2 Kor. 2
2
1Ikehu ni ye itaghi nongu xuju no nongu mloghimeve tsümo nikeu shi xathaluvae. 2Kughengu nongu no I lopivi tsü cheni püzü I no nongu mloghimeve tsü aye khuu no I lopivi tsüní kea? 3Tishikehu nongu lau yèsü hu yève ke, tishianguno kughou I no ighini keno khunoqo no I lopivi tsü moayesa kepu shi akeno tipaqo vechewo I mlo shipüsave tsü pemo niye ke. Nongu kümtsü I lokivi gholo küsaje nani kepi ni ye nongu kümtsü shou pülükibe ake. 4Kughengu ni ye aghime kitikhi kijè eno amloghuju láu no anhezü kutomo pìji no nongu lau yèsü yè ke, tiye nongu mlokighishi shive tsü niye ke kumoe ikemu iw kikimiye nongu ghenguno thonhei akeu nongu pelo ithi peniye ke.
Akipimí Qhikütsü
5Ni ye alá sü no pi anike kumoe, ikemu timi khuu no amlokighishi süghi cheni keno pa ye nongu lau amlokighishi süghi keu qhemi I lau amlokighishi süghi ke kumoe. 6Nongu akichiù no pa shou aghime beve keu hu no lukümkha ke. 7Itehi nongu ye pa kipimí qhivetsü no pa lokughuno tsü moayesae, tishianguno pa ye amloghime no ihulove no küzüpholuve keu shimo nani ke. 8Tighenguno, pa lau nonguw kikimiye iqhikithe penike I no nongu qhüiniju ani. 9I no nongu lau yè puwu keu akiqi kütau ye nongu ye pekuju lo puthugholu eno thowkha lo aghokulu shilu nani keo shimla keno ju niye ke. 10Nongu no timi khuu kipimí qhive tsüní keno, ni ghí pa kipimí qhivetsü nani. Eno kiuala akipimí qhivetsü kepu shi aghí no I no akipimí qhivetsü aye, ni ye nongu ghenguno Khristo gizü lono akipimí qhivetsüae. 11Tishi keu hu ye Satan pelo ningu pishiqhive pemo niye ke. Kughengu ningu ye pa müqü jeliqo mtha ke kumoe.
Puloshoqhi Akitheuw Pichebekümlàmiqo
12Kughou I no Troas lo Khristo tsakiviu kütsü niye wu püzü Ampeu no I ghenguno ahukikha lakhi khaqhipüa keu phulu keno, 13ni ye ti kutólo I kükümsü lo aloino keu küha no ake, kughengu ni ye tilau I thiküzüu Titus ithumla ke. Ikehu ni ye panongu kinive no Macedonia lo wuve.
14Ikemu Alhou shikimthi ani, pa no ningu pesü pa kughumi shive tsü no alhokuthu ningu sasü Khristo no aghü tolu keu shekujo lo sawu cheni, eno aqha kümtsü Khristo ithilu penike ghenguno Alhou no axokütsüngü lakhi toi ningu peitha cheni. 15Kughengu Alhou ghenguno ningu ye khunoqo xaluvea eno khunoqo pühave ani keno tipaqo gholo Khristo xokütsüngü kivi lakhi toi ke. 16Pühave akemiqo ghenguno ningu ye akithipu süghi chekeu xokütsüngü lakhi toi ke; eno xaluve kemiqo ghenguno ningu ye aküxüpu süghi chekeu xokütsüngü lakhi toi ke. Khuu no akümlà hipau kupukülai shikulupu kea? 17Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.
Currently Selected:
2 Kor. 2: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
2 Kor. 2
2
1Ikehu ni ye itaghi nongu xuju no nongu mloghimeve tsümo nikeu shi xathaluvae. 2Kughengu nongu no I lopivi tsü cheni püzü I no nongu mloghimeve tsü aye khuu no I lopivi tsüní kea? 3Tishikehu nongu lau yèsü hu yève ke, tishianguno kughou I no ighini keno khunoqo no I lopivi tsü moayesa kepu shi akeno tipaqo vechewo I mlo shipüsave tsü pemo niye ke. Nongu kümtsü I lokivi gholo küsaje nani kepi ni ye nongu kümtsü shou pülükibe ake. 4Kughengu ni ye aghime kitikhi kijè eno amloghuju láu no anhezü kutomo pìji no nongu lau yèsü yè ke, tiye nongu mlokighishi shive tsü niye ke kumoe ikemu iw kikimiye nongu ghenguno thonhei akeu nongu pelo ithi peniye ke.
Akipimí Qhikütsü
5Ni ye alá sü no pi anike kumoe, ikemu timi khuu no amlokighishi süghi cheni keno pa ye nongu lau amlokighishi süghi keu qhemi I lau amlokighishi süghi ke kumoe. 6Nongu akichiù no pa shou aghime beve keu hu no lukümkha ke. 7Itehi nongu ye pa kipimí qhivetsü no pa lokughuno tsü moayesae, tishianguno pa ye amloghime no ihulove no küzüpholuve keu shimo nani ke. 8Tighenguno, pa lau nonguw kikimiye iqhikithe penike I no nongu qhüiniju ani. 9I no nongu lau yè puwu keu akiqi kütau ye nongu ye pekuju lo puthugholu eno thowkha lo aghokulu shilu nani keo shimla keno ju niye ke. 10Nongu no timi khuu kipimí qhive tsüní keno, ni ghí pa kipimí qhivetsü nani. Eno kiuala akipimí qhivetsü kepu shi aghí no I no akipimí qhivetsü aye, ni ye nongu ghenguno Khristo gizü lono akipimí qhivetsüae. 11Tishi keu hu ye Satan pelo ningu pishiqhive pemo niye ke. Kughengu ningu ye pa müqü jeliqo mtha ke kumoe.
Puloshoqhi Akitheuw Pichebekümlàmiqo
12Kughou I no Troas lo Khristo tsakiviu kütsü niye wu püzü Ampeu no I ghenguno ahukikha lakhi khaqhipüa keu phulu keno, 13ni ye ti kutólo I kükümsü lo aloino keu küha no ake, kughengu ni ye tilau I thiküzüu Titus ithumla ke. Ikehu ni ye panongu kinive no Macedonia lo wuve.
14Ikemu Alhou shikimthi ani, pa no ningu pesü pa kughumi shive tsü no alhokuthu ningu sasü Khristo no aghü tolu keu shekujo lo sawu cheni, eno aqha kümtsü Khristo ithilu penike ghenguno Alhou no axokütsüngü lakhi toi ningu peitha cheni. 15Kughengu Alhou ghenguno ningu ye khunoqo xaluvea eno khunoqo pühave ani keno tipaqo gholo Khristo xokütsüngü kivi lakhi toi ke. 16Pühave akemiqo ghenguno ningu ye akithipu süghi chekeu xokütsüngü lakhi toi ke; eno xaluve kemiqo ghenguno ningu ye aküxüpu süghi chekeu xokütsüngü lakhi toi ke. Khuu no akümlà hipau kupukülai shikulupu kea? 17Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.