DIPESALEMA 126
126
Ho kgutla ha ba bothopuweng
1Sefela sa ho nyolohela Jerusalema.
Ha Morena
a kgutlisa batho ba Sione,
a ba kgutlisa bothopuweng,
e ne e ka re a lora.
2Yaba re keketeha ke ditsheho,
maleme a rona a etsa ditlatse.
Jwale hara ditjhaba ha thwe:
“Morena o ba etseditse tse kgolo.”
3E, Morena o re etseditse tse kgolo,
ruri re thabile.
4Morena, ako kgutlise ba habo rona,
ba habo rona ba bothopuweng,
ba kgutle sa melatswana e phallang,
e phallelang Lehwatateng la Borwa.
5Ba ileng ba jala ka dikgapha,
ba tla kotula ka ditlatse.
6Ya tsamayang a lla,
a nkile peo e tla jalwa,
o tla kgutla ka ditlatse,
a nkile mangata a hae.
Currently Selected:
DIPESALEMA 126: SSO89SO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used by permission. All rights reserved.