1 Kor. 2
2
1Athiküzümi eno achelimiqo, kughou I no nongu lau ighi keno ni ye atsapikithi momu timi lokütsü lono Alhou’w tuqhou ghili pesü asheshu ighimoe. 2Kughengu I no nongu gholo ngo ake lono ni ye Jisü Khristo eno pa yeda pìthíve keu nguno alau ye kütau kumu mthave nikeu shi xathave ke. 3Ni ye miqemilei keu gholo shishe msà khokhoshi nongu lau ighike. 4I tsapi ngò I kükütsü ye alokütsü gholo zükulupu tsaqo pesü pimo ke, ikemu Aghungu küká shikipiye vechewo ke, 5tishi keu vechewo nongu küpülü ye timi lokütsü shou kumo no Alhou küká shou bepe peniye ke.
Aghungu no Alhou Lokütsü Pephe-piye
6Tishimu ningu ye alayemi gholo alokütsü tsa pi cheni, ikemu hipau tiqheli momu hipau tiqheliw ayekipemiqo lokütsü kumoe, panoqo lokütsü ye hauve niye akeu ke. 7Moe, ningu ye Alhou lokütsü pesü asheshu cheni ke, tiye Alhou’w tuqhou küsüpüa keu eno Alhou no azüu no ningu jekipipu ghenguno kimishì pe püakeu ke. 8Hipau tiqheli yekipemiqo lakhimu ti vethamla ke, kughengu panongu no vethalu ke aye panongu ye ajuküvü Mpeu yedapithive moni cheke. 9Ikemu ishi yèpüa ani:
“Anhethi no kiu ithumla aphi keno,
akìní no kiu chimla aphi keno,
timi mlo no kiu kümsüphe müla aphi keno”#2:9 Isa 64:4—
khunoqo no Alhou kimiye cheni keno
tipaqo ghenguno pa no thime hipaqo kutò pe qhipüani ke—
10hipaqo ye Alhou no pa Ghungu vechewo ningu lau pephe-piyevae.
Aghungu no thowkha kümtsü lheju cheni, tiye Alhou kukughu thonhei küsüpüa keu kutólo lheju cheni. 11Kughengu timi lakhi lolo aghungu akeu no kumo aye khuu no timi lakhi-khi kükümsüqo ithi cheni kea? Tipau paphi shi Alhou Ghungu likhi no thono khuu nomu Alhou kükümsüqo ithi amoe. 12Ningu no kiu ithuluvea keno tiye ayeghi hipau lo ghungu kumoe, ikemu Alhou lau no ighi keu Ghungu ke, tishi keu vechewo ningu pelo Alhou no kümsá no kiu ningu tsü keno tipau vethalu peniye ke. 13Ningu no piche keu ye hike, timi lokütsü no ningu shika keu tsaqo lono kumoe ikemu Aghungu no ningu shika keu tsaqo vechewo ke, eno Aghungu no shika keu tsaqo vechewo aghungu küxüw kuchouqo hepho-piye cheni. 14Aghungu Kimthe pighimo kemi ye Alhou Ghungu lau no ighi keu thimeqo ikhilu chemoe ikemu tipaqo ye nikhanigha kepi kümsü cheni, eno panongu ye tipaqo vethalu chemoe kughengu tipaqo ye Aghungu vechewo likhi no jupililu pe cheni ke. 15Aghungu Kimthe pighi kemi lakhi ye thowkha kümtsü kiqiphelu cheni, ikemu kütami khunomu pa no ameküapu akeu kiqiphelumlae, 16kughengu,
“Khuu no Ampeu kükümsü ithi kea?
eno khuu no Ampeu kichetsü kulupu kea?”#2:16 Isa 40:13
Ikemu ningu ye Khristo kükümsü pesü ache kemi ke.
Currently Selected:
1 Kor. 2: STB
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
1 Kor. 2
2
1Athiküzümi eno achelimiqo, kughou I no nongu lau ighi keno ni ye atsapikithi momu timi lokütsü lono Alhou’w tuqhou ghili pesü asheshu ighimoe. 2Kughengu I no nongu gholo ngo ake lono ni ye Jisü Khristo eno pa yeda pìthíve keu nguno alau ye kütau kumu mthave nikeu shi xathave ke. 3Ni ye miqemilei keu gholo shishe msà khokhoshi nongu lau ighike. 4I tsapi ngò I kükütsü ye alokütsü gholo zükulupu tsaqo pesü pimo ke, ikemu Aghungu küká shikipiye vechewo ke, 5tishi keu vechewo nongu küpülü ye timi lokütsü shou kumo no Alhou küká shou bepe peniye ke.
Aghungu no Alhou Lokütsü Pephe-piye
6Tishimu ningu ye alayemi gholo alokütsü tsa pi cheni, ikemu hipau tiqheli momu hipau tiqheliw ayekipemiqo lokütsü kumoe, panoqo lokütsü ye hauve niye akeu ke. 7Moe, ningu ye Alhou lokütsü pesü asheshu cheni ke, tiye Alhou’w tuqhou küsüpüa keu eno Alhou no azüu no ningu jekipipu ghenguno kimishì pe püakeu ke. 8Hipau tiqheli yekipemiqo lakhimu ti vethamla ke, kughengu panongu no vethalu ke aye panongu ye ajuküvü Mpeu yedapithive moni cheke. 9Ikemu ishi yèpüa ani:
“Anhethi no kiu ithumla aphi keno,
akìní no kiu chimla aphi keno,
timi mlo no kiu kümsüphe müla aphi keno”#2:9 Isa 64:4—
khunoqo no Alhou kimiye cheni keno
tipaqo ghenguno pa no thime hipaqo kutò pe qhipüani ke—
10hipaqo ye Alhou no pa Ghungu vechewo ningu lau pephe-piyevae.
Aghungu no thowkha kümtsü lheju cheni, tiye Alhou kukughu thonhei küsüpüa keu kutólo lheju cheni. 11Kughengu timi lakhi lolo aghungu akeu no kumo aye khuu no timi lakhi-khi kükümsüqo ithi cheni kea? Tipau paphi shi Alhou Ghungu likhi no thono khuu nomu Alhou kükümsüqo ithi amoe. 12Ningu no kiu ithuluvea keno tiye ayeghi hipau lo ghungu kumoe, ikemu Alhou lau no ighi keu Ghungu ke, tishi keu vechewo ningu pelo Alhou no kümsá no kiu ningu tsü keno tipau vethalu peniye ke. 13Ningu no piche keu ye hike, timi lokütsü no ningu shika keu tsaqo lono kumoe ikemu Aghungu no ningu shika keu tsaqo vechewo ke, eno Aghungu no shika keu tsaqo vechewo aghungu küxüw kuchouqo hepho-piye cheni. 14Aghungu Kimthe pighimo kemi ye Alhou Ghungu lau no ighi keu thimeqo ikhilu chemoe ikemu tipaqo ye nikhanigha kepi kümsü cheni, eno panongu ye tipaqo vethalu chemoe kughengu tipaqo ye Aghungu vechewo likhi no jupililu pe cheni ke. 15Aghungu Kimthe pighi kemi lakhi ye thowkha kümtsü kiqiphelu cheni, ikemu kütami khunomu pa no ameküapu akeu kiqiphelumlae, 16kughengu,
“Khuu no Ampeu kükümsü ithi kea?
eno khuu no Ampeu kichetsü kulupu kea?”#2:16 Isa 40:13
Ikemu ningu ye Khristo kükümsü pesü ache kemi ke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.