Mbete 1 Piyer 3
3
1-2Kandɔkaw mí wu̧yri kara ɓá hȩk wah woyri, mí wo̧ronzuk a hani-uri ké kan law tul ɓay Ŋgerzah ya ƴo ri le, siŋ sina woiri wu̧yri mí ɓay hi̧ wah woiri sɔɓ kerɓay woyri. I ɓah ɓay ya kara ku ko siŋ sina woiri a teh-u, ku ko ɗíŋ tul woiri, a a̧w mí ɓay hi̧ wah woiri sɔɓ kerɓay woyri. 3Ndɔhna woiri ɓá na ɓa fe-mbar mun a fál kala ya. Mgbá tul, zaw suk lari lɔr, gar lari ɓá na ɓa fe ndɔhna woiri ya. 4Ndɔhna woiri ɓá ur ke ɓil law ma, kandɔk law ké voh lɔm, law ké garɓay ya, lawu ɓa fe Tempuki, lawu mí na kpatara. A a̧w mí ɓa fe a kpakpaŋu ké ta̧w Ŋgerzah. 5Kaŋ pi mí wu̧y a lewsa̧ri ké ƴo tul ɓay Ŋgerzah, ké law woyri te tul ye, fe-mbar mun woyri ɓa hȩ́k wah woyri. 6Kandɔk Sara wu̧y a lewsa̧, ke hȩk wah ye Abaraham, ke ɗi ni ɓa gaŋ ye. A woiri kara i ɓa mi̧hri ye ɓay fe laɓna a suki dan hȩkme ké nun woiri.
7Kandɔkaw mí wo̧rori kara kaɓna woiri ke wu̧y woiri, í lah hani mah ke tuna Ŋgermbay. I tu wuri ɓahri, ŋgerna wu̧y woiri mah ziŋ wuri ya. Í hȩk niri. A woyri-aw ku ɓa gun-ya̧ fe baah ziŋ wuri, lawsuki ké ɓa ɔkna ƴo ziŋ niri pi. Í laɓ kaŋ ɓay rɔkɔ í gboh Ŋgerzah láh goŋna woiri.
8Ɔh tɔru bale gbam woiri, lekɓay woiri ɓay na ɓa mbew ke law mbew, i ɓay mgba in ziŋ haniri, i ɓay ker seh haniri, i ɓay ɗiŋ tul hi̧ gunri mah ke ŋgereri. 9Mbɔl suya le i ɓay puh ke suya ya, i ɓay el ke fe farna hi̧ nzuk ké far wuri ya, mí i ɓay el ke mgbɔkɔ ɓay fe le, sa̧w ɓay ɗina woiri ɓa baah ké ƴo hi̧ mgbɔkɔ ye ku̧ tul woiri, 10-12ɓayu ké mbete Ŋgerzah sɔk ɓahri :
Nzuk a suŋ suŋ ké yih kaɓ ɓa suki ke law rihna le,
rim ye ɓá lal ke ɓay a suya-u ya,
ké rɔk nzukri ke nzak pa̧na ya,
ké sɔɓ fal hi̧ suya, ké laɓ suki ma.
Ke ŋgerna ye gbam, ké ƴah ɗeŋ
ɓay fe le, nun Gaŋ tul feri riw te sa tul nzuk-ƴo tul ɓay ye.
Suk ye na ŋgah ƴo lah vuhna woyri,
mí nzakpol Gaŋ tul feri riw haw mbiɗ mbiɗ tul nzuk-laɓ suyari # 3.10-12 Ɓayay na ɓil Mbete Siŋ (Psaumes) 34.12-16..
13Ké i ri̧h si̧w ƴo laɓ suki, a ge wara mí mah laɓ wuri suya le wo ? 14Mí koseh ziŋ wuri ɓayu ké i tu Ŋgerzah ɓa záh woiri kara pol tehna ƴo ziŋ wuri. Le hȩkme nzuk-laɓ wuri koseh-aw ɓá se wuri ya, kerɓay woiri ɓá zukru ya. 15Mí law woiri ɓá ƴo mbew yaŋ ke Ŋgermbay Gaŋ tul feri riw#3.15 Ɓayay na ɓil Mbete Esaïe 8.12-13. . Í ƴo tul bɔk woiri ɓay yih nzak nzuk a suŋ suŋ ké vbi wuri ɓay suki ké i ƴo geŋu. 16Wara le ke kusol a voh-u ke hȩkna ke law a teh-u woiri mí í yih nzak woyri. Su̧hru ɓay se nzukri ké mbi riŋ woiri ɗi wuri ɓa nzuk-laɓ sa̧nari, kú-u zɔm siŋ sina woiri a suki ɓil Ŋgermbay.
17Gelke Ŋgerzah ko ra su-su ɓay í ko seh ɓay fe laɓna a suki le, kó seh ɓay fe laɓna a suki su mba kó seh ɓay fe laɓna a suya-u.
18Ɓay fe le a ye Ŋgermbay ké salɓay hul mgba tul ye ya ra,
ke mun ye gaŋ,
ke ko seh hul bɔk mbew ɓay tul nzuk pirmatulri ké salɓay hul mgba tul woyri.
Ke mgbur ful hi̧ wuri i ƴo mbew ke Ŋgerzah.
Ke hu ɓa nzuk pirmatul a sa̧w som siɓa, mí ke el kaɓ ɓa nzuk pirmatul ké sa̧wu ɓa Tem Ŋgerzah.
19Ke Tem ye-aw#3.19 Tem ye-aw ɓah ɓay Tempuki. Tempuki ɓa Tem baah Ŋgerzah, ɓa Tem Ŋgermbay mbew yaŋ., ke si gel-mbih záhri, ke ka-kah hi̧ niri. 20A woyri-aw, ku mba nzak Ŋgerzah sew ké Nuwe ƴo ɓar vul tul mbih. Ŋgerzah ba, ik law geŋ niri. Nzukri toŋndɔk seɗe kaŋto mí rih ɓil vul tul mbih mí ti̧h ke ɓil mbih ya̧ mun woyri keni#3.20 Ɓay tu ɓay Nuwe, í ki̧ wuri Mbete Sa̧w fe 6—9.. 21A a̧w ra ɓa tem fe ké sɔk ɓay woiri. Aŋay, ti̧hna woiri ke ɓil batem ya̧ wuri da. Batemaw ɓa ti̧hna Ŋgermbay Zezu ké puh záh ke pa̧ymun a foyu. Sam batemu ta ɓa tí̧h ke ɓil mbih ké wɔk ɗikma mun woiri ya. Mí ɓa law a teh-u ké i ŋga̧h mbew ke Ŋgerzah ɓay ti̧hna Ŋgermbay ke puh záh. 22A ye ké-e si nunmbam ɓa ndɔk lakna Ŋgerzah, mí sam záhri gbam, a tem nzak pihnari, a lák mbayri, a huhrumunri, gbam woyri ƴo hȩk ni ɓa mbay.
Currently Selected:
Mbete 1 Piyer 3: SIAFNK
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
Mbete 1 Piyer 3
3
1-2Kandɔkaw mí wu̧yri kara ɓá hȩk wah woyri, mí wo̧ronzuk a hani-uri ké kan law tul ɓay Ŋgerzah ya ƴo ri le, siŋ sina woiri wu̧yri mí ɓay hi̧ wah woiri sɔɓ kerɓay woyri. I ɓah ɓay ya kara ku ko siŋ sina woiri a teh-u, ku ko ɗíŋ tul woiri, a a̧w mí ɓay hi̧ wah woiri sɔɓ kerɓay woyri. 3Ndɔhna woiri ɓá na ɓa fe-mbar mun a fál kala ya. Mgbá tul, zaw suk lari lɔr, gar lari ɓá na ɓa fe ndɔhna woiri ya. 4Ndɔhna woiri ɓá ur ke ɓil law ma, kandɔk law ké voh lɔm, law ké garɓay ya, lawu ɓa fe Tempuki, lawu mí na kpatara. A a̧w mí ɓa fe a kpakpaŋu ké ta̧w Ŋgerzah. 5Kaŋ pi mí wu̧y a lewsa̧ri ké ƴo tul ɓay Ŋgerzah, ké law woyri te tul ye, fe-mbar mun woyri ɓa hȩ́k wah woyri. 6Kandɔk Sara wu̧y a lewsa̧, ke hȩk wah ye Abaraham, ke ɗi ni ɓa gaŋ ye. A woiri kara i ɓa mi̧hri ye ɓay fe laɓna a suki dan hȩkme ké nun woiri.
7Kandɔkaw mí wo̧rori kara kaɓna woiri ke wu̧y woiri, í lah hani mah ke tuna Ŋgermbay. I tu wuri ɓahri, ŋgerna wu̧y woiri mah ziŋ wuri ya. Í hȩk niri. A woyri-aw ku ɓa gun-ya̧ fe baah ziŋ wuri, lawsuki ké ɓa ɔkna ƴo ziŋ niri pi. Í laɓ kaŋ ɓay rɔkɔ í gboh Ŋgerzah láh goŋna woiri.
8Ɔh tɔru bale gbam woiri, lekɓay woiri ɓay na ɓa mbew ke law mbew, i ɓay mgba in ziŋ haniri, i ɓay ker seh haniri, i ɓay ɗiŋ tul hi̧ gunri mah ke ŋgereri. 9Mbɔl suya le i ɓay puh ke suya ya, i ɓay el ke fe farna hi̧ nzuk ké far wuri ya, mí i ɓay el ke mgbɔkɔ ɓay fe le, sa̧w ɓay ɗina woiri ɓa baah ké ƴo hi̧ mgbɔkɔ ye ku̧ tul woiri, 10-12ɓayu ké mbete Ŋgerzah sɔk ɓahri :
Nzuk a suŋ suŋ ké yih kaɓ ɓa suki ke law rihna le,
rim ye ɓá lal ke ɓay a suya-u ya,
ké rɔk nzukri ke nzak pa̧na ya,
ké sɔɓ fal hi̧ suya, ké laɓ suki ma.
Ke ŋgerna ye gbam, ké ƴah ɗeŋ
ɓay fe le, nun Gaŋ tul feri riw te sa tul nzuk-ƴo tul ɓay ye.
Suk ye na ŋgah ƴo lah vuhna woyri,
mí nzakpol Gaŋ tul feri riw haw mbiɗ mbiɗ tul nzuk-laɓ suyari # 3.10-12 Ɓayay na ɓil Mbete Siŋ (Psaumes) 34.12-16..
13Ké i ri̧h si̧w ƴo laɓ suki, a ge wara mí mah laɓ wuri suya le wo ? 14Mí koseh ziŋ wuri ɓayu ké i tu Ŋgerzah ɓa záh woiri kara pol tehna ƴo ziŋ wuri. Le hȩkme nzuk-laɓ wuri koseh-aw ɓá se wuri ya, kerɓay woiri ɓá zukru ya. 15Mí law woiri ɓá ƴo mbew yaŋ ke Ŋgermbay Gaŋ tul feri riw#3.15 Ɓayay na ɓil Mbete Esaïe 8.12-13. . Í ƴo tul bɔk woiri ɓay yih nzak nzuk a suŋ suŋ ké vbi wuri ɓay suki ké i ƴo geŋu. 16Wara le ke kusol a voh-u ke hȩkna ke law a teh-u woiri mí í yih nzak woyri. Su̧hru ɓay se nzukri ké mbi riŋ woiri ɗi wuri ɓa nzuk-laɓ sa̧nari, kú-u zɔm siŋ sina woiri a suki ɓil Ŋgermbay.
17Gelke Ŋgerzah ko ra su-su ɓay í ko seh ɓay fe laɓna a suki le, kó seh ɓay fe laɓna a suki su mba kó seh ɓay fe laɓna a suya-u.
18Ɓay fe le a ye Ŋgermbay ké salɓay hul mgba tul ye ya ra,
ke mun ye gaŋ,
ke ko seh hul bɔk mbew ɓay tul nzuk pirmatulri ké salɓay hul mgba tul woyri.
Ke mgbur ful hi̧ wuri i ƴo mbew ke Ŋgerzah.
Ke hu ɓa nzuk pirmatul a sa̧w som siɓa, mí ke el kaɓ ɓa nzuk pirmatul ké sa̧wu ɓa Tem Ŋgerzah.
19Ke Tem ye-aw#3.19 Tem ye-aw ɓah ɓay Tempuki. Tempuki ɓa Tem baah Ŋgerzah, ɓa Tem Ŋgermbay mbew yaŋ., ke si gel-mbih záhri, ke ka-kah hi̧ niri. 20A woyri-aw, ku mba nzak Ŋgerzah sew ké Nuwe ƴo ɓar vul tul mbih. Ŋgerzah ba, ik law geŋ niri. Nzukri toŋndɔk seɗe kaŋto mí rih ɓil vul tul mbih mí ti̧h ke ɓil mbih ya̧ mun woyri keni#3.20 Ɓay tu ɓay Nuwe, í ki̧ wuri Mbete Sa̧w fe 6—9.. 21A a̧w ra ɓa tem fe ké sɔk ɓay woiri. Aŋay, ti̧hna woiri ke ɓil batem ya̧ wuri da. Batemaw ɓa ti̧hna Ŋgermbay Zezu ké puh záh ke pa̧ymun a foyu. Sam batemu ta ɓa tí̧h ke ɓil mbih ké wɔk ɗikma mun woiri ya. Mí ɓa law a teh-u ké i ŋga̧h mbew ke Ŋgerzah ɓay ti̧hna Ŋgermbay ke puh záh. 22A ye ké-e si nunmbam ɓa ndɔk lakna Ŋgerzah, mí sam záhri gbam, a tem nzak pihnari, a lák mbayri, a huhrumunri, gbam woyri ƴo hȩk ni ɓa mbay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.