Mbete 1 Tesaloniri 3
3
1Kaŋ mí iklaw mba na, nah ko su-su ɓay kaɓ Aten tul wah seɗe, 2mí nah pih yi̧n wahri Timote ma ta̧w woiri, a ye bɔh pihna Ŋgerzah ɓil ɓaysuki hul Ŋgermbay, ke hí̧ law woiri ké te sa tul Ŋgermbay ɓar sa̧w, ke héw wuri ɓilu pi, 3rɔkɔ law nzuk mbew ɓá tehre ɓil kosehri ké ƴo ri-ay. I tu ɓahri se, koseh na ɓay tul wahri. 4Sew ké nah ƴo ta̧w woiri ra, nah sɔk wuri ɓahri, koseh ɓay ziŋ nari. Mí fe-u laɓ gaŋ ba, kandɔk ké i tu wuri tu-tu. 5Sa̧wu mí a bi kara mi ta̧h vana ik law bi kpu̧y, mí-i pih Timote si láh ɓay kanlaw woiri tul Ŋgermbay. Mi ker ɓahri, ko ya le nzuk-ndoh law nzukri ke ɓay, a ye mbay záh tukala ra ƴo rɔk law woiri dale, ta̧hma wah ɓay na ɓa fe ndikpo. Law bi lu ɗuŋ ɗuŋ ɓayu.
6Mí aŋay Timote el ké ta̧w woiri gi ka̧h ta̧w wah da. Ke sɔk na ɓay suki ké si tul woiri ɓahri, law woiri te sa tul Ŋgermbay pi, law sana woiri ƴo ri pi dara mí kerɓay woiri i ƴo ker si tul wah kpatara. I tasa̧y ko na kandɔk a wah ké na tasa̧y el si ko wuri kaŋ pi. 7Sa̧wu mí yi̧n wahri sam kosehri ɓoɗ ɓoɗ ké ƴo se law toh tul wah kara láh ɓay kanlaw woiri gɔl law wah ɓay fe le, 8i ƴo ɓer gi̧w tul Gaŋ tul feri riw mí law wah el na ɗeŋ ɓayu. 9Nah el ra ke tumbɔl ani ani hi̧ Ŋgerzah ɓay tul woiri kara mah ya, ɓay law wah ké rih keɗ keɗ ɓay tul woiri ké pol Ŋgerzah wah. 10Suŋ ke seh nah ƴo vuh hi̧ ni ɓay ké hi̧ na ful él si ko nun woiri, mí fe ké poh wuri ɓil kanlaw woiri le, náh mbar nzaku. 11A ye bah wah Ŋgerzah ke Gaŋ wah Zezu ɓá ndar ful kparak kparak hi̧ na náh ka̧h ta̧w woiri. 12Gaŋ tul feri riw ɓá hi̧ law sana mbah ɓil law woiri gbɔh gbɔh el seh ma pol pol tul haniri ke tul nzukri gbam eŋ law sana wah ɓay tul woiri kaŋ dale, 13law woiri ɓay ɓar sa̧w ɓa nunu a Ŋgerzah a woiri ké law woiri te-teh ké pol ye dan ɓay, nam ké Gaŋ tul feri riw a ye Zezu gi ke sa̧w nzuk yeri i ƴó dan ɓay ké pol bah wah.
Currently Selected:
Mbete 1 Tesaloniri 3: SIAFNK
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
Mbete 1 Tesaloniri 3
3
1Kaŋ mí iklaw mba na, nah ko su-su ɓay kaɓ Aten tul wah seɗe, 2mí nah pih yi̧n wahri Timote ma ta̧w woiri, a ye bɔh pihna Ŋgerzah ɓil ɓaysuki hul Ŋgermbay, ke hí̧ law woiri ké te sa tul Ŋgermbay ɓar sa̧w, ke héw wuri ɓilu pi, 3rɔkɔ law nzuk mbew ɓá tehre ɓil kosehri ké ƴo ri-ay. I tu ɓahri se, koseh na ɓay tul wahri. 4Sew ké nah ƴo ta̧w woiri ra, nah sɔk wuri ɓahri, koseh ɓay ziŋ nari. Mí fe-u laɓ gaŋ ba, kandɔk ké i tu wuri tu-tu. 5Sa̧wu mí a bi kara mi ta̧h vana ik law bi kpu̧y, mí-i pih Timote si láh ɓay kanlaw woiri tul Ŋgermbay. Mi ker ɓahri, ko ya le nzuk-ndoh law nzukri ke ɓay, a ye mbay záh tukala ra ƴo rɔk law woiri dale, ta̧hma wah ɓay na ɓa fe ndikpo. Law bi lu ɗuŋ ɗuŋ ɓayu.
6Mí aŋay Timote el ké ta̧w woiri gi ka̧h ta̧w wah da. Ke sɔk na ɓay suki ké si tul woiri ɓahri, law woiri te sa tul Ŋgermbay pi, law sana woiri ƴo ri pi dara mí kerɓay woiri i ƴo ker si tul wah kpatara. I tasa̧y ko na kandɔk a wah ké na tasa̧y el si ko wuri kaŋ pi. 7Sa̧wu mí yi̧n wahri sam kosehri ɓoɗ ɓoɗ ké ƴo se law toh tul wah kara láh ɓay kanlaw woiri gɔl law wah ɓay fe le, 8i ƴo ɓer gi̧w tul Gaŋ tul feri riw mí law wah el na ɗeŋ ɓayu. 9Nah el ra ke tumbɔl ani ani hi̧ Ŋgerzah ɓay tul woiri kara mah ya, ɓay law wah ké rih keɗ keɗ ɓay tul woiri ké pol Ŋgerzah wah. 10Suŋ ke seh nah ƴo vuh hi̧ ni ɓay ké hi̧ na ful él si ko nun woiri, mí fe ké poh wuri ɓil kanlaw woiri le, náh mbar nzaku. 11A ye bah wah Ŋgerzah ke Gaŋ wah Zezu ɓá ndar ful kparak kparak hi̧ na náh ka̧h ta̧w woiri. 12Gaŋ tul feri riw ɓá hi̧ law sana mbah ɓil law woiri gbɔh gbɔh el seh ma pol pol tul haniri ke tul nzukri gbam eŋ law sana wah ɓay tul woiri kaŋ dale, 13law woiri ɓay ɓar sa̧w ɓa nunu a Ŋgerzah a woiri ké law woiri te-teh ké pol ye dan ɓay, nam ké Gaŋ tul feri riw a ye Zezu gi ke sa̧w nzuk yeri i ƴó dan ɓay ké pol bah wah.
© Wycliffe Bible Translators, Inc. All rights reserved.