Ephesiami 5
5
1Tighenguno, kimiye chekemi anuliqo toi Alhou’w kiche-kipiye papelo 2eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.
3Ikemu nongu dolo kipito xüküpsa, momu mithekumo jeli kiu-kiumu, momu alakimine kitilamu aghí pe kepu kumoe, kughengu hipaqo ye Alhou’w akimthe timiqo ghenguno achipikumo ke. 4Tike kumo no, kujomo keu tsa, nikhanigha tsa momu ghaghu-ghale zügha tsaqo ye nongu ghenguno aküzüpu kumoe. Tishini ke züqhulo shikimthi keu Alhou tsüa kepue. 5Nongu ye hipau vehu lo mütsüqhei lo: Xüküpsami, mithekumomi momu alakiminemi ye ajulho kümlamí ke, timi hitoi kemi ye Khristo eno Alhou kükaphu lo amheghi ighí müla nani. 6Timi khuu pelomu nikhanigha tsa pesü nongu pishiqhive pe kevilo, kughengu hitoi keu ghenguno khunoqo no hekibidemi keno panongu shou Alhou loghu ikughi cheni. 7Tighenguno panongu sasü küküsü kevilo.
8Kughengu ghuthu lakhi lo nongu ye àküzǘ lo acheke, ikemu itehi ye Ampeu lono nongu ye aküvü lomi shivae. Aküvü lo akemi toi xüche lo 9(kughengu aküvü xathi ye kümtsü akivipu, achipiumikucho eno amikucho ke) 10eno kiu no Ampeu pulou shilu cheni keno tipau phulo. 11Àküzǘ lo athi pithímo keu kümlàqo lo chhosü kevilo, ikemu tishini ke züqhulo tipaqo aküvü lo pephe-piye lo. 12Hekibidemiqo no tuqhou no shi chekeqo ghili ye pìní keu ghí akukujopu ke. 13Ikemu thowkha kümtsü aküvü lo pephe-piyeve keu vechewo ithukulupu shive cheni—eno yepüvüve keu thime kümtsü aküvü shive cheni. 14Hi ghenguno ishi pike:
“Zü akemiqo, ithuvelo,
kithimi gholo no ithughivelo,
eno Khristo no nongu shou yepüvü tsü nani.”
15Tishiaye, nongu ye kíshi xü acheni keno jukuto lo—nikhanighami toi xü kepu kumo ikemu alokütsümi shi xülo, 16adokivi ithukulu kümtsü akivishi peitha lo, kughengu itodolo ye ado lhoküsa shi anike. 17Tighenguno nikhanigha shi kevilo, ikemu Ampeu pulou ye kiu keno vethalulo. 18Aji shomzü kevilo, tiye ghüpoghüzü küxü lo sawuve cheni ke. Tishini ke züqhulo Aghungu Kimthe pesü nongu pichhilu lo 19nongu lakhi no lakhi lau leshele, akishé le, eno Aghungu lo le phelo. Nongu mlo lono ipeghino Ampeu lau ale phelo, 20pülhapuju ningu Mpeu Jisü Khristo je lono thowkha kümtsü ghenguno Apù Alhou shikimthi tsülo.
Khristomi Kibo ghenguno Shikakütsü
21Khristo gihu akeu ghenguno lakhi no lakhi qhoqhü lo.
22Anipuqo, nongu no Ampeu qhoqhü keu toi pütüta kimi qhoqhü lo. 23Kughengu Khristo no akukuhou kütsü kehu toi akimi lakhi ye anipu shou akütsü ke, eno akukuhou khikhi pa phimpi keno, Khristo no tipau Xakuluu ke. 24Ikehu akukuhou no Khristo qhoqhü cheke toi, anipuqo ghí thowkha kümtsü lo panongu kimiqo qhoqhü moayesae.
25Akiminoqo, Khristo no akukuhou kimiye püzü li ghenguno pa küxü tsüve keu toi nongu nipu kimiye lo. 26Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke, 27eno axiné küha no momu idivemo momu kütau tukutiye kiumu küha no akimthe eno jekujeli küha no li pesü pa likhi pa lau jukighilepu kukuhou lakhi shitsü niye ke. 28Hipau tho lono, akiminoqo ghí panongu likhi panongu phimpi toi panongu nipu kimiye moayesae. Khuu no pa nipu kimiye cheni keno pa likhi pa kimiye cheni. 29Kughengu timi khumu pano likhi panongu phimpi mithi chemoe, ikemu Khristo no akukuhou lau shiche ketoi panongu ye panongu phimpi lojí eno tucho acheni— 30kughengu ningu ye pa phimpi lo kihiküsümiqo ke. 31“Hi ghenguno kipitimi lakhi ye papù eno pazá qhive no pa nipu sasü kümtsa küghünauve cheni, eno pama ye aphi-ashi lakhi shive cheni.”#5:31 Bothu 2:24 32Hiye ighono tuqhou lakhi ke—ikemu ni ye Khristo eno akukuhou ghili pi anike. 33Tishi namu, nongu lakhi-khi no nongu likhi nongu kimiye ketoi nongu nipu kimiye moayesae, eno anipu ghí li kimi gihu moayesa ke.
Currently Selected:
Ephesiami 5: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Ephesiami 5
5
1Tighenguno, kimiye chekemi anuliqo toi Alhou’w kiche-kipiye papelo 2eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.
3Ikemu nongu dolo kipito xüküpsa, momu mithekumo jeli kiu-kiumu, momu alakimine kitilamu aghí pe kepu kumoe, kughengu hipaqo ye Alhou’w akimthe timiqo ghenguno achipikumo ke. 4Tike kumo no, kujomo keu tsa, nikhanigha tsa momu ghaghu-ghale zügha tsaqo ye nongu ghenguno aküzüpu kumoe. Tishini ke züqhulo shikimthi keu Alhou tsüa kepue. 5Nongu ye hipau vehu lo mütsüqhei lo: Xüküpsami, mithekumomi momu alakiminemi ye ajulho kümlamí ke, timi hitoi kemi ye Khristo eno Alhou kükaphu lo amheghi ighí müla nani. 6Timi khuu pelomu nikhanigha tsa pesü nongu pishiqhive pe kevilo, kughengu hitoi keu ghenguno khunoqo no hekibidemi keno panongu shou Alhou loghu ikughi cheni. 7Tighenguno panongu sasü küküsü kevilo.
8Kughengu ghuthu lakhi lo nongu ye àküzǘ lo acheke, ikemu itehi ye Ampeu lono nongu ye aküvü lomi shivae. Aküvü lo akemi toi xüche lo 9(kughengu aküvü xathi ye kümtsü akivipu, achipiumikucho eno amikucho ke) 10eno kiu no Ampeu pulou shilu cheni keno tipau phulo. 11Àküzǘ lo athi pithímo keu kümlàqo lo chhosü kevilo, ikemu tishini ke züqhulo tipaqo aküvü lo pephe-piye lo. 12Hekibidemiqo no tuqhou no shi chekeqo ghili ye pìní keu ghí akukujopu ke. 13Ikemu thowkha kümtsü aküvü lo pephe-piyeve keu vechewo ithukulupu shive cheni—eno yepüvüve keu thime kümtsü aküvü shive cheni. 14Hi ghenguno ishi pike:
“Zü akemiqo, ithuvelo,
kithimi gholo no ithughivelo,
eno Khristo no nongu shou yepüvü tsü nani.”
15Tishiaye, nongu ye kíshi xü acheni keno jukuto lo—nikhanighami toi xü kepu kumo ikemu alokütsümi shi xülo, 16adokivi ithukulu kümtsü akivishi peitha lo, kughengu itodolo ye ado lhoküsa shi anike. 17Tighenguno nikhanigha shi kevilo, ikemu Ampeu pulou ye kiu keno vethalulo. 18Aji shomzü kevilo, tiye ghüpoghüzü küxü lo sawuve cheni ke. Tishini ke züqhulo Aghungu Kimthe pesü nongu pichhilu lo 19nongu lakhi no lakhi lau leshele, akishé le, eno Aghungu lo le phelo. Nongu mlo lono ipeghino Ampeu lau ale phelo, 20pülhapuju ningu Mpeu Jisü Khristo je lono thowkha kümtsü ghenguno Apù Alhou shikimthi tsülo.
Khristomi Kibo ghenguno Shikakütsü
21Khristo gihu akeu ghenguno lakhi no lakhi qhoqhü lo.
22Anipuqo, nongu no Ampeu qhoqhü keu toi pütüta kimi qhoqhü lo. 23Kughengu Khristo no akukuhou kütsü kehu toi akimi lakhi ye anipu shou akütsü ke, eno akukuhou khikhi pa phimpi keno, Khristo no tipau Xakuluu ke. 24Ikehu akukuhou no Khristo qhoqhü cheke toi, anipuqo ghí thowkha kümtsü lo panongu kimiqo qhoqhü moayesae.
25Akiminoqo, Khristo no akukuhou kimiye püzü li ghenguno pa küxü tsüve keu toi nongu nipu kimiye lo. 26Khristo no hipau shikeu ye pa tsa vechewo azü pesü akukuhou qhukimtheve no li pelo akimthe shipe niye ke, 27eno axiné küha no momu idivemo momu kütau tukutiye kiumu küha no akimthe eno jekujeli küha no li pesü pa likhi pa lau jukighilepu kukuhou lakhi shitsü niye ke. 28Hipau tho lono, akiminoqo ghí panongu likhi panongu phimpi toi panongu nipu kimiye moayesae. Khuu no pa nipu kimiye cheni keno pa likhi pa kimiye cheni. 29Kughengu timi khumu pano likhi panongu phimpi mithi chemoe, ikemu Khristo no akukuhou lau shiche ketoi panongu ye panongu phimpi lojí eno tucho acheni— 30kughengu ningu ye pa phimpi lo kihiküsümiqo ke. 31“Hi ghenguno kipitimi lakhi ye papù eno pazá qhive no pa nipu sasü kümtsa küghünauve cheni, eno pama ye aphi-ashi lakhi shive cheni.”#5:31 Bothu 2:24 32Hiye ighono tuqhou lakhi ke—ikemu ni ye Khristo eno akukuhou ghili pi anike. 33Tishi namu, nongu lakhi-khi no nongu likhi nongu kimiye ketoi nongu nipu kimiye moayesae, eno anipu ghí li kimi gihu moayesa ke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.