SAKALIA 8
8
Toe laga mo te tapuakina o Iselaele
1Nee toe fakaha leva te folafola a te Eteleno o te atu fua tau, o ui:
2E folafola te Eteleno o te atu fua tau, o ui: Kua au finenonofo ki Sione i he finenonofo lahi, pea kua au itaita lahi o tupu ko ia.
3Koia e folafola te Eteleno, o ui: Kua au toe liliu mai ki Sione, pea kua au loto ke au nofo i lotomalie o Selusalemi. E fakahigoa anai ia Selusalemi ko te kolo agatonu, pea e fakahigoa anai te mouga o te Eteleno o te atu fua tau ko te mouga maonioni.
4Koia e folafola te Eteleno o te atu fua tau, o ui: E toe felalai anai ni kau matua mo ni kau finematua i te u ala o Selusalemi mo anatou toko i onatou nima, o tupu ko te lahi o onatou tau. 5E fonu anai te u ala o te kolo i te u tamaliki mo te u taahine e gaoi.
6Koia e folafola te Eteleno o te atu fua tau, o ui: Kapau e mata fakaofolele te mea aia ki te toega o te hahai aena i te u aho aia, pe e mata fakaofolele ia ia kia au?
7Koia e folafola te Eteleno o te atu fua tau, o ui: Koeni, e au haofaki taku hahai mai te fenua o te hopoaga o te laa pea mo te fenua o te toaga o te laa. 8E au aumai anai natou, pea e natou nonofo anai i lotomalie o Selusalemi; e natou liliu anai ko taku hahai, pea e au liliu anai ko tonatou Atua i te mooni mo te faitotonu.
9Koia e folafola te Eteleno o te atu fua tau, o ui: Koutou fakamalohii okotou nima, koutou ae e logo i te aho nei ki te u folafola aeni mai te gutu o te u polofeta ae nee ha i te temi ae nee fakatafito ai te fale tapu o te Eteleno o te atu fua tau, i te temi ae nee kamata fakatuu ai te fale tapu. 10Koteuhi i mua o te temi aia, nee mole mau he fakapale o te gaue a te tagata, pea nee noa te totogi o te u manu; nee mole tokalelei kia natou ae nee ulu ki loto pea nee ulu ki fafo o te kolo, o tupu ko te fili, pea nee au tuku te tagata fuli ke natou fetauaki ia natou. 11E folafola te Eteleno o te atu fua tau, o ui: I te aho nei e mole au toe fai anai ki te toega o te hahai aeni o hage ko te temi kua hili. 12Koteuhi e mauli anai te u pulapula ae nee to, pea e fua anai te vite, pea e foaki anai e te kele ona fua, pea e tuku anai e te atu lagi tona hahau; e au fakafiafiai anai te loto o te toega o taku hahai aki te u mea fuli aena. 13Fale o Suta, fale o Iselaele, o hage ko takolua liliu ki te atu puleaga ko ni mea fakatupu malaia i mua atu, e toe feia anai taku haofaki kolua pea e kolua liliu anai ko he tapuakina. Aua naa kolua matataku, kae ke kolua fakamalohii okolua nima!
14Koteuhi e folafola te Eteleno o te atu fua tau, o ui: Nee au manatu ke tuku koutou ki te malaia, o tupu ko akoutou tamai ae nee natou fakatupu toku hauhau, pea ke aua naa au toe maliu mai taku manatu aia, 15kae i te aho nei, kua au fakakaukau ke au fai he mea lelei ki Selusalemi mo te fale o Suta. Aua naa koutou matataku! 16E folafola te Eteleno, o ui: Koeni te mea ae e tonu ke koutou fai: Koutou tahi fakaha te mooni ki tona oloi; koutou fakamaau o mulimuli ki te mooni, ke mau te tokalelei; 17aua naa mau e he tahi i tona loto he manatu kovi ki tona oloi, pea ke aua naa koutou fakamooni loi, koteuhi e au fakalialia ki te u mea fuli aena.
18Nee fakaha leva te folafola a te Eteleno o te atu fua tau kia au, o ui:
19E folafola te Eteleno o te atu fua tau, o ui: E liliu anai te sesunio o te fa mahina, mo te sesunio o te fitu mahina, pea mo te sesunio o te hogofulu mahina ki te fale o Suta ko ni aho lalahi mo ni aho fiafia, ko ni aho fonu i te fiafia mo ni fakafiafia. Kae ke koutou ofa ki te mooni mo te tokalelei.
20E folafola te Eteleno o te atu fua tau, o ui: E toe omai anai ni hahai kaugamalie mo ni ihi ae nee nonofo i ni kolo kehekehe. 21E olo anai ni hahai o he tahi kolo ki he tahi ake kolo, o ui: Tou olo o faikole ki te Eteleno pea mo kumi te Eteleno o te atu fua tau! E matou olo anai foki. 22Pea e omai anai ni hahai kaugamalie mo ni puleaga kaugamalie o kumi te Eteleno o te atu fua tau i Selusalemi mo faikole ki te Eteleno.
23Koia e folafola te Eteleno o te atu fua tau, o ui: I te u aho aia, e too anai e ni tagata e toko hogofulu mai te u lea kehekehe fuli o te atu puleaga he tagata Sutea e toko tahi i te tapatapa o tona kofu, o ui: E matou olo anai mo koe, koteuhi kua matou iloi e nofo te Atua mo koutou.
Currently Selected:
SAKALIA 8: WB2011
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SAKALIA 8
8
Toe laga mo te tapuakina o Iselaele
1Nee toe fakaha leva te folafola a te Eteleno o te atu fua tau, o ui:
2E folafola te Eteleno o te atu fua tau, o ui: Kua au finenonofo ki Sione i he finenonofo lahi, pea kua au itaita lahi o tupu ko ia.
3Koia e folafola te Eteleno, o ui: Kua au toe liliu mai ki Sione, pea kua au loto ke au nofo i lotomalie o Selusalemi. E fakahigoa anai ia Selusalemi ko te kolo agatonu, pea e fakahigoa anai te mouga o te Eteleno o te atu fua tau ko te mouga maonioni.
4Koia e folafola te Eteleno o te atu fua tau, o ui: E toe felalai anai ni kau matua mo ni kau finematua i te u ala o Selusalemi mo anatou toko i onatou nima, o tupu ko te lahi o onatou tau. 5E fonu anai te u ala o te kolo i te u tamaliki mo te u taahine e gaoi.
6Koia e folafola te Eteleno o te atu fua tau, o ui: Kapau e mata fakaofolele te mea aia ki te toega o te hahai aena i te u aho aia, pe e mata fakaofolele ia ia kia au?
7Koia e folafola te Eteleno o te atu fua tau, o ui: Koeni, e au haofaki taku hahai mai te fenua o te hopoaga o te laa pea mo te fenua o te toaga o te laa. 8E au aumai anai natou, pea e natou nonofo anai i lotomalie o Selusalemi; e natou liliu anai ko taku hahai, pea e au liliu anai ko tonatou Atua i te mooni mo te faitotonu.
9Koia e folafola te Eteleno o te atu fua tau, o ui: Koutou fakamalohii okotou nima, koutou ae e logo i te aho nei ki te u folafola aeni mai te gutu o te u polofeta ae nee ha i te temi ae nee fakatafito ai te fale tapu o te Eteleno o te atu fua tau, i te temi ae nee kamata fakatuu ai te fale tapu. 10Koteuhi i mua o te temi aia, nee mole mau he fakapale o te gaue a te tagata, pea nee noa te totogi o te u manu; nee mole tokalelei kia natou ae nee ulu ki loto pea nee ulu ki fafo o te kolo, o tupu ko te fili, pea nee au tuku te tagata fuli ke natou fetauaki ia natou. 11E folafola te Eteleno o te atu fua tau, o ui: I te aho nei e mole au toe fai anai ki te toega o te hahai aeni o hage ko te temi kua hili. 12Koteuhi e mauli anai te u pulapula ae nee to, pea e fua anai te vite, pea e foaki anai e te kele ona fua, pea e tuku anai e te atu lagi tona hahau; e au fakafiafiai anai te loto o te toega o taku hahai aki te u mea fuli aena. 13Fale o Suta, fale o Iselaele, o hage ko takolua liliu ki te atu puleaga ko ni mea fakatupu malaia i mua atu, e toe feia anai taku haofaki kolua pea e kolua liliu anai ko he tapuakina. Aua naa kolua matataku, kae ke kolua fakamalohii okolua nima!
14Koteuhi e folafola te Eteleno o te atu fua tau, o ui: Nee au manatu ke tuku koutou ki te malaia, o tupu ko akoutou tamai ae nee natou fakatupu toku hauhau, pea ke aua naa au toe maliu mai taku manatu aia, 15kae i te aho nei, kua au fakakaukau ke au fai he mea lelei ki Selusalemi mo te fale o Suta. Aua naa koutou matataku! 16E folafola te Eteleno, o ui: Koeni te mea ae e tonu ke koutou fai: Koutou tahi fakaha te mooni ki tona oloi; koutou fakamaau o mulimuli ki te mooni, ke mau te tokalelei; 17aua naa mau e he tahi i tona loto he manatu kovi ki tona oloi, pea ke aua naa koutou fakamooni loi, koteuhi e au fakalialia ki te u mea fuli aena.
18Nee fakaha leva te folafola a te Eteleno o te atu fua tau kia au, o ui:
19E folafola te Eteleno o te atu fua tau, o ui: E liliu anai te sesunio o te fa mahina, mo te sesunio o te fitu mahina, pea mo te sesunio o te hogofulu mahina ki te fale o Suta ko ni aho lalahi mo ni aho fiafia, ko ni aho fonu i te fiafia mo ni fakafiafia. Kae ke koutou ofa ki te mooni mo te tokalelei.
20E folafola te Eteleno o te atu fua tau, o ui: E toe omai anai ni hahai kaugamalie mo ni ihi ae nee nonofo i ni kolo kehekehe. 21E olo anai ni hahai o he tahi kolo ki he tahi ake kolo, o ui: Tou olo o faikole ki te Eteleno pea mo kumi te Eteleno o te atu fua tau! E matou olo anai foki. 22Pea e omai anai ni hahai kaugamalie mo ni puleaga kaugamalie o kumi te Eteleno o te atu fua tau i Selusalemi mo faikole ki te Eteleno.
23Koia e folafola te Eteleno o te atu fua tau, o ui: I te u aho aia, e too anai e ni tagata e toko hogofulu mai te u lea kehekehe fuli o te atu puleaga he tagata Sutea e toko tahi i te tapatapa o tona kofu, o ui: E matou olo anai mo koe, koteuhi kua matou iloi e nofo te Atua mo koutou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland