DIPESALEMA 114
114
Sefela sa Paseka
1Mohla Iseraele a tswang Egepeta,
ba ntlo ya Jakobo ba tloha,
ba tloha setjhabeng sesele,
2Juda ya eba sehalalelo sa Morena,
Iseraele ya eba mmuso wa hae.
3Lewatle ha le ba bona la baleha,
Jorodane ya tjhetjha kasanthao.
4Dithaba tsa thala jwaloka dipheleu,
maralla jwaloka dikonyana.
5Wena lewatle, o balehelang?
Le wena Jorodane,
o tjhetjhelang kasanthao?
6Lona dithaba,
keng ha le thala jwaloka dipheleu,
le lona maralla, jwaloka dikonyana?
7Wena lefatshe, thothomela,
thothomela pela fahleho sa Morena,
pela sefahleho
sa Modimo wa Jakobo;
8yena ya fetolang lefika
letsha la metsi,
lejwe la moralla a le fetole sediba.
Currently Selected:
DIPESALEMA 114: SSO89SO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used by permission. All rights reserved.