2 Kor. 6
6
1Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo. 2Kughengu pa no ishi pike,
“I no qhuivülai kepu ghuloki lono nongu sütsa chilutsü ke,
eno xakulupu tsalà lono I no nongu kuphutsü ke.”#6:2 Isa 49:8
Julo! Alhou’w qhuivülai keu ghuloki ye itehi ke, xakulupu tsalà ye itehi ke.
Paul Ghimeqo
3Ninguw pichebekümlà pipüsa pemo niye ningu ye timi khuu ghengu nomu apukhu küpüsüpu shimoe. 4Tishini ke züqhulo, ningu ye Alhou qemiqo ke ghenguno ningu likhi ningu pesü alaghi thowkha lo kiche-kipiye shi acheni. Tiye aküpünaqo, aghime jeli eno amloküsa sholu kelo shishe kutuukulu shi cheni. 5Ni heqhi püani, akughu shipüani eno mtomushu keu sholu püani, aghime shi mülà püani, aküzǘ kihí eno akhüava shipüani. 6Ningu ye amikucho, vethakulu, kheakulu eno küpüqhiyi keu, Aghungu Kimthe eno amikucho kikimiye vechewo nilikhi ni kimchitsü cheni. 7Ningu ye amikucho shi kuchou kütsü cheni. Alhou küká ye nilo lo mülà ani. Aghüshini ke ghenguno ni-u ajeu achipiumikucho ghünanu pe cheni eno süshoni ke ghenguno ni-u piyiu achipiumikucho ghünanu pe cheni. 8Ningu gihu aghí na gihumove aghí namu, ningu pipivi aghí na pipüsave aghí namu ningu ye Alhou qe acheni. Ningu ye amikuchomi kemu timi ghili kishimi toi kihi acheni. 9Ningu ye aqha no ithi kemi ikemu jupicheve acheni; thiuve cheke toi ikemu xü acheni; ningu heqhi ke ikemu pìthívemoe; 10amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.
11O Korinthiamiqo! Ningu ye qhaqhilei shi nongu pütsa ke, eno nongu lau ningu mlo kümtsü khaqhi ke. 12Ningu ye nongu lau no ninguw kimiyeqhiyi keu süchileve amoe, ikemu nongu ye ningu lau no nonguw kimiyeqhiyi keu süchileve anie. 13I nuliqo vilo pi ake toi ni ye nongu vilo pi anike, ningu toi nongu ghí amlo kümtsü khaqhilo.
Ajulho Lhou Kümlá Vehu lo Pikichi keu
14Pülümo kemiqo sasü kuokhasü lakhi shi kevilo. Achipiumikucho ngò küsakügha küma ye kiu lono aqǘ shikepu ani kea? Momu aküvü ye àküzǘ sasü kiu lono kuposhu kepu ani kea? 15Khristo ngò Belial küma dolo kiu küqhakulupu ani kea? Momu küpülümi lakhi ye pülümo kemi lakhi sasü kiu lono aqǘ shikepu ani kea? 16Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae:
“I no panoqo lolo xü nani
eno panoqo gholo cheche nani,
eno I no panongu Lhou shive nani,
eno panongu no iw timi shive nani.”#6:16 Achine 26:12; Jere 32:38; Ezek 37:27
17Tighenguno,
“Panoqo lau no ipeghivelo
eno kütüta shivelo,
ipi Ampeu no pike.
Mithekumo thimeqo bu kevilo,
eno I no nongu ikhilu nani.”#6:17 Isa 52:1; Ezek 20:34,41
18Eno,
“I no nongu papù shive nani,
eno nongu no I nu eno I ngaqo shive nani,
ipi Akughushuu Ampeu no pike.”#6:18 2Sam 7:14; 7:8
Currently Selected:
2 Kor. 6: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
2 Kor. 6
6
1Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo. 2Kughengu pa no ishi pike,
“I no qhuivülai kepu ghuloki lono nongu sütsa chilutsü ke,
eno xakulupu tsalà lono I no nongu kuphutsü ke.”#6:2 Isa 49:8
Julo! Alhou’w qhuivülai keu ghuloki ye itehi ke, xakulupu tsalà ye itehi ke.
Paul Ghimeqo
3Ninguw pichebekümlà pipüsa pemo niye ningu ye timi khuu ghengu nomu apukhu küpüsüpu shimoe. 4Tishini ke züqhulo, ningu ye Alhou qemiqo ke ghenguno ningu likhi ningu pesü alaghi thowkha lo kiche-kipiye shi acheni. Tiye aküpünaqo, aghime jeli eno amloküsa sholu kelo shishe kutuukulu shi cheni. 5Ni heqhi püani, akughu shipüani eno mtomushu keu sholu püani, aghime shi mülà püani, aküzǘ kihí eno akhüava shipüani. 6Ningu ye amikucho, vethakulu, kheakulu eno küpüqhiyi keu, Aghungu Kimthe eno amikucho kikimiye vechewo nilikhi ni kimchitsü cheni. 7Ningu ye amikucho shi kuchou kütsü cheni. Alhou küká ye nilo lo mülà ani. Aghüshini ke ghenguno ni-u ajeu achipiumikucho ghünanu pe cheni eno süshoni ke ghenguno ni-u piyiu achipiumikucho ghünanu pe cheni. 8Ningu gihu aghí na gihumove aghí namu, ningu pipivi aghí na pipüsave aghí namu ningu ye Alhou qe acheni. Ningu ye amikuchomi kemu timi ghili kishimi toi kihi acheni. 9Ningu ye aqha no ithi kemi ikemu jupicheve acheni; thiuve cheke toi ikemu xü acheni; ningu heqhi ke ikemu pìthívemoe; 10amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.
11O Korinthiamiqo! Ningu ye qhaqhilei shi nongu pütsa ke, eno nongu lau ningu mlo kümtsü khaqhi ke. 12Ningu ye nongu lau no ninguw kimiyeqhiyi keu süchileve amoe, ikemu nongu ye ningu lau no nonguw kimiyeqhiyi keu süchileve anie. 13I nuliqo vilo pi ake toi ni ye nongu vilo pi anike, ningu toi nongu ghí amlo kümtsü khaqhilo.
Ajulho Lhou Kümlá Vehu lo Pikichi keu
14Pülümo kemiqo sasü kuokhasü lakhi shi kevilo. Achipiumikucho ngò küsakügha küma ye kiu lono aqǘ shikepu ani kea? Momu aküvü ye àküzǘ sasü kiu lono kuposhu kepu ani kea? 15Khristo ngò Belial küma dolo kiu küqhakulupu ani kea? Momu küpülümi lakhi ye pülümo kemi lakhi sasü kiu lono aqǘ shikepu ani kea? 16Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae:
“I no panoqo lolo xü nani
eno panoqo gholo cheche nani,
eno I no panongu Lhou shive nani,
eno panongu no iw timi shive nani.”#6:16 Achine 26:12; Jere 32:38; Ezek 37:27
17Tighenguno,
“Panoqo lau no ipeghivelo
eno kütüta shivelo,
ipi Ampeu no pike.
Mithekumo thimeqo bu kevilo,
eno I no nongu ikhilu nani.”#6:17 Isa 52:1; Ezek 20:34,41
18Eno,
“I no nongu papù shive nani,
eno nongu no I nu eno I ngaqo shive nani,
ipi Akughushuu Ampeu no pike.”#6:18 2Sam 7:14; 7:8
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.