Galatiami 5
5
Khristo lono Kuqhokiphe
1Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.
2I tsa hipau kümsülulo! Ni Paul no nongu vilo piani, nongu no nolikhi nongu pesü aphighüyiko ghave aye, Khristo ye nongu ghenguno kiumu amekühae. 3Khunoqo no pa likhi pa pesü aphighüyiko ghave pe ani keno pa ye ayeza kümtsü pape moayesa nani kepi itaghi I no timiqo kümtsü lau shuphe ani. 4Nongu khunoqo no ayeza vechewo achipikalu niye pükapütsa ani keno nongu ye Khristo lau no kütüta shivae; nongu ye küpükini lau no ikiqivae. 5Kughengu ningu ye Aghungu vechewo aküpülü lono ningu no laju achekeu achipiumikucho hu khekulhoshi anike. 6Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.
7Nongu ye akivishi pokuxu ake. Khuu no nongu pelo kuchou ghokulu shi akeu lono hachileve kea? 8Titoi züiza keu ye nongu kulù keu Lhou lau no ighimo ke. 9“Kholaqhi kitila lakhi no asho mqo kuchopu ingú ipeghilu pe chenie.” 10Nongu ye akükümsü kütau lumo nani kepi niye Ampeu shou pükhübe ani. Timi khuu no nongu pesü kübangü keu lo vesü ani keno, tiye khuu-khuu shi aghí namu, pa ye aghime ithulu moayesa nani. 11Athiküzümi eno achelimiqo, I no itehi kutólo aphighüyiko-küghá ghili kütsü cheghi aye, kushiye itehi kutólo I pishi-puju aní kea? Tishi aghí aye Khristo kros ghili kütsü chekeu lo khiumu küpünamoveni cheke. 12Ni ye timi khunoqo no shikughutho ani keno, panongu pelo pano likhi panongu phighü ghave penishi ani!
Aghungu lo Küxü
13I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo. 14Kughengu azakütsü lakhi, “O likhi O toi O kisüghümi kimiye lo,”#5:14 Achine 19:18 ipikeu hipau papelu keu vechewo ayeza kümtsü shikupuluve anie. 15Nongu no tüghashi toi lakhi no lakhi mikiqhi aye, nongu lakhi no lakhi kütsaqhive monimo keno jukuto alo.
16Tighenguno I no piani, Alhou Ghungu ghaküsü qholo xülo, eno nongu ye timi lhoaye no shinishi keqo ghapiqi tsümo nani. 17Kughengu timi lhoaye no mine keu ye Alhou Ghungu no shipe nishi keu lau no bidelau ke, eno Alhou Ghungu no shipe nishi keqo ye timi lhoaye no mine keu lau no bidelau ke. Küma ye lakhi no lakhi sasü kichighi acheni ke, tishi keu vechewo nongu pelo nongu no kiu shinishi ani keno tipau shilupemo niye ke. 18Ikemu Aghungu no nongu sasü che aye, nongu ye ayeza qholo kumovae.
19Timi lhoaye no shi chekeu ye mütsüqhei no hipaqo ke: kipito xüküpsa, mithekumo eno ghüpoghüzü; 20ajulho kümlá eno atumu; akimithi, küqhakümla, axeküsü, amlokighide, alikhi asala kuphu, kotha kilé keu, amqo jeli 21eno anhekushu; shokümzü, ghaghu-ghale ghulhu eno titoi keqo. I no azüu nongu vilo pikichi ketoi, ni ye itaghi pikichi ani, tiye timi khunoqo no hitoi xüni keno panongu ye Alhou kükaphu ighí müla nani.
22Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu, 23mtshaivü keu eno küsüqhikulu ke. Hitoi keqo shou ye ayeza kiumu kühae. 24Khunoqo no Khristo Jisü’w shivea keno panongu ye timi lhoaye gholo ashi no minemighei chekeu eno shinishiqhiyi chekeu kümtsü kros lono yedapithivae. 25Ningu no Aghungu lono xü cheghi aye, ningu Aghungu ghaküsü qholo no xüni nolo. 26Ningu qhezamoni momu lakhi no lakhi xukuthomoni momu lakhi no lakhi jupe anheshumoni nolo!
Currently Selected:
Galatiami 5: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Galatiami 5
5
Khristo lono Kuqhokiphe
1Ningu pelo khaqhipheve keu küxü xü penike ghenguno Khristo no ningu kuqhophevae. Tishiaye, akumto shi puthugho lo, eno aqüaxemiw kuokhasü lo O likhi O kitime kithe kevilo.
2I tsa hipau kümsülulo! Ni Paul no nongu vilo piani, nongu no nolikhi nongu pesü aphighüyiko ghave aye, Khristo ye nongu ghenguno kiumu amekühae. 3Khunoqo no pa likhi pa pesü aphighüyiko ghave pe ani keno pa ye ayeza kümtsü pape moayesa nani kepi itaghi I no timiqo kümtsü lau shuphe ani. 4Nongu khunoqo no ayeza vechewo achipikalu niye pükapütsa ani keno nongu ye Khristo lau no kütüta shivae; nongu ye küpükini lau no ikiqivae. 5Kughengu ningu ye Aghungu vechewo aküpülü lono ningu no laju achekeu achipiumikucho hu khekulhoshi anike. 6Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.
7Nongu ye akivishi pokuxu ake. Khuu no nongu pelo kuchou ghokulu shi akeu lono hachileve kea? 8Titoi züiza keu ye nongu kulù keu Lhou lau no ighimo ke. 9“Kholaqhi kitila lakhi no asho mqo kuchopu ingú ipeghilu pe chenie.” 10Nongu ye akükümsü kütau lumo nani kepi niye Ampeu shou pükhübe ani. Timi khuu no nongu pesü kübangü keu lo vesü ani keno, tiye khuu-khuu shi aghí namu, pa ye aghime ithulu moayesa nani. 11Athiküzümi eno achelimiqo, I no itehi kutólo aphighüyiko-küghá ghili kütsü cheghi aye, kushiye itehi kutólo I pishi-puju aní kea? Tishi aghí aye Khristo kros ghili kütsü chekeu lo khiumu küpünamoveni cheke. 12Ni ye timi khunoqo no shikughutho ani keno, panongu pelo pano likhi panongu phighü ghave penishi ani!
Aghungu lo Küxü
13I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo. 14Kughengu azakütsü lakhi, “O likhi O toi O kisüghümi kimiye lo,”#5:14 Achine 19:18 ipikeu hipau papelu keu vechewo ayeza kümtsü shikupuluve anie. 15Nongu no tüghashi toi lakhi no lakhi mikiqhi aye, nongu lakhi no lakhi kütsaqhive monimo keno jukuto alo.
16Tighenguno I no piani, Alhou Ghungu ghaküsü qholo xülo, eno nongu ye timi lhoaye no shinishi keqo ghapiqi tsümo nani. 17Kughengu timi lhoaye no mine keu ye Alhou Ghungu no shipe nishi keu lau no bidelau ke, eno Alhou Ghungu no shipe nishi keqo ye timi lhoaye no mine keu lau no bidelau ke. Küma ye lakhi no lakhi sasü kichighi acheni ke, tishi keu vechewo nongu pelo nongu no kiu shinishi ani keno tipau shilupemo niye ke. 18Ikemu Aghungu no nongu sasü che aye, nongu ye ayeza qholo kumovae.
19Timi lhoaye no shi chekeu ye mütsüqhei no hipaqo ke: kipito xüküpsa, mithekumo eno ghüpoghüzü; 20ajulho kümlá eno atumu; akimithi, küqhakümla, axeküsü, amlokighide, alikhi asala kuphu, kotha kilé keu, amqo jeli 21eno anhekushu; shokümzü, ghaghu-ghale ghulhu eno titoi keqo. I no azüu nongu vilo pikichi ketoi, ni ye itaghi pikichi ani, tiye timi khunoqo no hitoi xüni keno panongu ye Alhou kükaphu ighí müla nani.
22Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu, 23mtshaivü keu eno küsüqhikulu ke. Hitoi keqo shou ye ayeza kiumu kühae. 24Khunoqo no Khristo Jisü’w shivea keno panongu ye timi lhoaye gholo ashi no minemighei chekeu eno shinishiqhiyi chekeu kümtsü kros lono yedapithivae. 25Ningu no Aghungu lono xü cheghi aye, ningu Aghungu ghaküsü qholo no xüni nolo. 26Ningu qhezamoni momu lakhi no lakhi xukuthomoni momu lakhi no lakhi jupe anheshumoni nolo!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.