23Ke sɔk kumandah ɓá kɔr Pɔl ɓa suki, kú zɔklɔ ni ya, kú poŋ nzuk-dih fal Ŋgermbayri ɓá so ni pi. 24Laɓ nam ndi̧ bale, Filiksi ke wu̧y ye Dursil ké ɓa ziɓ gi. Ke ɗi Pɔl, mí ku lah ɓay kanlaw tul Ŋgermbay Zezu ké ta̧w ye. 25Pɔl ɓah ɓay ɓa teh-u hi̧ niri. Ke sɔk ɓay fe puhna ké Ŋgerzah puh hi̧ salɓay hul lu ké tul nzukri, ke sɔk ɓay mgbá mun, ke sɔk ɓay kúŋ salɓay a luki ké ƴo gina pi bale, hȩkme laɓ Filiksi. Ke ɓah hi̧ ni ɓahri : « Aŋay le, mah da. Mú si wara. Mi ziŋ sa̧wseh le, mi ɗí mu ɓáy. »
26Ke ker ɓahri, ke zíŋ lari ké ta̧w Pɔl. Sa̧wu mí ke ɗi ni kpatara gi lu mberem ziŋ ni. 27Mbihmbam seɗe kal bale, Poroki Fisti soh gel guvener Filiksi, mí Filiksi yih ɓay hi̧ law ziɓri ɓá rih tul ye ra bale, ke ŋga̧h Pɔl poŋ ni ɓil mgbal dara Fisti mbi pihna ɓáy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.